اجمل كلمات قصيدة تهزيء , شعر هجاء قوي
انا اكلمك( لكن ) ما احبك
وكلمه عشق في عيني ذميمة
ابيعك واشتري غيرك واردك
ضروره سوق ما تبغى حشيمة
تدلل عند من هام بترابك
واشك انك بتلقى من يهيمه
ولكن عندي الزم حد عمرك
ترى مثلك سواته مثل غيمة
شبهك ابها مرورك لا يغرك
ابد مافيك للعطشان ( ديمه )
ومن باب الوفا بشرحك اكثر
تعرفين ( البقالات ) القديمة
يمرك ناس نظرتهم غبية
وبابك فاتحن بايات قيمة
وباخرها تبيني مثل غيري
اذل الراس واقبل بالهزيمة
اتابع خطوتك وامشي بظلك
واقول انتي عجيبه مو لئيمه
لا والله ما حزرتي مثل ما انتي
تنرجستي ونظراتك عديمة
انا مثلك ليا شفته اقفي
واذا بنظر ترى النظره كريمة
ولو بعيش وارضى بالمذله
رضيت بظلم غيرك يا فهيمه
قبل ما اكسب خياراتي واسمي
على الخذلان واعده جريمه
مهو من باب تكبير المزايا
ولكن واقعي فكره سليمة
اخيرا ضاعفي من حجم ذاتك
عشان افرح ليا شفتك حشيمه
