10:19 صباحًا الثلاثاء 26 مارس، 2019






رواية ابوي لو صد عني ماترجيته

روايه ابوى لو صد عنى ما ترجيته

بالصور رواية ابوي لو صد عني ماترجيته 047eb7965b390fa60c432c8252ab9895

وبركاته
هذه اول مشاركه لى اتمني تعجبكم
وتعيشوا احداثها زى ما عشتها معهم
الحلقه الاولي ..))
“.،؛,‘ معزتك عندى ترا ما لها نوع ..و مكانتك في القلب ما حد لقاها ..و غلاك في روحى صار مزروع..حتي المشاعر ترجمت لك غلاها و الروح لو راحت لاجلك فداها‘,؛.”
فرت نوره الروايه اللى كانت تقراها ..بعيد عنها و جنها مب راضيه بالنهايه او كانت تتوقع نهايه غير الى قرتها …افففففف اكره الروايات اللى تكون نهايتها ما ساه اااااااااااه تذكرت قصه “راحت روحى من محجر عيونى ” الله يسامحج يا معانى ..هذى كاتبه القصه ..جتلت بطله القصه عهود .. قالوا عنها كاتبه و مبدعه انا اعترف انها جى بس انتى يا معانى شريره …

بالصور رواية ابوي لو صد عني ماترجيته 20160709 152
حطمتى حياه عهود و غير جى ذبحتيها لالالالالالالا و المصيبه على يد منوه حبيبها و حلم عمرها ما يد … اااااااااه يا كيف عشت مع عهود قصه حياتها خطوه خطوه و كلمه و كلمه .. فرحه و فرحه حزن و حزن اي فرحه معانى ما خلت في حياتها فرحه ..
.بروح اسوى لى نص كافيه ..انا محد يعدل مزاجى و اييب راسى غير النص كافيه ..مدرى ليش عهود وايد في بالى … سبحان الله رغم انها شخصيه خياليه .. الا انى احس انها شرات حياتى مثل حياتها بس شخصيتنا مختلفه كيف كيف يا نوره ..
اووه الماى من زمان غلى شليت الغورى و جبيت الماى في الاسكانه و حطيت نص كافيه و معلقه شكر.. اخ صدقه عمور اكيد في يوم من الايام بيصيبنى سكرى .. هذا عمور اخوى اكبر عنى بثلاث سنوات امممم يعنى 24 يعنى انا عمرى 21 اخ كبرتب سرعه الايام اتمر سرعه ..شربت شويه من النص كافيه اتذوقه اووف لسعت لسانى ههههه جنى ياهل امطلعه لسانى ..
يلست على الكرسى الجريب منى في المطبخ .. طالعت المطبخ صغير بس حلو و مرتب ها بفضلى ..ولا عمر انسان لاهى بحياته و لا جنى وحيده بين اربع جدران ما يهتم و لا يفكر عنده اخت يخاف عليها او يحاتيها …هذا عكس ناصر اخو عهود الى في قصه معانى .. متسلط و يخاف على اخته مب شرات عمور اخوى ما لت عليه .. اخ اخ بس نصور وايد متسلط المفترض كان يوزع الحنان و الحب ل عهود الى كانت مفتقدتنه و ادوره عند ما يد و غيره ..بداال ما يوزعه ل سعاد و غيرهاا ..
.عهود عهود سرحت ب عهود ..ع الاقل لو كانت حياتها ما ساويه بس حظها عندها اهل عايله اسره .. تذوقت ها الشى ..بس شى تناقض كيف تذوقت .. و هى مفتقده الحنان الى سارت ادوور عليه عن طريج ما يد .. اخ عليك ما يد ما قدرت قلب عهود …حطمته بايدك شرات ما حطمت جسمها بسيارتك الى ما رحمتها و لا رحمت اخوها عبد الله .. بس فرق بينى و بين عهود انا ما عندى اهل .. انا من دون ام و اب .. لا ما بقص عليكم ابوى عايش بس وينه .. رفعت راسى ادوره بين جدران المطبخ
..جى هو نمله بس بس ما اقدر اطرى ابوى اسمحولى الاب كلمه كبيره لو هى من اربع حروف بس معانتها عميقه و كبيره و تحمل مشاعر ابصراحه صعب الواحد يعبر عنها او يوزنها … بس بالنسبه ل لى اجوفها سطحييه .يمكن لانى ما عرفت و لا تذوقت معناتها
.اخ حتى انت يا النص كافيه ما عدلت مزاجى .. حطيت الاستكانه على الطاوله من غير ما اكمله و هاى اول مره يمكن ما اشرب النص كافيه كاااامل معقوله انا نوره الانسانه الصريحه الحيويه مسولفجيه ..راعيه المقالب و الصولات و الجولات هههههه الله يخلى اخوى عمور ما اجوفه الا باخر الليل تدرون متى اخر الليل عندى الساعه ثمان و اقصي حد عشر ..
امممم احب الرقاد وايد …عكس عمور سبحان الله …مب جنا اخوان و رابين و يا بعض .. ايه الساعه ست المغرب بسوى لى عشي ..
وقفت فتحت الثلاجه ادور شى اكله امممممم تذكرت عهود خلاص ما لى نفس اكل صكرت باب الثلاجه بقوه .. و جنى منقهره بعدنى من الحياه الى اتصيب بعض الناس يعيشون حياتهم هم و غم و اتكون نهايتهم ما ساويه غمضت عيونى و رفعت راسى فوق اخذ نفس طويل .
نوره حبيبتى هدى عمرج ها هى الا قصه و قصه خياليه .. كنتى بتكسرين باب الثلاجه عااد منو بيصلحها لج عمور و يه الفقر .. تعال تعال ببوسك امووووووووووووووااحه احلي بوسه ل احلي باب ثلاجه الى ما نكسر و تحمل دفاشتى ..حسيت برجفه الجو تغير صار بارد و نحن بشهر ديسمبر احب البرد .. حتى لو كان ياذى لانه يخلينا اندور للدفا و منو في العالم ما يدور الحنيه و الدفا
..بها الايام البارده .. عاد الى يسمعنى يقول قاعده في الاسكيمو .. فديت راس الخيمه و بردها و حرها و ما يها و بحرها و يبالهاا و شمسها و قمرها الى هى انا خخخخخخخخ احسن من الاسكيمو و من امممم ما بكمل .. بروح حجرتى بنخمممممد برررررررقد ..بنااااام باجر و راى دوام تدرون شو دوامى الى فرحانه فيه ..؟ اقص كروت شسوى ها الى الله قدرنى عليه ..اقص كروت و مواعيد للمرضي يالله بناخذ من هاى الشغله الاجر من رب العالمين .. رب العالمين ! و كيف ارقد الحينه يعنى ما بصلى العشا لا حرااااااااام …خلاص اونى بجلب بالفراش لى ما ياذن العشىىىي ..اووووه صدق الساالفه برد برررد و لا بس بالشقق جى يكون برد.. على فكره لو انا من راس الخيمه بس ساكنه في شقه مطله على كورنيش راس الخيمه ..مكان رهييييب ..لا تستغربون ..مواطنه و من راس الخيمه و عايشه بشقه .. شسوى ها الى الله كاتبنه .. بس موقع شقتنا حلو ..
الا رهيب يا سلام .. بحر و حشره يهال اليراان و السيايير ابصراحه محد يحسدنى على هالمكان.. بس وايد احب شقتى لانها مكانى الوحيد موطنى الصغنون .. لحظه بلبس زلاغى ابصراحه ما اتحمل البرد ..اممممم ابا كوت .. ما عندى … اكيد شى بحجره عمور ..طلعت من حجرتى ركض ل حجره عمور الى كانت مجابله حجرتى .. دشيت و ياليتنى ما دخلت تدرون ما في داعى اقولكم كيف اتكون حجره الشباب الى شرات عمور .. ما اتعرفين وين اتحطين اريولج ..؟؟دخيلكم الثياب ابكل مكان .. لا لا اتلوم اوصفلكم حجرته .فضيحه .. اكرمكم الله زباله مب حجره ..المهم كوت كوت وين يا عمور ابا كوت ..

بالصور رواية ابوي لو صد عني ماترجيته 20160709 153
اووه ها لونه بنى فاتح .. ابصراحه ما يشجع بس عشان ادفي ..لبسته حسيت بعمرى غرقانه يا طولك و عرضك عمور جثه.. تف تف تف بسم الله عليك ما فينى اصمك ابعين .. راس ما لى و طوايفى انت فديت بعد عمرى عمور .. امووووحه لبست كوته عشان ارضى ضمري
.اتاملت الكوت تبون الصراحه مب و يه عمور يشترى هالكوت .. شكله من الغالى .. يمكن ليش لاء كل شى جايز ..!!. طلعت من حجرته .. بسم الله زين ما طحت ..صج اتكربعت ..اخ زين يودت عمرى شو هاا و زار عمور شو يسوى عند الباب شلته من على الارض و فريته فوق الشبريه لو طحت الحينه و انطر راسى و طلع دم منو بسعفنى بسم الله على …دخلت حجرتى اااااااه مب حجره جنه جنه مب شرات حجره عمور .. فرق السما و االارض اخر ترتيب .. و نظافه .تبون تعرفون شكلها .
. امممم لونها ازرق ادرى لون صبيانى بس انا احبه لانه هادى و لان حجرتى مطله على البحر فاحس انى غرفتى عاكسه لون البحر .. انزين ستاير زرقه غامقه و موزع عليها ورود زرقه فاتحه . و اللحاف نفس شكل الستاره امممم حجرتى صغنونه على قدى ..
شبريه صغنونه على قدى بوسط حجرتى و الكبت على الطرف ..و التسريحه مجابله الشبريه طبعا شى مسافات من بينهن بس بعد صغنونه ..و من الصوب الثانى كانت الدريشه مجابله الشبريه اووه دار راسى المهم ..عاد على قد حالى لو كان الاثاث من الرخيص بس حلو و مريحنى ..و الاهم .. . على طول دخلت تحت البرنوص ادفي .. اتصدقون الجو مب ل هناك بارد بس انا دمى بااااارد ابسرعه ابرد ما شى طاقه ..حسيت بالدفي شعور حلو و احساس جميل ..
يا سلام زلاغ و كوت وين تبين نوره خخخخخخخخخخ امممم وين كنت صح عهود .. و عايلتها ..الظاهر ما برحم عهود هاى .. الله يعينج على هههه خلاص ما بطريج لانى احس بثجل بعيونى شكلى رقدت خلاص .. و ااااع و ااااااع و ااااااع يا ربى يا ربى هاصوت الياهل يا ربى انا شو سويت بحياتى عشان اطرش لى هالياهل السورى بو عيون خضر ..
الى سكن حذال شقتى و كل يوم يصيح و يزعجنى ابا اناااااااااام حشره الله يعين اهله ..اووووف حسبى الله على ابليسك كنت برقد .. طيرت الرقاد من عيونى طارت حمامه فواد ابوك.. استغفر الله استغفر الله حطيت ايدى على حلجى اسكت ها الحلج الى يطلع رمسات و دعاوى على الفاضى ..
. ليش اطرى الناس سامحنى يا رب .. خلاص بكفر عن الى قلته و بسوى خير .. تدرون شو .. برتب حجره عمور …حرام .. اذا انا ما اشفقت عليه بتم جى .. مزبله اووه ضااع الاجر استغفر الله .. قمت من مكانى .. شو هالياهل النحيس يوم طار الرقاد من عيونى صخ .
.الله يسامحك و يسامح ابوك يوم سكنكم هنى حذالنا يعنى ما شى شقه براس الخيمه الا هاى الشقه و ييييييين الى مجابله شقتنا اوووووووف .. يالله حرام زلمات ..
و غربه لازم انحن عليهن يحتاجون المساعده لانهم في بلاد غربه.. بس منى انا لا تتريون منى شى انا بروحى يالله معتمده على ها 4000 الى اخذها من قص الكروت … يالله خذت نفس طوووووووويل .. الظاهر بغير رايى و ما برتب حجره عمور بس حرام ما يستاهل …
محد بيعطف عليه رفعت ايدى للسما و ادعى ربى من كل خاطرى … يالله اتعرس .. و اتييب لى و حده اتونسني.. اتونسنى ! منوه يونسنى غيرها فديتها ..خوله بنت خالووه .. جفتوا طلع عندى اهل غير عمور .. ما عليه ياييتنكم في الدرب حبه حبه بنبدا ب خوله … خلونى انظف حجره عمور .. و ارمسكم بنفس الوقت عن خوله .. خولوه بعمرى .. حرام ما طلعت التوام ما لى ..بس للاسف امى و امها توام .. نحن الظاهر توام بس من بعيد خخخخخخخ كيف جى ما ادرى و لا تسالونى .
