ابيات شعرية حزينة جدا 2020 , ذكريات في القلب لا تنسى
1) الصمت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشا ريه
و العين ماعاد تغريها الاماني
ياليت حزني مجرد دمع وابكيه
ماهوب عايش معي بين المحاني
ماهوب يظهر علي واحاول اخفيه
و تصير نظرات حزني هي لساني
مدري ذكرني زمان كنت ناسيه
مدري ذكرت الزمان الي نساني
2) سهيت لحظه وقمت ابحث بجوالي
اقرا الرسايل وامسح مابقى منها
لقيت ذكرى رساله والرقم غالي
مكتوب فيها اذا انا مت فامسحها
فكرت فيك ولقيتك عايش وسالي
وماظن ياصاحبي في يوم تذكرها
الموت عندي يساوي غيابك الحالي
والحين بستئذنك يازين وامسحها
3) قالوا: غريب وقلت:وين الغرابه؟
مادام هذا المجتمع كله اغراب
4) سافر وخل احزان عمري تخاويك..
يمكن معك تلقى حلول لضياعي..
حاولت اشوه صورتك..يوم اخليك..
لقيتك اصدق من بكى في وداعي..!!
5) قلت : اصبري ، قالت : انا اقولك زين ؟
قلت : اتمنى ماتكوني بخيله
ضمت يديني .. قلت: توك تحنين
قالت يدينك بس ؟ هذي قليله
يوم احضنتني دمعت ، قلت : تبكين
قالت : اظن الدمع (اصدق وسيله)
ردت ، وقالت : وش عذاب المحبين
قلت : الغياب ! وفي عيونك دليله
6) الغنى والفقر حاجه بيد رب العالمين..
مؤمن بهذي العباره.. بس ما انتي مؤمنه
ادري ان المال لبى كل شي ترغبين..
الا انا واحد من الرغبات غير الممكنه
7) لو كبر ذنبك ترى قلبي كبير
واعترافك بالخطا يغفر خطاك
8) هم يحسبون المساله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسالك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش الي بس يقطع تواصلك؟
الموت بس الموت يقطع وصالك؟؟
