12:33 صباحًا الأربعاء 24 أكتوبر، 2018

كيفية تحضير مائدة الطعام



كيفية تحضير مائده الطعام 

صوره كيفية تحضير مائدة الطعام

لو عندك عزومه و عايزه تديها طابع فخامه مش موجود حتى في مطاعم غاليه كتير حتلاقي الموضوع ده يفيدك ان شاء الله
هنا اول جزء بيعلمك ترتيب السفره لفرد واحد كيف ترتبي الاطباق و المعالق و الكاسات بالطريقة الصح
بعد كده حيكون شرح امتى تشيلي طبق و استخدامك للادوات بالترتيب الصح علشان يكون عزومتك او حفلتك ليها طابع خاص جدا

بس انا مش قادره اتكلم على الموضوع قبل ما اعلق على اللون الاحمر و الشموع مجرد استخدام مفرش سفره حمر و شموع في اكواب زجاجيه اعطي طابع رومانسي غير طبيعي اعتقد في حفله رومانسية بين زوجين حيكون هوه ده انسب ديكور

صوره كيفية تحضير مائدة الطعام

اول شيئ هنا ترتيب الاطباق و الاكواب هنا خريطه صغيرة للادوات و توزيعها و كتابة كل استخدام على كل اداه طبعا احنا نكتفي بكاسات للماء و العصير لان احنا مش بنشرب نبيذ او خمور

مبدئيا الاشواك و المنديل على اليسار و المعالق و السكين على اليمين و ادوات التحليه بالاعلى و في الزاويه اليسري طبق و سكين الخبز و اعلى اليمين الكاسات


استخدام الشوك و السكاكين و المعالق من الخارج للداخل يعني اللي على الحروف بيكونوا للمشهيات و السلطات و اللي بالداخل للوجبه الاساسيه

بمجرد انتهاء المشهيات او السلطات نرفع الطبق الاخضر بالصورة و معه الشوكه الصغيرة اللي اتناولنا بيها المشهيات و معه الطبق الصغير الذي استعملناه ثم نعيد طبق اخضر ثاني عليه سلطانيه فارغه للشوربه لو في تخطيطك تقديم شوربه

بعد ذلك يتم تقديم الوجبه الرئيسيه على الاطباق المفلطحه الموضوعه بالاسفل
عند الانتهاء من تناول الطعام يتم رفع الاطباق كلها والمعالق ماعدا المخصصه للتحليه و بفوطه نمسح الطاوله مسح خفيف من بقايا الاكل

يتم احضار طبق التحليه(طبق صغير و تحته الطبق الاخضر الكبير اللي استخدمناه للتقديم تحت السلطة و الشوربه وضعه على الطاوله و نضع المعلقه و الشوكه المخصصين للتحليه بجانب الطبق

نحضر فنجان الشاي و نضعه مكان الكاسات

خلاص بالهناء و الشفاء

الموضوع فيه اطباق كتير لان ده الطريقة الاساسية في التقديم حسب الاساسيات لو تحبي امشي على كل الخطوات او اختصريها افكار سهلة لو عزومه رومانسية لزوجك اعتقد دي افضل طريقة ممكن تعملي بيها ديكور لعزومتك في بيتك

 

 

 


268 views

كيفية تحضير مائدة الطعام