. بس خوله هذى ..حبيبتى و عمرى و صديقه الطفوله يا ليتكم اتجوفون طيبه قلبها ..هذى بنت خالوه مريم و شرات ما قلتلكم خالوه توام امايه الله يرحمها … و عندى خالوه عايشه و هى اكبر خالاتى … عندها البكر حميد 26 سنه و بعدين محمد ابعمرى 21 متزوج خلود بنت خالوه مريم و عندهم جسووم عمره ست شهور و نهله اصغر عنى بسنه يعنى امم هى 20 .. .و ريل خالوه عايشه الله يرحمه … خخخخخخ اخبركم ابسر حميد يحبنى اكبر لوتى جفته و عرفته في حياتى حميدووه ولد خالوه عايشه ..قال شو يحبنى ههههههه ضحكنى ايااااااام روعه مرت ليتها اتعود .. ..
المهم و الاهم خالوه مريم عيالها خوله و خليفه خلود هذيلا كلهم حرف الخاااااااا خوله و خليفه توم و خلود عنقود البيت على فكره فارس البجر بس امه هاجر توفت و ربته خالوه مريم …عشان جى ما يشبهنا .. انزين و ريل خالووه مريم اسمه احمد ..اكيد استغربتوا ليش ما طريت اهل ابوى …تبون الصراحه ما اعرفهم قصه طويله و عريضه مع الايام اكيد بتعرفون .. المهم .. كح كح كح ..تدرون ارمس و انظف حجره عمور كله غباااااااار .. كح كح كح ..

بالصور رواية ابوي لو صد عني ماترجيته 20160709 154
ع طارى الكحه يا رب ترزق عمور بحرمه تنفعك و و تنفعنى خخخخخ هى خوله .. خوله توام روحى ..هذى حبيبتى ..ندرى انكم دريتوا … رغم ان المسافات الى بينا بعيده بس الله يخلى الاختراعات التلفونات و المسجات و هالسوالف … انا وايد احب خوله ..طفولتى عشتها معاها ..انا و عمور اخوى بعد وفاه امايه الله يرحمها تربينا بيت خالوه مريم ..و لى ما كبرنا و اعتمدنا على نفسنا.
. فكر عمور نظهر من بيت خالوه مريم .. بعد ما لاحظ ان حميد و فارس صاروا كبار و انا غديت حرمه اونى عاد.. ما انكر عمور خبله و متهور بس مرات يكون حكيم.. ترا قالوا خذو الحكمه من افواه المجانين .. المهم خالوه مريم رفضت في البدايه بس بعدين اقتنعت و رضت بالامر الواقع .. بس خالوه عايشه ما تهتم و لا اظنى قد فكرت فينى و في عمور … اهم شى عندها عيالها …
ااااااااخ اتذكر اليوم الى طلعنا به انا و عمور من بيت خالوه مريم ..كان يوم حزن و خاصه انا و خوله فارقت اختى .. عشت و تربيت معاها اجمل و احلي ايام عمرى … 17 سنه عشتها مع خوله. و بعد ما اتخرجت من الثانويه قدمت على و ظيفه و خالى ما قصر ريل خالتى مريم الى هو احمد سوا لى و اسطه في الصحه و اتوظفت في مستشفي صقر اقص كروت ..
و عمور كان موظف بالحرس الاميرى من ثلاث سنوات ..يعنى الحمدلله نقدر نعتمد على نفسنا .. و الله يخلى لنا الشيخ سعود بن صقر الى عطانا هاى الشقه ..مجانا تكريم ل عمور في و ظيفته طلع منه فايده اتصدقون .. و عطانا بيت شعبى .. بس اتفجنا انا و عمور انخليه لى ما تتعدل امورنا اكثر .
. و نروح نسكنه لانه عود و يباله اثاث .. ..لو تدرون اشكثر كنت شيطانه انا و خوله كنا انسوى عصابه ضد الاعداء تدرون منوه فارس و خليفه عيال خالوه مريم و محمد و حميد عيال خالوه عايشه معاهم عمور .. ياما سوينا فيهم مقالب بس كنا نجنب عيال خالوه عايشه لان ما شاء الله عليها عليها لسان …”.قل اعوذ برب الفلق ” تف تف ما ابا احسدها على شو يا حسره ..المهم ما كانت ترضي على عيالها عشان جى كنا نجنبهم ..و خاصه نهله ام المشاكل .. عدوتنا اللدوده .. خخخخخخخ اذكر مره ..اووه لحظه خلصت حجره عمور.
. يا حلاتها و هى نظيفه و امرتبه .. اثاثها اخضر .. حتى لون الحجره اخضر.. اصبروا بروح اصلى العشاا و بخبركم .. اياااام طفولتى ..انا و خوله خخخخخخخخ توام روحى ..اووه لازم افسخ زلاغى و كوت عمور ..دشيت حمام حجره عمور .. لا لا يروح فكركم ابعيد ترا الحمام نظيف مب شرات الحجره .. اتوضيت و خلصت.. صليت العشىي و سنه ركعتين و الشفع و الوتر .
. بينى و بينكم .. ما كنت اصلى الشفع و الوتر بس الحينه قمت اعود عمرى .. الحمدلله و الشكر .. ابسررررررررعه لبست زلاغى و الكوت بررد برررد و الله برد ؟اووه شبريه عمور اجرب لى من شبريتى .. دشيت حجره عمور .. و دفيت بلحافه نفخت على ايدينى ادفى روحى .. جفت علامه حرق على ايدى اليسار .كانت بنى غامج و مع الايام صار لونها فاتح ….
غمضت عيونى و انا اتذكر احلام طفولتى ..و كانه البارحه ..اتعودنا انا و خوله بعد ما ياذن العصر و اتخلص صلاه العصر نربع الدكان و نشترى منه البفك و الكاكاو و طبعا البارد الى كان ممنوع ان نشتريه بس كنا نشتريه بالسر ..
نورة: خوله خوله شو رايج انسوى رحله ..
خوله: رحله الحين ..؟؟
نوره: هى روعه صدقينى .. تعالى نشترى شبسات و كاكاو و عصاير .. و ما ى و انروح ناكل ابعيد..
خوله: الله فكره روعه اتخبل انزين و ين تبينا انروح …؟؟
نوره: وين بعد نتمشي بالبراحه الى و را الفريج..
خوله”نعقد حياتها” مب جنه بعيد اخاف امايه تهزبنها..
نوره: منوه بخبرها تعلم الغيب شوه..
خوله: استغفر الله ..
نوره: عيل يالله شو رايج انروح..
خوله: موافقه “وتبتسم”
ما تصورون اشكثر خوله تطلع قمر يوم تبتسم ما شاء الله عليها حليوه.. اذكر كان الكل يقول حلو عودها .. و شعرها سايح.. عكس شعرى كانوا يزقرونى بلاليط..شو ذنبى ربى خلقنى جى ..المهم عن الفضايح.. بس تبون الصج خوله احلي عنى ..غيروا الموضوع ..
سرنا الدكان..
خوله: فريد ابا لبن ثلج..
نوره: و انا ابا عصير .. و شيبس الخليج..
خوله: و انا ابا تويكس .. و امممم
فريد: انته يشترى و اجد بعدين ما ما مشكل انا ..
نوره: لا لا ما في مشكل ..
خوله: ما ما يقول روح حق فريد يشترى حساب على كيفكم ..صح نوره..
نوره اتهز راسها” صحين ..
فريد: كل كلام ما في مزبوط
حليله فريد مدرى حى و لا ما ت كان طيوب و ينقص عليه كنا نشترى اشكثر باليوم و يحصل هزبات من خالوه مريم ..
طلعنا من الدكان.. الى كان مجابل بيت خالوه مريم و خالوه عاشوه..
خوله: نوره جوفى نهله اطالعنا..
نوره: البسيها لا تعطينها و يه هاى ام المشاكل ..جوفى شعرها كيف و اقف مب امشط..
خوله: ههههههههههههه امنقع فيه شلق
نوره: ههههههههههههههههه
نهله: وين رايحات..
نوره”ايديها على خصرها” و انتى شو يخصج …؟؟
خوله: رايحين مكان خطير..
نوره: خوله اسكتى اسكتى لا اتخبرينها عن تفتن شرات البارحه .. اتعرفينها فتانه ..
نهله”محرجه”: انا مب فتانه..
خوله: عيل منوه البارحه امخبر خالوه عايشه انى انا و نوره عقينا الزباله حذال باب بيت على بن محمد..ابوى و لا يدى طلع من قبره..
نوره: لاااا يمكن امايه ..
نهله: امايه ابروحها جافتكم و خبرت خالوه مريم
نوره: و خالوه مريم خبره خالى احمد و خالى احمد ضربنابالخيزرانه و كل ها ابسببج..
خوله: يا راعيه المشاكل..
نهله: و اخر مره سامحونى .. ” و اطالع الجيس الى شالتنه خوله” خذونى و ياكم ..
خوله: تبين تاكلين اكلنا..
نهله:بدفع لكم..
خوله: يالله بكم تشترين..؟
نوره: صبرى خولوه ..جوفى نهلوه تبين اتيين معانا ..ادفعى حق الاكل .. و حق السيره بعد ..
نهله”زعلانه” حرام عليكم وايد من وين اييب لكم فلوس ..؟؟
خوله: حرام نوره تعالى انسوى لها ديسكااونت
نهله: هى الله يخليج نوره..
نوره: لا لا لا ما شى تنزيلات و لا ديسكااونت ..جوفى تبين اتيين ادفعى 50 درهم و 50 غيرها عشان الاكل ..شو قلتى …؟ و بعدى حمدى ربج بنقبل ناخذج و لا انتى جايفه شعرج مب مشطنه..شو ها ما عندكم مشط..؟؟
خوله: جوفى ملابسنا انا و نوره حلوه و ه نظيفه و شعرنا امرتب ..انتى ليش ما تستوين شراتنا ..
نوره: جوفى خوله هذى نهله اتضيع وقتنا تعالى انروح عنها .. و انتى روحى العبى مع خلود ..فى بيتنا .. يالله انروح خوله..
خوله: يالله نوره .. ” و مسكت اييد نوره”
نهله: لا لا حرام عليكم صبرونى دقايق بروح اييب الفلوس و بيى معاكم..
خوله “مستانسه” يالله ابسرعه.
نوره: بعد للميه اذا ما ييتى بروح عنج ..واحد اثنين..
ركضت نهله داخلت بيتهم عشان اتيب الفلوس..
خوله: خمسين لج و خمسين لى ..
نوره: ههههه اتفجنا ..النص بالنص
خوله زين خليفه اخوى وينه حرام سوينا له خيانه..
نوره: زين قلنا توم بس مب جى يلصق فيج.. و بعدين هالوقت يلعب كره مع الشباب ..
خوله: هى هههه بزعل اذا اكتشف مغامرتنا ..
نوره و منوه بخبره..اصلا ..سكتى سكتى يت ام شعر منكوش..
خوله”تحط ايدها على حلجها و هههههههه”
نهله: هاه خذوا ميه درهم..
نوره”اطالع خوله” ترا هاى اول مره 100 بعدين اغلي ..
نهله: انزين انزين يالله انروح..
مشينا و نحن مستانسات و اول مره انا و خوله نندمج مع نهله ام شعر منكوش ..حتي نهله كانت مستانسه شكلها ما بتسوى لنا مشاكل راعيه المشاكل.. طفنا بيت خالوه عايشه و بالمره بيت خالوه مريم.. و عدينا السكه.. اخرتها وصلنا البراحه الى تكون و راا الفريج.. كانت عوده .. و مساحه كبيره ..جفت عمور و حميد و محمد و فارس و خليفه يلعبون كره مع عيال الفريج.. في و سط البراحه … و سمعت صرخت عمور و كانه محرج من واحد من الشباب لانه ضيع عليهم الجول …
خوله: جوفى جوفى نوره عمور محرج..
نوره: اسمع حسه جنه بالع مكبر صوت حشي مب صوت ادمى ..
نهله و خوله هههههههه
نوره: المهم لا تخلونهم يجوفنكم .. نمشى و را الشير ..
اخرتها وصلنا اخر البراحه مكان فاضى و محد اييه ..
خوله: الله الجو روعه غيم و هوا ..
نوره: احلي شى الهدووء .. خوله جوفى نهله صاخه شفيج نهله..
نهله: ما شى بس مب جنه ابتعدنا وايد….
خوله: ليش انتى خايفه و يوييوويو خوافه ههههههه
نوره: ههههههههه عادى نهله لا تخافين ..جوفى هناك..” و اشرت و راى الشيره الى نحن مندسين و راها ” جوفى اخوانا هناك يلعبون ..
نهله: بس بعيد ..احجامهم صغيرونه ..
خوله”طفرانه ” اووه لا تخلينا نندم انا يبناج..
نوره: يالله يالله تعالوا ناكل …
يلسنا على الارض.. و فرشنا الاجياس بعد ما طلعنا …الشيبسات و العصاير و الكاكاو …
نهله: ابيه انتوا مشترين كولا ….خالوه مريم بتحرج..
خوله: و شدراهاا امايه …محد يدرى عن شى نهلهوو
نوره: ندرى انج فتانه و يا و يلج اذا خبرتى علينا ..
خوله: خليها اتخبر هى بعد بتتحاسب معانا لانها يايه و يانا ..
نهله: لا لا ما بخبر و عد ..
قعدنا ناكل و نسولف و نضحك .. و اول مره نهله جى تندمج معاى انا مع خوله .. كنا مستانساات..قمنا نغنى و نرقص و نلعب …
نوره: تخيلوا هنى بحر..
