اغاني مصريه شعبيه مكتوبه
النهارده جايبالكم كده حاجه من التراث الشعبي كتير مننا بيحبها
اكيد كلنا عارفين اتدحرج واجري يارمان .. واه ياواد ياولعه
وناس كتير لسه بتغنيها في الافراح لحد النهارده
انا عملتلكم تجميعه صغيره كده يارب تعجبكم
وياريت لو الموضوع عجبكم فعلا اشوف احلى تقييم واحلى ردود
يلا بينا نبدا
وسع ياجدع .. احلى كلمات اغاني تراث شعبي عندي هنا وبس
وسع ياجدع .. احلى كلمات اغاني تراث شعبي عندي هنا وبس
ادلع يا عريس يا بو لاسه نايلون
ادلع يا عريس وعروستك نايلون
عند بيت ام فاروق
هاي هاي
والشجره طرحت برقوق
هاي هاي
واللي بحبه جدع مرزوق
وبلاسه لاسه نايلون
عند بيت ام حنان
والشجره طرحت رمان
واللي بحبه جدع عجبان
واللاسه لاسه نايلون
واللاسه لاسه نايلون
عند بيت ام صلاح
والشجره طرحت تفاح
واللي بحبه جاني وراح
وسع ياجدع .. احلى كلمات اغاني تراث شعبي عندي هنا وبس
ياللى ع الترعه حود ع المالح
وشوف الحلوه اللي عودها سارح
رجلى بتوجعنى … من ايه ؟
رجلي بتوجعني من مشى امبارح
ياللى ع الترعه حود ع المالح
ايدى بتوجعنى … من ايه ؟
ايدي بتوجعني من غسيل امبارح
ياللى ع الترعه حود ع المالح
راسى بتوجعنى … من ايه ؟
راسي بتوجعني من لف امبارح
ياللى ع الترعه حود ع المالح
شعري بيوجعني … من ايه؟
شعري بيوجعني من شد امبارح
يااللي ع الترعه حود ع المالح
وسطي بيوجعني … من ايه ؟
وسطي بيوجعني من رقص امبارح
يااللي ع الترعه حود ع المالح
يا حلاوتك يا ستفندى يا بن عم البرتقان يا حلاوتك وانت طارح فى الجنينه في
الاوان
عروستنا ف بيت ابوها اربعه بيزوقوها
وعريسنا يقول هاتوها دى وحشانى من زمان
يا حلاوتك يا ستفندى يا بن عم البرتقان
يا حلاوتك وانت طارح فى الجنينه في الاوان
عريسنا ف بيت ابوه اربعه بيلبسوه
وعروستنا تقول هاتوه دا وحشنى من زمان
يا حلاوتك يا ستفندى يا بن عم البرتقان
يا حلاوتك وانت طارح فى الجنينه في الاوان
وسع ياجدع .. احلى كلمات اغاني تراث شعبي عندي هنا وبس
خدناها خدناها … خدناها خدناها
قولوا لابوها يتعشي
خدناها من ع الفرشة
صبوا لابوها يغسل ايديه
خدناها وضحكنا عليه
خدناها خدناها
خدناها بالسيف الماضي
وابوها مكنش راضي
وعلشانها بعنا الاراضي
الحلوه اللي كسبناها
خدناها بالملايين
واهلها ما كانوش راضيين
وعلشانها بعنا الفدادين
الحلوه اللي كسبناها
خدناها خدناها
خدناها بالسيف والقوة
وابوها راجل فتوة
وعلشانها بعنا الاراضي
الحلوه اللي كسبناه
وسع ياجدع .. احلى كلمات اغاني تراث شعبي عندي هنا وبس
افرحي يادي الاوضة
جياكي عروسه موضة
افرحي يادي المندرة
جياكي عروسه سكرة
افرحي يادي القاعة
جياكي عروسه الساعة
فين دولاب العروسه
فرجونى عليه
واللى خطب العروسه
الله ينور عليه
فين دولاب العريس
فرجونى عليه
واللى خطب العروسه
الله ينور عليه
رشوا الشارع ميه
العروسه جايه
رشوا الشارع ميه
بت العمده جايه
رشوا الشارع كركاديه
دي بت عمده و بت بيه
رشوا الشارع كولا
العروسه منقوله
ايوه يا حاره ضالمة
احنا اللى نورنا
ايوه يا حاره هس هس
احنا اللى عمالنلكم حس
وسع ياجدع .. احلى كلمات اغاني تراث شعبي عندي هنا وبس
بس الولا يجي
بس الولا يجي
يجي ع المحطه .. يجي
وادبح له بطه .. يجي
بس الولا يجي
يجي ع الرياح .. يجي
وادبح له فراخ .. يجي
بس الولا يجي
يجي عند دارنا .. يجي
وادبح له حمامنا .. يجي
بس الولا يجي
يجي ع التسريحه .. يجي
واحط الريحه .. يجي
بس الولا يجي
يجي عند بيتنا .. يجي
وادبح بطتنا .. يجي
بس الولا يجي
ييجى مايجيش .. يجي .. ما يهمنيش .. يجى
وسع ياجدع .. احلى كلمات اغاني تراث شعبي عندي هنا وبس
الحارس الله والصلاه على النبي
عروسه حلوه وعريسها والنبي
صلوا ع النبي صلوا ع النبي
لا تقوللي بوسي ولا نورا
صلوا ع النبي صلوا ع النبي
عروستنا هي الاموره
صلوا ع النبي صلوا ع النبي
لا تقوللي كاني ولا ماني
صلوا ع النبي صلوا ع النبي
عروستنا حلوه وعجباني
صلوا ع النبي صلوا ع النبي
وسع ياجدع .. احلى كلمات اغاني تراث شعبي عندي هنا وبس
اهو جالك يا بت
ريح بالك يا بت
اهو جالك من بعيد
جايبلك فستان جديد
اهو جالك يا بت
ريح بالك يا بت
اعملى له حله محشى
يسقط فيها ما يطلعشى
اهو جالك يا بت
ريح بالك يا بت
وسع ياجدع .. احلى كلمات اغاني تراث شعبي عندي هنا وبس
والله لاغنيلك يا عريس يا غالي
والله لاغنيلك واسهر ليالي
لاغديك بوزه واعشيك بوزة
وحياه رب العزة
انت عندي غالي
والله لاغنيلك يا عريس يا غالي
والله لاغنيلك واسهر ليالي
لاغديك بدبيحه واعشيك بدبيحة
عروستك مليحة
وانت عندى غالى
والله لاغنيلك يا عريس يا غالي
والله لاغنيلك واسهر ليالي
يا عريس لاغنى لك
يا عايق من دول جيلك
والله لاغنيلك يا عريس يا غالي
والله لاغنيلك واسهر الليالي
لا اعشيك بوزه و اغديك بوزة
وحياه المعزة
دا انت عندى غالى
يا عريس يا غالى
