7:23 صباحًا الخميس 21 مارس، 2019






مسكات للعروسة قبل الفرح

مسكات للعروسه قبل الفرح

بالصور مسكات للعروسة قبل الفرح 2e7c45308d575cbcdd3e044456852bd1

احنا طبعا دلوقتي يا بنات كل واحده بتهتم بنفسها بطريفتها يعني اللي بيعمل ما سكات و اللي بيعمل حمام مغربي و هكذا في اوقات مختلفه …

طيب قبل الزواج باسبوع تقريبا بيبقي فيه اساسيات بتتعمل لكل عروسه بس اوقات بنلخبط ايه اللي يتعمل وايه اللي مش مهم دلوقتي خصوصا ان الاسبوع اللي قبل الفرح بيبقي عندك مليون حاجه من فرش و تجهيزات و الفستان عشان كدا ياقمرات عايزين نبقي عارفين من دلوقتي حنعمل ايه في الاسبوع ده عشان نعرف نهتم بنفسنا من غير تقصير و في نفس الوقت نشوف التجهيزات و الفستان و كل حاجه من غير ما ننسي اهتمامنا بنفسنا

بالصور مسكات للعروسة قبل الفرح 20160703 1689

طيب تعالوا الاول نقول هو المفروض يتعمل في الاسبوع ده و بعد كدا نرتبه بالموقت المناسب
::: السويت
::: حمام مغربى
::: ما سكات للبشرة
::: بديكير
::: حمام بخار للوجه
::: نعومه الجسم
::: ما سكات للشعر

دول يا بنات الاساسي اللي بيتعمل قبل الفرح و ليه قولنا اسبوع عشان النتيجه تبقي و اضحه ان شاء الله يوم الفرح
نتكلم بقي على الترتيب
خلينا نتفقين ان اليوم اللي قبل الفرح مفروض نكون خلصنا كل حاجه مطلوبه مننا سواء في التجهيز او في الاهتمام بنفسنا .. عشان مفروض اليوم ده اما انتي حتعملي حفله لاصحابك زي ما بنسميها ” حفله حناء ” او لو مش عملتي مفروض بتنامي و تريحي او تقعدي مع اهلك

من بدايه الاسبوع اللي قبل الفرح حنبتدي بصنفره بسيطه للجسم و للوجه عشان لما نحط اي ما سكات نستفاد بالنتيجه و ابسط صنفره او سكراب زي ما قولت في اول الموضوع

بالصور مسكات للعروسة قبل الفرح 20160703 1690
ملح ليمون
ارز مطحون جلسرين ماء و رد حليب
الطريقه سهله انك تغسلي جسمك بمياه و تبدي تحطي السكراب و تفركي كويس و بعد تغسلي جسمك كويس و تحطي زيت لوز مر او لوشن كريمي بيرطب

خلصتي سكراب تعالى بقي نعمل ما سك للوجه مش حاقولك تعملي ما سك ايه انتي اختاري اللي بتحبيه و جربتيه بلاش يا بنات نجرب حاجه جديده في الوقت ده عشان لاقدر الله ميحصلش مفاجات احنا مش عاملين حسابها او يكون ما سك مش مناسب يعمل مشاكل ..

عملتي ما سك للوجه و نفس الماسك يكون الرقبه و تحطي على جسمك زي ما قولنا زيت لوز مر اشمعني زيت اللوز ؟
اولا انه مغذي جامد للبشره كمان بيدي نعومه جامده للجسم و كمان هو طبيعي يعني تغذيه و نعومه طبيعية

وده كان اول يوم في الاسبوع:::: ” سكراب للجسم و الوجه ما سك للوجه و الجسم ”

تاني يوم:::: اعملي ما سك لشعرك و بردو حاقولك اختاري الحاجه اللي جربتيها و عملت معاكي نتيجه حلوه بلاش تقولي صاحبتي قالتلي ان طريقه كذا حلوه اجربها .. مش وقت تجارب خليكي في المضمون و بردو خلي كل حاجه في اسبوع ده طبييعيه عشان بشرتنا تستفاد

ثالت يوم ::: حتعملي بديكير لرجلك وايدك و انتي في البيت حتقولي مبعرفش حاقولك مش مطلوب منك باديكير بشكل موسع لان باديكير حتعمليه عند كوافير بس اللي مطلوب منك انك حتحطي رجلك في مياه دافيه فيها شويه ملح . الملح طبعا بيطري جدا الجلد و تسبى رجلك لمده ربع ساعه في المياه و في نفس الوقت تحطي ايدك في مياه دافيه فيها زيت لافندر او كاموميل عشان بيطري جدا الايد بعد كدا تنسفيهم كويس جدا و تجيبي حجر الرجل الاسود و اعملي رجلك بيه و حطي بعد كدا على ايدك و رجلك كريم مناسب مرطب و البسي شراب لرجلك حتى لو كنا في الصيف عشان الرجل تستفاد

رابع يوم :::حتعملي حمام مغربي .. طبعا الحمام المغربي لازم يكون قبل السويت ليه ؟اولا عشان تفتحي كل المسام و تشيلي كل خلايا ميته فلما تيجي تعملي سويت ميظهرش شعر تحت الجلد لانك خلاص فتحتي المسام .. كمان انتي بعد السويت الجسم مش حيستحمل حمام مغربي الجلد حيبقي تعب هعشان كدا بنخليه قبل السويت بيوم عشان الجلد يرتاح

