رواية غلا وفهد كاملة , رواية مشوقة أنصحكم تتابعوها
بيت ابو فهد / الصاله
رؤى اللي كانت مستلقيه ع الكنبه وسارا بحضنها بتافاف : سارا وبعدين
سارا تسحب شعر رؤى وتلعب فيه وتحوسه
رؤى صرخت : ساااارا الزفت مو رايقه لك
سارا وقفت عن اللعب وقامت تاشر لبعيد : بابا باااابا
رؤى تنهدت : بابا راح مو فيه
سارا بكت والى الان تاشر : بابا باااااابا
قرب لها وسحبها من حضن رؤى وهو يبوس فيها
اعتدلت رؤى وقامت من الكنبه والتفت ناحيته : اشوى انك جيت فارس ما … ماكملت
جملتها وصرخت : فهد
ضحك فهد وهي نطت وضمته بقوووه
فهد باس جبينها وبعدها عنه ورفع راسها له وكانت عيونها غرقانه بدموع ضحك عليها ومسح
دموعها
رؤى وهي تمسح دموعها : الحمدالله ع السلاامه
فهد وهو يمسح ع شعرها : الله يسلمك ياقلبي
غلا اللي كانت تتابع الموقف تخصرت بقهر : وانا ست رؤى
رؤى انبسطت وتركت فهد و ركضت لها وحضنتها : غلاوي اشتقت لك حيييل
غلا تضحك : ايه ايه اكذبي علي وانتي مطنشتني
جاهم صوت ام فهد وهي متفاجئه : فهد
ابتسم فهد وقرب لها وباس راسها وباس يدها
ام فهد بفرحه : الحمدالله ع السلاامه يايمه
قربت لها غلا بخجل وسلمت عليها ببرود قاتل : وش اخبارك خالتي
ام فهد ببرود : بخير
فهد : يمه وين ابوووي ماشف … ماكمل كلمته الا بدخوله هو وفارس
فارس انهبل : فهيدااان
راح لفهد وسلم عليه وحضنه بس ضربه فهد ع كتفه : اصغر عيالك انا
قرب فهد لابوه وباس راسه ويده وغلا نفس الشيء
ابو فهد مستغرب : متي جيت ياولدي
فهد بتعب يجلس : توني واصل وربي
ابو فهد : اهاا .. الحمدالله ع سلامتكم .. ( ابتسم لغلا ) : وش
اخبارك يابنتي
غلا بخجل : تمام ياعمي وانت طمني عنك
ابو فهد : ابشرك يابنتي بخير
ام فهد بتضايق : ليه ماقلت لنا يايمه ؟
فهد تنهد : والله حبيت اسويها مفاجاءه
فارس بضحك : مفاجعه مو مفاجاه
رمى عليه فهد الخداديه وضحك فارس
غلا تهمس لرؤى : وين خلود
رؤى بنفس همسها : ارسلت لها بجوالها تنزل تحت وخبرتها عنكم
دخلت عليهم خلود وهي بكامل حجابها عشان فهد سلمت ع غلا بحراره : الحمدالله ع
السلامه
غلا ابتسمت : الله يسلمك
خلود وهي تجلس ع الكنبه : الحمد الله ع السلامه اخوي فهد
فهد ابتسم : الله يسلمك ياام سارا
ابو فهد : المفروض تقول لنا ياولدي لزوم العشاء والعزيمه
فهد تنهد : انا ماقلت لكم لاني مالي حيل لهالخرابيط بس قلت لنواف وسلطان واستقبلوني
بالمطار وقالولي عن عشاء بيسوونه اليوم ببيت جدي وهم تكفلوا فيه بدون علمي
فارس : بتروح ؟
فهد : اكيد… شسوي ؟ العشاء لي واللي مسويه سلطان ونواف
