9:42 مساءً الخميس 21 مارس، 2019






كيف اكتب شعر بسهولة

فقرات الموضوع

كيف اكتب شعر بسهولة

بالصور كيف اكتب شعر بسهولة 20160616 1372

(تعلم الشعر بسهوله))
وهى اجتهاد شخصى بحت ابتعدت فيه قدر الامكان عن التعقيد
وابتكرت بعض الامور و كتبت ابيات و قصائد خصيصا لتوضيح بعض النقاط فيه
وستكون مواضيعنا كالاتى
– كيف تكتب القصيده – ظوابط مهمه للكتابه الشعريه – خطوات عمليه لكتابه الشعر
– الفكره و القصيده – ما هى القافيه – المفرده و اهميتها – الوزن بشكل صحيح
هذه السلسله موجهه لمن لديه رغبه حقيقيه ليتعلم نظم القصيده المقفاه الموزونه
وكذلك سيجد من يجيد الوزن و القافيه ما يفيده و لن اطيل اكثر بالمقدمه
وارجو الايبخل احد بملاحظاته اوتساؤلاته كيف ما كانت

بالصور كيف اكتب شعر بسهولة 20160718 835
وباسم الله نبدا
الموضوع الاول
كيف تكتب الشعر؟؟؟
تحتاج الي:
1 فكره2 مفرده حاول تكون المفردات اللى تستخدمها سهله و مفهومه و لاتعقد الامور)

3 قافيه لاتفكر فيها في البدايه راح تجى بروحها بس بعد البيت الاول التزم على الاقل بالحرفين الاخيرين

4 وزن لاتحاتى

بالصور كيف اكتب شعر بسهولة 20160718 836
الخطوات:

1 اختر الفكره:
مثال
ابى اكتب للمنتدى و مولاقى كلام اقوله)
شلون اصيغ هالفكره !؟!؟؟!؟!
اسال نفسى سوال شنو ممكن اقول؟!؟!
شلون ابدا !؟!؟!
وشنو القافيه اللى اختارها !؟!؟

– اجاوب
اول شى انسا مساله القافيه راح تجى بروحها
اهم شى فكر باللى ممكن تقوله حتا الوزن انساه
وعبر عن اللى بخاطرك !!!
شلون ؟؟!
انت و دك تكتب للمنتدى بس مو لاقى كلام تقوله
قول مثلا
ودى اكتب لى كلام و ما لقيت اللى اقوله ؟!؟!!!
بدايه لشطر بيت حاول تكمله بنفسك
المطلوب انك تسترسل بالكتابه بس
لاتنظر للوزن في البدايه
الوزن راح يظبط مع ال******
بس شلون اظبطه من غير تعقيد او التزام بالتفعيله و بحور الشعر مثل

بالصور كيف اكتب شعر بسهولة 20160718 837

فاعلاتن مستفعلن فاعلاتن
او
فعلن فعلن فعلن فعل
وهلم جره
الاجابه سهله
فى البدايه حاول تغنيها و اذا جت بالغناء سهله و سلسه
فهى اقرب انها تكون موزونه
وحاول باغانى مثل
لمنى في محجر عيونك لراشد الماجد
او حبيبتى و حيات قلبك و عينك لاحلام و ميحد حمد
او اسمحيلى يالغرام لمحمد عبده
او تناسينى بنفس الموعد اللى به ذكرتينى لمحمد عبده
وانا اخترت هالاغانى بالذات لان كل و حده فيهم تخدم وزن معين
ومو بالظروره هالاغاني

الاغنيه اللى تبيها
المهم شيلها بطاروق تفضله و ترتاحل
بالنسبه للقافيه
حاول تكون نهايه البيت من حرفين او اكثر
مثال 2

(ودى اكتب قصيده في حب الوطن السعوديه)
شلون اصيغها !؟!

