يوم الأربعاء 7:47 مساءً 23 أكتوبر 2019



روايه بسمه وخالد

رواية بسمة و خالد

صورة روايه بسمه وخالد

صور

قصة و اقعية رائعة بمعنى الكلمه
حبيت انقلها لكم
مع تمنياتى لكم باوقات سعيده
* بسمة خالد *
الفصل الاول….

*-*-*
الجزء الاول
جلست و اسندت ظهرها لشجرة الوحيدة في بيت عمها…….وتاملت مغيب الشمس و المعركة التي كانت تدور بين الليل و النهار…بين النور و الظلام..ابتسمت بمرارة و هي تشهد انتصار الظلام على النور….بس بكرة فيه يوم جديد و فيه معركة جديدة بتنصر الشمس فيها و بتطرد الظلام…….تنهدت بعمق و اخذ شريط الذكريات يمر امامها لكن الظلام اللى خيم على حياتها ما له شمس تطرده…….

-“لازم يعني من هالقعدة كل يوم في هالوقت”
التفتت بسمة على بنات عمها اللى توهم دخلو البيت:”قاعدة اتامل مغيب الشمس”

 

هدي بسخريه:” اش تحبين في مغيب الشمس عشان تتاملينه”
بسمة و هي قايمة بتدخل:”ما احبه……احب الشروق اكثر… بس كرهى له ما يمنع اني اتعلم اتعايش معاه….مثل ما فيحياتي اشياء كثيره
مااحبها بس متعايشة معاها”

هدى:”انتى اش قاعدة تقولين….الحمد لله و الشكر على نعمة العقل”
هند:”قصدها حياتها عندنا
كملت بسمة طريقها….وماردت عليها حتى تبعد عن المشاكل…
هدي و هي تناظر بسمة بعد ما اختفت:”ياكرهى لها”
هند:” حتى انا….تصدقين احيانا احاول احبها… بس لما اشوف كل اللى احبهم صاروا يفضلونها علي….”

هدي تقاطعها بضيق:” بدال هالمقدمة الطويلة العريضه….

 

قولى باختصار اغار منها”
هند و هي تلتفت على اختها:”وانتى ليش تكرهينها ياام العريف؟؟”
هدى:”اكرهها كذا بدون سبب”
هند:”هههه….بدون سبب و لا لان مرة خالي خطبتها….لحبيب القلب”
هدي بعصبيه:”سكتى لاتسمعك”

هند:”حتى لوسمعتني….

 

ما فيه امل انها تتزوج يوسف لن ابوى رفض حتى من غير يشاورها”
بسمة بنت اخو ابو عبدالعزيز(حمد)تعيش عند عمها من سبع سنين من عقب و فاة ابوها و مها و اخوها في حادث سياره….

 

عمرها 19سنة تدرس ثالثثانوي…رغم صعوبة الحياة في بيت عمها الا انها متفوقه…
جميلة كان جمالها بسيط و هادى متوسطة البياض و يميزها صفاء بشرتها عيونها سود و وساع و شعرها اسود متوسط الطول و احلى ما فيه انه غزير……

هدي بنت عم بسمة اكبرمنها تدرس ثاني جامعه….جميلة و تحب تغير في شكلها…كل فترة لشعرها قصة و صبغة مختلفه…
هند عمرها 17سنة تشبة اختها هدى…لا انها قصيرة نسبيا…..

اول ما دخلت كانت مرة عمها في الصالة و كالعادة لما تشوفها….لازم تنكد عليها….
-“ذكرتى لعبدالعزيز”.
بسمه:”اية ذاكرت له بس هو الله يهديه….”

صورة روايه بسمه وخالد

ام عبدالعزيز(حصه)مقاطعة كلامها:” لا بس و لا غيرة ان جات علاماتة ضعيفة ياويلك يابسمه”
بسمة ” و انا اش ذنبى

 

؟”
ام عبدالعزيز:” ذنبكانة هو مسؤليتك وان ما نجح تحلمين تدخلين امتحانات الثانويه… ان يروح تعبك على الفاضي…”
بسمة في خاطرها ياها الثانوية اللى كل شوى و الثاني تهددنى بسبتها…ما لى الا الصبر..
بسمه:”لا ان شاء الله ينجح و بتفوق بعد”
ام عبدالعزيزبسخريه:”نشوف…التفوق”
تنتبة بسمة على رنة التلفون…
ترد ام عبدالعزيز:”الوه”
-“”
ام عبدالعزيز:”وعليكم السلام هلا و الله بالغاليه”
-“اشلونكم…..واشلون العيال؟؟”
ام عبدالعزيز:”طيبن الله يسلمك…اشخبارك انت؟؟”
بدريه”الحمد لله بخير…..يسرك الحال”
ام عبدالعزيز:”وينك يالقاطعة ما احد يشوفك”
بدريه:”خليها على الله التهينا في العيال و المدارس”

ام عبدالعزيز:”صادقه….هالمدارس جننتا”
بدريه:”عاد كلمتك عشان امل لها اسبوع غايبة مثل ما تدرين و بغيتها تذاكرمع بسمه”
ام عبدالعزيز:”اية ما عليه خليها تجى الخميس تذاكر معها..كان اقول اليوم بس اليوم رايحين بيت اهلي”
بدريه:”طيب خلى بسمة تجى اليوم عندنا… تدرين ابو ما زن مسافر و ما عنديعيال كبارعشان تخافون عليها”…
ام عبدالعزيز:”افا عليك انتي مثل امها بس ما ادرى عن عمها يرضي تجيكم…بالذات انا نتاخر في بيت اهلي”
بدريه:”ماودى احرجك ياام عبدالعزيزمع ابو عبدالعزيز…”
ام عبدالعزيز مقاطعه:” تدرين ما يكون خاطرك الاطيب”
بدريه: “هذا العشم فيك يام عبدالعزيز”…
ام عبدالعزيز:”بكلمة وان شاء الله ما يخالف”…
بدريه”مشكوره….ياللا تامرين شي”…
ام عبدالعزيز:” سلامتك يالغاليه…مع السلامه”
على طول من سكرت ناظرت بسمه…نظراات كلها كره..
ام عبدالعزيز:”هذي جارتنا ام ما زن…بنتها كانت مريضة الاسبوع الماضي..
وتبغي تروحين اليوم تساعدينها في المذاكره”
بسمة في خاطرة و الله منتى هينة ياامل قول و فعل):”على راحتك…مرة عمي”
ام عبدالعزيز:” و الله راحتى ما تروحين…لكن هذي ام ما زن غالية على ما اقدرارفض لها طلب

  • رواية بسمه وخالد الجزء الثلاثون
  • روايه بسمه وخالد الجزء الواحد والثلاثون
  • رواية بسمه وخالد
  • رواية بسمة وخالد الجزء الاخير
  • رواية بسمه وخالد كامله بدون ردود
  • قصة بسمه وخالد الجزء الاخير
  • رواية بسمة خالد كاملة بدون ردود
  • قصة بسمه وخالد الجزاء الثلاته والثلاثون
  • رواية خالد وبسمه كامله بدون ردود
  • قصه حب بسمه وخالد كامله

1٬211 views

روايه بسمه وخالد