اغنية فاتت جنبنا كلمات
فاتت جنبنا
فاتت جنبنا انا و هو .
. وضحكت لنا انا و هو
وضحكت لنا انا و هو
رديت و كمان رديت .
.
وفضلت ارد لحد ما فاتت
ونسيت روحى و صحيت .
.
اتاريها خدت الشمس و غابت
وانشغلت و قبل ما يطول انشغالى .
.
رحت سائل روحى و احترت بسؤال
انا بافكر لية .
.
وبشغل روحى ليه
اعرف منين انها قاصدانى انا مش هو
اعرف منين ان الضحكة دى مش له هو
ولية انا .
.
لية مش هو
مرة اخرى برضة صدفة .
.
كنت انا و هو فطريقنا
شفنا خطوة روعة جاية .
.
وظل تالت بيسابقنا
التفت لقيتها هي .
.
حاجة مش معقوله هي
وابتديت اسمع بقلبي ..
لحن حب جديد علي
سمعت منها كام كلمة ..
ما قالتش منهم و لا كلمة
بس انا حسيت و لاول مرة .
.
باعيش و باحس
ولقيتنى بادوب فكلام الهمس .
.
اللى ما لوش حس
ضحكت تانى نفس الضحكة .
.
وراحت ما شية
زى الدنيا ما تيجى بلحظة .
.
وتمشي بثانية
بصيت لصاحبى لقيتة جنبى و ما هوش جنبي
عايز يقول كلمة اتقالت جوة بقلبي
كنت عاوز اسالة هو كمان .
.
حس بيها و انشغل هو كمان
ورجعت اقول كدة مش معقول
انا بافكر لية .
.
وبشغل روحى لية .
.
اعرف منين انها قاصدانى انا مش هو
واعرف منين ان الضحكة دى مش له هو و لية انا مش هو
روحت مش عارف ما لى .
.
ماعرفش اية الي جرىلي
فرحان عايز اضحك .
.
مهموم عايز ابكى .
.
لا دموعى طايلها و لا لاقى حد اشكي
حبيتها .
.
ايوة انا حبيتها مش قادر انسي ضحكتها
مش ممكن دى فرحة عمري .
.
والفرحة ما صدقت لقيتها
كان فين اليوم دا غايب عنى .
.
تسلم لى و تسلم ضحكتها
وبعد يومين ابتدي قلبي يصحي من الفرحة و صحاني
يسالنى امتي حنشوفها و انا اقوله نشوفها فين تاني
والليالي دوبتني ..
وشيلت فكرى و ظنوني
لما طيف الغيرة شفتة .
.
بيترسم قدام عيوني
ان لقيت صاحبى بيضحك .
.
اقول دى لازم قابلته
وان لمحت بعينية شكوي .
.
اقول دى لازم خاصمته
ما لقيتش طريق قدامي .
.
يرحمنى من العذاب
غير انني ادور و اسال و اعرف منها الجواب
وعرفت طريقها عرفتة .
.
وشقيت على بال ما عرفتة و بعتت كلمتين
مش اكتر من سطرين .
.
قلت لها ريحينى قولى لى انا فين
وجانى الرد جانى و لقيتها بتستنانى .
.
وقالت لى انا من الاول
بضحك لك يا اسمرانى .
.
انا انا ايوة انا مش هو
- فاتت جنبنا كلمات
- كلمات اغنية فاتت جنبنا