خوله: انظروا الموج القادم من الجنوب..
نهله: يا للهوله ما نفعل و كيف النجاة..
نوره: البسوا طوق النجاه هياا يا رفاق ..
خوله: الويل لنا هلكنا …
نوره النجده النجده ..
نهله النجده و تمينا نصارخ و نتراكض و را بعض اونه الموج بشلنا و نحن انصراخ النجده النجده..
وقفت ابمكان امبطله عيونى يوم جفت قوم عمور اخوى يايين ركض صوبنا ..! لها الدرجه صوتنا عالى ..
نوره: خوله لحقى قوم عمور يايين صوبنا ..
خوله: الشرده..
نهله و الاكل..
نوره: اي اكل بعد خلصنا هاى قراطيس فاضيه يالله نشرد.. قبل لا يوصلون لنا و يفضحونا ..
ركضنا في البدايه كنا خايفات نركض و انطالع و رانا .. بس بعدين حسينا جنا نلعب ركضنا و نحن نضحك صوت عالى .. مسكتنا نهله و كانها اتقولنا ابا اتم معاكم جى على طول .. مسكت ايدها و رصيت عليها و جنى فهمت قصدها .. و خوله مسكتها من ايدها الثانيه.. وصلنا الفريج على اذاان المغرب .. اتفقنا يكون عهد و وعد بينا و يتم سر .. رااحت نهله بيتهم ..و دشينا انا و خوله بيت خالوه مريم .. و سيده على غرفتنا قبل لا اتجوفنا خالوه.. اتغسلنا و اتنظفنا ..طلعنا انجوف تلفزيون كان يعرض بهذاك الوقت مسلسل خليجى الى ابى و امى مع التحيه ” كلنا كنا اتابعه يعنى نتيمع بها الوقت حتى خالى احمد ريل خالوه مريم ..
خوله: نوره اخاف قوم فارس اخوى جافونا ..
نوره: ما عليج سوى روحج ما اتعرفين شى شو دليلهم ..
خوله “تبتسم” صدقج شو الدلليل ..
خليفه: اش عندكم تساسرون ..
خوله: انت شو يخصك اسرار البنات
خليفه افا خوله ..صارت من بينا اسرار ..
فارس: شو خلوف انت بنيه شو تبا بهم..
نوره: انت منوه طلب رايك..
فارس: و انتى منو رمسج..
عمر: ترا ندرى شو كنتوا امسوين العصر ..كشفناكم..
احمد: بس عاد خلونا نتابع المسلسل رمسوا وقت الفاصل .
خلود: انا ابصراحه ما اتشجع لها المسلسل مدرى شو يعيبكم فيه بروح اساعد امايه في المطبخ..
احمد: ما شاء الله على بنتى هبه ريح ..
فارس: عيل تتحرا شرات هذيلا و ياشر على و على خوله”
نوره: لو سمحت فارس ما يخصك فينى ارمس عن اختك بس
عمر: لا و الله عادى فارس خذ راحتك انا سامح لك..
نوره: لا و الله
وقفت ابا اطلع من الصاله بس ما كنت عارفه ليش .. عشان نظرات فارس لى و لا انى خايفه انهم صج كشفونا انا و خوله و نهله ..! صبروا نهله اكيد هى امفتنه ..لا لا ما اعتقد كانت شكلها مستانسه و اكيد تبا اتكرر الرحله عشان جى مستحيل اتفتن
خوله: وين رايحه نوره..
نوره: بسير عند خالوه المطبخ .. انا ما اقعد عند هالاشكال باستثناء خالى احمد و طالعت فارس بنظرات و فهمته انى كنت اقصده ..
خوله: بيى معاج..
خليفه: انتى ذيلها ابكل مكان لاحقتنها ..
خوله: كيفى هذى توامى ..
خليفه: عيل انا منووووووه..
نوره: ولد البطه السوده ..
وطلعنا من الصاله و سرنا المطبخ عند خالوه مريم.. كانت اتسوى خبز ..يا سلام اتخيلوا بها الجو البارد و الدنيا امغيمه و هوا بارد يضرب و يوهنا ..و على ريحه الخبز ابصراحه شى روعه ..
ساعدنا خالوه مريم انا و خوله و خلود … شويه و دش علينا فارس المطبخ…اتافف و جافنى فارس ها ليش لاحقنا …
فارس: امايه خالوه عايشه تلفون تباج..
طالعنا انا و خوله بعض اكيد نهله خبرت علينا ..
مريم: خبرها انى بتصل بها عقب ..مشغوله الحينه..
فارس: قلنالها بس تباج ضرورى ..
مريم: متفيجه عاشه اختى دومها لحوحه ..خلود يمه انتبهى للخبز عن يحترق ..
خلود: ان شاء الله الغاليه ..
طالعت خلود ..كانت صغيرونه و عنقود البيت بس ما شاء الله عليها هاديه و حبوبه و رزينه اتحب الطباخ و شغل البيت عكس خوله.و عشان جى خالوه مريم وايد تعتمد عليها .. اكثر عن خوله ..بس . و الى يجوفها يقول اكبر عن خوله .لان رغم انها جميله و فيها ملامح من خوله بس ما شاء الله عليها لها جسم.. و فيها عرض و طول عكس خوله اليابسه ..و بس عودها حلو ..بعد ما طلعت خالوه مريم..
نوره: نعم ليش و اقف فوق روسنا..
فارس: خوله تعالى ابا اقولج كلمه راس ..
خوله: قول ما في شى يتخبا بينى و بين نوره..
فارس: بس نوره ما اتحبني
نوره: ما احب نظراتك
خلود: انتوا بتيلسون تضاربون ظهروا من المطبخ خلونى اشتغل على راحتيه..
فارس: كيفج خوله بتندمون برمسكم عن طلعت العصر و النجده !
طالعنا انا و خوله بعض شدراه ..
نوره: انت ما يتخبا عنك شى ساحر انت …؟؟كيف عرفت كيف عرفت..
فارس: تبونى ارمس عدال خلود..
خوله: لا لا مب ناقصين مشاكل ..
خلود: ليش شو مسوين بعد !
نوره: ما يخصج يالله خوله انرمس فارس انجوفه شو يبا ..
طلعنا من المطبخ .. اتفاجانا ب عمور و اقف بوسط الحوى ..
فارس: لا تخافون ترا ها الزعيم هههههه
نوره: عمور انت !
خوله: متفجين علينا..
عمور: اسمعوا ما بنضيع وقت ترا خالوه عايشه اترمس خالوه مريم عن سالفه الرحله..
نوره”محرجه” قلتج خوله ما بناخذ نهله ادريبها فتانه ..
فارس: لاااااااااااا مب بس جى و 100 درهم بعد..فضحتونا..
عمر: هههههههههههه لواته..
نوره: احم خوله اي 100 درهم..
فارس: هاا لا اتضيعون وقت ..تبونا انساعدكم عطونا 100 درهم..
خوله: انتوا عندكم وايد بيزات .. و نحن مب محتاجينها بس خذناها عشان انذل نهله..
عمر: ليش اتذلونها…
نوره: كيفنا ما انحبها راعيه مشاكل..ام شعر منكوش
فارس: هههههههههه و انتى شو بلالييييييط ما اتجوفين شعرج..
نوره: انت ما يخصك فينى انا اكرهك لا اترمسني
حسيت انى جرحت فارس بها الكلمات الى طلعت منى من دون قصد ..كنت بصلح الموقف بس صياح خالوه مريم روعنا انا و خوله و ضحك عمر و فارس علينا..
خوله: خلاص خلاص انا بعطى 50 درهم ما لى حق عمر ..
نوره: ليش تستسلمين خوله نحن شو اتفجنا ..
خوله: اخاف نوره يمكن امايه اتقولج شى بس انا بتاكلنى ..
نوره: اوووووووف خلاص بعطى 50 درهم ل فارس صدقه.
فارس اونج انتى صدقه..
مريم: انتوا شو مسوين ها
خوله”ترتجف” شو امايه ما سوينا شى ..
مريم: خالتج عاشه اتصلت امحرجه البنيه محمومه حق شو معطينها بارد بها الجو ..
نوره: اصلا نحن ما جفنا نهله خالوه ..
مريم: لا و الله انتن الثنتين اصدق ابليس و لا اصدقن ..يالله فضحتونى جدام خالتكن شو اقولها الحينه ..
فارس: امايه نهله جذابه نوره و خوله كانوا و يانا العصر يلعبون ما جفنا نهله صح عمور..
عمر: هى صدقها نهله تتبلي على خواتى ..
مريم”نظرات شك “: خلاص عيل انا بتصرف
من دشت خالوه الصاله نقزنا مستانسات الحمدلله لولا فارس و عمر كنا في و رطه ..
فارس: هاه وين 100 درهم..
عمر: ابسرعه ابسرعه ..
خوله: زين الحينه بنروح انيبها ..
دشينا حجرتنا … و خذت 100 و تمت خوله داخل الحجره عشان تكتب و اجبها المدرسى طلعت من الصاله و رحت جفت فارس ابروحه و عمر مب موجود..
نوره: وين عمر..
فارس: ليش اتخافين اتمين ابروحج معاي..
نوره”تجتف ” طبعا لا بس انا ما ادانى نظرات ..”صرخت عليه” لا اطالعنى جى جنك شيطان ..
فارس: هى لو حميد ولد خالوه عايشه يطالعج جى بتستانسين..
نوره”ابتسمت اغايضه مع انى مستغربه شو دخل حميد في السالفه ” اتقول حميد فرق بين حميد و فارس
و فريت البيزات بويهه و دخلت
..بعد ساعه تعشينا كنا متيمعين في الحوى و فارشين الحصير .. تعشينا خبز الحار كنت اتجنب نظرات فارس.. و خوله لاحظت ان عمر و فارس وايد يتساسرون مدرى على شو يخططون .. المهم انا تعشيت و شبعت .. و خليتهم يولون.. و رحت انخمد عشان باجر و راى مدرسه …
مر اليوم الدراسى ابسرعه ..رجعنا انا و خوله مستانسات و عرفنا ان نهله مريضه غمضتنا شو ذنبنا يوم هى ما عندها مناعه فكرنا انزورها بس خفنا من خالوه عايشه لانها عصبيه وايد … بعد اذان العصر نشيت على رشت ما ى بويهى قمت اشهق و جنه روحى بتطلع ..فتحت عيونى جفت فارس و عمر و خوله يضحكون على .. و معاهم خليفه..
عمر: يا المحتاله وين البيزات..
قعدت من الرقاد امحرجه ممنهم و ضحكتهم استفزتنى ..
نوره:انا امش الماى من على و يهي” اي بيزاااااات
خوله: نوره ليش ما تعطين البيزات حقهم نحن و عدناهم..
طالعت فارس .. مستغربه ..جفت نظراته الشيطانيه ..
نوره: عطيتهم ….ل فارس البارحه..
عمر: جذابه انا كنت مع فارس ما جفتج اتيين..
خوله: نوره اتقصين على شو
نوره: خوله كيف تصدقينهم و اتجذبينى اقولج عطيتهم ل فارس ..
فارس: جذابه ما عطتنى شى و عمور شاهد..
نوره”شاهد الثعلب ذيله
عمر: شو قصدج اتقصين علينا..
نوره: محد قص علينا غير فارس هو خذ البيزات و لا انت و عمور متفجين علينا تبيون 100 درهم غيرها ..
خوله محتاره: يسونها …
عمر: جوفى نورووه عندج للمغرب اذا ما يبتى البيزات بخبر عليج خالوه مريم..
طلعوا من الحجره صدقت ان فارس و عمر صج ثنائى عصابه و مب اي عصابه ..
خوله: انتى عطيتهم الفلوس..
نوره: و الله عطيتهم .. امممممم اصبرى انا بخليهم يعترفون بجوفين كيف ..
نشيت من رقادى و قمت اتغسلت و زقرت خليفه و خبرته بالسالفه كلها .. و بعد ما ترجته خولووه و افق انه يساعدنا ..حسيت انى ابا اغيض فارس على موقفه الجذاب و الحرامى .. فسرت بيت خالوه عايشه ..طبعا ما دشيت لانى ما احب ادخل بيتهم وايد.. يمكن لان ما استلطف خالوه عايشه دايما اتغار من صداقتى ل خوله ..و تطنيشى ل نهله .. اترييت عند باب البيت جفت خلود و محمد يلعبون مع بعض طبعا معروف ان محمد و خلود كل و يا بعض خلود وايد متعلقه ب محمد حتى لو كان اكبر عنها بثلاث سنوات .. بس اخرتها تزوجها من خلصت الثانويه عقبال خوله حليلهااا بعد ما تطلقت من جابر … المهم زقر محمد حميد..
حميد:”يتجرب مني” نوره غريبه شتبين !
نوره: اباك اتساعدنى في شغله ..
طبعا هاك الوقت كان عمرى 13 سنه و حميد كان عمره 17 سنه ابعمر فارس ..ولد خالى احمد و عمور اخوى اصغر عنهم بسنتين
خبرته السالفه ..كلها .. و جذبت عليه باشياء عن نهله عشان ما يحتشر عليها..