ام فهد : طيب يايمه قوم ارتاح قبل عشاء الليله انت وزوجتك
قام فهد واشر لغلا تقوم قبله : يالله وربي تعباااان تصبحون ع الخير
الجميع : وانت من اهله
طلع فهد لغرفته وكانت غلا قدامه
دخلوا لجناحه اللي اثثه فهد بطلبيه من لندن قبل مايوصلون باسبووع
غلا تفاجات بالغرفه كانت جناااااان الوانها مابين التركوازي والتطريز الذهبي الفخم
كانت تطالعها بانبهار مفهيه
فهد : اعجبتك ؟
غلا صحت ع صوته : مره
فهد انسدح ع السرير بتعب : ماتبي تنامين
غلا تكتفت : مافيني نوم ؟
فهد : نامي احسن لك انتي مانمتي من امس
غلا باستهبال : يمكن من وناستي مانمت
فهد : هههههه نامي عشان ماتتدوخين شوي وتنبسطين مع البنات
تنهدت غلا ونزلت عباتها ورمتها بالدرج واخذت بيجامه من شنطتها الصغيره ع مايرقون اغراضهم دخلت
الحمام وبدلت بسرعه ووضت و طلعت شافت فهد يصلي الظهر والعصر مع بعض لانها فاتتهم
قربت له ولبست عباتها وغطت شعرها بطرحتها وصلت جنبه
بعد ماخلصت التفت لساعه وكانت خمس العصر والتفت لسريرهم وكان فهد بسااابع نومه خلص من
الصلاه ونام بعدها ع طول ابتسمت ع شكله وقامت من مصلاها وهي تنزل عباتها و
بعدها رمتها بالدرج بكسل
قربت للسرير واستلقت عليه جنبه وكلها دقايق وراحت بسابع نومه
كل العايله عرفوا بجيه فهد وتجهزوا لعشاء الليله
في بيت الجد
عند البنات
دانا : اف وربي قهر يعني ماجت العزيمه الا الحين كان اجلوها شوي
جنى طالعت فيها مستغربه : طيب وش فيها عاادي سلطان ونواف متكفلين بكل شيء وش
حاشرك انتي
خزامى : ههههههههههه الاخت بتكشخ
دانا بغرور : احم خربوا برستيجي
ريم : انكتمي يااوم برستيج مافيه غيرنا وملينا من مقابل خشتس
كل البنات تسدحوا من الضحك ع شكلها المتفشل
وسن وهي تهمس لهنادي : بنت شفيك هدي
هنادي وهي تهز رجلها بتوتر : ودي اشوفه اليوم
وسن انقهرت بس بلعت غصتها عشان هنادي
هنادي استغربت : وسونه شفيها عيونك ذبلانه
وسن تنهدت بضيق : عزام مايكلمني هالايام صار له اسبوع
هنادي كشرت : شتبين فيه .. تراه مو من مستواك
تضايقت وسن من كلامها ولفت عنها تفكر بعزام اللي كان غير عندها من اللي كلمتهم
حبته بكل معنى الكلمه وفضلته ع الكل بينما هو جحدها تحاول هالايام تتصل فيه بس
يعطيها مشغول او مايرد
كان يراقبها وهي تتزين ع المرايا وتحط لمساتها الاخيره
طالع لبسها اللي كان بلوزه طويله لنص الفخذ بلون الكحلي الغااامق وسيعه من فوق ومن
تحت ضيقه وماسكه بقوه وتحتها سترج البنطلون الضاغط بلون اسود لركبه وفاكها شعرها كله ومسيحته
بتلفيف بسيط من تحت !
