اغنيه فاتت جنبنا كلمات
فاتت جنبنا
فاتت جنبنا انا وهو .. وضحكت لنا انا وهو
وضحكت لنا انا وهو
رديت وكمان رديت .. وفضلت ارد لحد ما فاتت
ونسيت روحي وصحيت .. اتاريها خدت الشمس وغابت
وانشغلت وقبل ما يطول انشغالي .. رحت سائل روحي واحترت ف سؤال
انا بافكر ليه .. وبشغل روحي ليه
اعرف منين انها قاصداني انا مش هو
اعرف منين ان الضحكه دي مش له هو
وليه انا .. ليه مش هو
مره ثانيه برضه صدفه .. كنت انا وهو في طريقنا
شفنا خطوه حلوه جايه .. وظل تالت بيسابقنا
التفت لقيتها هي .. حاجه مش معقوله هي
وابتديت اسمع ف قلبي .. لحن حب جديد علي
سمعت منها كام كلمة .. ما قالتش منهم ولا كلمة
بس انا حسيت ولاول مره .. باعيش وباحس
ولقيتني بادوب في كلام الهمس .. اللي مالوش حس
ضحكت تاني نفس الضحكه .. وراحت ماشية
زي الدنيا ما تيجي ف لحظه .. وتمشي ف ثانية
بصيت لصاحبي لقيته جنبي وماهوش جنبي
عايز يقول كلمه اتقالت جوه ف قلبي
كنت عاوز اساله هو كمان .. حس بيها وانشغل هو كمان
ورجعت اقول كده مش معقول
انا بافكر ليه .. وبشغل روحي ليه .. اعرف منين انها قاصداني انا مش هو
واعرف منين ان الضحكه دي مش له هو وليه انا مش هو
روحت مش عارف مالي .. ماعرفش ايه اللي جرىلي
فرحان عايز اضحك .. مهموم عايز ابكي .. لا دموعي طايلها ولا لاقي حد اشكي
حبيتها .. ايوه انا حبيتها مش قادر انسى ضحكتها
مش يمكن دي فرحه عمري .. والفرحه ما صدقت لقيتها
كان فين اليوم دا غايب عني .. تسلم لي وتسلم ضحكتها
وبعد يومين ابتدى قلبي يصحى من الفرحه وصحاني
يسالني امتى حنشوفها وانا اقوله نشوفها فين تاني
والليالي دوبتني .. وشيلت فكري وظنوني
لما طيف الغيره شفته .. بيترسم قدام عيوني
ان لقيت صاحبي بيضحك .. اقول دي لازم قابلته
وان لمحت ف عينيه شكوى .. اقول دي لازم خاصمته
ما لقيتش طريق قدامي .. يرحمني من العذاب
غير اني ادور واسال واعرف منها الجواب
وعرفت طريقها عرفته .. وشقيت على بال ما عرفته وبعتت كلمتين
مش اكتر من سطرين .. قلت لها ريحيني قولي لي انا فين
وجاني الرد جاني ولقيتها بتستناني .. وقالت لي انا من الاول
بضحك لك يا اسمراني .. انا انا ايوه انا مش هو
