شيلات ام بي ثري منوعة
انا وين ابلقى يالاجاويد فاعل خير=حريص على سر المحبين لارسلته
انا لو ابصبر عام مابان بي تاثير = وهالحين حتى الصبر يومين ما احتلته
انا مثل صقار تولع بحب الطير = ولف قلبه فروخ الصورايم وهبلته
تولعت في فرخ قضيب يتل السير = ابي نظرت من لفته الحر وسبلته
صغير بسنه غير عندي ماهو بصغير = يامغلاه في قلبي وياكبر منزلته
اجمعله سمان الهرج خوف من التقصير = والى جيت ابشرح له كلامي تهيزلته
يجيني منه هيبه . معزه . سحى . تقدير = اقابله عندي علم واروح ماقلته
——————————–
ودنا بالطيب بس الدهر جحاد طيب
كل ماتخلص مع الناس كنك تغشها
يدك لامدت وفا لاتحرى وش تجيب
كان جاتك سالمه حب يدك وخشها
كل ماشبيت نار المحبه مع حبيب
قام يسحب في مشاهيبها ويرشها
كل ماواجهت لك في الزمن وجه غريب
مثل ما قال المثل دام تمشي مشها
وذمه ماهيب تندان للحق المصيب
جعل قشاش الحطب لاسرح يقتشها
——————————–
ياعنا القناص يالصيد المدسم
ياكتاب الشمس وكتاب الطلاسم
امسك اعصابي واذا شفتك تبسم
كنك تكويني على الكبد بمياسم
كن بياضك من حمارك لاتقسم
عارض في وجنتك موكب مراسم
حبكم سيطر على قلبي ورسم
مثل ماسيطر على بغداد قاسم
——————————–
زاومني الهاجوس ملعون ابو الاهل
يقول البيوت العصم واياك و اياها
لا عينت كلمه قلت يضرب بها المثل
لقينا وراها كلمه كنها اياها
ما تنجح مدارس فلسفه علم في جهل
والعربان ما كل يقدر يكسب رضاها
يحاول قدر الامكان يعني على الاقل
يدخل في مفاهيم العرب يكسب اصغاها
——————————–
يا زين المشي في االروض الخضر لا شعشع المخضار
يازين الدير ه اللي من حقوق الوسم ممطورة
يريح البال سج في الفياض الخضر والمسيار
سعاده للقلوب اللي من السلوان مسرورة
متى عيني تشوف اللي على قلبي ربيع ودار
اشاهد للسعاده في حياه المجتمع صورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه اصحى سماغر المزون وشعشع النوار
ودجاه ادلى سدوله والقمر متجلي نوره
اشاهد لي بروق دونها ربانها تندار
تقول اكباس غاز من ورا شلال نافورة
سبح ماهر خيالي في الخباري والبرد والنار
واشوف الجمر فوقه دله الرسلان منحورة
هذاك المنظر اللي ما تشوفه في الحياه امرار
على شوفه سبابيح الخيال تموت مقهورة
حرام اني ما اهني راع المليون والمليار
ولا اهني عربسات الفضا دوره ومقدوره
اعيش بعالم طول المدا يبقى لها تذكار
عليه بالحرام انها حياه مالها جوره
هذا وجه الصحيح ولا على وجه الصحيح غبار
حقيقه ويتمعنها اللبيب بكامل شعوره
——————————–
الا ياالله ياللي تحت هيبه سلطنتك اسلمت”
“لك المسلم يسبح لك بحمدك ولك الاسلامي
احمدك واشكرك واثني عليك بما علي انعمت”
“تزودني وفا قدر العشير ووصل الارحامي
ولجك الفجر ياليل الذهول اللي علي اضلمت”
“يعرضك واقع الماضي بعيني عرض الافلامي