قرب لها وحاوطها من خصرها وهو يبوس رقبتها : ملاك وربي
استحت غلا وبتضيع الموضوع : ليه مالبست ؟
فهد ابتسم : شرايك نسحب عليهم
غلا : ههههه حرام عليك
تنهد فهد وتعداها بيلبس
سمعوا طق الباب بصوت عالي
فهد : مين ؟
رؤى : انااا
غلا : ادخلي رورو
رؤى دخلت وهي لابسه فستان نعوووم تفاحي مافيه ولا شيء بس ماسك ع جسمها بقوه
لتحت الركبه
وفي نفشه خفيفه من تحت : يالله ترى ابوي برا ينتظركم يقول تاخرنا
فهد وهو يعدل شماغه : يالله انزلني وحنا نازلين وراك
هزت راسها بايه رؤى وطلعت من عندهم بسرعه تركض قبل لايعصب ابوها
فهد جاء بيطلع ووقفته غلا وهي تقرب منه وترش عليه عطره
ابتسم فهد : مشكوره .. يالله مشينا ترى تاخرنا عليهم الساعه الحين ثمان ونص
غلا هزت راسها بايه وراحت تسحب عباتها والنقاب ولبستهم بسرعه ونزلت وراء فهد متوجهين لبيت
ابو محمد
رنا
تنهدت بضيق وهي تشوف رساله من غلا
وكان محتواها
رنو قلبو اليوم بطلع لبيت جدي شوي برجع واكلمك وبقول لفهد يوصلني عندك
اشفه حبيبتي ماقدرت ازورك اليوم وربي مشتاااقه لك
مسحت دمعتها بسرعه قبل مايلاحظ احد عليها
مشتاااقه لها حيل وكان ودي اتكلم معاها بس حيل الله اقوى
الظاهر مو متكلمه معاها الا بكره
اخذت نفس وتغطت ببطانيته بتنام من التعب وكلها دقايق وغطت بالنوووم
في بيت الجد
البنات كلهم عند غلا يسلمون عليها بحراره
غلا استحت منهم : مشتااقه لكم حيل
دانا : وحنا اكثر وربي
خزامى : طولتوا بلندن حيل
ريم تنهدت : اهم شيء جيتوا بالسلامه
ابتسمت لهم غلا بخجل وهي ساكته طول الجلسه
جنى قربت منها وسلمت عليها : انا جنى زوجه سلطان
غلا ابتسمت : ايه فهد قالي عنك .. وش اخبارك ؟
جنى : تمام ياقلبي وانتي كيفك
غلا دخلت قلبها ع طول جنى تحسها حبوبه : الحمدالله
هنادي اللي كانت تطالع غلا بقر : شوفيها ياوسن الزين مشققها
وسن ببرود : هي من زمان كذا
هنادي تافافت : لا من بعد ماخذت فهد وهي كذا والعز اللي مغرقها فيه
وسن تضايقت من كلامها وسكتت
هنادي لاحظت زعلها بس طنشت
في مجلس الرجااال
ابو محمد : شخبار شركه لندن يابوك ؟
فهد ابتسم : الحمدالله يالغالي زينه
ابو فهد : غريبه سمعت انك جايب يوسف معاك
فهد : ايه الرجال له سبع سنين هناك اكيد طفش
ابو سلطان : مسيكين لازم يشوف نفسه
فهد همس ل سلطان : شخبار اهل ابو سعود
سلطان تذكر جنى وتضايق : الحمدالله
فهد لاحظ ضيقته : شفيك ؟
تنهد سلطان : بعدين اقولك
هز فهد راسه بايه وسكت عشانه
ابو محمد : فهد وانا ابوك ادخل سلم ع جدتك وعمتك
فهد : ايه والله ذكرتني يبه
قام فهد : عن اذنكم ياجماعه بروح اسلم
الجميع : اذنك معاااك
تعداهم فهد وراح لمجلس الحريم وهو يرسل رساله لريم يخبرها بجيته
بمجلس الحريم ~
وصلت الرساله لريم ونبهت البنات بهالشيء وكلهم تغطوا
وهنادي طارت من الفرحه وهي تترقب وصوله بفاااارغ الصبر
عدلت لثمتها وبرزت عيونها اكثر عشانه
دخل فهد للصاله بشموخ وعطره انتشر بجميع اركان الصاله
