مجموعة روايات تحفة فنية

مجموعة روايات تحفة فنية

صوره مجموعة روايات تحفة فنية

الجُزء الاول

اليَوم طاف علي موت امي عفراءَ الله يرحمها اسبوع ….
هي صدق كَانت مشلولة ولا تتحرك مِن سريرها بس والله كَانت مسويه للبيت حِس …
والاهم أنها كَانت كُل اهلي وبعد موتها حِسيت صدق اني تيتمت …
يمكن أنا أكثر وحده حِسيت بفراقها والايام الجايه بيزيد احساسي بذا الشيء …
بس لازم ما ابين لحد ضعفي أو خوفي مِن المستقبل وخاصة العيال …
لازم اتم فِي عيونهم الجبل اللي ما يقدر شَيء يهزه …
والحمد لله … الله قدرني الي ذا الحين أنا مسيطر علي الوضع … وتقريبا كُل شَيء رجع مِثل ما كَان خاصة بَعد ما سافر حِمد جعلني فداه الامارات حِق الكلية العسكرية ….
و ارجعوا البنات يدومون عفاري فِي الجامعة و الريم فِي المدرسة … مسكينة الريم كَان عيد ميلادها مِن ثلاث ايام ولا أحد حِتّى بارك لَها …
صار لَها شَهرين وهي تحن تبي تَحْتفل بالسويت سكستين مِثل الاجانب … الاخت واجد تشوف افلام اجنبية …
صدق اني كنت معترضة علي ذا الشيء ولا احب احتفل بذا الاعياد بس والله اكسرت خاطري عشان كذا لازم اجيب لَها هدية ………….صوره مجموعة روايات تحفة فنية

سونيا وهي تطق الباب ماما ؟؟؟؟ ماما فهده ؟؟؟؟؟؟؟؟
فهده بَعد ما صغرت شَاشة الورد اللي تكتب فيها مذكراتها وروحت تفَتحِ لَها الباب قالت: خير يا طير ؟؟؟؟ وشَ تبين ؟؟؟؟؟؟؟ توني طالعه منس ؟؟؟؟؟؟؟؟؟؟؟؟؟
سونيا ماما شَمله فِي تَحْت يبي أنتي ………
فهده مِن اسمعت ان جملة جات راحت لَها ركيض …
جملة بنت خال فهده والوحيدة مِن اهل امها اللي فِي قطر بحكم أنها متزوجة قطري عشان كذا هُم كَانوا واجد قراب مِن بَعض ……صوره مجموعة روايات تحفة فنية

