6:55 مساءً الإثنين 17 يونيو، 2019




طريقة عمل كيك التورتة

طريقة عمل كيك التورتة

صور طريقة عمل كيك التورتة

المقادير بالكوب
6 بيضات مفصول الصفار عن البياض
كوب دقيق الا معلقتين كبار
كوب سكر الا معلقتين كبار(سكر مطحون او ابيض ناعم
معلقتين ما ية دافية مش سخنه
كيس بيكنج بودر او 3 معالق كبار
معلقتين كبار نشا
ذرة ملح يا دوب رشة خفيفة جدا جدا عشان متبانش في الكيك

****************

صور طريقة عمل كيك التورتة
المقادير بالجرام:

120 جرام دقيق
120 جرام سكر مطحون او سكر ناعم ابيض
20 جرام نشا
6 بيضات مفصول الصفار عن البياض
كيس بيكنج بودر او 3 معالق كبار
فانليا
معلقتين كبار ما يه
ذرة ملح
********
اولا لازم نعرف يا بنات شوية حاجات بيعتمد عليهم نجاح الكيك الاسفنجي

1 الاوانى اللى هنضرب فيها البياض لازم تكون ناشفة تماما مفيهاش نقطة ما ية و نظيفه.

2 فصل البياض عن الصفار خلو بالكوان ما فيش نقطة صفار واحدة تيجى على بياض البيض لان لو دة حصل يبقا بياض البيض مش هيبقا هش خالص و طبعا كدة يبقا الكيكا مش هترتفع و تبقا اسفنجية زي ما احنا عاوزين و عشان نضمن و احنا بنفصل الصفار عن البياض اننا منكسرش الصفار غصب عننا و ييجى على البياض ،

 

يفضل انك تفصلى الصفار و البياض اول ما تطلعى البيض من التلاجة و هو ساقع لانة بيقا متماسك شوية من جوا و تقدرى تتحكمى فيه.

3-(المكونات في درجة حرارة الغرفة لازم يا بنات كل المكونات تبقا في درجة حرارة الغرفة و متكونش لسة خارجة من التلاجة يعني البيض اول ما تطلعية من التلاجة افصلية عن بعض و حطى الصفار و البياض كل واحد في طبق لوحدة و سيبية حوالى ساعة عشان يوصل لدرجة حرارة الغرفة قبل ما تبداى في الكيك و لازم تغطو الطبق عشان البيض بيتجلط لما يتعرض للهوا.

4-(الفرن افتحى الفرن اول ما تبداى في ضرب البيض عشان يوصل للدرجة المطلوبة على بال ما تكوني انتهيتى من عمل خليط الكيك.

5 نخل الدقيق لازم تنخلى الدقيق 3 مرات بمنخل او مصفاة سلك مرتين قبل ما تبداى عمل الكيك و المرة الثالثة و انتي بتضيفى الدقيق على الصفار تنخلية و انتي بتضيفية .

 

6-(السكر مهم جدا ان السكر يبقا ابيض و ناعم جدا شبة سكر الاسرة كدة او مطحون و لو السكر مطحون يبقا لازم يتنخل زي الدقيق برضو.

7-(الصينية مهم جدا الصينية تكون جوانبها مرتفع قوي يعني اقل كدة من ارتفاع الحلة بشوية صغننة و لو مش متوفر عندك يبقا ممكن تحطى جواها ورق زبدة توقفية من جوا حوالين الجوانب بحيث تعملى بية جوانب عالية للصينية زي دى كده

.ويفضل طبعا تفر شي الارضة ورق زبدة بس لو مش متوفر خلاص ممكن ورق فويل و لو مفيش خلاص ادهنيها زبدة و ذقيق .

 

كمان كمية الكيك المفروض تبقا تلت او نصف ارتفاع الصينية بالكتير لان لو اكتر من كدة هترتفع جدا و تفور او هتهبط تانى .

 

8-(مضرب البيض لازم بعد ما نضرب الصفار نغسلة و ننشفة كويس جدا عشان لو فيه ما ية او رطوبة البياض مش هينفش كويس و الافضل نشفية بمناديل عشان تضمنى ان مفيش فيه نقطة ما ية .

 

يلا نبدا بقا احلى ابتسامة

الطريقه-
****
افتحى الفرن على درجة حرارة 200 سليزية او 375 فهرنهايت.

*هنضيف البيكنج بودر و النشا للدقيق و ننخلة مرتين و نسيبة على جمب .

