6:07 صباحًا الإثنين 18 فبراير، 2019






رواية علمني الحب مكتوبه

روايه علمنى الحب مكتوبه

بالصور رواية علمني الحب مكتوبه 412d5268abb514e0b3b29566a215f2e1

الجزء الاول

يا غشاشه .

.

بتعرفي شو الحق على انا الى بلعب معك
ضحكت غاليه و هي بتقول لهبه .

.

انا مو غشاشه بس انت الى ما بتعرفي تلعبي و لما بتخسري بتتهمي الكل بالغش
كلام غاليه صح … كان هدا رد لجين على هبه و قالت لها .



.

خلص هبه لا تكبري القصه خليها شغلت تسلايه مو ربح و خساره
قامت هبه من عندهم معصبه ورمت اوراق الشده و طلعت من الغرفه
الله يهديها خربت علينا المود هههه هلا كيف بدنا نلعب..؟

انا و انت ما بنكفى
طلعت فيها لجين و عطتها نظره .

.

مو الحق عليك لازم يعني تفوزي بكل لعبه خلص بتعرفيها بتدايق خليها تفوز و لو مره منشان نتم مبسوطين
تخصرت لها غاليه و قالت بالله شو بدك نلعب متل الولاد الصغار… كملت و هي بتلوح بايديها متل الى بلقي محاضره… وين الحماس وين روح المنافسه..

قسم بالله بتبيخوا اللعبه انتوا ….

اااف منكم و قامت غاليه و تركت لجين المستغربه من الى صار…هلا الكل زعل يعنى!

و الله غريبه حالت هالخوات ….

قامت لجين و لمت ورق الشده الى رموه خواتها و هن معصبات و راحت نزلت لتحت تشوف امها و ابوها
بالصالون لقت امها بتحكي بالتلفون و ابوها ما سك اللاب توب و بشتغل … مشيت لجين لعند ابوها و جلست جنبه و ما لت عليه و قالت بصوت و اطي .

.

بابا وين الكل

بالصور رواية علمني الحب مكتوبه
ابوهبه من غير ما يرفع راسه من اللاب توب رد عليها..

هبه بالحديقه قال بدها تسقي الوردات و غاليه بتعمل لنا قهوه
ردت لجين ااه طيب ….

بهالحظه دخلت غاليه شايله صينيه القهوه و لما شافت لجين قالت … لجون الله يخليك جيبي الحلو من المطبخ ….

قامت لجين ركض عالمطبخ و رجعت معها صحن الحلو……كانت غاليه بتصب القهوه التركي بفناجين و بتعطي ابوها و امها لما حطت لجين الحلو جنبها عالطاوله قالت لها غاليه: بتريدي



ردت لجين اذا في صبيلي فنجان
صبتها غاليه فنجان و عطتها اياه و قالت لها طبعا في اصلا عملت قهوه بتكفي لكلنا .

.

و بالحظه هي دخلت هبه من باب الحديقه الخلفي الى بطل على الصاله و لما شافتها غاليه صبت لها فنجان من غير ما تسالها و عطتها اياه و هي بتقول تفضلي ست هبه بس ان شاء الله تكوني روقتى
ماردت عليها هبه و اخدت الفنجان و هي بتشكرها و جلسوا الكل يشربوا قهوتهم و ياكلوا حلو على الساكت لان امهم لسي على التلفون و الله و حده بعلم مع مين بتحكي و ابوهم مشغول باللاب توب تبعه
هدا السناريوا منعاد كل عصر يوم احد .

.

خناقه صغيره و بتنتهي بالصلح على فنجان القهوه
عائله ابو هبه عيله صغيره مكونه من الاب غسان ال… ابو هبه و الام ندي ال..

ام هبه و البنت الكبيره هبه 21 سنه .

.

بتدرس هندسه طبيه ….