جملة وهي تلم فهده عظم الله اجرس فِي ام جابر ….
فهده وهي تلم عَليها هِي بَعد اجرانا وجرس … الحمد لله علي السلامة … متَى رجعتي ؟؟؟؟؟؟؟
جملة وهي تفك فهده وتروحِ عشان تقعد علي الكرسي ويدها فِي يد فهده تجرها عشان تقعد معها الله يسلمس …
رجعنا البارحِ فليل والله يا فهيده اني ما دريت الا البارحِ الصبحِ عَن ام جابر ولا كَان جيتس ولا خليتس بالحالس فِي ذا الوقت ……
فهده وهي تاخذ نفْس عميق وتحاول أنها تخفي دموعها قالت مسموحة جعلني قَبلس …
ولفت تشوف باب غرفة ام جابر اللي بابها فِي وسَط الصالة وهي تبكي وقالت البيت كله لَها الله يرحمها …
كنت اقضي طول اليَوم معها ذا الحين احس اني ضايقة …
ولفت تشوف جملة وكملت هَذا وهي ما طاف عَليها الا اسبوع اجل ما دري وشَ بسوي بَعد شَهر؟؟؟؟؟؟؟؟؟؟؟؟؟؟؟؟؟
جملة وهي تحاول توسي فهده قالت الله يرحمها ترحمي لَها …
الله ريحها مِن اللي كَانت فيه …
ولا مِن كَان يصدق ان ام جابر القوية اللي ما كَان حِد يقدر عَليها تطيحِ ذا الطيحه وتصبر عَليها سبع سنين ؟؟؟؟؟؟؟ ويوم شَافت فهده ارفعت راسها تشوفها والدموع تزيد فِي عينها استلامت فيها وقالت اسمحيلي ما كن قصدي اذكرس بشيء ….
الله يرحمهم كلهم ………………
فهده وهي تمسحِ دموعها اللي ما تسمحِ لحد يشوفها غَير جملة قالت لَها ليه مِن قال لس اني نسيت عشان تذكريني ؟؟؟؟؟؟؟؟؟ ما با أحد ينسى اهله ؟؟ وحتي إذا نسيت الدنيا لازم بتذكرني بهم الي جارت علي ………….
اقطعتها جملة وقالت الله يسامحس ليه تقولين كذا ؟؟ ان شَاءَ الله ما تنضامين وانا موجودة … ولا أنا ما ينشد فيني الظهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابتسمت فهده غصب عَليها لجملة وقالت جعلني ما ابكيس ما تقصرين بس أنتي تدرين بالحال … أنا ذا الحين صرت بالحالي مسئولة عَن البيت والعيال …
هم يتامي ولا لَهُم حِد غَيري وعمهم خالد الله خير ما فيه خير لعياله وامرته عشان يصير فيه خير لنا غَير ما شَفناه الا ثلاثة ايام العزاءَ وعقبها اختفي عِند امرته الثانية ………
جملة باستغراب الله يهديس يا فهده صلا أنتي اللي شَله البيت وكل شَيء علي ظهرس مِن سبع سنين ولا ام جابر الله يرحمها لا تروحِ ولا تجي …
وبعدين ناصر وين راحِ ؟؟؟؟؟؟؟؟؟؟؟؟؟؟ اشوفس ما جبتي طاريه مَع أنه ساكن معكم فِي نفْس البيت ؟؟؟؟؟؟؟ صدق فِي ملحق بري الفله بس فِي نفْس البيت يَعني وقْت اللي تَحْتاجونه بتلقونه ؟؟؟؟؟؟؟؟؟؟
فهده وهي تكرمشَ بوجهها قالت الله يخليس عاد الي طريتي الرجاجيل تطرين نويصر ؟؟؟؟؟؟ هَذا ازين ما فيه اسمه وخسارة فيه بَعد ….
جمله وهي تهز راسها قالت الله يقطع عدوس …
ليه تتحاكين عَليه كذا ؟؟ كنه اصغر عيالس ما كَانه رجال ؟؟؟؟؟؟؟؟؟
فهده وهي تاخذ الدلة عشان تقهوي جملة قالت عشان تغير الموضوع جملة وشَ اخبار عرس اخوس ؟؟؟؟؟؟؟؟؟؟؟
جملة اللي افهمت حِركت فهده قالت لَها وهي تبتسم باستهزاءَ يا دفع البلاءَ يا فهده أنتي الي ذا الحين شَاله عَليه فِي قلبس ؟؟؟؟؟ هُو صدق غلط بس بَعد خذ جزائه…
وجابر وابوه الله يرحمهم ما قصروا فيه …
ولا تنسين أنه كَان بزر يوم سوي كذا …………………….
اقطعتها فهده وقالت ثمان تعشر سنه ما هب بزر ….
غير رجال وشَ كبره ؟؟؟ وعلي العموم أنا ما عاد ذا السالفة تهمني …
ولا هُو يهمني …
واصلا طول ذا السبع سنين وحنا كلن منا فِي حِاله صدق هُو ما قصر مَع حِمد ولا خواته فِي شَيء يبونه … بس عمرنا ما كَان بينا أي حِكي غَير فِي النادر ويَكون شَيء عَن البزران بَعد.
لان ام شَيخه الله يرحمها هِي اللي تتحاكا معه فِي كُل شَيء

