3:54 مساءً الخميس 21 فبراير، 2019






قصص حقيقية عن السحر

قصص حقيقيه عن السحر

بالصور قصص حقيقية عن السحر 20160616 267

هذى القصه حقيقيه صارت لمديره مدرسه اعرفها من يوم كنا صغار بعدنا في المدارس

يقول لك هذى المديره انسانه متدينه و مؤمنه و كانت تتطوع في تغسيل الاموات من المسلمات رحمه الله عليهم ..و كانت اعتقد تسكن في الحمريه او الوطيه .. المهم لما كان يموت عندهم و حده من الاقارب او من الحاره كانو الناس يروحو يخبرو هذى الحرمه .. كانت متعوده ان لما تكون نايمه يدقو عليها الدريشه و هى تقول لهم بصوت عالى ان شاء الله جايه كانت تتوضي و تتطهر و تروح معاهم للتغسيل.

بالصور قصص حقيقية عن السحر 20160703 389
فى يوم من الايام هذى الحرمه كانت نايمه الساعه ثنتين بليل .. و في عز نومها سمعت حد يدق الدريشه .. هى فهمت انه في حد متوفى .. فقالت ان شاء الله جايه و قامت و اتوضت و لبست و طلعت .. شافت حرمه لابسه بلوشى عند الباب و قدام الباب سياره بيضا ما ل ناس هوامير .. .. فركبت المديره السياره من صوب و الحرمه هذيك ركبت الصوب الثانى .. يوم دخلو السياره قالت الحرمه اللى لابسه بلوشى للسايق خلا سوق … تو المديره اللى هى المغسله لفت على الحرمه تريد تسالها من متوفى .. تقول لك يوم لفت عليها شافت شكل الحرمه غريب .. بيضا و و جهاا ما فيه ملامح غير عيون مقلوبات و البؤبؤ يروح يمين و يسار بشكل سريع .. المديره هنا حست بقشعريره و شعر جسمها و قف بس كانه حد سكتها .. ما قدرت تتكلم و لا كلمه و لا تصرخ بس نزلت راسها في الارض و كانت شايله مسباح في يدها .. و عرفت انه اللى معاها جنيه .. و قامت تسبح و تهلل و تدعى في قلبها طول الطريق .. المهم شافت ان السايق يروح صوب مسقط مسكت على قوله اهلنا

بالصور قصص حقيقية عن السحر 20160703 390
يوم صارو صوب قصر العلم و الماليه اختفي كل شى و اتغيرت ملامح مسقط كلها البيوت ما هى البيوت و الشوارع اختفت و صارن تراب كلهم و الجبال اللى و را البيوت اقتربت بشكل غريب .. و السايق يسوق فجاه ضرب بريك قوووى و الدنيا انترست غباار و قامت الجنيه تقول له بالبلوشى ايه شوى شوى رد عليها السايق عفريت نازل من الجبل)
المهم السياره قربت صوب سداب .. تقول المديره انا كنت متربيه في سداب و اعرفهم البيوت لكن البيوت شكلها غير و غريب! و قف السايق عند بيت من البيوت و قالت لها الجنيه تعالى امشى و راى .. نزلت المديره و مشت و را الجنيه .. بيت متروووس ناس حريم و رجال بس كلهم اشكالهم نفس الجنيه و اكثر شى لاحظته انه عيونهم مقلوبات و البؤبؤ يتحرك يمين و يسار بشكل سرررييع

بالصور قصص حقيقية عن السحر 20160703 391
المهم .. دخلتها غرفه و قالت لها يوم تخلصى دقى الباب .. الحرمه داخل غرفه فيها شرير و عليه ميت و ادوات التغسيل و الحنوط كلها مجهزه .. جات الحرمه و بدت تغسل الكائن الغريب بنفس تغسيل المسلم .. ما عرفت مو ذاك اللى ميت كان حرمه و لا رجال و لا عجوز و لا شباب و لا طفل!!! بدون ملامح و لا اعضاء تناسليه .. و لما كانت تحركه و تقلبه كان بدون عضام و لحمه رهييف
المهم خلصت الحرمه التغسيل و دقت الباب و سالتها الجنيه خلصتي. قالت الحرمه ايوا خلصت .. فطلعو من البيت بنفس الطريقه و ركبو السياره و رجعو نفس الطريق

بالصور قصص حقيقية عن السحر 20160703 392
لما وصلت الحرمه عند باب البيت قامت الجنيه و عطتها شى في يدها داخل كلينكس و قالتلها هذا حالش .. نزلت الحرمه بسرعه من السياره و دخلت البيت و قفلت الباب بسرعه .. يوم دخلت الغرفه شافت في الكلينكس 4ورقات شجر … قامت تقول تو ذى مو عاطتنى .. بعد كل ذا الخوف اوين تعطيها ورق شجر .. المهم حطت الحرمه الكلينكس على الكوميدينو و كان قريب اذان الفجر .. فراحت اغتسلت و اتوضت و صلت و قرات قران و حمدت الله انها طلعت من عندهم بالسلامه .. و طلعت الشمس و قررت المديره ما تنام و تروح المدرسه على طول .. راحت المدرسه و رجعت من وقت البيت على اساس انها ما نايمه بليل .. رجعت البيت على اذان الظهر .. فقالت بصلى و بنام .. يوم و قفت تصلى شافت شى يلمع في السقف .. يوم شافت على الكوميدينو شافت الورقات الاربعه صارن 4 جنيهات ذهب فاستغربت .. قامت و اتصلت على اختها و حكت لها القصه و طبعا اختها قالت لها تو انتى حد يطلع نصاص الليالى يغسل اموات؟ مره ثانيه طلعى بعد اذان الفجر .. و قالت لها شلى هذيلا القطع و خليهم مكان اللى تحطى فلوسش

بالصور قصص حقيقية عن السحر 20160703 393
قامت المديره و فعلا حطت القطع في التجورى ما لها .. و من بعدها تقول الله جاب لى رزق و اجد و اشتريت بيت ملك و امورى الماديه اتحسنت بشكل كبير .. المهم في يوم من الايام ولد الحرمه بغي يتزوج و ما كان عنده فلوس علشان يتزوج … قامت الحرمه شلت شويه ذهب و قالت ببيعه عشان يتزوج و لدها .. من القطع شلت جنيه من القطع الذهبيه ما ل الجنيه .. و راحت سوق الذهب و سالت عن سعرهم .. لما قاس البايع الجنيه قال لها من وين حصلتى هذى القطعه قالت له حد عاطنى من زمان .. قال لها ما ما هذى قطعه واحد يساوى 8000 ريال
هى استوت كذاك و الهندى استوا كذاك و يوم حكت لى اختى القصه انا استويت كذاك
ان الله يرزق من يشاء بغير حساب .. و نعم بالله

الحرمه زوجت الولد و لازالت موجوده و الله يطول بعمرها حرمه مؤمنه مصليه و عسي الله يزيد في رزقها و رزقنا امين
و توته توته خلصت الحدوته و اموه

بالصور قصص حقيقية عن السحر 20160703 394

  • قصص حقيقه عن السحر
  • قصه حقيقيه عن السحر
770 views

قصص حقيقية عن السحر