7:17 صباحًا الجمعة 24 مايو، 2019




قصيدة جحا للفنان هشام الجخ

قصيدة جحا للفنان هشام الجخ

صور قصيدة جحا للفنان هشام الجخ

 

هشام الجخ هو شاعر مصري معاصر لدية العديد من الدواوين الشعرية المسجلة صوتيا حيث لم يقم الجخ بكتابة دواوينة الشعرية.

 

من ابرز ما قدم هشام الجخ قصيدة جحا دعونا نقرا كلماتها سوية

صور قصيدة جحا للفنان هشام الجخ

(جحا)
عن حال مصر
شعور سخيف
انك تحس بان و طنك شيء ضعيف
صوتك ضعيف
رايك ضعيف
انك تبيع قلبك و جسمك
وانك تبيع قلمك و اسمك
ما يجيبوش حق الرغيف
سالوا جحا عن سر ضحكه
قالك اصل اتنين و شبكو
اللي كان من تحت ميت
واللي كان من فوق كفيف
دا شعور سخيف
وشعور سخيف
انك تكون رمز الشحاتة
تبني مبني للشحاتة
تعمل و زراة للشحاتة


يا ساقية دوري … عدي فوقي و دوسى
نصبوا عليا و شحتوني فلوسى
ربطوني فيكي .

 

.

 

حتى ما اتغميت
هما اللي فرحوا و وحدي انا اتغميت
انا اللي صاحب البيت
عايش بدون لازمة
ولما مرة شكيت
ادوني بالجزمة
انا اللي زارعك ذهب
بتاكليني سباخ
ان كان دة تقل و دلع
بزيادة دلعك باخ
لا شفت فيكي هنا
ولا شفت فيكي ترف
كل اللي فيكي قرف
كرامتنا متهانة
واللقمة باهانة
بتخلفينا لية لما انتي كارهانا
يعني اية تبقي انتي هبة النيل يا مزة
وكل يوم المية تقطع
يعني اية لما اشتكي غلو الفاتورة
يقولو تشكي بس تدفع
لما قش الرز ثروة بتتحرق
واما نفط الامة ثروة بتتسرق
واما جلادك على و لادك بيبطش
واما علمك ما يلاقيش ياكل فيطفش
يعني اية نرفع ايدينا بالسلام لجل الغزاة
ويعني اية لما ابقي ما شي في حالي اتشد اشتباه


يعني اية لما اتحبس اربع سنين حبس احتياطى
يعني اية مش حاسة بالعمر و غلاوته
بتصبي مر العمر ليه
دة انا كنت ح اوهب لك حلاوته
انا عمري ما اتامرت
ولا حطيت شروطى
ومكان ما ترسي مركبك بابني شطوطى
انا كنت جيشك لما مماليلك باعوكى
وكنت يوسف لما عشتي سنين عجاف
وضلوعي دي اللي في معركة قادش حموكى
وشفايفي دي اللي ما بطلتش في يوم هتاف
دة انا كل شبر في ارضك اتمرمغت فيه
وكل يوم عشتيه
انا اتغذبت بيه
بتكرهيني عيونك السودة
وايامي اللي فاتت
مانتيش حبيبيتي من النهاردة
حبيبنتي ما تت
علا صوت ادانك جرس
في الشدة صاحينلك
من امتى كانوا الحرس
هما اللي باقينلك
بعتيني علشانهم
وعنيكي معصوبة
ياهلتري خاينة
ولا زيي مغصوبة
كل الكلام اتقال
والشعر بقي ما سخ


والصبر علو جبال
والظلم شيء راسخ
وطن و غرقان في النطاعة
كل شيء ريحتة نطاعة
علمونا بالعصاية
ورضعونا الخوف رضاعة
علمونا في المدارس
يعني اية كلمة قيام
علمونا نخاف من الناظر
فيتمنع الكلام
علمونا كيف نخاف
وازاي نكش
بس نسيوا يعلمونا الاحترام
فمتزعلوش
لما ابقي مش باسمع كلامكم
وماتزعلوش لما ابقي خارج عن النظام
مستني اية من طفل ربوة بالزعاق
غير المشاكل و الخناق
كل اللي بيقولك بحبك دول نفاق
انا لما قلت لك بحبك
كان نفاق
الحب يعني اتين بيدوا
مش ايد بتبني و ستميت تيت تيت يهدو
الحب حالة
الحب مش شعر و قوالة
الحب يعني براح في قلب العاشقين للمعشوقين
يعني الغلابة يناموا في الليل دفيانين
الحب يعني جواب لكل المسجونين
هما لية بقوا مسجونين
يعني اعيش علشان هدف
علشان رسالة
يعني احس بقيمتى فيكى
اني مش عايش عوالة
يعني لما اعرق تكافئيي بعدالة
الحب حالة
الحب مش شعر و قوالة
الحب حاجة ما تتوجدش في و سط ناس
بتجيب غداها من صناديق الزبالة
بارت مراعينا و البئر قد جف
والجوع يكوينا و الصبر ما كفى
والقلب لا يهدا و الجرح لا يشفى
ولاننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
واصلا ما فيش دفة
والكفة مش ما يلة
علشان ما فيش كفة
و جحا اللي جاي بالليل لساة بيتخفى


شايف ديدان الغيط سارحة و ما رحماشى
من جبنة شاف الدود سابة و راح ما شى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طيني … ما شى
الدود قاعد لك يا جحا و لابد في طينك
بعد ما يمص في دمانا مش حيحلالة الا طينك
احنا اهلك
احنا رجالتك
امانك
احنا وقت الشدة سندك
احنا زادك
يا جحا احمي و لادك
لو كنت عايز تحمي طينك
سوف ارحل
ربما يلقاني من ارجو لقاه
هامشي و يا الشحاتين
وابكي على حلمي اللي تاه
بس مش هاشحت رغيف
هاشحت وطن لله

    صور هشام الجخ

    صور شعر هشام الجخ عن الحب

    صور كلام هشام الجخ شعب وغرقان فى النطاعه

    قصيده الي هشام الجخ نوادر جحا

    كلمات قصيدة جحا

298 views

قصيدة جحا للفنان هشام الجخ