اما ذا الحين دامه مَع عيال اخوه صلاحِ ما نبي مِنه شَيء ثاني …
لكن أنا عمري ما طلبت مِنه شَيء ولا نزلت راسي لَه فِي شَيء …
الحمد لله تقاعد ابوي مكفيني ….
الله لا يحوجني لَه ………
جملة قعدت عِند فهده الي ان جات حِزت طلعت البزران مِن المدارس …
راحت جملة تجيب عيالها مِن المدرسة وفهده اخذت سونيا وراحت مَع الدريول تجيب ريم مِن المدرسة ……

ريم أول ما اركبت السيارة السلام عليكم ………..
فهده عليكم السلام …
اعلومس ام العلوم ؟؟؟؟؟؟؟؟؟؟؟؟؟؟؟؟؟؟
ريم اللي لفت تشوف فهده علوم الخير …
تبين الموجز ولا الاخبار ؟؟؟؟؟؟؟؟؟؟؟؟؟؟؟؟؟؟؟؟
فهده وهي تهز راسها لاذا ولاذا … امزحِ معس … أنتي صدقتي اني بقعد اسمعس ؟؟؟؟؟؟؟؟؟؟؟
ريم بَعد ما اسمعت كلام فهده ابتسمت ابتسامة نصر لانه تحب تطفر بها ……
وقالت عفاري متَى بتج ؟؟؟؟ أنا ما اقدر انطر ميتة مِن الجوع ؟؟؟؟؟؟؟؟؟؟؟؟؟
فهده قالت لَها بِدون ما تلف عَليها مدري تقول عندها شَغل وبتتاخر تبي تروحِ المكتبة تجمع مراجع … وتقول أنها متفقه مَع عمها يمر عَليها …
فهده كَان ودها تقول عمت عينه بس هِي ما تحب تتكلم علي عمهم قدامهم وتخرب صورته عندهم ……
وقالت لريم بَعد ما تذكرت أنها تبي تشتري لَها هديه ريم اسمعي بما ان اليَوم الاربعاءَ وباكر اجازة وشَ رايس نروحِ أنا وأنتي و عفاري السوق ؟؟؟؟؟؟؟
ريم ردت بسرعة لا اليَوم ما اقدر عمي مواعدني أنا و مريوم بيودينا مكان مفاجآة ……
قالت لَها فهده بعصبيه ومن بشوره بتروحن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ريم بعِند بشور عمي …
اظن أنه رجال البيت ؟؟؟؟؟؟؟؟؟؟؟؟؟؟؟؟؟؟؟؟؟؟
اسكتت فهده عشان تنهي النقاش……
ولفت الصوب الثاني وهي تقول فِي خاطرها جعله فقيدت الرجاجيل ….
واول ما ادخلوا البيت شَافوا سيارة ناصر واقفة فِي الاطبيلة …
فهده خافت أنه يَكون نسي يجيب عفراءَ مِن الجامعة ….نست أنها متهاوشه مَع ريم لفت عَليها وقالت روحي بسرعة لعمس شَوفيه متَى بيجيب عفاري ؟ لا يَكون نساها ؟؟؟؟؟؟؟؟؟؟صوره مجموعة روايات تحفة فنية
ريم اللي كَانت تبي تحسن الجو بينها وبين فهده…
انزلت مِن السيارة وراحت سيده لملحق عمها اللي عايشَ فيه مِن عشر سنين وهو عبارة عَن غرفة وحمام وصالة صغيرة فِي طرف الحوشَ …
وطقت الباب عَليه وهي تشوف فهده اللي واقفة علي الباب حِق الصالة تنطرها ……………