انت تحب الوطن؟!؟!
قول مثلا

بالصور كيف اكتب شعر بسهولة 20160718 838

ودى اكتب لك قصيده حب ياسعوديه و ما قدرت اكتب
،،،،،،،،،،،،،،،،،،،،،،لقيت اصعب مواضيع الهوى كلمات في حقك
لاحظ ان الشطر الاول مو موزون حاول اتغنيها
حاول اتغنيها بنفس لحن تناسينى لمحمد عبده
تناسينى بنفس الموعد اللى به ذكرتينى ………….
ماراح تغنيها بسهوله
حاول تصلحها
ابى اكتب قصيده حب ياسعوديه و عجزت اكتب
،،،،،،،،،،،،،،،،،،لقيت اصعب مواضيع الهوى كلمات في حقك
حاول تغنيها و راح تمشى معاك ميه بالميه
او ممكن اقول

احبك ياسعوديه العز ياتاج الفخر و الطيب
،،،،،،،،،،،،،،،،احبك و ارخص الغالى و ابيع الروح لترابك
وعلى هالمنوال كمل

ولاحظ انك في البدايه ما اخترت قافيه
لكن هالقافيه راح تلتزم فيها بالابيات اللى راح تكتبها بعدين

بالصور كيف اكتب شعر بسهولة 20160718 839

ملخص الكلام
اختار الفكره و اكتبها بطريقتك باى شكل كان
وكمل القصيده كامله مع الالتزام بالقافيه
وفى الاخر حاول توزنها مثل ما وضحت في البدايه
بس

ما ادرى اذا كان كلامى مفيد او لا
لاكنه محاوله منى ارجو انها تكون مفيده
واى شى انا بالخدمه

سلسله تعلم الشعر بسهوله
الموضوع الاول هو

((كيف تكتب الشعر ؟))((1))
الزبده

بالموضوع الاول تعلمنا شلون نكتب شعر !؟!
طبعا ما فيه شى بدون *****
ولا تتوقع انك قريت معلومه خلاص صرت تعرف لا
اسال نفسك لما تعلمت القراءه و الكتابه
كم اخذت من وقت و **** على ما عرفت تقرا و تكتب تمام
انا عن نفسى اكثر من سنه
واسال نفسك و انت قاعد تكتب على الكمبيوتر هالسوال
هل انا اكتب الحين بالكمبيوتر بنفس صعوبه و سرعه اول مره ؟!؟!)

بالصور كيف اكتب شعر بسهولة 20160718 840

ما اعتقد

لان كل شى مع ال***** يكون اسهل حتى كتابه الشعر
نرجع للموضوع

انا راح افترض انك قريت و طبقت اللى بالموضوع الاول

والنتيجه هنا هى انك الحين تقدر تكتب كلام موزون و مقفي

(هذا طبعا مع ال***** و التطبيق !

لكن

هل الكلام الموزون و المقفي شعر ؟!؟!؟!؟!
طبعا لا

مثال على هالشي
وهى سالفه معروفه عن واحد و فروا له كل الظروف انه ايصير شاعر
وقعدوه بمكان حلو ماء و خضره و وجه حسن و قالوله قول شعر
شوفو شنو قال

وكاننا و الماء من حولنا
،،،،،،،،،،،،،،،،،، قوم جلوس حولهم ماء

؟؟؟؟

بالله عليكم هذا كلام ؟؟
اللى ابى اقوله ان مو كل كلام موزون مقفى شعر
لان الشعر مشاعر تترجم بصور جماليه و اضحه
وانتبه لكلمه و اضحه هنا
ولحد ايقولى لا المعنا في بطن الشاعر
لا هالمقوله كانلها مناسبتها و غير صحيحه
المهم

انت تعرف تكتب كلام موزون و مقفي
و هذا شى خلصنا منه

وينقصك هنا انك اتعبر عن مشاعرك
واللى يدور براسك و ببساطه
وراح يكون هالكلام الموزون المقفى المعبر المفهوم الواضح

شعر

بس !؟!؟!؟!
لا مو بس

فى امور ثانيه

و هذا اللى خلانى اكتب الموضوع

امور ثانيه لازم الكاتب يحاول يلتزم فيها
وانا اقول يحاول
مو غصب
اتبع الاتى

1 ابتعد عن الكلام اللى يمس الدين و المقدسات

2 استخدم كلام مفهوم يعنى مو تدور كلام قديم مو مفهوم و تكتبه)

3 استخدم معجمك الخاص راح اشرحها لكم

4 عبر عن نفسك و بس لاتفكر براى الاخرين

5 لاتناقظ نفسك و واقعك بصوره غلط هم راح اشرحها

6 لاتكرر القافيه

7 لاتكرر الالفاض اكثر من اللازم

8 اكتب و انسا واي فكره تطرى على بالك سجلها و لو بكلام عادي
هذا اذا مو مستعجل .

