طريقة تنظيف المطبخ بالصور

كيفية تنظيف المطبخ بالصور

صورة طريقة تنظيف المطبخ بالصور

صور

1 يا عيني على البوتاجاز و دهون البوتاجاز

حلها بقي

شوفى يا قمر لو عايزة تتخلصى من اي اثار للدهون اللى موجودة على البوتوجاز نتيجة القلى و التحمير يبقي هاتى اسفنجة فيها مسحوق غسيل و امسحى البوتوجاز بيها و بعد كدة امسحية باسفنجة مبلله بالمية و بكدة يبقي البوتوجاز نظيف من غير اي مجهود و لو عايزة زيادة في اللمعان يبقي امسحية بورق جرائد مبلل بالميه…
دى كانت طريقة،

فية كيفية تانية و دى يمكن تلجئى اليها لو كان البوتوجاز اللى عندك فيه دهون ناشفة و مش عايزة تطلع يبقي ضعى على الدهون دى خليط مكون من نص كوباية مية نص كوباية اي مسحوق تنظيف عندك و سيبية عليه مدة ساعة و بعد كدة ابدئى في تنظيف البوتوجاز بنفس الكيفية السابقة.

صورة طريقة تنظيف المطبخ بالصور

(2 حلة المطبخ

من المشاكل اللى يمكن تقابلك و تبقى مش عارفة تعملى معاها اية مشكلة ان الحلة يصير فيها سواد من تحت و علشان تتخلصى من المشكلة دى يبقي افركى السواد دة بشوية ملح خشن و ليمون و بعد كدة اشطفيها كويس و اغسليها بالصابون و فرشاة خشنة و بعد كدة اشطفيها كويس بالمية و هتشوفى الفرق بنفسك هتلاقى الحلة رجعت جديدة.

(3 الكوبايات مش بتلمع

من ضمن المشاكل اللى يمكن تقابلك مشكلة ان الكوبايات و الاطباق مش بتلمع بالرغم من انك غسلتيها اكتر من مرة بمسحوق غسيل فيه ما دة ملمعة لكن مفيش فايدة!!!
وعلشان تتخصلى من المشكلة دى يبقي بعد ما تغسليها بالصابون حطيها في طبق فيه مية فاترة مذاب فيها ملح و سيبيها مدة ساعة و بعد كدة اشطفيها كويس قوي و سيبيها على ترابيزة المطبخ علشان تنشف في الهواء من نفسها و اوعى تنشفيها بفوطة المطبخ لانها هتخليها تفقد لمعانها.

اما بالنسبة للكاسات الكريستال فاشطفيها بمية فاترة مضاف اليها قطرات من الكحول الابيض و سيبيها لغاية ما تنشف من نفسها.


(4 ريحة اللحمة ما سكة في المفرمة باديها و سنانها

حلها ياسيتى اية بقي
ساعات كتير لما تيجى تفرمى لحمة في المفرمة ريحة اللحمة بتفضل موجودة فيها و مهما تحاولى تغسليها بمساحيق ليها ريحة روعة الا ان ريحة اللحمة بتفضل موجودة برضه.. نفس المقال دة بيتكرر لما تيجى تطحنى بهارات ريحة البهارات برضة بتلزق هي كمان…
وعلشان تتخلصى من المشكلة دى نهائى يبقي هاتى عيش محمص و اطحنية في المطحنة او المفرمة و بعد كدة اغسليها بنفسك و اوعدك انك مش هتلاقى اي اثار لريحة الحاجة اللى اتطحنت لان العيش هيمتص اي ريحة.

5 الدهون اللى لازقة على الاخلاط يا ساتر عليها

ساعات كتير بتستخدمى الخلاط علشان تضربى فيه خليط فيه دهون بس للاسف الشديد ساعات الخليط دة بيلزق فيه و بتبقى مش عارفة تطلعية كيف…

وعلشان تحلى المشكلة دى يبقي حطى في الخلاط شوية ملح قشر ليمون كوباية مية سخنة و اقفلى الخلاط و رجى الخليط دة جواة اكتر من مرة كويس و بعد كدة اغسلية زي ما انت عايزة و هتشوفى الفرق بنفسك.

(6 الملاعق و الشوك و السكاكين عايزة تلميع

علشان تلمعى السكاكين و الملاعق و ادوات المائدة غير الفضية يبقي دوبى شوية مسحوق غسيل في لتر ماء عصير ليمونة و حطية على نار هادية مع الملاعق اللى انت عايزة تنظفيها و سيبية لغاية ما يغلى مدة ربع ساعة…وبعد كدة سيبية لغاية ما يبرد و بعد كدة اشطفى الملاعق او السكاكين بالمية و سيبيهم لغاية ما ينشفوا في الهواء و بلاش تنشفيهم بفوطة و هتلاقيهم بقوا يلمعوا كانك لسة جايباهم.

(7 ريحة البصل و ما ادراكى ما البصل ما سكة في لوحة التقطيع

علشان تتخلصى من رائحة البصل و الثوم و السمك و غيرها من الروائح اللى يمكن تكون=موجودة على لوح التقطيع يبقي ادعكى لوح التقطيع بنصف ليمونة او حطى عليه طبقة معجون عبارة عن “كوباية مية بيكربونات الصودا “وسيبيهم مدة ساعة و بعد كدة اغسلية كويس بالصابون و المية.

(8 سيراميك المطبخ مش عايز يطلع اعوذ بالله

علشان تلمعى سيراميك المطبخ سواء سيراميك الجدران او الارض يبقي دوبى فنجان خل ابيض عصير ليمون ملعقة كحول نقى “موجود في الصيدليات” في مية فاترة و لمعى بية السيراميك و هتشوفى الفرق بنفسك.

ولو عايزة ريحة المطبخ تبقي روعة بعد ما تخلصى يبقي ضيفى الى مية المسح عصير 5 ليمونات و هتشمى الريحة بنفسك.
(9 اسفنجة الحوض بقت مش نضيفه

بعد ما خلصتى غسيل كل حاجة لقيتى ان اسفنحة التنظيف شكلها زي ما يصير قديم و مش نظيفة و نفسك ترجعيها زي الاول يبقي انقعيها في مية سخنة مضاف اليها ملح خشن او بيكربونات الصودا او صابون الغسيل و بعد ساعة اغسليها كويس بالصابون و المية.

(10 بقايا الطعام و الدهون سدت حوض المطبخ

ساعات كتير البلاعة الخاصة بالحوض يمكن تتسد نتيجة تجمع كمية كبار من بقايا الطعام عليها او الدهون و علشان تتغلبى على المشكلة دى يبقي هاتى كوباية كلور كمية كبار من المية و ضيفيها اليها و افتحى حنفية المية السخنة مدة عشر دقيقة و كل حاجة هترجع زي الاول و احسن

  • تنظيف المنزل بالصور
  • تنظيف المطبخ بالصور

1٬654 views