ولهتك يالنديم اللي على صافي وفاك اضرمت”
“بصفحه ذكريات العام واللي من ورا العامي
بعد تقرير مشوار التجارب نجحك واجزمت”
“بان السيف سيفي والعصا والمحزم احزامي
عطتني عزله اخلاصي معك نسيان من نادمت”
“كتبتك وانطوت صحفي عليك ورفعت اقلامي
اباهي لا ابالي واتبيسط كل ماقدمت”
“اشب النار قدام العرب واشيد اخيامي
نهاري حر شمسه يستحي منها لسان الشمت”
“وليلي ترقب نجومه ملامه كل من لامي
على ضو الكلام اللي كشف عنا ستار الصمت”
“عرفت اني تحت برق الامل في روض الاحلامي
احسب انك تيمم با اتجاهي وين ما يممت”
“واثر ما انت بورايه في الطريق ولانت قدامي
مصيبه لاتدنت قيمتك في عين من قيمت”
“يشوفك بالسهل وانته تشوفه بالسما السامي
كثر ماحن قلبي للونيس وكثر ما درهمت”
“فجر صدري حنيني واتعب الاقدام درهامي
عيون الصد وعيون التجافي حول مهما اكرمت”
“تشوف المجتهد كسلان والبناي هدامي
مدام ان جانبك شام لجنابي وانت عني شمت”
“كثر خيرك وانا مانيب لاجايع ولاضامي
اشوف انه علي واجب ليا مريتكم سلمت”
“مرور اكرام تربطه الكرامه عند الاكرامي
على شان الخفوق اللي على عرشه قعدت وقمت”
“حجب عنك الدجى لين اشرقت لك بيض الايامي
ختام السالفه ياطيب العشره كرمت ودمت”
“هذا حقك علي وحق شرهاتي على اوهامي
مصير الوقت يشرح لك دروسه وان غفلت ونمت”
“يصحيك الزمان اللي يصحي كل من نامي
تذكرني لامنها خابت اوهامك فمن وهمت”
“وشفت الفرق في حب الخشوم وحب الاقدامي
——————————–
اه يا قلب ياللي دايم في ذهول
والله انه ثقيل لين جوه الثقال
يا قطاه العبيه يا هيام الذلول
يا عيون النداوي يا رقبه الغزال
نور وجهك على من شاف منك القبول
نور صبح تبسم في رهاد الجبال
كني اقرا على طرت جبينك تقول
انا قلبي يحبك يا حبيبي تعال
كان قدمي حد فالحب راح امهبول
والله انه خطير لا يجيني اهبال
المحبه جملها مرسل وامعقول
لعنبو من يقول ان المحبه اخبال
والذي ليله الاسراء عرج بالرسول
ان حبك لحال وحب غيرك لحال
——————————–
يا راكب اللي مصنعه في الولايات
اللي مريكا في المصانع تصبه
تصميم شركه كلاهان الخواجات
امورده من نيويورك ونصبه
اكبر مكينه سقطت للونيتات
واحد صفر واحد ودبه ودبه
ما يصدر الا عن طريق القطاعات
حتى سبيراته تجي في اسطبه
وبالجدول السري خذته الوكلات
ومديرها وقع وعاهد بربه
وصدفه طلع بالواسطه والحيالات
ثم قيل يا سواق اخذه وغبه
ساعه فتح بابه عطوه السويكات
شغل ولا الماء مع كزوزه يكبه
قام ايتسمع وش تقول القزوزات
لياهي تقول ابغاك ممه وببه
——————————–
الله يرحم بوك وامك ويلحقك بهواك
كلنا للي تقولين اذان صاغية
انت مطغيك البها لين حدد مستواك
يعني اكبر مجرمه حب واكبر طاغيه
شوفتك للي فؤاده مريض في حراك
جنه ما ينسمع في طرفها لاغيه
انا يوم اغليك.. واجيك.. وادور رضاك
باغيه نفسي!! ولا ادري وشنهي باغيه..
