الحب الممنوع اقوى شعر , تركية تفاجئ الجمهور بجمالها
العشق ممنوع
لا يوجد عشق ممنوع
قطعا والذي شفنا
نزوه وفعل لا مشروع
يعلمنا درس على البشر لما يزل
ويستحلي الاثم ويفلسف الموضوع
(يقصد الشاعر مهند)
لا يوجد عشق ممنوع
وبعد ما يكلب الدنيا علراسه
يصحا نادم وموجوع
مر طعم الخيانه مر
مر ما تغسله ادموع
حب مو حب
الحب اسما الحب اغلا الحب موضوع
تدمرنا عواطفنه اذا ما صرنا احنه رقيب
حرامي البيت اخطر من حرامي غريب
شفنه الشر
مهما كر
امام اهل المبادئ فر
نعم شفنه البراءة
(يقصد الشاعر عدنان)
والصدق والطيب
وعفويه وبساطه
وكلب صافي عجيب
انخدع صدك بانه حبيب
ولكه الطيبه سذاجه
والتسامح عيب
والى جنبه حمامه تخفي مكر الذيب
(يقصد الشاعر سمر)
تخفي بعشها افعى سمها ماله طبيب
صبر شفنه وفاء وتضحيه
واسرار
وحب صامت
وحب ثرثار
ولعب بالنار
لعب بالنار
بشر قانع بشر طماع
وانانيه
وضماير تنشره وتنباع
انته الي خفيت السر
(يقصد الشاعر بشير)
وبيدك اصبح المفتاح
سكوتك على الحق يضر
تحت ايدك مصير ارواح
التردد مر
خلك حر
انطق ريح وارتاح
تحت ايدك مصير ارواح
البيوت اسرار
واذا انطق يشب البيت بالنيران
لا غلطان مو كل سر يستاهل يضل مكتوم
اثقل من جبل طوروس شايل على الفؤاد هموم
انطق كول
مو بيدي اكول السر
دراما داخل ادراما
نعم هذا هو الانسان
واسباب التعاسه الوان
اسباب السعاده الوان
ارجع للطفوله وحلل وعلل
ورجح كفت الميزان
الشر والخير توؤم داخل الانسان
وتكوين الطفوله البيئه العطف والحب
الدلال الفقر
صفات الاب صفات الام
الدوله المدرسه الاصحاب الجيران
وهذا اول درس بالحب
وعلي يتكون البنيان
وعلي يتاسس الانسان
وينتج الف نوع ونوع
دنيا الحب
عضيم الحب
ورده وبحضنها شموع
لا يوجد عشق ممنوع