حميد: 100 درهم و انا اقول منو سرق فلوسي..
حطيت ايدى على حلجى مسكينه نهله سرقت من اخوها عشان اتيى معانا الرحله بس حليلج نهله غمضتينى …بس ما توقعتج حراميه ..خخخخخخخخخ
نوره: عيل فرصه ترجع حقك و حلالك شو قلت..
حميد”بنظرات خبث” لا ما ابا 100 درهم نفاد عندى بدالها الف درهم بساعدج بس بشرط..
نوره: انا موافقه على كل شروطك..
يرييته من ايدينه ..يالله ابسرعه تعال قبل لا يخبرون خالوه مريم ..
حميد: لحظه ما تبين تعرفين شرطي..
نوره: عيونى لك حميدووه بس قبل لازم اغايض و انتقم من فارس و عمر .
حميد: خلاص عيل اباج تعطينى بوسه..
وقفت ابمكانى اطالعه مستغربه بوسه.. ضحكت من خاطرى وقتها كنت صغيرونه و افكارى بريئه.. ضحكت و قلته على بالى طلب جايد خلاص موافقه مليون بوسه جان تبا يالله .. تعال..
جفت نظرات و ناسه بعيونه و كانه ما توقع ردى ..ضحكت عليه و ركضنا ..سوينا خطتنا انا و خوله و خليفه و حميد ..مع ان خوله استغربت انى دخلت حميد ب سالفه ما كنت تدرى انى ابا اغايض فاارس..المهم نفذنا الخطه ..و سحبنا فارس و عمر ..مكان رحلتنا انا و خوله و نهله … على اساس نلعب معاهم و ما شكوا بشى لان في بالهم ان خليفه و حميد مستحيل يعرفون السالفه ..المهم الفنا لعبه … و نجحت خطنا .. قدرنا نربط فارس و عمر بالشيره الى كنا نلعب تحتها انا و خوله و نهله البارحه..
بعد ما ربطناهم حضنا بعض انا و خوله مستانسات و يلسنا نضحك.. و فارس و عمر ..مستغربين..
عمر: يالله فجوا قيدنا ..
خوله: احلم يا عمى ..
هههههههههههههه
فارس: شو تبون خليفه فج قيدى ..
خليفه: اسف و عدت خوله انى ما افج قيدك ..
عمر: ليش .. بياذن المغرب..
نوره: بالاول اعترفوا وين 100 درهم ..
فارس: انا ما ادرى حميد الله يخليك فج قيدي..
حميد: ابصراحه ما اقدر متفج مع نوره و على شروط..
خوله: هيهى انتصرنا ههههههههههه
نوره: ما بتعترفون .. خلاص يالله انروح و نخليهم هنى يباتون ..
عمر: نوره تعالى فجى قيدى و الله اضربج ضرب ..
حطيت ايدى على جتف حميد ..: انا في حمايه ولد خالوه .
.اتعمدت اقول هالرمسه عشان فارس يموت من الغيض ..جفته و يه صار احمر …مدرى عصبيه و لا قهر و لا غيض ما قدرت افهمه ..
خوله: يالله انروح بياذن المغرب الدنيا بتظلم ..
روحنا بعدنا مسافه قصيره .. سمعناهم يزقرونا .. ردينا لهم طبعا مستحيل و من سابع المستحيلات .. اصلا نتركهم هنى ارواحهم ..
فارس: خلاص انا اعترف انى خذت البيزات من نوره و تجاسمناها انا و عمور .. و كنا نبا نخدعكم عشان ناخذ عنكم بيزات غيرها..
خوله: يا الحراميه … جفتى نوره ..يبون يسرقونا
انا ما تغايضت كنت و اثقه من عمرى المهم قعدت اصارخ و اقول ظهر الحق ظهر الحق ..
قام خليفه يفج قيدهم .. و انا ركضت اتعلقت برقبه حميد و بسته على خده .. على حسب الاتفاق ..
خوله: نوره شو اتسوين..
نوره: انا و عدته ..اذا ساعدنى ابوسه ..
و من و ناستى تعلقت برقبته مره ثانيه و بسته هذاك الوقت ما كنت اعرف ان حميد كانت نيه و افكاره شينه بس يوم كبرت فهمت شو كان يبا حميد … مسكت ايد خوله .. و طالعت فارس الى كانت عيونه اطلع شرار ..
و ركضنا البيت نتسابق مع الزمن و ضحكتنا تسبق خطواتنا ..مدرى ليش بهذاك اليوم تاخروا الشباب …المهم تعشينا و رقدنا ..ف اليوم الثانى اتفاجات خالوه مريم تزقرنا ..و كانت محرجه منى و من خوله .
.اكتشفنا ان فارس و عمور خبروا علينا خالوه مريم عشان جى كانت محرجه مناا ..جفناها اتحمى الملاس على النار و حطته على ايدى و ايد خوله عشان ما انكرر الى سويناه ..
.رفعت ايدى اطالع العلامه الى لليوم مرسومه على ايدى اليسار .
. كانها مشوه ايدي..هذى العلامه قوه علاقتى ب خوله.. حسينا صج المنا واحد و ضحكنا واحد و كل شى يجمعنا واحد الين ما فرقت بينا الظروف و الحياه .. و ما قمنا نتجاوف الا بالمناسبات لانى انشغلت بدوامى و انشغلت بدراستها في الكليه و هى خريجه هالكورس …ايااااام جميله مرت بحلاوتها و مرها . و صارت ذكري في حياتى ..نقزت يوم جفت ليت الحجره يشتغل ..و رجعت للارض الواقع او دنيتى الى اعيشهاا .
نوره: عمور ..؟؟
عمر: انتى شو تسوين بحجرتى .. و بعدين شو لابسه ..
نوره: تذكرت الكوت..
قمت من على الشبريه و اتجدمت منه جافنى لابسه زلاغ ..ضحك على هههههههههههههههه
عمر: شو ها نوره من احينه شتيتى ..
نوره:حضنت ذراعى برد عمور غريبه شو اتسوى ياى ..
عمر: يااى ارجع كوت رفيجى ..زين زين منظفه الحجره مشكوره لا يكون تبين تاخذيها اجوفج منسدحه على شبريتى ..
نوره: لا لا لا نظفتها عشان اكسب فيك اجر و لا انا ما استغني عن حجرتيه ..تعبت قلت برتاح و تذكرت ..سالفه صارت زمان..
عمور: اي سالفه !
نوره رفعت ايدى اليسار فوق اراويه هاى العلامه تذكرها..
عمور: هههههههههههههههههه دوااج كنتى شيطانه..
تثاوبت جفت الساعه 8 نص ا
نوره: ابيه ما رقدت..
عمر: طبعا انتى الحينه سهرانه ؟
تخطيته ..روح روح دور كوت رفيجك انا رتبت ثيابك اكيد بتلاقيه داخل الكبت ..
عمر: تعالى اي كبت هذووه انتى لابستنه افسخيه فضحتينا ..
شهقت ها كوت رفيجك و انا اقول بعد من متى عمور قام يشترى من الغالى الغالى ..
عمر: افسخيه افسخيه ..فارس يتريانى برع ..
نوره: فارس فارس ولد خالى احمد.
عمر: هى ولد خالج احمد..ييبى كوته..
نوره: شووووووو هذا كوته ..
فسخته بسرعه و كانه حرقنى ..فريته بويه عمور ..و سرت عنه ..حسسنى بالدفي .. بس بعد ما عرفت انه كوت فارس ولد خالوه احس الدنيا صارت حاره بس ليش عمور ياييب كوت فارس شو يسوى هنى .. اصلا فارس شو ذكره فينا الى اذكره صار خلاف بينه و بين خالى احمد بعد ما سود و يه خالوه مريم و خالى احمد.. امممم استغفر الله ما بحش في الريال بس انا اعرف طينه الناس و اميزهم و كنت اعرف ان فارس من هالنوع الخايس و ما جذبت يوم صارت سالفته سود و يوهنا فضحناا..بس عمور رفيج عمره .. و قف معاه لازم رفيجه بدافع عنه ..المهم كل الى اعرفه ترك راس الخيمه … و مدرى وين رااح محد قام يعرف عنه شى .. ظهر من البيت .ومحد دري عنه .!! ما حبيت اسال عمور عنه و شو الى رد علاقتهم ..ما يهمنى و لا لى شغل فيه .. فسخت زلاغى فريته بعيد عنى .و انا احس باشمئزاز صوب هالانسان . تلحفت .. و كانى ابا احسس عمرى انى كنت في احلم ..

خلك بعيد و خل الوله في قلبى يزيد ..دامك اخترت البعاد لا تنتظر منى الوصال “.,‘
نشيت على الساعه خمس الفير .. قمت و احس بعمرى نشيطه بس شى بداخلى غريب ما اعرف شو هو و انا اصلا ما فكرت او حاولت اكتشف شو ها الشى ..دشيت حمامى اتغسلت و توضيت و طلعت و احس باصابع ريولى بتجمد.. لبست زلاغى .. و صليت الفير قريت لى قران .. خلصت سوره البقره ..كنت متعوده انى اقرا سوره البقره كل يوم بعد صلاه الفير .. جفت الساعه ست الا ربع.. فتحت حجره عمور جفت الفراش شرات ما هو يعنى حضرته للحين ما شرف البيت .. شو هالانسان ما يحاتى اخته عفانا الله .. طلعت من الصاله الصغيره و رحت الصاله العوده اتفاجات ب عمور راقد على الكنبه و التلفزيون شغال.. فديته ظلمته .. اتجربت منه .. بسته على راسه.. و يلست العب بشعره.. شعره وايد ناعم.. الا سايح عكس شعرى يحليلى بنت البطه السوده .. همست ابا اقومه عمور عمور ما شى رد.. الريال بساااااابع نومه ..عمور نش .. روح ارقد في حجرتك..بطل عيونه طالعنى .. بس اشك انه يحس بعمره.. و رجع غمض عيونه .. طالعته و ابتسمت.. نومه ثجيل .. عمور عكسى تماما …رحت حجرته و يبت برنوصه و لحفته ..سرت الصاله الصغيرونه الثانيه و كانت فيها غرفه جلوس صغيرونه و مجابلنها مطبخ ..تذكرون المطبخ البارحه في ليل رمستكم عنه.. المهم و الاهم .. دشيت سويت لى فطور كالعاده نص كافيه و قرص بيض ..بعد ما تفطرت..جفت الساعه ست بالضبط اممممم باجى نص ساعه على دوامى يا ترا انا شو كنت اسوى ..بها الوقت هى تذكرت.. روايتى الرومانسيه ما كملتها.. رحت حجرتى ..و ضبطت المنبه على الساعه سبع عشان ما انسي الدوام و اندمج بروايتى …يلست اقرا و اقرا.. لى ما دقت الساعه .. نقزت ابمكانى ..حق شو بعد اتعب روحى و اضبطت ساعه المنبه.. ترا ها السورى وقته ينش من الرقاد يبا حليب .. اندوكم اسمعوا صياحه و اصل اخر راس الخيمه …فتحت دريشه حجرتيه ..حسيت بالهوا يضرب و يهى ااااااااه روعه .. الدنيا حلوه صج حلوه … لبست ثيابى .. و عبايتى و شيلتى .. و شليت سويج سيارتى .. و شنطتى اهم شى ..طالعت عمرى في المنظره قبل لا اظهر من الحجره ما يحتاى و اثقه من جمالى ..طلعت من حجرتى و من الشقه خليت عمور راقد ابمكانه يا بخته اجازه عشان جى ما خذ راحته الحبيب سهر اخر الليل و رااااااقد لى اذان المغرب .. حياته فاضيه و فراغ كبير على العموم ما بقي شى على اجازته …حركت سيارتى ..رايحه الدوام و ابدا يوم يديد ب قص الكروت ..اليوم كان زحمه و ابوييييييييييه كل شويه اطالع ساعتى متى يخلص دواامى اباااا ارتاح ..اتذكرت عمور ..الدب راقد و مرتاح و انا هنى اكرف ..دوااى محد قالى اخذ اجازتى قبل يالله شنسوى نبا بيزات و انعيش لازم نتحمل …لمحت ريال شيبه يتجرب منى غمضنى شكله.. لانه شكله مب رايم يمشى حراام استغربت وين اهله !وين عياله وين احفاده ..يا حراام جفته ياى صوبى ..
الشيبه: ..
عليكم السلام وين بغيت ابويه ..
الشيبه: ابا قسم العيون ..
نوره: وين بطاقتك ابويه ..
الشيبه: هذى ..اتفضلى يبه..
يانى فضول اقرا اسمه يمكن اعرف عايلته ..سالم احمد ال…….. لا لا ما قد مر على هالاسم..
سالته: عندك موعد اليوم..
الشيبه: لا و الله البارحه يا بنتى حسيت ب غشاوه على عيونى ما رمت اجوف منها ” و ياشر على عينه اليسار” قلت ايى اليوم اكشف عليهاا..