نقاط شكثر على الفاضى صح !

لا موصح

نبدا من الاول مع الشرح

1 ابتعد عن الكلام اللى يمس الدين و و المقدسات
واعتقد هذى الوحيده اللى ما تحتاج للشرح

2 استخدم كلام مفهوم يعنى مو تدور كلام قديم مو مفهوم و تكتبه)
لان البعض يدور وين الكلمه القديمه و يحطها
يا اخى الشعراء القديمين كانوا يستخدمون الكلام الدارج بحياتهم اليوميه
وهذا اللى خلاهم يتميزون
ما راح ازيد كلام اهنيه لان يمكن اطب

3 استخدم معجمك الخاص راح اشرحها لكم
لما تكتب استخدم الكلام اللى انت اتكلم فيه لا تتعمد تستخدم لهجه مو لهجتك
ولا كلام مو من بيئتك مثال على هالكلام

تخيل شاعر

او خل نقول تخيل شاعره مثقفه
وتعليمها عالى و حضريه و فرى قالت هالبيت

كل الامانى غاديه في يميني
،،،،،،،،،،،،،،،مير الظروف القاسيه ضيعتها

على طول راح تتساءل ويمكن تشك)
وتقول من وين كلمه مثل غاديه و كلمه مير ؟؟؟!!!!!

يعنى شفيها لو انها قالت

كل الامانى صايره في يميني
،،،،،،،،،،،،،،، بس الظروف القاسيه ضيعتها

يعنى استخدم و ابحث في معجمك الخاص و كلامك اليومى العادي
لا ترد لكلمات غريبه عليك

4 عبر عن نفسك و بس لاتفكر براى الاخرين

لما تكتب عبر عن نفسك
وتاكد اذا كنت عفوى و صادق بتعبيرك انه كلامك بيكون احلي
ولكن اذا كنت تبى يقال عنك الشاعر الفلاني
فاقترح انك تترك الكتابه

5 لاتناقظ نفسك و واقعك بصوره غلط هم راح اشرحها
هذى بابداها بمثال و هو

تخيل مثلا ان هالابيات قالها شاعر مليونير او امير ؟؟!!!!!!
الموضوع الاصلي من هنا: منتدي الخليج http://forum.khleeg.com/showthread.php?t=101842

شف حالتى فقران و الحال دوني
،،،،،،،،،،،،،،، و الجسم من زود الفقر زاد سقمه
اقعد مع السكه و انادى عطوني
،،،،،،،،،،،،،،،،،،،، من ما ل ربى يالاجاويد لقمه

(راح تطق على راسك و تقول الله يالكذب

ولحد يقولى المعنا كيت و كيت انا لى الظاهر

وهذا اللى يفترض و انت تكتب تتبعه
يعني
بعد الكتابه الاوليه للقصيده
فكر بمعنا الكلام و تفسيره و بعدين اعتمده

6 لاتكرر القافيه
وهذى و اضحه يعنى لو عندى بيت شعر مثلا

اقعد مع السكه و انادى عطوني
،،،،،،،،،،،،،،،،،،،، من ما ل ربى يالاجاويد لقمه

مايصير نفس القافيه بالابيات الثانيه عطونى او لقمه

وان حدث فيكون ضعف

او لاغراض متعمده و مقصوده بس

بينى و بينكم هذا ما فهمتها هع

7 لاتكرر الالفاض اكثر من اللازم
لان تكرار اللفض الواحد بكثره يبعث الملل و كانك مو لاقى الا هالكلمه تعيد و تزيد فيها
الموضوع الاصلي من هنا: منتدي الخليج http://forum.khleeg.com/showthread.php?t=101842
يعنى مره قول احبك و مره اهواك و مره متيم و مره اشتاقلك
كلها تعبر بطريقه او باخرى عن الحب و لكن اللفظ اختلف

8 اكتب و انسا واي فكره تطرى على بالك سجلها و لو بكلام عادي
هذا اذا مو مستعجل .

وهذا من و اقع تجربه سو اللى اقولكم عليه و على مسؤوليتى راح تصيرون شعراء متميزين

وكان الله غفورا رحيما

    كيف اكتب شعر

264 views

كيف اكتب شعر بسهولة