قرب من جدته وباس راسها ويدها وهي ترحب فيه وتهلي من الوناسه
ام محمد مسحت دمعتها بطرف شيلتها : وش اخبارك يايمه ؟
فهد جلس جنبها : الحمدالله يالغاليه وانتي طمنيني عنك ؟
ام محمد : بخير ياولدي
جت عمه فهد ام وسن وسلمت عليه : شخبارك فهد
فهد : تمام وانتي كيفك ؟
ام وسن : بخير بشوفتك
ام محمد : تعالي ياغلا قهوي رجلتس
ابتسم فهد وهو يشوفها مستحيه قامت له وقربت القهوه جنبه وصبت له ومدتها له
اخذها فهد وقال بهمس : تسلمين
رجعت لمكانها جنب رؤى
هنادي كانت تتابع الموقف بقهر وهي تاكل بنفسها من الداخل وتهز رجلها بتوتر
شوي وقام فهد من عندهم واستاذن للخروج وطلع لمجلس الرجااااال
شقه عبدالله
جت له سمر تمشي واهو بالصاله جالس جلست جنبه : شفيك ؟
عبدالله مسح راسه بقهر : ولا شيء
سمر : وش قال لك ناصر ؟
عبدالله تنهد : فهد رجع للخبر
سمر بفرحه : انت من جدك ؟
عبدالله بسخريه : فرحانه يعني
سمر استغربت منه :……
عبدالله بقهر : فهد لو درى عن اللي صار وربي مايسكت مو مثل عادل اللي
سكته ابوه لكن فهد ماوراه شيء
سمر : طيب شفيها لو دور علينا
عبدالله بقهر : مابي اشوفهم وارجع هناك تفهمين انتي
سمر انقهرت منه بس سكتت
بعد صمت دام عشر دقائق ضجيجه النفس
عبدالله تنهد : سمر انا اسف ع تعاملي معاك هالايام بس انتي تعرفين لوين وصلنا
من التعب
سمر ابتسمت : عاادي كلنا تعبانين ومرهقين
قبص خدها : يعني مو زعلانه
سمر هزت راسها ب لا
عبدالله : انتي اهم وحده عندي بالدنيا كلها
سمر فرحت وتفاجئت فيه يحضنها بقوه وكان حضنه داااااافي
تمسكت فيه وبادلته الحضن ~
بمجلس الشباب ع الساعه 12 بالليل بعد العشاء
كان وضحك ووناسه لاخر شيء وبيسهرون هناك لوقت متاخر لوحدهم من دون الشياب
فهد : متى تعرس انت وياه ع خير ؟ وبعدين كم لكم متملكين ؟
نواف : افا يذا العلم وحنا ننتظرك ترد من لندن واخرتها تجينا بطنازه
فهد : هههههههههههه واحد قالكم بحضره
وليد : عاد حنا مو مثلك لنا زواج وانتظار انت حين تملكت وانت تخطفها لندن
كل اللي بالمجلس تسدحوا من الضحك ع شكل وليد المقهور
فهد : اجل وين عبدالله من المعزايم ماشفته زين ولا اتذكر انه جاء وسلم علي
والحين راحوا المعازيم ولا شفته
هدا المجلس بشكل مو طبيعي لدرجه الانفاس نسمعها
فهد استغرب : وش فيكم تقول احد مرعبكم ؟
سلطان بارتباك : احم .. فهد لازم تفهم موضوع عبدالله
فهد عقد حواجبه : لا يكون عبدالله فيه شيء
عادل : لا مافيه شيء يااخوي
سلطان نزل راسه وبدا يحكي لفهد كل شيء وفهد انصدم بقوه مع كل كلمه
بالمطبخ /
رؤى : غلاوي خلاص استهدي بالله هالسالفه مريت عليها اكثر من شهرين
غلا تمسح دموعها : عمي قاااسي ليه يسوي بسمر كذا
رؤى تنهدت : مسكينه سمر وبعدين عمي بو سلطان من يوم يومه كذا
غلا : طيب هي وينها الحين
رؤى : والله مدري
غلا : فاقدتها حيل تفاجئت من عدم وجودها وجيت اسالك ع طول
رؤى ابتسمت : صدقيني بيجي يوم ويرجعون سمر وعبدالله
غلا : رؤى تتوقعين سمر وعبدالله امممم يعني شككم بمحله او لا