رديت عليه و هو غامضنى حالته كنت ارااقبه يوم يرمس احب الشوااب وايد يمكن عندى يد جى عمره من صوب ابوى و يمكن ابوى يكون جى عمره ..معقوله ابوى بها السن يمكن ما اات و يمكن حى !؟؟مدرى و ليش اتفاول على الريال الله يسامحه المهم ها مب موضوعنااا
نورة: ابويه انا ما اقدر ادخلك داخل لان ما عندك موعد لازم تاخذ موعد من قبل ..
الشيبه: و انا شدرانى بهاى السوالف
و بداا يعلى صوته و ابويه عصب الشيبه اكيد هاى نوبات يا العصبيه او التخريف..
و كمل كلامه: و منو بياخذ لى موعد اصلا منو يدرى عن حالتى ..
حسيت و يهى يحترق من الفضيح .. الكل يطالعنى شو ارد عليه شو اقوله هاه ابصراحه فاجئنى ..حطمنى فجر قنبله ابويهى جى انا اصغر عياله يرمسنى جي..لالالا نوره حرام مهما يكون ها شيبه له احترامه و العمر له احكامه..احم اونى عاد مب قافطه..
ابتسمت: ابويه تقدر اتروح الطب الوقائى و اتييب ورقه عشان ادخلك ..و تكشف على عيونك..
الشيبه معاند: وين بعد الطب الوقائى انا يالله حصلت لى تكسى يوصلنى ل باب المستشفي ..يالله دخلينى ما ابا اتاخر
ايواا خلنا كده حلوين ارمس بهدوء و عن الفضايح لو عمور هنى جان تجلب على الارض من كثر ما يضحك على هالمواقف المهم .. خلنى امشيه لااه .بس هالمره شدرااهم هم.. و بعدين حرام شيبه محد له …و الحبيب شكله امعاند و اااايد ..مب راضى يتحرك من مكانه و الناس بدت تتيمع تبا اتخلص شغلها ..
مديت ايدي: عطنى كرتك
الشيبه: بارك الله فيج ..
شخطت على البطاقه تاريخ اليوم ..و زقرت حسين يدور ملفه..و رديت له البطاقه..
اتفضل ابويه..
الشيبه مستانس: مشكوره بنتى الله يوفقج ما قصرتى الا وين قسم العيون..
يا هى مصيبه.. خلاص خلاص مشى الموضوع ما اقدر اتافف و لا اقوله شي.. طلبت من حسين يوصله قسم العيون و ياخذ ملفه بالمره …اتنهدت تنهيده رااحه يوم جفت حسين قابضنه من ايده و ما خذنه صوب قسم العيون …اندمجت بشغلى و خلصت ل درجه انى ما جفت الشيبه يوم خلص من علاجه ..بعد ما يانى مره ثانيه يتنشد عن الصيدليه .. الحمدلله طلعت حساسيه.. و انا ليش شايله همه اعرفه اصلا يمكن لانه شيبه و محتاج حراام محد عنده .. المهم ..وقعت على انى خلاص ظاهره من الدوام على الساعه هنتين و ربع…ركبت سيارتى خطرت على بالى خوله .. طلعت موبايلى و فكرت اتصل بها لانها وحشتنى …وايد..خوله هذى اخر سنه لها و تتخرج من معهد التمريض و بتشتغل ممرضه.. زين فكرت اتكمل دراستها بعد زواجها الفاشل ..
نقزت يوم سمعت صوتها ..
خوله: ..؟
نوره: عليكم السلام شحالج و اخبارج
خوله: الحمدلله انتى شو اخبارج …؟ ان شاء الله ابخير ..
نوره: الحمدلله قوم خالى و خالتى شحالهم ..
خوله: كلنا ابخير .. وينج ما ييتنا من فتره..
نوره: افكر امر عليكم بعد باجر ..
خوله: الخميس
نوره: يس
خوله: شو بغيتى انزين..
نوره: انتى صج و يهج لوح..
خوله: هههههه مشتاقه ل جسومى ابا اجوفه فديته..
نوره: فديت روحه تغايضينى يعنى ..
خوله: هههههه
نوره: وين انتى …؟؟
خوله: على الشارع رايحه البيت..
نوره: خساره كنت بمر عليج نروح المنار نتغدا هناك مع انى تعبانه بس مشتاقه لج..
خوله: بس جذا.. سليم .افتر صوب المنار ..
نوره: ههههههههه و يه فقر..
خوله: طالعه عليج..يالله روحى نتلاقي هناك..
نوره: زين زين.. يا حافظ عليج..
خوله: ههههههه صوب الركن الفرنسى هاه.
نوره: اوكيك فيمان الله..
خوله: مع السلامه ..
حولت طريجى صوب المنار امممم اليوم الثلاثاء .. يعنى ما شى زحمه ..زين بكون المنار فاضى ..لان نص اهل راس الخيمه يداومون برع رااك.. و الاغلبيه في بوظبى عشان جى ما اتجوفون الزحمه الا نهايه الاسبوع عشان جى ما احب اروح المنار نهايه الاسبوع الا اذا كانت عندى شغله اخلصها ابسرعه.. ها وصلت شرات ما قلت و توقعت ما شى زحمه ..بركنت سيارتى .. و و لبست نظارتى الشمسيه.. اخ الى يجوفونى يقول هذى بنت شيخ.. هههههه خلونا نحلم.. شليت شنطتى بعد ما حطيت الموبايل داخلها..و نزلت من السياره.. دخلت داخل..صوب المطاعم.. رحت صوب الركن الفرنسي.. خساره الطاوله الى دوم تعودنا نيلس عليها انا و خوله عليها ناس يالله ما بخسر شى بيلس على الطاوله المجابله..دقايق وصلت خوله .. لمحتنى على طول ..ما تنلام عيون صقر ..شراات اخوها فارس ..فارس !!! شو الى ذكرنى فيه الحينه خليه يولى .يلست مجابلتني
نوره: متعشيه وايااج و لا متغديه معااج عشان ما اتسلمين..
خوله: هههه تونى مرمستنج .. و الحينه بتغدا معاج شو تبين بعد..
نوره: اونج انتى متى بتكبرين..
خوله: ما خبرت اهلى انى بكون هنى معاج بجتلوني..
نوره ابتسمت لها: انا مرتاحه ما عندى حد يحاسبني
خوله: الحمدلله انج و حده عاقل ..
نوره: شو قصدج..
خوله: ههههه و لا شى ..طوفى طلبى لنا غداا ما تستحين اميلستنى لى الحين ..
نوره: زين زين عنبوه ..اهلج ميوعينج شو ..”وقفت” انتى عرستى تطلقتى ما تتغيرين بتمين خووله.
خوله: انجلعى لافرج بهاى الشنطه..
نوره: ههههههههههه
ضحكت من خاطرى احب اغايض بها الانسانه حبوبه خوله..جابر صج انك حمار ما عرفت جيمه بنت خالوه مريم ..لو كنت اتعرفها كنت فكرت لو تنطبق السما على الارض ما تودرها ..اااااااه يا يالله سالفه و انتهت مب لازم نطريها و نرجع صفحات الماضى بس الى اتسبب لنا الم ..عشان انفكر بمستقبلنا زين ما زين ..و البركه ب عمور بخطبها له خخخخخخخخ
شليت صينيه الغداا ..ورديت و يه ريااال يالس مع خوله منوه هاه اعرف خوله زين ما زين مب من هالنوعيه من البناااات ..يالله انا مب يوعانه لهاك الزود ..بس سويت كل ها علشان اجوف خوله يعنى ما بخسر الغداا لو فريته على راس ها الى قاعد يتحرش ب خوله… خخخخخخ يتحرش ب خوله عيل ها صايع مؤدب..
خوله: تعالى نوره ..
نوره: خليفه !!!!
خليفه: هلا و الله …شحالج نوره ..شو يايبه لنا غداا
نوره ضحكت من خاطرى ..اشتقت لعيال خالتى و ل حياتى معاهم ..ولايامنا الحلوه الى جمعتنا بحلوها و مرهاا
نوره: يالله ها الغداا يسدنا و جان تبون اييب لكم زياده ما عندى ما نع..
خوله: لا يلسى …ترانى انا متصله ابخليفه يلحقنى هنى عشان يردنى البيت..
خليفه: ما اتسوى شى لويه الله
نوره: انت بتخبرنى عنها ..اقول خليفه ما شى لى مكان في دوامكم
خليفه شوو …حتي لو شى لا اتفكرين مكان دوامي
نوره: ليش ابا اغير دوامى مليت منه
خليفه: ما شى تفضحيناا انتى بعدين بيقولون هاى تقرب ل خليفه ال…..
نوره: شفيها زين..
خليفه: يالله مناااااااك بعد مب ناقص الا تفضحونا
خوله: عيل باجر انا بتخرج من معهد التمريض و بستوى ممرضه في المستشفي ما بتيى تتعالج في المستشفي الى انا فيها..
خليفه: لا طبعاا و اذا اشتغلتى لا اتقولين اسمج عن حد يعرفنى تفضحينى بعد..
نوره: و انت ما اتخاف الا من الفضايح ..شو سوينا جريمه نحن ..
خليفه: انتو من صغركن ريا و سكينه نسيتوا ..هى صح على طارى دواامى خوله جفت جابر اليوم ..
خوله: و شو يعنى ..
خليفه: ما تبين اتعرفين شو قال لي
نوره: ليش انت سلمت عليه..
خليفه: السلام لله هو يااه و سلم على ..
نوره: لو انا منك ابصراحه اتفل على و يهه ها حثاله..
طالعنى خليفه بنظرات مستغرب جنه ما توقع تطلع منى ها الرمسه..سكت متلومه بس صج يوم اتذكر هالانسان اكره حياتى عيل خوله الى تاذت منه شو يستوى فيهاا
خليفه: هدى اعصابج نوره ..ما يحتاى كل هالعصبيه ..
نوره: جوف خوله امحرجه اكثر عنى بس ما تبا اتقول او اتبين لنا لكن انا و يهى لووح كااااش بالويه..
خليفه: و ل و ل و ل بسم الله حشي مب بنيه ..
خوله: يوعاااانه ..غيروا الموضوع ..و ارمسوا بموضوع يرزا لو سمحتوا ..
خليفه: خلاص زين انا اسف ..انا الغلطان..الا بسالج نوره ما انخطبتي
نوره: انت شو سالفتك اليوم..
خوله: هههههههههه تدرين ليش سالج هالسؤال …
نوره: ليش !؟؟
خوله: ترا خليفه خطب..
نوره: احلفوا.. و ليش ما اتقولى هاه …
خليفه: انتى عطيتينى فرصه ما اروم ارمس ب موضوع الا احتشرتي..
خوله: هههه ليش انت ما اتعرف طبعها هذى هى نوره..
نوره: زين محد طلب منكم اتحللون شخصيتى بس خبرونى من الى الله بلاها ..
خليفه: اتهبين الا انتى الا لها الفخر تاخذ واحد شراتى انا الشيخ
خوله: الله اكبر .
نوره: زين منوووووو لا يكون نهله بنت خالوه عايشه..
خليفه: الله يسامحج نوره ..
نوره خوله = هههههههههههههه
خليفه: ايه و طوواا صوتكن فضحتونا ..
نوره: زين زين منو تطلع خطيبه اخوى خليفه..
خوله: شيما بنت عمى عبد الله
نوره: فديتهاااااا زين ما اخترت انسانه خجوله و حبوبه..حظك فيها
خليفه: و الله بطير من الوناسه..بس اتصدقين كنت خايف يرفضوني
نوره: لا و الله ليش انت ولد عمها و اولي فيها ..
خليفه هى ندرى بس لا تنسين جابر ولد خالها ..امايه في البدايه ما رضت تخطبها لى عشان جابر من اهلها
نوره: انزين هى شو ذنبها و بعدين موضوعك ما له علاقه بموضوع خوله..
خوله: انا اقنعت امايه عشان جى و افقت و تدرى ابوى ما بيقول لا لانه بنت اخوه
نوره: زين بالبركه ..بالبركه..و متى الملجة..
خليفه: ما تحدد كل شى المهم بيكون عندج خبر ..
نوره: طبعاا يالله مبروك خليفه تستاهل و الله يوفجكم
خليفه: الله يبارك فيج عقبالج..
طالعت خوله و جنى ابا افهمها قصدى بس الظاهر ما فهمتى يوم قلت
_ان شاء الله بس بعد ما يعرس عمور اخوى ..
تغدينا و خلصنا و سولفنا و مر علينا الوقت من غير ما انحس باعمارنا لى ما اتصل فينى عمور ..ناش من الرقااد ..
نوره:صح النوووووووووووم ..
عمور: هههههه وين انتى ما رجعتى البيت..
نوره: قصدك الشقه ..المهم غريبه انك تنشد عنى ..الاهم انا مع قوم خالتي
عمور: منوه نهله
نوره: لالالالالالا منوه طراا نهله انا مع خوله و خليفه ..كنا نتغدا في المنار و الحينه رايحين البيت ..
عمور: هااا على بالى نهله جى هى مب بنت خالتج بعد..
نوره: ما نعترف..
عمور: امبونج حقوده و غيوره..
نوره: ايه اذا اتفكر ابشى من صوب قوم خالتك عايشه من احينه اقولك شيل هالافكار من راسك ..انا بخطبك ل رفيجتى ..
