7:50 مساءً الخميس 25 أبريل، 2019




طريقة كنافة سعد الدين بالصور

بالصور طريقة كنافة سعد الدين بالصور 20160614 625

هنحتاج لكنافة خصل مجمدة او فريش و سمنة او زبدة مذابة و 3/4 كوب شربات شيره)
استخدمت الكنافة المجمدة و خليتها تفك ساعتين في حرارة المطبخ
♥ كنافة تشيز كيك كب كيك ♥ لا تقاوم شكل و طعم ♥
في قوالب الكب كيك اي نوع معدني او سيليكون او الومنيوم كله ينفع ان شاء الله –
نحط خصلة الكنافة بدوران زي العش و نرش معلقة او اتنين سمنة او زبدة مذابة و هتلاقيها منكوشة كدة – نضغط عليها بالكوب كويس اوي و هتلاقيها بقت طبقة رقيقة 1سم

على فكرة يا بنات الموضوع سهل جدا بس الشرح كتير لاني باحب اقول الوصفة بحذافيرها عشان الافاده

عملتها باحجام مختلفة و الكمية اللي استعملتها اقل من ربع كيلو كنافه
والباقي من العلبة فرمتة و شيلتة في الفريزر في كيس محكم الغلق

ندخل الصواني الفرن الساخن 10 دقايق و لما تبقي ذهبي نطلعها تبرد
انا عملتها الصبح و كنت مشغولة و سيبتهم كدة و عليهم فوطة نضيفة و اخر النهار لما فضيت كملت
ندخل بقا على الحشوة
دايما بافضل التشيز كيك البارد و اهم المكونات هي الكريمة سواء بودرة او سائلة و الجبنة و السكر و القشطة و الجيلاتين و ليكي الاختيار في اي اضافات او تعملي الحشوة المخبوزة اللي فيها بيض او اي طريقة تفضليها و طبعا بتزودي و تقللي الكمية حسب العدد

المكونات
3 مغلفات دريم و يب علبة قشطة فريش ربع كوب سكر بودرة 200 250 جم جبنة كريمي تقريبا 12 مكعب كيرى 1/2 كوب حليب بارد 1 م ك جيلاتين بودرة و ربع كوب ماء مغلي فانليا

اول خطوة نحط ربع كوب ماء مغلي في طبق و نرش الجيلاتين على سطحة بالراحة و عشان تضمني ذوبانة تماما تحطي الطبق دة على حمام ما ئي و تحركية لغاية ما يختفي تماما

نخفق كل المكونات مع بعضها في بولة كبيرة و ممكن تزودي قشطة اكتر

اثناء الخفق في النهاية نضيف الجيلاتين بالتدريج مع استمرار الخفق و نضيف الفانليا و نخفق و كدة بقت الحشوة جاهزة
لو عاوزة تعمليها في صينية تشيز كيك كبيرة اوك
عاوزاها تشيز كب كيك اوك
الاتنين نفس الطريقة بس بدل ما تحطي الكنافة في قالب الكب كيك اعمليها في صينية تشيز كيك او اي صينية على مرتين بحيث يبقي عندك طبقتين كنافة 2 ديسك بينهم الحشوة .

 

.

فية اكتر من طريقة عملتها في التقديم
الاولي غسلت قالب الكب كيك بعد الكنافة و حطيت الحشوة

التانية حطيت قوالب سيليكون مزخرفة من الجوانب و وزعت الحشوة
التالتة حطيت الحشوة في القالب المعدن مباشرة و بمجرد ما تحطية في مية دافية هيخلع فورا ان شاء الله و تحددي الجوانب بطرف سكينة و تقلبية على طبق او على راق الكنافة الاول

الرابعة حطيت الحشوة على الكنافة بحيث تبقي متلاصقة فيها لما تجمد و اقلبها بسهولة لان الكنافة خلعت من الاول و مفيش الا تحديد الجوانب بطرف سكينة رفيعه
كدة خلصنا الحشوة و ندخل الصواني في التلاجة ليلة كاملة او الفريزر لو مستعجله

حشوة الفراولة البيتي
دي عملتها الصبح و انا باعمل الكنافة عشان الوقت
نحط 1ونص كوب فراولة مجمدة او فريش في حلة و نرش عليها نصف كوب سكر او اكتر حسب ذوقك و نغطيها و نركنها على الرخامة ساعتين
هنلاقيها نزلت سائل زي الصورة كده نرفعها على النار و لما تغلي نهدي شوية و نقلب لغاية ما تلاقي الفراولة غمقت و تقلت شوية نطفي النار و نخليها تبرد و ممكن تعمليها قبلها بيوم او تستغني عنها براحتك

بالصور طريقة كنافة سعد الدين بالصور 20160614 626

بالصور طريقة كنافة سعد الدين بالصور 20160614 627

    طريقة تشيز كنافة سعد الدين

    طريقة عمل كنافة سعد الدين

    طريقة كنافة سعد الدين

    طريقة كنافة ف قوالب بالصور

650 views

طريقة كنافة سعد الدين بالصور