ناصر اللي كَان توه داخِل ويبدل ثيابه استغرب مِن الطق علي الباب وراحِ بسرعة عشان يفَتحِ الباب خاف ان حِد مِن اهل البيت فيه شَيء … أول ما شَاف ريم واقفة علي باب الملحق وهي بعباتها و شَنطتها فِي يدها ابتسم لَها وقال حِي والله ذا العين …
وسكت يوم واجهته ريم وهي ترد لَه الابتسامة وقالت الله يحيك ويبقيك يا زين شَباب قطر كلهم والله ………….
لمها ناصر مِن كتوفها وهو يقول حِياس ادخلي فِي البراد عَن ذا القوايل ….
بس ريم امسكت يده وهي تشر باليد الثانية علي فهده وقالت لَه عمي … خالَّتِي تحاتي عفاري وتقول لا تنسى تجيبها ……
ناصر رفع عينه يشوف مكان ما اشرت ريم شَاف فهده واقفة قدام باب الصالة ويوم شَافته يشوفها ادخلت البيت بسرعة ….
نزل عينه علي ريم وقال لَها قولي لَها أنا ما انسي شَيء …
عفراءَ جبتها وقدها فِي دارها ….
وكمل يوم شَاف الطباخ جايب لَه الغدا ريمي ادخلي تغدي معي ؟؟ ريم قالت وهي توخر عَن طريق الطباخ اللي يبي يدخل الصينية ان شَاءَ الله بس بروحِ اقول لخالَّتِي عَن عفاري وببدل بسرعة وبجي انطرني لا تتغدا قَبل لا اجي …
وقالت بصوت عالي وهي راحيه للفلة عندي لك اخبار عجيبة ……………………..

ريم وهي قاعدة مَع ناصر تتغدا تدري اليَوم ادخلت علينا بنت خالك احتياط وقعدت تسولف معي …
ولما ما شَافت عمها اهتم فِي الموضوع قالت لَه تدري عَن ويشَ كنا نسولف ؟؟؟؟؟؟؟؟؟؟ نسولف عنك ………… وابتسمت يوم رفع ناصر راسه وعيونه فيها نظرة استغرب وقال عني أنا ؟ ليه وشَ كنتوا تقولون عني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ريم هُو ما هب سولف
.سولف

هي كَانت مستغبيتني وتبي تاخذ مني معومات عنك …
بس أنا لعبت فِي راسها عدل وخليتها تطلع مِن عندنا وهي تهوجس ……………
ناصر اللي كَان يقرص عينه فِي ريم قال ليه هِي وشَ المعلومات اللي كَانت تبيها ؟؟ وأنتي وشَ قلتي لَها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ريموه بلا كذب … تحاكي وقولي الصدق ………..
ريم وهي تلوي ثمها يمين ويسار قالت الله يطول فِي عمرك هِي كَانت تسال إذا أنت تقعد معني وتراعينا ولا حِنا ما نشوفك ؟؟؟ عاد أنا ما رضيت أنها تتكلم عليك فقلت لَها انك ما أنت بمخلي علينا قاصر وانك ما تفارقنا ليل ولا نهار ….
ابتسم ناصر وقال مشكورة يا بنت جابر علي دفاعس عني