و بعدين بتجي و راها غاليه 17 سنه بتدرس بالمرحله الاخيره بالثانيويه و اخر العنقود لجين 16 سنه كمان بتدرس بالثانوية
عائله ابو هبه عايشين في امريكا من فتره طويله كتير … ابو هبه تزوج من ندي بعدين هاجر الى امريكا ليكمل دراسته العليا و هنيك انجب كل بناته … ابو هبه دكتور بالجامعه في قسم الفيزياء و الكيمياء و هو مشهور جدا باعماله و ابحاثه

بالصور رواية علمني الحب مكتوبه 20160704 1877
عيشته بالغرب ما اثرت على كونه عربي مسلم فهو من الناس المحافظين جدا تعاون هو و ام هبه على تربيه بناته احسن تربيه اسلاميه و ما خلاهم و لا لحظه ينسوا جذورهم العربيه … فبناته يتكلموا اللغه العربيه بطلاقه و بامريكا علمهم قرات القران الكريم على ايد شيخ هناك و بناته محافظات على الحجاب الشرعي و الكل بشكر باخلاقهم و تربيتهم
طيب اكيد هلا انتوا متشوقين تتعرفوا زياده على شخصيات البنات
خلونا نبدا بهبه البنت البكر … بنت حلوه كتير و احلي شي فيها جسمها الى متل عارضات الازياء و كتير خواتها بنقهروا منها لان مهما اكلت ما باثر في جسمها بشرتها بيضا و شعرها اسود عيونها بني كبار و لها غمازه بذقنها بس اسوا شي بهبه عصبيتها و روح المنافسه الشديده الى عندها ما بتحب تخسر بشي و لا ممكن حدا يدوس لها على طرف طبعها كتير بشبه طبع ابوها و هي شديده الذكاء دائما متفوقه بدراستها و هلا هي باقي لها سنتين و بتتخرج مهندسه
اما البنت الوسطي غاليه سماها ابوها على اسم امه لان بتشبها كتير يعني جمالها جمال بنات الشام طولها متوسط و جسمها حلو كتير شعرها عسلي و بشرتها بييضا احلي شي فيها عيونها لانهم و ساع كتير ورموشها غزيره و طويله و لونهم بنى..

قد ما تكون اجمل و حده من خواتها بس جمالها بلفت النظر و لها جاذبيه غريبه خاصه لما بتبتسم لان تمها حلو و لها صفت اسنان كتير حلوه بس احلي شي فيها روحها المرحه اذا سمعت صوت ضحك هدا اكيد غاليه و اذا سمعت نقاش عالي هدا اكيد غاليه هي انفعاليه بس قلبها ابيض و بتحب كل الناس
لجين هي احلي و حده من خواتها عيونها خضر فاتحه بس مو كتير كبار..شعرها اشقر غامق موج بالوان الشقار يعني تحسه كانه مصبوغ عدت الوان طولها ما بين هبه و غاليه .

.

جسمها ملفوف شوي و بشرتها بيضا و لها غمازه و حده على خدها اليمين … البنت هي هادئه كتير و مسالمه و ما بتحب المشاكل على عكس غاليه الى ما بتقدر الى تدخل بكل شى
قالت غاليه بملل و زهق و هي بتحط راسها بحضن امها …يالله متى بده يجي موعد السفر

بالصور رواية علمني الحب مكتوبه 20160704 1878
ردت عليها امها و هي بتمسح على شعرها… كلها اسبوع و بنكون بسوريا
يعني لو سبقناكم انا و لجين مو كان هيك احسن ما تضيعوا علينا اسبوعين من الصيفيه منشان الست هبه
هون ردت عليها هبه و هي بتطلع فيها بعصبيه يعني بدك تنزلي لحالك حبيبتي ما شاء الله ما شاء الله شو التحرر هدا
قالت غاليه بنرفزه و هي بتعدل جلستها يعني الى بسمعك بقول حننزل لحالنا و نقعد ببيت لحالنا مو كان نازلين عند ستي و انت بتعرفي ستي ما بتخلي حدا يتنفس من كتر ما هي شديييده بس على الاقل مو نقعد هون لا شغله و لا عمله انا و لجين بس نستني حضرتك تخلصي اختباراتك
طيب مدام ستي ما رح تخليك تتنفسي شو بدك تروحي لعندها و لا بس نق على الفاضى
لا حبيبي مو نق بس و انا عند ستي بجو كل البنات لعندنا و بنتسلي انا و لجين اما هون ما في شي نعمله انت متسليه بالدراسه و نحن كل صاحباتنا سافروا على بلادهم انت بتعرفي ان المدارس الاسلاميه هون بتسكر بكير قبل المدارس الحكوميه
ردت عليها هبه بمسخره و هي بتقوم لتطلع على غرفتها ….