بالصور مسكات للعروسة قبل الفرح 20160703 1691

طبعا فيه بنات بتقول انا بروح اعمل حمام مغربي في بيوتي سنتر او عند كوافير .. تسمحولي اقول رايي الشخصي بصوا يا بنات انا مش بحب ابدا ان حد يشوف جسمك و عورتك خاصه اذا كان موضوع تقدري تعمليه خاصه انك بتروحي مكتان غريب حد يعملك طيب انتي اتعلمي تعمليه لنفسك و الطريقه معروفه ..
وابسط طريقه تعمليها انك تفتحي السخان و تخلي الحمام كله بخار و تغسلي جسمك بمياه دافيه و تحطي على جسمك صابونه مغربيه و ديه موجوده عند اي عطار يكون مضمون لو مش عندك صابونه مغربيه مفيش مشكله هاتي صابونه ديرماكير اللي بطين البحر الميت مش عندك مفيش مشكله هاتي صابونه نابلسي او الغار يعني اي صابونه طبيعيه مش دوف و لوكس و تسبيها على جسمك 5 او 10 دقايق المهم جسمك يتشربها بعدها اعسلي جسمك تاني بمباه دافيه و اشطفيه كويس و تكون وقتها حاطه ليفه مغربيه اللي بيتبقي شبه الجوانتي في طبق بيه مياه سخنه عشان متبقاش ناشفه عليكي و تبداي بقي تفركي بيها كل جسمك من اول الرقبه لغايه صوابع رجلك حتلاقي بلاوي بتطلع على شكل خيوط اعملي لغايه ما تخلصي و اغسلي جسمك كويس و نشفي و حطي بردو اي لوشن مرطب او زيت لوز او حتى بيبي جونسون عشان ترطبي الجسم و ده ضروروى

خامس يوم “” السويت ياقمرات بصي حبيابي لو انتي متعوده تعملي ببروان او موس او كريم اي حاجه الغيها اليوم ده و اعملي بسويت اولا حتنظف بشكل افضل من اي حاجه و تخلصك من اي جلد ميت و الاهم انك حتفضلي مده اطول اشعر مش بيظهر عشان كدا لو انتي مش متعوده تعملي اصلا سويت ياريت ابداي من دلوقتي عشان جسمك يتعود و مش تيجي يومها يطلع حبوب و التهابات بالنسبه بقي للسويت انتي بتعمليها قبل الفرح بيومين عشان جلدك يرتاح خلال اليومين ..السويت لو انتي بتعرفي تعملي لنفسك حلو اوي لو لا حتخلي حد يعملك يكون انتي عارفه كويس و يياريت تبقي اختك او ما متك او حتى صاحبتك مقربه حلصتي سويت تحطي حبيبي زيت زيتون بجد بيقلل اشعر و عن تجربه و بيدي لمعه للجسم و يطريه لو مش بيناسبك حطي نبات السعد تمام ؟؟

بالصور مسكات للعروسة قبل الفرح 20160703 1692

كدا خلصنا من اهم حاجات مطلوبه مننا نيجي بقي اليوم السادس
ده حتروحي فيه للكوافيره تعملي حمام بخار للوجه و تعملك ما سك للبشره و تعملك باديكير و تعملي شعرك هناك سواء استشوار او بيبي ليس
يبقي انتي كدا يوم السابع خلاص بقيتي زي القمر جسم نظيف و مفيش شعر ايدك و رجلك ناعمين و شعرك مستشور بشرتك مرتاحة

طيب فيه بنات بتسال هو انا مفروض اعمل سويت قبل الفرح بمده اد ايه عشان يلحق يطلع تاني ؟

بصوا ياقمرات انتي شوفي من دلوقتي اشعر عندك بيطلع كل اد ايه يعني مثلا لو الشعر بيطلع كل شهر يبقي انتي قبل الفرح بتاعك بشهر متعمليش سويت عشان يوم الفرح لما تيجي تعملي يبقي الشعر مش صغير و مش يتعبك في ازالته …

بالنسبه منطقه حساسه تجنبا للحبوب و الحكه استخدمي مرهم مضاد حيوي للحبوب زي فيوسيدين عشان يمنع طلوع الحبوب

بالسنه للوجه شوفي من دلوقتي طريقه منسابه ليكي و اعمليها و شوفي انتي بيطلعك بعدها اي حبوب وان بشرتك بيتبقي محتاجه اد ايه عشان ترتاح بعد ما تشيلي شعر الوجه

كل ده حيريحك في الاسيوع اللي قبل الفرح لانك مش حتتفاجي بمشاكل في بشرتك لانك عارفه من الاول ايه المفيد ليكي وايه المضر عشان كدا رلازم تكوني مجربه كل حاجه من قبلها .. ختي نوع السويت بلاش يومها لو انتي متعوده على نوع معين انك تغيره بنوع تانى

بردو بالنسه للاسنان .. حاولي دايما كل يومين في الاسبوع و ده سواء قبل الفرح او بعد الفرح انك تعملي وصفه السريعه ديه عشان تبيضي اسنانك
احطي عسل نحل شويه صغيره على فرشاه الاسنان و حطي عليها معجونك اللي بتستخدميه و اغسلي اسنانك عادي بتبيض الاسنان و تنظفها و تدي ريحه حلوه للفم

ممكن لو فيه جير كتير على اسنانك تروحي قبل فرجك باسبوعين و تعملي تنظيف الاسنان و ازاله الجير

بالصور مسكات للعروسة قبل الفرح 20160703 188

    ماسكات للوجه قبل الفرح

    مسكات للعروسة قبل الفرح باسبوع

780 views

مسكات للعروسة قبل الفرح