ورجع يكمل غداه بس رجع يرفع راسه بسرعة لريم يسمع كلامها اللي قالته بَعد ما ارتاحت مِن رد فعل عمها علي الموضوع وقلت لَها بَعد انك مِن حِبك فينا تسهر معنا الي ان تنام ويانا خاصة بَعد ما سافر حِمد …….
قطعها ناصر بسرعة انام وياكم وين ؟؟؟؟؟؟ ريموا ان متَى نمت عندكم ؟؟؟؟؟؟؟؟؟؟؟؟؟؟؟؟
ريم ردت بسرعة عشان تهدي عمها اقصد أنا اسهر عندك وانام عندك أنت فهمت الحكي بالغلط …
شافها ناصر مِن فَوق الي تَحْت وهز راسه ورجع ياكل …
ارتاحت ريم ان عمها صدقها وسكر الموضوع وهي تقول فِي خاطرها اجل لَو تدري وشَ قلت لَها بَعد وشَ بتقول ؟؟؟؟ ما هب مُهم حِتّى إذا دريت …….
المهم ان رفوع الخايسة ما توصل اللي تبيه …………
واللي قطع عَليها افكاره كَان صوت ناصر وهو يقول لَها قولي لعفاري و لخالتس ان يبرزون عشان العصر بنطلع كلنا
.
ريم وهي متشككة قالت بس عمي أنت تدري ان خالَّتِي ما تطلع معنا إذا أنت مودينا مكان ؟؟؟؟؟؟؟؟؟
قال ناصر لَها بحزم بس أنا ما هب مخليها فِي البيت بالحالها وهي ما با أحد معها…
اول تقعد مَع امي عفراءَ ذا الحين ما لَها قعده بالحالها…
اما تروحون كلكُم ولا تقعدون كلكُم …..ورفع حِاجبه بتحدي لَها وكمل أنتي اختاري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ريم بعياره خالَّتِي الله يخليس لا تخربين الروحة علينا …….
فهده بعصبية وليه اخرب الروحة عليكم انتوا بنات اخوه روحوا معه …
انا وشَ حِاجتي اروحِ معكم ؟؟؟؟؟ أنا بقعد فِي البيت مِثل كُل مَره تطلعون فيها مَع عمكم ……………….
ريم بضيق بس ذا الحين غَير … ذا الحين مابا حِد يقعد معس فِي البيت وحنا بنتاخر … وهو يحاتيس
اذا جلستي فِي البيت بالحالس و………………………
اقطعتها فهده وقالت وهي مستنكره يحاتيني ؟؟؟؟؟؟؟ لا راعي واجب ويعرف المعاريف …
ما فِي حِاجه يحاتيني ولا شَيء … أنا كبيرة ولا اني بزر عشان يحاتيني ……… روحوا انتوا معه لكِن أنا انسي ……….
وقامت مِن الصالة عشان تركب الدرج وتروحِ غرفتها ….
لفت ريم علي اختها عفراءَ اللي واقفة جنبها بعايتها وهي شَوي وتصيحِ وقالت ذي ما هِي بحاله هُو يقول يا نروحِ كلنا ولا ما نروحِ وهي معية تروحِ معه وانا اللي تطيحِ فِي راسي ؟؟؟؟؟؟؟؟؟؟؟؟؟؟؟؟؟؟؟؟؟
ابتسمت لَها عفراءَ و فصخت عبايتها وقالت لريم اللي تشوفها بحسره ولا تطيحِ فِي راسس ولا فِي رجلس … أنا بقعد مَع خالَّتِي وأنتي روحي مَع عمي وقولي لَه اني أنا عندي ابحاث واجد بسويها ولا اقدر اروحِ معكم … وان خالَّتِي بتقعد معي …….