اما تسلايه الدراسه مو كان رح تطلع روحي بالمتحانات هي …غيرت نبرت صوتها و هي بتلف لعند امها … ما ما انا طالعه ادرس و الله يخليك ما بدي حدا يزعجني طيب
ردت عليها ام هبه… طيب ما ما الله يوفقك
غاليه لما شافت اختها هبه دارت ظهرها و بتطلع على الدرج مدت لها لسانها بقهر مين شاف الحركه هي لجين فضحكت شاركتها غاليه الضحكه و هي بتقترح…… شو رايك نسبح منشان نضيع الوقت


ردت عليها لجين … ليش لا و الله الجو بجنن .

.

يالله قومى
قضت غاليه و لجين فتره العصر بالسباحه و ما طلعوا من المسبح لحتي هلكوا و ما عاد لهم حيل يكملوا اكتر دخلوا على البيت و غيروا ملابسهم و اكلولهم لقمه و على طول على النوم بتعرفوا اهل بره بحبوا النومه بكير)
يوم السفر…
الكل كان مبسوط و خصوصا غاليه الى كانت بتنط بكرسي الطياره من الفرح …يالله اخير مو مسدقه حالي اخيرا بدي اشوف ستي و جدوا و كل البنات و الله اشتقت للكل..
رد ابوها و هو ببتسم لها ابتسامه حلوه .

.

كلها ساعات و بتصيروا عندهم الصبر الصبر يا غاليه
ابتسمت غاليه لابوها و هزت راسها بطيب ….لفت لعند لجين لان لجين كانت جالسه جنب الشباك و هي بالنص و ابوها جنبها اما امها و اختها كانوا بالكراسي الى قدامهم و جنبهم و حده ست اجنبيه
لجين شو اكتر شي مشتهيه انك تعمليه اول ما تصلي على سوريا؟
ردت عليها لجين و هي بتتفرج من الشباك … انام
انصدمت غاليه بجواب لجين و قالت لها مستغربيه … نعم …..تنامي

!!
ردت لجين بعد ما التفتت على اختها … ليش انت خليتيني انام اخر يومين من كتير ما انت متحمسه للسفره سهرتي البيت كله
ردت عليها غاليه و هي بتدفشها … يالله ما اغلزك
مرت الساعات و وصلت عائله ابوهبه على سوريا و كان الكل بستقبلهم بالمطار و عليت الاصوات بالترحيب و التقبيل و الصراخ بين البنات و الكل يحاول يهدي فيهم ما في فايده … كان الوقت لسي العصر منشان هيك الكل رجع عند بيت الجد ابوه لابوهبه منشان يسلمو على الواصلين
الجد ابو صالح عنده 3 اولاد و بنت و حده
صالح ابو محمد متزوج و عنده 3 شباب و 2 بنات
غسان ابو هبه
و انس كمان متزوج و عنده بنتين و صبي واحد
اما عليا اخت ابو هبه فهي اكبر من ابو هبه و متزوجه و عنده 4 شباب و 4 بنات و معظم ولادها متزوجين
اما عائله ام هبه ندي فابوها متوفي و امها عايشه عند اخوها الكبير مصطفي ابو خالد و هو متزوج و عنده 5 شباب
ام عبدالرحمن هي اخت ام هبه الكبيره و عندها ولد واحد و 5 بنات
فاطمه 29 متزوجه و عندها 3 بنات
مريم 26 سنه متزوجه و هلا حامل
عبدالرحمن 25 سنه مهندس كمبيوتر
لينا 21 سنه بتدرس صيدله
سوسن 18
وسوزان 17
ام سامر اصغر من ام هبه و عندها 3 ولاد و بنت و حده
ابراهيم اخو ام هبه الصغير عمره 30 سنه لسي مو متزوج بس مستقل بحياته عن اخوته و عايش لحاله ببيت صغير
نرجع للكل في بيت الجد ابو صالح ابوه لابو هبه الكل كان مجتمع عنده طبعا و الى قدر يجي من اهل ام هبه للمطار رجع معهم لبيت ابوصالح و الكل حاول جهده يهدي طوشت البنات بس ما في امل على الساعه 8 حطوا العشا و الكل تعشي و على الساعه 10 كان الكل رجع لبيته منشان يخلي المسافرين يرتاحوا شوي من تعب السفر

  • رواية علمني الحب كاملة
  • رواية علمني الحب
  • رواية علمني الحب بدون ردود
  • رواية علمني الحب كاملةبدون ردود
450 views

رواية علمني الحب مكتوبه