عمور: اقولج ..جلبى و يهج ..و ييبى لى غداا
نوره: عفانا الله فساااااااد كل شى انا بسويه لك..
عمور: هى يالله اختى العزيزه لا تنسين الغدا بقوم اسبح ..مع السلامه..
نوره: الله يسلمك حجي..فيمان الله
وقفت عشان اخبرهم انى بروح كان المتصل عمور .. و دعت خليفه و خوله.. و سرت صوب شقتى و كانت جريب من مركز المنار ما يفصل بينا غير الجسر و البحر ..دخلت الشقه و حطيت جيس الغدا على الطاوله الى كانت عند باب الشقه..
نوره: عمور عمور ..
طالع من الصاله الصغيرونه و كان شايل فوده صغيرونه ينشف شعره.
عمر: اصغر عيالج..
نوره: يالله بالستر من عرفتك و انا ازقرك عمور شواالى تغير الحينه..
عمر: ابتسم لي: وايد اشياا
اتجدمت و يلست على اجرب كنبه..
كنت بقوله لازم يوم طلع فارس ب حياتك مره ثانيه. كانت فينى رغبه اساله اكثر و اكثر عن فارس بس فضلت انى اسكت ..فر عمور فودته على الكنبه
نوره: حطى لى غدا لى ما اااامشط شعري
نوره: احط لك الغداا
عمر: هى ..
نوره: تعال قبل لا اتروح داخل شييل فودتك و عن الطفاسه..
عمور: اووه
دش الحجرة..امطنشني
نوره: حافظ عليك مدرى طالع على منوه انت ..
شليت الفوده و فريتها داخل الحمام ..و بعدها سرت المطبخ ازهب له الغداا ..مدرى منو يتغدا الساعه 4 العصر ..شليت الصفره و الصحن و قبلها حطيت الغورى على النار عشان اسوى لى كاافيه ..
عمور: تعالى يلسى معاى ما احب اكل ابروحي..
نوره: زين بييب الكافييه على النار ..
طلعت من المطبخ جفت عمور قاعد ياكل
نوره: و الله انا حق شو يايبه لك الصحن .. مب عشان اجب العيش داخله..
عمور: اووه اختصر الطريج..
يلست اشرب الكافييه: انت شو حياتك لازم اترتب نفسك و وقتك باجر بتعرس
عمور: انتى شو سالفتج على العرس
نوره: خليفه اصغر عنك خطب و باجر بيعرس انت شو تتريا..
عمور: عيل انتى خلود اصغر عنج عندها ولد .. و خوله ابعمرج عرست و طلقت و انتى بعدج..
نوره: كل شى نصيب
عمور: عيل يوم تعرفين لا تتفلسفين ..خليفه خطب منوه ..؟؟
نوره: شيما بنت عمه ..
عمر: زين بالبركه..
نوره: و انت متى بتخطب؟؟
عمر: ما افكر نوره بعدنى انا..بعدين لازم انتى تعرسين قبل ما اقدر اهدج جي..تدرين نحن ما لنا غير بعض
نوره: خلاص عيل اخطب خوله بنت خالوه مريم..
عمر: شوه تبين اخطب خوله..
نوره: و ليش منصدم ما فيها شي..
عمر: ما ابا امطلقه..
نوره:شو فيها المطلقه اذا كل واحد يفكر شراتك كل المطلقات ما بيعرس مره ثانيه..
عمر: انا ما لى شغل فيهن و بعدين انتى ليش محرجه هذى حياتى الشخصيه ..
نوره: مب كفيك .. انت اتعرف خوله وايد و محد شراتها بطيبتها و اخلاقها ..
عمر: انتى ليش محرجه انا الى بعرس و لا انتى …؟؟
تنهدت ما عرفت شو ارد عليه صج حسيت انى محرجه ..حرام عليهم و الله ..شو ذنبها اذا كانت مطلقه ما هى عايشه حياتها و كل الناس اتعرف منوه جابر ولد امه..الله يسامحك خالى احمد يوم جبرت البنيه على واحد ما تبااه ..هذى نهايه زواج كل شى بالغصب
عمر: يمكن تظهر لى دوره برع البلاد..
نوره: الله وين ..؟؟
عمر: بريطانيا..
تقزت صوبه و جنى انا الى بسافر ..
نوره: متى ..
عمر: شفيج ههههههه عن تحترقين بالقهوه..
نوره: متى بتروح..
عمر: مدرى ..بس يايتنا ورقه فيها اسامى الى بيرحون الدوره و من ضمنهم انا ..
نوره: يعنى انا بروح لندن..
عمر: و انتى شلج رازه بويهج..لا ابوى انتى بتروحين بيت خالوه مريم..
نوره: نعم نعم شو قلت ما بروح ..اسفه …؟؟و بعدين جم بتم هناك
عمر: ما ادرى بعدهم ما قالوا ..و انتى منو بتم معاج هنى ..مستحيل اتمين ابروحج..
نوره: انزين انزين كيف تبانى اروح بعد ما تغيرت ظروفنا شو بقولهم استحى ابصراحه..اممممممم
عمر: شو …؟؟
نوره: تزوج خوله و خلها اتعيش معاي..
عمر: بس نوره لوعتى بجبدى قلنالج انا خوله ما اريدها احس انها شرات اختي..
نوره: قصدك عشان مطلقه ما تباها
عمر: للا حوول خلينى اتغدا و لا اتغثينى و بعدين ..حتي لو ما كانت مطلقه انا ما اريدها..
نوره: ليش ليش انزين شو عيبها ..هى احسن عنى و عنك..
عمر: ادرى ادرى انها احسن عنى و عنج بس قلنالج اعتبرها شرات اختى ..
سكت مضايجه ..كنت اتمني ان عمور يتزوج خوله جفته يوم نش من على الصفره من غير ما يكمل اكله غثيته سورى عمور بس انا كان و دى ازوجك خوله بس كل شى نصيب و انا ما لى حق اجبرك..يلس على الكنبه بعد ما غسل ايدينه
عمر: شفيج مضايجه..
نوره: من شو اتضايج بس كنت اتمني اجوفك مرتبط ب خوله بس مب من حقى افكر و اقرر حياتك و حياه خوله..
عمر: نوره انا ما افكر بالزواج الحين.. قلتلج عندى دوره بالخارج..و بعدين اذا رديت يصير خير
نوره: بتخطب خوله ..”ابتسمت و استانست من الخاطر بس فاجانى رده”
عمر: لا بخطب نهله بنت خالوه عايشه..
حسيت بالبروده ابكل جسمى لحظه لحظه انا صح وقت المغرب احس انى بردانه و مثلجه بس الحينه العصر يعنى مب برداااانه انا شو اخربط اي برد و اي حر .. انا قاعده اسمع كلام من عمر كلام انسان مب صاحى ..عمر: شفيج وين سرحتي..
نوره: انت ترمس من صجك..
عمر:هى شو فيج..
نوره: انت نسيت شو صار زمان .ما اظن شى يتنسى..
عمر: نهله ما لها ذنب..و بعدين كانت صغيره
نوره”صرخت عليه” عمر لا تستهبل شو ما لها ذنب….البارحه من سمعت اسم فارس حسيت بتصير مصيبه الا مصايب هالانسان ما و راه الا المصايب..
عمر: لا ترمسين عن فارس جذا..و فارس شو يخصه الحينه
نوره: ليش ليش انت نسيت شو سوا..اانت اصلا كيف قدرت اتفكر انك ترتبط بانسانه انسانه
سكت مب عارفه شو اعبر ..
عمر: قلتلج نهله ما لها ذنب..
نوره: عمر لا تتخبل .. و يكون بعلمك انا ما بروح بيت خالوه مريم .. تفهم و لا لاء … و اذا تزوجت نهله انسي ان لك اخت ..
عمر: لا اتسوين لى فلم هندى ..نورووه اثجلي
صرخت عليه اكررررررهك و اكره نهله و اكره فارس اكرهكم من كل خاطرى ..
دشيت حجرتى و انا ميته من الصياح قفلت على الباب لا تزوج خوله برايك بس نهله لا … انا ما ادرى عمور كيف يفكر.. اكيد فارس لعب براسه …سمعت دقت الباب و عمور كان يزقرنى يبانى افتح له الباب بس طنشته علهم الحرق نهله و فارس .. هم خربوا حياتنا هم فرقونا عن قوم خالتى مريم.. بسببك فااااارس طلعنا من بيت خالتى …من سمعت اسمك البارحه عرفت ما و رااك خير و المشاكل بتيينا من كل صوب … عمر مدرى ليش متعلق فيه ….اكرهك فارس اكرررررررررررهك ..و بتريا اليوم الى بسمع فيه خبر موتك عشان ارتاح و افتك منك ..

اليوم الخميس العصر نزلنا من سياره خليفه انا و خالوه مريم و خوله و خلود و ولدها جسوم الحشره ..
يذكرنى بولد السورى ما يعرف يسكت 24 ساعه صياح.. المهم نزلنا بيت عمهم عبد الله ال… عشان انجوف شيما.. و انسلم عليهن..
و كنا ما خذين معانا هداياا ..بوكسين البوكس الاول عطور من عبد الصمد القرشى و البكس الثانى ..عبايه و شيله و ثوب من اليشمك.. يعنى طقم كامل..
خوله: جوفى خليفه بيطير من الوناسه..
نوره: هههه اجوفه..
خلود: امايه امسكى هالحشره عنبوه ما يسكت ..
خليفه: لالا تيبينه جدام صوبى بيخرب كشختي..
خالوه مريم: هههههه حرام عليك خليفه.. اتروم على بو حمود انت ..
خوله: عطينى يياه انا بسكته..
خلود: من عينه يسكت ما يبا غير امايه.جنى هى التعبانه فيه..
خالوه مريم: هههههه يحب يدته..
نوره: يبيى له اخت عشان يلعب معاها..
خلود: هى ما كينه بيض انا..
نوره خوله: هههههه
خالوه مريم: الله يخليج و يعطيج و اتربين عيالج ..و ان شاء الله انجوف عياال خليفه ..و خوله و نوره ..
خليفه: امين امين.. ها وصلناا لا تفضحونا ..
خالوه مريم: يالله بالستر قوم عمك هذيلا مب غرب علينا..
خليفه: خوله سلمى سلمي
خوله: يوصل ندرى عاد سلامك ل منو تباه يوصل..
نوره: بخوفها منك بخليها تتروع يوم تسمع اسمك..
خلود: هههه نوره و انا معاج ..
خليفه: يا و يلكن و الله تشردون عروستى منى ..
خالوه مريم: يالله خلود يودى و لدج خلينا ننزل ..
خليفه: تغشن شى رياييل عند باب البيت..
خلود: تعال يا الحشرة..
خوله: عطينى ياه خلود بشيله عنج..
خلود: فيج الخير..
تغشينا و نزلنا من سياره خليفه
خالوه مريم: يمه خليفه اضرب هرن عشان يظهرن الشغالات و يشيلن الصنااديق..
هرن خليفه بسيارته و شويه و ظهرن الشغاالات ..و شلن البكسات ..جفت ثلاث شباب و اقفين عند باب بيت عم قوم عيال خالتيه مريم .. ما بغيت اتغشي لانى متعوده انى ما اتغشي ..بس مب حلوه خوله و خلود متغشيات و انا لا جدام خالوه مريم.. و كلت امرى لله و تغشيت ..بعد ما نزلنا كلنا حرك خليفه سيارته و قبلها قال لنا يوم بتخلصن دقن لى تلفون ..
خلود: هذيلا ما يستحون يجوفون حريم ييات ليش ما يخوزن من على الباب ..
نوره: خالوه افتنى عليهم..
خالوه: شو ابابهم يمكن يطلعون عيال عمج
خلود: سمعت من خليفه ما عندهم الا واحد و الباجى بنيات..
خالوه مريم: بس صخن وصلنا عند الباب ..
خوله: جسوم صخ شو يضحكك الحينه فضحتنا ..
وصلنا عند الباب ..و كان جسوم مستانس كانه اول مره يظهر من الباب قاعد يتنااقز شرات القرد..وقفت امايه يوم سمعت واحد يرمسها من الشباب الواقفين و الظاهر سيف ولد عمي
سيف: شحالج عموه اخبارج..
مريم: الحمدلله ابخير شحالك انت اخبارك..
سيف الحمدلله طيب اتفضلوا جى و اقفات حييكم حييكم ..
مريم: منوه انت سيف..