افرحت ريم بقرار عفراءَ واجد وقررت هِي بَعد أنها تستانس بذا الطلعة مَع مريوم بنت عمها خالد هِي صدق اكبر مِنها بسنتين بس واجد متعلقين فِي بَعض …
ويوم قالت لعمها عَن فهده وعفراءَ عرف ان السَبب الحقيقي هُو فهده … اكيد هِي اللي عيت وعفاري فديتها هِي اللي ضحت عشأنها بالطلعة … يلا ملحوقه ان شَاءَ الله فِي يوم بوديها بالحالها وبخلي ام اللسانين عَن خالتها …………..
اول ما وصلوا بيت خالد دخل ناصر سيارته فِي الحوشَ وسوي هرن لمريم بنت اخوه عشان تطلع لَهُم بس اللي طلع كَان حِمد ولد خالد الكبير وراحِ لدريشة ناصر اللي نزلها أول ما شَاف حِمد جايه …
وقال حِمد وهو يحط يده علي الباب حِق السيارة ويفتحه يا مرحبا… يا مرحبا
.حي الله ابو حِمد … أقلط
اقلط المجلس …..
ناصر والمرحب باقي ….غير ما هب جاي اقعد معك ابي فرقا وجهك … طول اليَوم وانا مقابلك ….
حمد وهو يسوي نفْسه زعلان قال افااااااااااااا ليه كذا يا عمي ؟؟؟؟؟؟؟؟؟؟؟؟؟؟؟؟
ناصر وهو يجر باب السيارة عشان يسكره قال لحمد عمت عينك … جدك أنا ؟؟؟ كُل اللي بيني وبينك اربع سنين يا الجحشَ ؟؟؟؟؟؟؟؟؟؟؟؟؟؟؟؟؟؟؟
اضحكت ريم علي فشيلت ولد عمها وسكتت يوم قال لَها حِمد ريموه تلايطي قَبل انزلس مِن السيارة واكوفنس بذا العقال …………………….
ناصر رد عَليه بسرعة كَان فِي ابوك اللي ما ادري وينه خير جرب ؟؟؟؟؟؟؟؟؟؟ اختك وين ؟؟؟؟؟
حمد وهو يبتسم قال بتجي …
وبعدين أنت ليه اليَوم معصب ؟؟؟؟؟؟ ما خبر يوم طلعنا مِن الشركة الظهر فيك شَيء مزعلك ؟؟؟؟؟؟؟؟؟؟؟؟؟؟؟؟؟؟؟؟؟؟؟ وذا علي الشيخة ريم تري أنا اضحك معها ؟؟؟
ناصر قال وهو يشوف مريم جايه ما فيني شَيء المهم أنا اليَوم ما هب جاي الشركة بَعد المغرب أنت إذا رحت مر مكتبي بتلقي الفاكس حِق البضاعة اللي فِي الجمارك عطه فَتحي خله يخلصه لا تنسى … يلا مَع السلامة ……
ناصر وهو يوخر عَن السيارة ان شَاءَ الله … الله يحفظكم ….
اركبت ريم السيارة وطلع ناصر بهم واشتغلت الحشرة علي راسه أول ما اجتمعوا الثنتين ………..

