افضل مفارش كروشيه للعروس
مفرش السرير وشكله وخامته ونوعه من اهم الحاجات اللي بتفكر فيها كل عروسة.. وبتسال نفسها..
ايه هي الموضه السنه دي
مفرش السرير وشكله وخامته ونوعه من اهم الحاجات اللي بتفكر فيها كل عروسة..
وبتسال نفسها.. ايه هي الموضه السنه دي؟! ويا ترى الموديلات شكلها ايه؟!
وعلشان خاطر كل بنات قمر 14 اللي بيجهزوا او اللي اتجوزوا ونفسهم يجددوا مفارش بيتهم
جبنا لهم النهارده احلى مفارش للسرير..
مفرشك من شخصيتك
للمفارش الوان واشكال كتيره جدا فمثلا هنلاقي مفارش الوانها فاتحة، ومفارش تانيه الوانها غامقة، ومفارش
مشجرة، ومفارش سادة، وطبعا اختيار الشكل في النهايه بيرجع ليك ولشخصيتك فلو كانت شخصيتك بسيطه
وحالمه يبقى هتلاقي نفسك بتميلي اكتر الى الالوان الفاتحه والالوان المبهجة، اما لو كانت شخصيتك
جريئه هتلاقي نفسك بتميلي الى الالوان الغامقه والالوان المتداخله ذات الاشكال الغريبة.
مفارش ومواسم
طبعا كل البنات والستات عارفه ان للمفارش مناسبات ومواسم زيها زي اي حاجه تانيه بنشتريها
زي اللبس مثلا، وهنلاقي ان للمفرش ثلاث مناسبات او مواسم مهمه وهي…
1- مفرش ليله الدخلة
ويعتبر من اكثر المفارش اللي بتهتم بيها البنات وامهاتهم وحتى كمان حماتهم؛ لانه اهم عنصر
بيبرز اناقه وشياكه غرفه النوم وتفاصيلها، والمفرش ده تحديدا ليه اشكال كثيره ففي منه النوع
السوري والمطرز بخرج النجف، والمشغول بخيوط السيرما، وطبعا الاختيار في النهايه بيرجع لذوق العروسه وميزانيتها…
ومن المعروف ان مفارش السرير سعرها بيتراوح على حسب الخامات المصنوعه منها.
وخدي بالك من انك لما تشتري مفرش ليله الدخله لازم تختاري الالوان الفاتحه والزاهيه اللي
تليق بالليله دي، وحاولي انك تبعدي عن الالوان الغامقة.
2- المفرش الشتوي
وهو عاده بيكون قمه في الشياكة، ولكنه للاسف مظلوم في البيت المصري لان كتير من
الامهات والبنات لا تفضلنه ويفضلن عليه البطانيه واللحاف.. وفي حاجه عايزاك تاخدي بالك منها وهي
انك لو هتشتري مفرش شتوي وهتحتفظي بيه لمده طويله بدون استخدام يبقي ياريت انك تحطيه
في الشنطه المخصصه له وتشيليه في مكان جاف، ومن الافضل انك تخرجيه وتفرديه في الشمس
من فتره لاخرى حتى لا يدخل اليه الحشرات او الاتربة.
3- المفرش الصيفي
وهو متعدد الالوان والموديلات وتهتم باقتنائه الكثير من العرائس وده لجمال شكله واناقته، وخصوصا ان
المصممين وشركات التصنيع بيهتموا دائما بطرح الجديد منه في الاسواق.