سيف: هى انا سيف حيكم
كنت احاول اسكت جسوم و ندمت قد شعر راسى لانى طلبت من خلود اختى انى اشيله.. و المصيبه..انه يلس يصارخ يبا ايير غشوتى .. و انا كنت ما سكه ايدينه..و هو قاعد يصارخ.. بها اللحظه و قبل ما اندش البيت طلعت حرمه عمى تستقبلنا الظاهر جافت البكسات الى كانوا الشغالات شايلينها ..راحوا الشباب بعيد شويه عنا.. يوم ظهرت حرمه عمي.. سلمت علينا .. دشت امايه و نوره و خلود.. عاد يوم يااه دورى هديت اييد جسوم عشان اسلم ل حرمه عمى .. و السبال جسوم يير غشوتى من على و يهى الهرم ما صدق فجيت ايدى عنه .. اتلومت .. و صخت فينى الدنياا يوم طاحت عينى على واحد من الشباب الى كانوا و اقفين برع جاااااااااااااااابر ..نسيت ان حرمه عمى كانت حاضنتنى و اتبوسنى .. و الله نسيت عمرى جابر شو يسوى هني.. صح يصير ولد خالهم.. بس بس يا ربى انربط لساني..جفته يطالعني..اتمنيت انه ما يعرفنى ..بس مستحيل ما طافت مده كافيه عشان ينسي ملامح و تعابير و يهى …. ما صدقت حرمه عمى اتشيل عنى جسوم ربعت داخل ..لحقت نوره و خلود و اميه .. قبضت اييد نوره و كانى خايفه انها اتروح بعيد عني..
نوره: شفيج…؟؟ليش زخيتى ايديني..
خوله: بس امسكى ايدي..
نوره: شو بلاج..
طالعتها بنظرت فهمت على اباها اتصخ مب وقت الرمسه و الخربطه الحينه … دشينا الميلس و كان برع..الفله..كنت احس بنظرات جابر على او يتهيا لى ..مدرى مدرى اتخربطت افكاري.. يلست نوره حذالي..
و بعد ما ظهرت حرمه عمى برع الميلس..
نوره: هدينى زين شو فيج..
مريم: بلاج زاخه البنيه تخافين لا اتضيعين شو.
خلود: جسوم روح عند خالوه..
خوله: لا ما اباه ها سبب المصايب و البلاوى كلها ..
طالعت خوله و هى ترمس شى بلاها شو صابها البنيه.. كانت ترمس و نبره صوتها فيها رجفه و خوف .. اكيد خالوه مريم ما لاحظت بس خلود مثلى لاحظت تغير صوت خوله..شو بلاها !
دشت حرمه عمى و معاها بنتين عرفن انهن بناتها الكبار معرسات و عندهن عيال.. و بقت شيما و سيف الى سلم على خالوه مريم من ساعه.. حطت لنا الفواله..
و سولفنا عن مواضيع وايد.. بس كل واحد تجنب يطرى جابر و عايلته يمكن عشان ما تصير حساسيه..كانت سوالفنا وايد عند مسلسلات و الممثلين و سوالف الشغالالات لين ما دشت علينا شيما… صار لى سنين مب جايفتنها بس شكلها ما تغير .. حليوه ..ماشاء الله عليها احلي خواتها …يابسه شرات خوله.. بس قزومه..كانت مستحيه و خجوله..
.جفت نظرات خالوه مريم و جنها اول مره اتجوفهااا …كانت نظرات الاعجاب ..ع عيونهاا ..ابتسمت البنيه كانت ميته من المستحي بس كنا نسولف معاها انا و خلود .. و خوله بس كان امبين على خوله شغلها و فكرها بشيء ثانى … المهم قدرنا انخليها تندمج معانا .. و كانت تحمر كل ما طرينا خليفه ..اذن المغرب صلينا و عقبها اتصلنا ب خليفه يااه و خذنا..و نحن ظاهرين من بيت شيما..جفت خوله اترص على ايدي..استغربت من تصرفها.. ما حبيت اسالها او اطلب منها اي تفسير ..خوله مب النوع الكتوم.. و اكيد بتخبرنى شو سالفتها.. بس بعد ما ركبنا سياره خليفه.. فجت ايدى و كانها حست بالامان …خوله مب طبيعية..جنه اليوم خبال دااق براسها …وصلنا بيت خالوه مريم … و خليفه ما رحمنا باسئلته كيف كانت و كيف حسيتوا؟ مرتاحه و لا مضايجه؟ يعنى ما غصبوها علي..؟ و ابوى منو يفكنا من لسان خليفه.. حشرنا و جانه ما يعرف شيما.. عليه حركات ها الصبى ..
خليفه: ياااااا و يلى حالى امايه متى بملج..
خالوه مريم: باجر الصبح.
نوره خوله خلود = ههههههههههههههههه
خليفه: امايه لا تتمصخرين عليه..
خالوه مريم: شسوى فيك..انت تدرى نحن متفجين هالخميس انروح انزورهم و الاسبوع الياى بتحدد كل شى ..شو تبا بعد ..؟؟
خليفه: زين يصير خير بروح ارمس ابوى انتوا ما منكن فايده..
خالوه مريم: اندوك انته بعد ما سرنا و و رديناا قال ما منكن فايده..
خليفه يبتسم: اسولف يا الغاليه ..يالله بظهر تبين حايه اماره..
خالوه مريم: سلامتك..ما بترد تتعشىى..
خليفه: لا عازم واحد من الربع …
خلود: خلوف وصلنى بيت خالوه عايشه..
خليفه: وين ريلج..؟ و بعدين من بعد البيت هذووه تحت اريولج
خلود: يعنى ما تدرى ان عليه زاام
خالوه مريم: تعشى و بعدين روحى زين..
نوره: تمى انا بوصلج يوم بروح البيت..
خليفه: زين بعد يت منكم يالله فيمان الله..
خالوه مريم: بروح ازهب العشاا ..
خلود: بساعدج امايه خوله حبيبتى جسوم راقد في حجرتج كل شويه طلى عليه..ايه ارمسج انا..
خوله: زييييييين
خلود: شفيج اليوم انتى ..
نوره: خلود روحى انتى انا برمس معاها …
خلود: نوره تبين عصير..
نوره: رشوه عشان اجوف جسوم الحشره..
خلود: هههه حرام عليج..خلاص ما بسوى لج بروح اجوف امايه …
طلعت خلود من الصاله… طالعت خوله..كانت هاديه و عاديه تسمع سوالفنا انا و خلود..
نوره: شفيج خوله ؟
خوله”تبتسم” تدرين نوره قبل ما نظهر من بيتنا و انروح بيت عمى عبد الله كنت اترياا اللحظه الى نرجع فيها عشان انا اسالج شو فيج هاليومين..الحينه انتى الى تساليني..
نوره: انا ما فينى شى بس تدرين عمور امخبل فينى …انتى ..؟؟شفيج انجلب حالج فجاه؟!
خوله”تتنهد” جفته و جافنى نوره ..
نوره: منوه ؟؟
خوله: جابر ..جفت جابر عند باب بيت عمى عبد الله..
شهقت: لا اتقولين واحد من الثلاثه الى كانوا و اقفين عند الباب ..
خوله: هى واحد منهم
نوره: مب فاهمه كيف نحن وين كنا ..؟؟
خوله:ترا جسوم يير غشوتى يوم سلمت على حرمه عمي
نوره: اونه
خوله: و الله ارمس جد جفته و جافنى طاحت عيونى عليه..
نوره: شو صار ..و انتى ليش ما قلتلى جان قلتى كنت تفلت على و يهه ولد امه
خوله:تشهق ..اتسوينها انتى خبله..
نوره: و انتى تافهه ليش انجلب حالج جى و شو يعنى جفتى جابر لا يكون اتحبينه..
خوله: مب سالفه حب بس فينى غيض منه حراااام الى سوااه فينى ..
حسيت ان خوله تتالم بداخلها و كانت بتصيح..بس صياح جسوم طلعها من الى هى فيه..
خوله”رايحه حجرتها” ها و حي له يرقد..
تميت ابمكانى اتريا خوله لى ما تظهر من حجرتها … بعد ما اترقد جسوم..جفتها اتاخرت ..رحت لها جفتها حاضنه جسوم و قاعده اتصيح و جسوم راقد مب حاس شو يصير حوليه..
نوره: خوله ليش الصياح..
خوله من انتبهت لى حطت جسوم على الشبريه و لحفته.. يلست حذالها و كنت اتمني اسوى اي شى بس ما اجوف توام روحى جى متضايجه ..مسكت ايدها.. نزلت خوله راسهاا..و طاحت دموعها على ايدينا..
خوله: انا اكرهه اكرهه دمر حياتى ..ليش من اول يخطب و يتزوج هو شو خسر..انا الى خسرت كل شى في حياتى ..
حضنتها بس خوله لا تبجين ترا و الله ما يستاهل دموعج..
مسحت خوله دموعها و ابتسمت: ادرى بس نظراته غيضت بي
نوره: جان صبيتى رمل في عيونه..
خوله تضحك مع ان عيونها مليانه دموع: خليه يولى ..
نوره: كيف حسيتى يطالعج..
خوله: مدرى شو اقولج نوره يمكن اقص على عمرى بس ابصراحه كانه متفاجا و كانه مب متوقع انه يجوفنى بعد ما طلقنى ..
نوره: يزوول ..بس صدقينى الله بعوضج بالى احسن منه..
هزت راسها و كانها مب مقتنعه انها يمكن اتعرس مره ثانيه ..
خوله: شفيج على عمور..؟؟
نوره”تتنهد” لا ما شى ..تدرين كنت بقولج هاك اليوم في المنار عن فارس بس خليفه موجود..
خوله مصدومه: فاااااارس فارس اخوي..
نوره: هى فارس..
خوله: وينه جفتيه..؟؟
نوره: لا بس عمور يرمسه و يتلاقي و يااه
خوله: ثمن سنين ما جفناه و لا يااه نشد عنا او عن ابويه..
نوره: ترا كلب حييوان ما فيه خير ..
خوله: شفيج نوره اليوم كل اتسبين و تشتمين من شو محرجه..
حسيت ابغبنه: من كل شى في الدنيا يقهر خولوه ليش نحن جى حياتناا
خوله اطالعنى مستغربه
نوره:اكرهه فارس اكرهه..اياام كنت طفله صغيرونه كنت اكره نظراته لى يحسسنى جنه شيطاان ..
خوله: تذكرين نوره هذاك اليوم شو استوا ..تذكرين فارس شو سواا ..كيف سود و يه ابوى ..مرات احس يستاهل ان ابوى رااغه و و مرات احس ……
نوره: لا اتقولين احس انظلم ..يولى يستاهل ..انا و عمور كنا مرتاحين بس اول امس سمعت اسمه .. حسيت بستوى شى و صج صارت مشكله بينى و بين عمور و للحين لابسه عمور و لا جفته ..
خوله: ليش شو سوا فارس..
نوره: ينجلع..هو لو فيه خير نشد عنكم او عن خالى احمد على الاقل..
خوله: ما فيه خير بس اشتقت له..لو شو سوا بتم اخوي..و رابى و يانا
نوره: يزوول جلعت ابليس ..
دشت خلود علينا الحجرة..: تعالوا اتعشوا يالله ..
طلعنا انا و خوله من حجرتها و رحنا مع خلود حجره الطعاام ..مع انى ما لى نفس للعشا و حسيت خوله مثلى بس ..غصبنا اعمارنا و كلينا..
بعد ما خلصنا قعدت شويه و على الساعه تسع ..طلعت رايحه البيت.. و طلعت معاى خلود ..و خالوه مريم و خوله يتريون برع ..يجوفون خلود لى ما ادش بيت خالوه عايشه.. فكرت اروح اسلم على خالوه عايشه قبل لا ارجع الشقه..عشان ما اتلومني.. ليش ما ازورها و هالسوالف انتو اتعرفون بعد الحريم يوم يتشرهون مب لازم اقولكم كيف ..؟؟المهم ..كنت امشى بسيارتى شويه شويه و خلود شايله و لدها جسوم.. وصلت بيت خالوه عايشه و دشت.. نزلت انا من السياره .. و كنت اتمني من خاطرى انى ما اجاااابل نهله مع انها مثل ما قال عمر ما لها ذنب بس انا اكرهاا و الله العظيم اكرهها حتى خوله اكيد ما اتعرف اشكثر انا اكرهها بس تدرون ليش اكرهها ..؟ لا تستغربون اذا قلتلكم ابروحى ما اعرف السبب ..اتنهدت .. و نزلت من سيارتى …سمعت صوت ريال داخل
:جسوم ايه نش نش امووووووحه
خلود: حراام عليك حميد خله راقد اذا نش بسهرنى الليل..
حميد:هههههه خليه عند عمه حميد بعلمه يشيش و يحرق و يصيح و يلالات..
خلود: يا الظاااالم..
حميد: ههههه ايه بو حمود نش..
خلود تعالى نوره ليش و اقفه حذال الباب لا اتسوين روحج غريبه..تعالى دخلي
رفع جابر عيونه صوبى يوم طرت خلود اسمي..و كانه اول مره يجوفنى صح صار زمااان ما جفنى كل ما ايى ازور خالوه عايشه يصادف يكون مب موجود ..بس هالمره الصدفه لعبت دورهاا يمكن لانى اول مره امر بيت خالوه عايشه بها الوقت العشاااا ..نزلت راسى متلومه منه و من نظرااااااته ….

حلقه الثاااالثه ..))

“من يوم و ادعت زولك و القلب ملتاع ..للحب سلطان امره مقضى و مسموع
لا يشغلك قول و اشى .. القول خداع ما في دروب المحبه حاجز و ممنوع”
اتجدمت من خلود و حميد..ارتبكت يوم جفت حميد ما خوز نظراته عنى اول مره شخص يطالعنى جى صج فيه جراه و لا اسميها و قاحه ..؟؟..