ناصر اللي كَان موديهم عشان يشتري لكُل وحده فيهم لابتوب …
عشان يفكونه مِن حِشرتهم اللي مسوينها لَه مِن كَم شَهر …
وداهم جرير وخلاهم يختارون اللي يبونه …ومثل العادة اخذوا نفْس الجهاز ثنتينهم …
وبعد ما خلصوا وداهم محل كمبيوتر عشان ينزل لَهُم فِي الاجهزة البرامج اللي يبونها …
ولا خلصوا الا علي الساعة تسع …
والاخوات اصروا أنه يمر يشتري لَهُم عشا مِن الكنتاكي ….
وهم مخلصين مِن كنتاكي ورايحين لبيت خالد عشان ينزلون مريم وكَانت الساعة عشر تقريبا ….
رن جوال ناصر وكَانت المتصلة هِي عفراءَ …….
ناصر بتعب هلا والله بالغلا عفاري …………….
عفراءَ بصوت مخنوق عمي ……………………..
ناصر تخرع مِن صوت عفراءَ وخاف … قال لَها عفور وشَ فيس وشَ يعورس ؟؟؟؟؟؟؟؟؟؟؟
عفراءَ وهي تحاول تسيطر علي نفْسها عمي لا تخاف جعلني قَبلك ما فيني شَيء … بس انتوا بتتاخرون بَعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ناصر قال بحده عفور لا تلعبين فِي اعصابي وشَ فيس صوتس تبكين ؟ خالتس فيها شَيء ؟؟؟؟؟؟
عفراءَ مِن اسمعت عمها يسالها عَن خالتها إذا فيها شَيء …
قامت تبكي ولا قدرت تمسك نفْسها أكثر قالت عمي الله يخليك تعال بسرعة لا تتاخر…..
ناصر مِن سمع عفراءَ عرف ان فهده اكيد فيها شَيء….غير طريقَة عَن بيت خالد لطريق البيت وقال لَها دقيقتين وانا عندكم ……….
ناصر أول ما فَتحِ باب الصالة حِقت الفلة شَاف عفراءَ قاعدة فيها تبكي بس أول ما ارفعت عينها وشفت عمها قامت تخب لَه وهي تقول لناصر اللي تم واقف قدام الباب وهو ماسكه بيده بَعد ما لوت عَليه عمي ….
لمها ناصر وهو يقول بحزم فهده وشَ فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارفعت عفراءَ راسها لعمها وقالت وعيونها كلها دموع عمي حِنا كنا قاعدين نتعشي … ادخلوا علينا فجآة مرت خالك وبنتها هادين …
رحبنا فيهم وقلطناهم فِي المجلس … بس هُم كَانوا معصبين ما هب عارفه ليه ؟؟ وخالَّتِي يوم شَافتهم معصبين قالت لِي اطلع مِن المجلس …
بعد ما طلعت سمعتهم قاموا يصارخون وصوتهم كَان يوصل وين ….
وعقب اطلعوا …
وطلعت خالَّتِي تخب رايحه لدارها يوم لحقتها لقيتها قافلة دارها ناديتها بس ما ردت علي بس كنت اسمعها تبكي ….
انا خايفه عَليها هِي الي ذا الحين ما افتحت الباب ولا ترد علي ……
ناصر اللي كَان ما هب قادر يفهم اللي صار حِب أنه يستوضحِ السالفة مِن عفراءَ و قال زين أنتي ما سمعت هُم وشَ كَانوا يقولون ؟؟؟؟؟
عفراءَ لفت براسها تشوف ريم ومريم اللي واقفين ورا عمها ورجعت تشوفه اشارة أنها ما تقدر تتحاكا قدامهم ….
ناصر فهم الاشارة ولف بسرعة علي البنات وقال لَهُم وهو يسويلهم طريق ريم اخذي بنت عمس وروحي شَوفي خالتس فَوق بسرعة ………………..
ريم اللي كَانت صدق خايفه علي خالتها امسكت يد مريم وربعت للدرج ….
ناصر أول ما شَافهم اختفوا مِن الدرج لف يشوف عفراءَ وقال قولي وشَ قالوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عفراءَ وهي تبلع ريقها قالت عمي اسمحلي بس هُو كلام ما ينقال ………….
ناصر اللي بداءَ يفقد السيطرة علي اعصابه قال وهو يصر علي ضروسة عفور تحاكي وخلصيني ….
قالت عفراءَ وهي منحرجه ووجها احمر هُم كَانوا يقولون لخالَّتِي …………………
أنها تبي تلعب عليك وتاخذ دراهمك… وانهاااااااااااااا ………………………..
ناصر قال بحده بَعد ما سمع الكلام اللي قالته عفراءَ أنها ويشَ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دنقت عفراءَ راسها فِي الارض وقات أنهااااا ….
ام الرجاجيل وسوده وجه ووووو……..
قطعها ناصر وقال بس خلاص لا تكملين ………… ولف بسرعة عنها عشان يطلع مِن الصالة وهو عِند الباب لف عَليها وقال روحي شَوفي خالتس وقعدي معها …
وقولي لَها عمي يقول ان قال لَه الله ما تباتين مضيومه ……………………
وطلع وسكر الباب وراه ……………

  • سبب وفاه الكاتبه تحفه فنيه
  • رويات‏ ‏فنيه
  • روايه رومانسيه تحفه فنيه
  • روايه تحفه فنيه
  • رواية تحفة فنية
  • روايات تحفه فنيه كامله
  • روايات تح
  • روايات الكاتبه تحفه فنيه كلها
  • روايات الكاتبه تحفه فنيه كامله
  • ﺭﻭﺍﻳﺎﺕ ﺗﺤﻔﻪ ﻓﻨﻴﻪ ﻟﻠﺘﻨﺰﻳﻞtxt
تحفة روايات فنية 449 مشاهده
1 Star2 Stars3 Stars4 Stars5 Stars (No Ratings Yet)
Loading...