اشعار و كلام على الام
يواسينى و انا الميت و حالى يجبر الدمعات
تسيل من الذي فينى و يبكى و هو يواسيني
وانا ابكى و اتنهد و ارسم بالحزن لوحات
يجبرونى عشان امشي و رجلي ما تمشيني
قتلت رعايتى بيدى قتلت الحب و الرحمات
حرمت النفس من حقها و انا ابكيها و تبكيني
وكنة حلم قدامي يقيدنى من الصرخات
ابي اصحي و لكنى عجزت القي ال يصحيني
فداك القلب يايمة و مهما قلت من كلمات
صغيرة فكبر حقك بس اتمني تعذريني
نهبت الفرح من بيتي صحيح انني خسيس الذات
صحيح انني ولد طايش و جميع ما اسمعة فيني
تجول عيونهم فينى تفصل منى قياسات
وتشيح و جوههم عنى و كنى غيرت اسلامي
يظنوا حزنهم اكبر و هم اصحاب هالماساة
وانا اتحدي اذا فيهم ربع ما يحترق فيني
نقص قدرى بعد موتك و غابت نشوة اللذات
وصار الهم عكازى اباكية و يباكيني
عطيتينى بدون حساب و لا سمعتك تقولى هات
وانا اشرب حيل من دمك و دمك ما يكفيني
يايمة ارجعى كافى ابجلس معك لو لحظات
واقبل ايدك و رجلك و افرش لك رمش عيني
يايمة ما تحملهم يقولوا فات ما ربما ما ت
تعالى غيرى هالقول و اطيعك باقى سنيني
واترك عادة التدخين و انفذ ما تبى بسكات
واصلي الفجر فالمسجد قبل منتى تصحيني
يايمة ارجعى تكفين و طفى شمعة الاهات
ابيك انتي و لا غيرك على موتك تعزيني
وضمينى و داوينى كما كانت الهقوات
ما ابي احدن يواسينى ابيك انتي تواسيني
دخيلك بس لا تبكي اذا شفتي بى الدمعات
انا مقوي ابكيك اذا انتي تبكينى .
.
- اجمل صور واشعر علي اﻷم