——————————–
لاتخالفت المماشي تخالفت الدروب
مع من يعنيك ويقدرك وتقدره
والبشر محد على شف غيره بمغصوب
من بغاله شعب فيسنده ويحدره
والادمي ماهوب يدري بسدات الغيوب
وارد الما مايدله ياكود مصدره
ولا تجيك الحصبه الا من فراش امحصوب
وحبه الجدري تجي من فراش مجدره
——————————–
بعدالامل تتعب دونه الناس ماوصلوه
حتى تجتمع فى ساعةالحشر منحشره
الوجه المشبب كلمته مالها مسفوه
والاقشر يواجه قشرالانصاد من قشره
تلقى مبغضين الادمي كثر من حبوه
على وجه سابعه الاراضين منتشره
والدنيا تمد الناس بالخير والمكروه
في خيراتها شتى وفي شرها خشره
و سمات البخت لا شافوا النور ما غطوه
واقوى رابطه في الزاد والملح والعشره
واللي يجهل المشروه لا يلحق المشروه
ورجال تعداه المشاريه لا يشره
والالباب لامر الكلام المفيد اوحوه
وتفصيل الخبر يكفي عنه موجز النشره
——————————–
ون ابن جدلان من لايع لاعه
كن في كبدي دوافير صناعي
العب المنكوس واحب روباعه
ممل في الوقت والوقت خداعي
مادريت ان ضحكه الوقت خداعه
شفت مدخالي ولاشفت مطلاعي
لابغيت اسج والا انبسط ساعه
دق قلبي من وراء حدب الاضلاعي
كن مابين الضلوع اله طباعة
تشتغل لانمت واقوم مرتاعي
هم قلبي مايفرق تجماعه
كود جر الصوت والناس هجاعي
فاقد لي سلعه واكبر ابضاعه
سلعه تشرا ولاهيب تنباعي
رفقه الطيب ليا غير اطباعه
اشهد انها كيه توجع اوجاعي
راكب الي صممه صاحب اصناعه
جمس بيك اب من حديثات الانواعي
الغريب الي جديد من انواعه
حوض رفرف مايبي شد وشراعي
لا اونس البنزين عجل تفرقاعه
مخطر من سرعته يقلع اقلاعي
لاتحرك شفت في القاع مشلاعه
والتواير تظهر الماء من القاعي
ينعش القلب الحزين ابتهملاعه
لا مشا قام يتهملع تهملاعي
لاوطا الارض العتش كن تهزاعه
بنت شيخ طامح من ولد راعي
في رجاء الغايب تحرا لمرجاعه
تنقد العشاق وتطق الاصباعي
نفسها من جمله الناس منصاعه
ما تبي الا واحد ذكره ايشاعي
ينحر اللي ياخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعي
لاوصلتوا فاخبروني عن اوضاعه
واخبروا راعي السمارا عن اوضاعي
انشدو ويش السبايب بمهزاعه
لا علي ناقص ولا ابيه فزاعي
ودنا نرضيه ونحاول اقناعه
كان بن مهمل بعد يسمع الداعي
كان يبغا حق للحق قطاعه
نقنعه والحق ما عنه مجزاعي
وكان مبغض في الرياجيل بتاعه
لا يجي ناقد ويلحقني ارياعي
للصديق نخلي النفس خضاعه
ما نوريه الجفا والتمطاعي
الصداقه عندنا ذخر وطماعه
صحبه ماهيب صحبه تمتاعي
حد جدتها على البرق لماعه
وان خذت يومين مفعولها ضاعي
ان تجمعنا على العز والطاعه
وان تفرقنا فجوج الله اوساعي
ما اطرد المقفي ليا صفط اشراعه
مخبل اللي للمقفين تباعي
من يحط اذنه على كل سماعه
جاه فرقا مابعدها تجماعي
والزباد اختام هرجي ومطلاعه
يدفعه من ريحه المسك ذعذاعي
——————————–
- موقع لتحميل اغاني كلمات شيلات عيون الزين الطول هيبه mp3
- شيلات بنت شيخ
- شيلات ام بي ثري
- شيلات ام بي
- شيلات اف ام ثري
- شيلاات بنات
- شلات هجيني ام بي ثري
- تحميل الحب تجماعي
- ام بي ثري ماحلى الفنجال في ساحة البال
- ام بي ثري جوسس
