اجمل ابيات شعر نبطي تويتر
حبيت اشاركم باروع ماسمعت من الشعر النبطي….عساها ترضي ذائقتكم الشعريه…..مثل ما ارضتني جدا….رغم ذوقي الانتقائي
بالشعر…..
ياالظما ..ماوردتك عن قناعه …
وانت مالك امان .. ولاشريعه…
مااكذب من السراب الا اتباعه …
ولا اصعب من الفراق الا ..القطيعه…
مامضى منك ياصعب .. انتزاعه …
من جروح تموت .. ولاتذيعه…
بين رغبه حضورك .. وامتناعه ..
جيت اجامل “غيابك” في صنيعه !!!!…
وشاعرك .. لا تناسى ..ياضياعه …
كن طيفك – محرم – مايطيعه….
الشاعر خميس الاسلمي
مري شمال ان كان ودك تمرين ….
مري على قبري وشوفي محله …
وان كان ودك فوق قبري تصلين ….
ليا سجدتي فلي الراس كله …
اشم ريحه مثل ورد البساتين …
وجسم كلاه الدود وصلك يبله ….
وعند الوداع اكتبي على القبر حرفين ….
مرحوم يا الي صاحبه ما حصل له …..
تعال لملمني من اقصاي لا هنت …
واجمع شتاتي في اليدين العرايا ….
شف حالتي من جمره الشوق ما نمت …
ارقب صباحاتك تزف الهدايا ….
وتكشف اوراقك وتخرج عن الصمت …
وتشوف حبي من جميع الزوايا ….
للمبدع عبدالله الطفيلي
صاحبي لادارت الايام واضناك الفراق …
واستباحك كل جرح وصار لك مثل الخوي…
اذكر اللي من فراقك ضاق صدره واستضاق …
حالته تشكى وصدره من همومه مرتوي ….
كنه المسجون ظلم وحط بيديه الوثاق …
وصار مجرم في عيون الناس لوانه سوي ….
وانت يانبض الخفوق ومنهله عذب المذاق ….
لاتزود ضيقه اللي من زمانه منكوي ….
محمد القثامي
ياوجودي وجد عود لاعيال ولاقرابه …
ماقداه الا يون ويردف الونه بونه ….
لالقا فزعه رفيق ولادعاه مستجابه …
كل ماامساله بظن خيبت الايام ظنه …
سلطان بن وسام
اربع تبحث بسدك كل خافي ….
تجتمع وتكمل نصاب المزكي …
الرفيق السو والخل المجافي …
والزمان الصلف والحظ المتكي …
تدري وش اللي يصدم الرجال في بعض اخوياه ….
وجودهم في النايبات الملزمه مثل عدمه …
وتدري وش اللي يقهر الرجال ويبين خفاه …
الا بغى المحزم ولا عين ذخاير محزمه …
من غير ربع ينقلون الحمل جعل امحق حياه …
امحق حياه توجع الرجال غصب وتلزمه …
لو كل غالي يجي دايم على ذكره …
ماصرت اشوفك هناك ، وحبك هنيا …
ياليتني لا بغيت اكره قدرت اكره ….
ماكان قلبي ليا جيت اكرهك عيا …
معجزه الشعر”متعب التركي”
الا ياوجودي وجد من شاف مايكره …
من اعز من يمشي على الارض في باله…
عطاه الحقوق مكمله وامن مكره …
وجحد ماعطاه وصد واقفا على ماله …
وياتل قلبي تل حبل على مكره …
قطعه المدا وانتل من فوق محاله …
ويازوع قلبي زوعه الطير من وكره …
صفق بالجناح وعارض الجول واشفاله …
ويالجتي لجه ثلاث على بكره …
عن انضارهن صدوا بها وقت لبهاله ..
على الصاحب اللي ماخذ من الغلا شكره ..
وعلى عرش قلبي بين الاضلاع منزاله ..
له الروح من بد المخاليق محتكره ..
لهم حب في قلبي وهو حبه لحاله …
لياقلت ابي منك الوفاء قال لي بكره …
وقفا الزمان وراح والحاله الحاله …
عقول العرب في واقع الحب مدكره …
وراعي الهوى كنه لياصد يوما له …
هل الحب في دنيا المحبين في سكره ….
ولاينس جروح الهوى غير عقاله …
عسى لايمي تخلف صروف الدهر فكره …
تجمع عليه هموم وقته وهو داله …
محمد بن عباد
للصبر حد .. ووحشتك مالها حدود
ياللي غلاك اصبح مع الوقت عاده
اشتاق لك مع سايق النفح والنود
واوله عليك اكثر .. واحبك زياده
للشاعر / سعود المطيري
كثر ماجيت يمك مهتوي وارتجيك
كثر ما لمت نفسي يوم تنشد رجاك
ياعسى اللي بلاني بالهوى يبتليك
يمكن تحس في قلب .. يهمه رضاك
للشاعر / سعود المطيري
لاتعتذر منت بعلى الصد معذور
وش عاد لو كثرت علي المعاذير
تعبت اسايرها وهديك وتثور
واسووق رجلي في سراب المشاوير
ياصاحبي .. ماني على الصبر مجبور
ولولاك تسوى .. مارقيت المحاذير
يوم الغلا .. جاله على القلب منثور
سقت الثمين ولاحسبت المخاسير
للشاعر / سعود المطيري
بيض الله وجه الايام سوتبي جميل
وارحم الله مابقا منك يالقلب الندي
مانفعني جود يمناي في راس البخيل
ليتني قبل افعل الطيب مقطوعه يدي
والله اني ماتحريت للوقفه حصيل
بدوي لانخيته من اقصاه يعدي
للشاعر / سعود المطيري
وش يذبح الرجل غير الخوف والحاجه …
لا صار في موقفن محرج ومحتاجي …
حتى زمانه عقد له طارف حجاجه …
لو يعتدل يوم باق العام منعاجي …
لاشب ناره هواه يطفي سراجه …
وليا لقا درب مايفرح بمخراجي …
“مضحي السميري”
الرجل
صدره قفل مفتاحه الهرج ..
ينبيك عن غامض سجاياه هرجه ..
مانيب ” دواج الهوى ” نافض الخرج ..
اللي بدربه للهوى قل خرجه …
الوقت ياللي تحسبه../ مايل السرج …
لابد مايطرحك لامال سرجه …
وترى الهوان انك تحول من البرج …
والكايد ان الطيب ترقا لبرجه…
“عبدالعزيز السبيل”
نبقى على مر الليالي عزيزين …
نهج عزيز وعزه النفس منا …
ياسيره للطيب نبقى وتبقين …
من جدنا الاول لياخر زمنا …
“عبدالله الهديريس”
عزالله ان الطيب كايد ومفقود …
ولاعاد يلقى له مع الناس شاري …
اقفت مراكب كاسب الطيب والجود…
والبيت دافنته هبوب الذواري…
“رشيد منور”
حي يوريك المذله وتغليه …
انا اشهد انك ميت القلب عامي …
من لا يودك لا توده وترجيه …
ارفع مقامك يا عزيز المقامي …