 


السكر لو مطحون هننخلة برضو مرة واحدة و نسيبة على جمب و لو ناعم خلاص متنخليهوش.
اضربى صفار البيض لحد ما تحسى ان لونة بقا فاتح قوي زي البيج او الاصفر الباهت قالب على ابيض كدة هو تقريبا بياخد خمس دقايق ضرب بالمضرب الكهربائى و اطول الضعف تقريبا لو بالمضرب اليدوي.
ابداى الضرب بالسرعة البطيئة دقيقة و بعدين على السرعة خالص.
لما لونة يفتح خفضى سرعة المضرب و ابداى ضيفى نص كمية السكر للصفار معلقة معلقة و لما تخلصى نص كمية السكر زودى السرعة تانى و اضربى و ضيفى 3 معالق ما ية و الفانليا و اضربى دقيقة و وقفى .

 

اغسلى المضرب و نشفية كويس جدا و اضربى البياض مع ذرة الملح ابدائى بالسرعة المنخفضة دقيقة و زودى بعدها السرعة و لما يبقا البياض عامل زي رغاوى الصابون كدة خفضى السرعة و ضيفى باقى كمية السكر معلقة معلقة و متضيفيش معلقة سكر الا لما اللى قبلها تختلط كويس بالبياض .

 

لما تخلصى كمية السكر كلها زودى السرعة للاخر و كملى ضرب لحد ما تحسى ان المضرب بيعمل علامات في البياض و انتي بتضربى علامات شبة التموجات البارزة كدة عشان تعرفى ان البياض كدة جاهز اقلبي بشويش الطبق لو لقيتى ان البياض مبيتحركش منه و مش بيقع يبقا كدة تمام .

 

ابداى ضيفى بقا الدقيق للصفار معلقة و قلبي معلقة و قلبي تضيفى الدقيق عن طريق المنخل او المصفاة مش تحدفية كدة علطول عشان ميهبطش الصفار .

 


تحطى معلقة دقيق في المنخل و تنخلية على الصفار و تقلبي من تحت لفوق في اتجاة واحد نص دايرة فقط و بالراحة عشان الهوا ميجرجش

.

لو حسيتى ان الدقيق و الصفار تقيل و مش عارفة تقلبي كويس ضيفى معلقة او اتنين من البياض عليهم و قلبي دة هيساعدك على التقليب .

 


،كل ما تحتاجى اعملى كدة بس خلى بالك مش عاوزين ناخد من كمية البياض كتير عشان نحتفظ بالهوا اللى فيه و هنضيفة في الاخر خالص .

 

خلصتى كمية الدقيق خلاص

 

ضيفى البياض على 3 مرات بس بالراحة خالص و قلبي بشويش الغرض من التقليب ان الخليط يتجانس فقط يعني بلاش ضرب جامد عشان ميهبطش و الهوا يطلع منه .

 


صبى الخليط في الصينية المدهونة او اللى فيه ورق زبدة بالراحة و دخليها الفرن في الرف الاوسط العشر دقايق الاولى على درجة حرارة 200 و بعد كدة هديها 180 لحد اخر النص ساعة و متزوديش في الفرن ابدا عن 40 دقيقة اقصى مده.
دة في حالة لو اختبرتى الكيك بعد نص ساعة و لقيتية مستواش

 

(اختبرى الكيك بعود خلة اسنان او عصى الشيش طاووك او سكينة رفيعه).

اطفى الفرن و سيبى الكيك في الفرن خمس دقايق و بعدين خرجية في مكان دافى ممكن جمب البوتاجاز من فوق عالرخامة و بعد شوية اقلبية على منخل سلك يبرد.

يفضل متقسميش الكيك للتزيين و الحشو الا تانى يوم لان الكيك بيكون خارج من التلاجة بارد و بينقسم بسهولة و من غير فتافيت .

 

(حددى علامات بالسكينة على جوانب الكيك و دخلى فيها الخيط و بعدين شدى الخيط معكوس زي الصورة كدة هيتقسم معاكى مظبوط و بسهوله.
.
عند الحشو جهزى قطر عشان تسقى منه الكيك و تكون طرية و جميلة .

 

مقادير القطر
******
كوب ماء نصف كوب سكر و فانليا
حطيهم على النار و لما يغلو سيبيهم بعد الغليان 10 دقايق و اطفى عليه
ومتزوديش القطر قوي في الكيك عشام ممكن يتهرى الغرض منه يخلى الكيك طرى فقط .

 

وكملى تزيين الكيك من ابداعك .

 

(الكريمة اللبانى في حشو الكيك تحفة بجد خصوصا لو مزودتيش ليها السكر بتبقا كاناها قشطة لكن في التزيين الخارجى نتيجتها معجبتنيش.

    طريقة عمل كيك التورته

    طريقة عمل الكيك او التورتة

    عمل كيك التورته

    طريقة عمل كيك المنفوش

    طريقة عمل كيك التورتة

    طريقة عمل التورتة وتزينها

    صور افكار تورت

    حلويات مغربية سهلة وغير مكلفة بالصور

    انواع الكيك

    الكيك المنفوش بالشكولاته

1٬484 views

طريقة عمل كيك التورتة