11:02 صباحًا السبت 23 فبراير، 2019






عشانك يا مريم قصة مريم شهيدة القديسين

عشانك يا مريم قصه مريم شهيده القديسين

بالصور عشانك يا مريم قصة مريم شهيدة القديسين 20160628 315

من فتره كبيره وصلت لى رساله على الانبوكس بتاعي على الفيس بوك، محتواها بيقول ” اخي العزيز – اختي العزيزه .. توفي اليوم شاب في مقتبل العمر من دوله السعوديه في حادث سياره مؤلم .. و لكن ما احزني في الحقيقه هو ما رايته عنده بالصفحه الرئيسيه لحسابه على الفيس بوك .. و بقراءه كل الحالات التي كتبها حتى يوم الحادث .. حزنت اكثر و اكثر .. فصفحته الرئيسيه و كانها ما زالت حيه تحدثني .. و تذكرنى بكل لحظاته .. خصوصا قبل وفاته بساعات ”
وقتها حطيت نفسي مكان الولد المتوفي .. و قولت ممكن ييجي عليا يوم و اموت و اصحابي يفتكروني و بتعذبوا كده … بس نسيت!
النهارده .. انا اتعذبت .. لانى اتفرجت على الصفحه الرئيسيه لحساب ” مريم فكرى” البنت الجميله شهيده كنيسه القديسيين بالاسكندريه .. مقدرتش امنع نفسى من البكاء .. و فعلا اكتشفت ان الرساله اللى جاتلي من شهور دى كانت حقيقيه ..

بالصور عشانك يا مريم قصة مريم شهيدة القديسين 20160615 294
انا معرفش مريم
بس عرفتها من كلامها على الفيس بوك .. و كانها بتكلمني و بتتعامل معايا،ومن صورتها الشخصيه المليانه بابتسامه و نظره فرحه و امل و تفاؤل.
واتعذبت اكتر من كميه ال Posts المكتوبه عندها من اصحابها .. بيكلموها على امل انها ممكن ترد عليهم .. و تقلل من عذابهم!
اخر حاجه كتبتها
“‎2019 is over…..this year has the best memories of my life….really enjoyed living this year……I hope 2019 is much
better…….i hav so many wishes in 2019….hope they come true…..plz god stay beside me & help make it all true. )
وكانها بتوصى كل اصحابها يحققولها كل امانيها،احساس وحش اوي ان حد فجاه يموت ،بس الاحلي ان ذكراه تفضل عايشه و تحبب كل اللى يعرفوه او ميعرفوش فيه،انا مش هقول انا مسلمه و لا مسيحيه .. بس هقول انا بشر بحس .. و عشان مريم بكيت، كفايه بقي بكاء
عشان احنا فاض بينا .. عاوزين نعيش بسلام.
وقتها اتخيلت ان ممكن ده يحصل مع يوستينا صاحبتي .. حسيت هتوجع قد ايه .. حسيت اني عاوزه اشوف اللي عمل كده و بتمني يكون عايش عشان اشرب من دمه و اقتله .. ازاى يعمل كده في ناس كانت بتصلى … و كل ذنبها انها فرحانه بالسنه الجديدة؟؟

بالصور عشانك يا مريم قصة مريم شهيدة القديسين 20160628 316
وفوقت من كل الافكار دى بدعوه جاتلى … عشان انزل بكره في و قفه احتجاجيه في جامعه القاهره “بالملابس السوداء”
وبعدها شفت الجمله دى ” كل العلماء افتوا بوجوب حمايه الكنائس باى ثمن.. لو متنا يومها هنكون شهداء ان شاء الله.. الحكايه مش هزار.. دى بلدنا.. و دول اخواتنا ”
وحسيت ان ممكن يكون بايدي اعمل حاجه .. وان شاء الله هعملها … مش عشاني … بس عشان محسش اني قصرت في حق اصحابي و اخواتى … عشان “يوستينا” تفضل عايشه .. و مصحاش في يوم و ملاقيهاش .

بالصور عشانك يا مريم قصة مريم شهيدة القديسين 20160628 317

365 views

عشانك يا مريم قصة مريم شهيدة القديسين