رؤى بسرعه : مستحيل سمر انا اعرفها اكثر من نفسي وعبدالله تربيت معااه وكان محترم
حتى لما يجي يسلم ع عمتي او جدتي مايرفع عينه ع وحده منا وعبدالله معروف
بالحياء
غلا تنهدت : الله يهديك ياعمي
بعد صمت دام خمس دقايق
رؤى بالم نادتها : غلا
غلا استغربت : شفيك ؟
رؤى تحاول تمنع دموعها من النزول : ابي اتكلم معاك اذا رجعنا البيت شوي
غلا حست ان فيها شيء : اوكي ياقلبي من عيوني
رؤى بالم : ترى مالي غيرك بعد الله سبحانه لان الموضوع شوي حساس
غلا خافت : ولا يهمك ياقلبي
دانا طقت الباب عليهم
رؤى : اهلين دندون
دانا : وينكم صار لي ساعه ادوركم
غلا : جالسين نسولف شيء
دانا : اجل يالله نرجع للبنات ينتظرونا بالصاله
مشوا غلا ورؤى وراها متوجهين لصاله البنات
كان يمشي بسرعه وكل اللي بباله عبدالله وسمر يجر خطواته السريعه لمجلس الرجال
فتح الباب بسرعه وشكله مايبشر بخير
ابو محمد : شفيك يافهد تفتح الباب كذا
فهد طالع عمه بو سلطان بنظرات غريبه : صدق ياعمي
ابو سلطان وقف : وش فيه ؟
فهد تنهد : سالفه عبدالله وسمر
كل اللي بمجلس سكتوا وماحسبوا لهالشيء حساب
ابو نواف : ايه وانا عمك
فهد عصب : طيب ليه
ابو فهد : فهد لا ترفع صوتك ع عمانك !
فهد التفت لهم : ليه صدقتوا ليه سويتوا كذا
ابو سلطان صرخ : تبيهم يجبون لنا العار وحنا دايم اسمنا فوق
فهد بحده : اي عار اللي انت قاعد تتكلم عنه ومالقيت تشك الا ب عبدالله
الشباب جوا وراء فهد وتابعوا الموقف .. سلطان : فهد انت ماشفت بعينك عشان تحكم
فهد التفت له مستغرب : وانت مصدق بعد ياسلطان
سلطان : احنا شفنا بعيوننا هالشيء وصدقناه تبينا بعد نسالهم وش صار مستحيل
جلس فهد ع الكنبه بتعب ووجه نظراته لعمه ابو سلطان : اسالك بالله العلي العظيم
انت مصدق السالفه او شاك فيهم ….
ابو سلطان ارتبك : وانا عمك شفتهم بعيوني
فهد ضغط ع راسه بقهر : ياعمي مايكفي هالشيء لازم تستفسر منهم هالشيء
ابو محمد : هدي وانا ابوك ترى السالفه لها شهرين
فهد عصب : شهرين ولا واحد فكر منكم يقولي
هدوء بالمجلس وكل واحد يطالع بالثاني بتعب من السالفه اللي ماغابت عن بالهم
فهد قام من مكانه : ماراح ارتاح لحتى القى عبدالله وسمر وارجعهم هنا لبيتهم اللي
انطردوا منه ظلم
وجاء بيطلع من المجلس بس وقفه صوت عمه
ابو نواف : يافهد حنا مانعين كل شباب العايله من هالشيء
فهد ضحك بسخريه : وش تنتظرون يعني
ابو سلطان : ننتظر وصول عبدالله وسمر يخبرونا بكل شيء مو حنا اللي نروح لهم
فهد بقهر: انا مدري شلون انتم عايشين عيالكم ماتدرون وينهم وعاادي مرتاحين
نواف : انا كنت اطمنهم ع عبدالله واتصلت عليه قبل فتره وكان بخير
فهد : ماقالك وينه ؟
نواف هز راسه بعدم رضا : للاسف لا كان يطمني ع حاله ويسكر مني ع
طووول
فهد تنهد بضيق : مظلومين وماتوقعوا اهلهم ظالمين
عادل : وانا مع فهد ومتاكد من براءتهم
نواف : وانا مثلهم
وليد : وانا بعد
صمت بالمجلس ووجيههم ماتبشر بخير من اي شيء يسويه فهد متهور وماعليه من احد