نوره: ..
حميد: عليكم السلام اشحالج نوره..
نوره: الحمدلله انت شخبارك..
حميد: بخير ربى يعافيج.. و الله و كبرتى و صرتى عروس .؟؟
و ابوى هذا شو ارد عليه الحينه طالعت خلود الى ابتسمت لى و دشت الصاله..وين رايحه يا الهبله امخلتنى ابروحى مع حميد.. حميد ! تدرون منوه حميد اذكر مره خبرتكم انه لوتى ..
ابتسمت له: ما في شى بالدنيا يتم على حاله..
اتجدم و يل ها و ى ياي..جفته يلعب بسويج سيارته الظاهر كان بيظهر ..
حميد: معقوله انتى الشيطانه ..صرتى جي..
اتمصخر عليه: شو كبرت و صرت ابليس
حميد: هههههههههههه
نوره: خالوه عايشه وين…؟؟
حميد: فيج الخير و صرتى تنشيد عنهاا
نوره: دوم انشد عنها و اسال عنها و ازورها بس ما يصادف اتكون موجود..
حميد: و عمر اخوج..
نوره: شفيه..
حميد: ما قام ينجااف
طالعته مستغربه: بس يوم انشد عنكم يقول انكم تجاوفون في القهوه
حميد: هاه يعنى تسالين عناا
اوهوووو هذا شو يبا الحينه ..شو مشكلته وين يبا يوصل ..لى متى بتم و اقفه برع يعنى …
حميد: لا انا اقصد صار لى اياام ما جفته..
نوره: دق له و اساله..بتم و اقفه برع و اايد..
حميد: حياج حياج ..
اتجدم و انا و رااه ..دش الصاله..جفت نهله يالسه اطالع تلفزيون يا كرهج..من جافتنى و قفت اتسلم على يحليلها طيبه ترا اتمصخر عليها.. سلمت عليهاا..
نهله: و انا اقول غريبه هالخميس ما مريتى عليناا
حميد: ليش كل خميس اتيين و الله ما عندى خبر..
نهله: ترا اهى اتمر علينا حزه العصر و انت مستحيل اتكون موجود هالوقت ..
نوره: وين خالوه عايشه ابا اسلم عليها و اروح ما فينى اتاخر ..
نهله: جى اتخافين من عمور..
رديت عليها بنفس النبره: لا بس انا مب متعوده اكون برع البيت بها الوقت..
نهله: قصدج الشقه..
نوره: ايووووه الشقه..
حميد: عادى بس اليوم تاخرى انا بوصلج جان اتخافين..
نوره: مشكور ما يحتاى ..خالوه بحجرتها..
نهله:قعدت على الكنبه: هى روحى لهاا
حميد: نهله شو ها المذهب..
نوره: عادى ترانى مب غريبه..
نهله: و فرتى على محاضره من حميد..
حميد: ما علييييج منها نوره تعالى باخذج حجره امايه..
كنت بقوله اندل الدرب .. المهم سار جدامى و انا و راه حسيت اليوم صرت ذيل حميد…دق الباب .. سمعت صوت خالوه و هى اتقول الباب امبطل.
حميد: امايه نوره بنت خالوه تبا اتسلم عليج..
خالوه عايشه: هلا يمه تعالى قربى ..
اتجدمت منها حسيت يوم جفت خالوه عايشه منسدحه على الشبريه ..كبرت عشرين سنة..مدت ايدها اتسلم علي.
اتجدمت منها ..سلمت عليها بست ايدها و راسهاا و يلست حذالها على الشبريه..جفت حميد يرااقبنى تضايجت من حركااته ..بالاول يوم كنت صغيره كنت احب اسولف معاه و اضحك .. و كنت استانس يوم كان يشيلنى و يفرنى بالهواا جنى عصفوره اطير ..بس الحينه احس صار حاجز من بينا يمكن لان كبرنا ..
خالوه عايشه: وينج ما ييتى اليوم..
كانت ما سكه ايدى معقوله الواحد يوم يكبر و يصير شعره ابيض ..يعقل يعنى ما يصير لسانه طويل..
رديت عليها: رحت مع قوم خالوه مريم.. عشان انجوف العروس ..ما ييتي..؟؟
خالوه عايشه: قالت لى خالتج مريم خاوينا بس كنت تعبانه و مب رايمه قلت نهله بس ما رضت ..
حميد:-شو شفتوا البنيه..؟؟
انت شو يخصك تسال هالسؤال صج ما يستحى ..
نوره: زوينه ..
عايشه: الله يهنيهم عقبالج يمه و عقبال عمر شحاله عمر اخوج
نوره: الحمدلله ابخير باجر بيمر عليج..
عايشه: هى هو كل جمعه يحليله يمر على ..
وقفت: انزين خالوه بخليج الحينه..
خالوه عايشه: ما شربتى شى ..
نوره: ما عليه مره ثانيه ان شاء الله بس تاخرت وايد..
حميد و اقف.. و انت ليش و قفت بعد تباا اتوصلنى عند الباب بعد..سلمت على خالتى و طلعت من حجرتها و كان و راى حميد..بس نهله ما كانت موجوده بالصاله.. احسن ما لى خلق اجوف شيفتها..بعد انا مب ناقصتنه ..وصلت عند سيارتى ..
حميد: نوره ما تبينى اوصلج و لا اتامنين..
نوره: ما يحتاى حميد ما اتقصر..
ركبت سيارتى .. و ضربت له هرن اودعه…يا ربى مب راايمه اسوق فينى رقاااد اونى الحينه سهراانه انا الساعه عشر .. زين بعد بوصل الشقه ما بجوف عمر بروح البس زلاغى و انخمد ..ا
مدرى كيف وصلت الشقه و الله مدرى ..من وصلت ..فريت كل شى عبايتى شيلى شنطتي.. و انخمدت على الشبريه ..اونى سهراااانه الحينه …حتي ما قفلت باب حجرتى هههههه و لا لبست زلاغى مصطله فينى رقااد…
فجيت عيونى على رنه تلفون البيت.. منو يتصل بها الوقت ليش كم الساعه..اتفاجات الساعه ثلاث في ليل منوه يتصل بهاا الوقت ؟يمكن عمور ..بس ما دق على موبايلي… دورت موبايلى تذكرت انى فريت شنطتى في الصاله..اوووه نوره متفيجه روحى ردى على التلفون يمكن شى ضرورى ..ابصراحه اتروع يوم اترن التلفونات بتخر الليل..ركضت الصاله..و شليت التلفون..
قلت:…؟؟
…….:عليكم السلام…عمر موجود..
عااد اتخيلوا شو شعورى الحينه واحد متفيج يتصل باخر الليل عشان ينشد عن عمور الناس اخترعوا موبايلات..كان و دى اهزبه..بس مسكت اعصابى و رصيت على سماعه التلفون..
……..: الووو
رديت: عمر مب موجود دق على موبايله ..
………: موبايله يعطينى مغلق ..
نوره: زين هوه مب موجود..
…….:انتى نوره …؟؟
فجيت عيونى و جنه يتنى صفعه من الخاطر منو هاه يعرف اسمي..يعنى تلفون باخر الليل و سكتنا..بعد يطرى اسمى !عمور مفضحنى الله يغربل ابليسك..
نوره: منوه انت…؟ و كيف اتعرف اسمى ..؟؟
…….: انا فاااااارس..
مدرى شو اقولكم..يوم سمعت اسم فارس..اتصوروا شو سويت..صكرت التلفون ابويهه مدرى ليش سويت جي..يستاهل السباااال يا قوه عيييينك..و فرحان ابعمرك انا فاارس و حطبه اتكسر راسك..ركضت حجرتى و قفلت على الباب.. حسيت ابرجفه معقوله انا خايفه..تذكرت نظرااته حسبى الله عليك امسوى لى رعب من يوم كنت صغيره..لصقت في باب حجرتى ريولى ما ساعدتنى انى اروح و انخمد على شبريتي..يلست ابمكانى عند باب الحجره حضنت نفسى ..هذا حس فارس نزلت دموع من عيونى لا ارادي.. فاارس ..فاارس.
XXXXXXXX
فتحت عيونى على اذان الفير ..حسيت ابعمرى مصدعه صدااااااااع قوي..جفت نفسى راقده حذال باب حجرتي..قمت و كانى ما ابا اتذكر شو صار في ليل.. دشيت الحمام و اتيددت قريت سوره البقره..لى ما سمعت الامام يقيم الصلاة..صليت الفير .. و كملت سوره البقره..بعد ما خلصتها..
طلعت زلاغى من الدرج و لبسته..و لبست كوت عمور الاخضر ما ل الدواام كنت احس يدفيني..انسدحت على الشبريه.. و تلحفت..تجلبت واييد..تعبت ابا ارقد بس مب رااااايمه..صارت الساعه ست الصبح و انا احاول ارقد بس مب رايمه ما ابا افكر بشي..بس تعبت ..من التفكير .
.اياام مرت فكرت فيها .. و خلاص يااه اليوم الى انا ارتااح فيه و اعيش حياتى بس كيف .. و ها الى اسمه فارس ظهر ب حياتنا مره ثانيه.. غااب عنا 7 او 8 سنوات… من عقب هااك اليوم ما جفته.. كل الى اذكره كانت نظراته الشيطانيه علي.. يوم خالى احمد كان يهزبه..
و يروغه من البيت.. كان يطالعنى ..و كانه يحسسنى انا مشتركه معاه او انى انا السبب بالى صار له.. انا ما لى علاقه .. فيه و لا ابا يكون بينا اي صلة. و انا ما غلطت الى جفته قلته ..يعنى نظرات الاتهاام الى كان يطالعنى فيها..مالها حايه …..
عمر كاان الشخص الوحيد الى يداافع عنه مع انه يدرى انه فاارس غلط و سود و يه عمي. بهاك اليوم ..كان عمرى 15 سنة… يعنى فارس كان عمره 19 شااب مب صغير.. و الى سوااه ما يسويه واحد محترم و مؤدب…المهم..ما ادرى عمر اخوى كيف صار جريء و وقف مع فارس ضدنا كلنا…كان يداافع عنه..ع اي اساس ادافع عنه عمور..
فارس كان مذنب حتى لو كان رفيجك هذا مب معناته توقف معاه على الباطل..لليوم و الله لليوم و كان كلمات خالى احمد تترد في اذوني..عمر تبا تتواصل مع فارس اظهر من بيتى و بيت خالتك ..و هالجمله الى خلت عمور و مب بس عمور كلناا ننصدم من كلام خالى احمد…و حرم علينا نطرى اسم فارس جدامه.. او نتواصل معااه.. و اي واحد يفكر يرمسه او يتصل فيه .
.بيكون مصيره شرات فارس الطرد.. كنت احس انا الوحيده الى مستانسه بعقاب فارس و احس شويه عليه ..بعد الرمسه الى قالها خالى احمد نقزت خالوه مريم ل عمور اخوى و قبضته من ذرااعه تترجااه
: بس عمر اسكت لا ادخل عمرك بشى ما يخصك.. خلى خالك و و لده ابكيفهم لا اتخلى خالك احمد يحرج عليك..
جفت عمر يبطل شفايفه و كانه بيرد عليها بس يوم جاف دموع خالوه مريم صخ.. و نزل راسه..بعدها رفعت راسى جفت فارس يطالعنى بنظرات لها وايد معانى بس انا ما فهمت منه و لا شى …بعدين ظهر من البيت و صرنا ما انعرف عنه اي شي.. حتى ثيابه ما شلها معاه..
جذى يكون يوم الواحد يتبرى من اهله…حسيت برجفه و قشعريره…طالعتهم كلهم بعد ما ظهر فارس من البيت كلهم كانوا يتالمون حتى خالى احمد..و و عمور اخووى هذى اول مره اجوف دموعه..ما قدر يسوى شي..لو تكلم.. بيروغه خالى احمد بعدين وين بنروح…
.بعد سنه اشتغل عمور اخوي..و السنه الثانيه عطااه الشيخ سعود طول بعمره شقة.. و انتقلنا هنااك انا و عمور و كنت وقتها بثانويه عامه…ف البدايه كنت رافضه اروح معاه و كنت اصيح. بالنسبه لى اليوم الى ظهرت فيه من بيت خالوه مريم اسوء يوم في حياتى ….و كلنا عرفنا ان عمور بغي يظهر من بيت خالى احمد..عشان يرجع علاقته ب فارس .و كان بالنسبه له اسعد يوم في حياته …
.بس خالى قاله..البيت مفتوح لك و ل نوره باى وقت..تبون اتزورون خالتكم عيال خالتكم حياكم الله … حسيت ابقهر .. لانى تركت مكان الى تربيت فيه و عشت احلي ايام عمرى و طفولتى ..
.بس الحمدلله على كل الى صار علاقتنا انا و عمور بقوم خالتى شرات قبل يعنى سالفه فاارس ما اثرت فيها …ها اهم شى ..كل الى عرفته من عمور ان فاارس راح بوظبى .. بعد ما ظهر من بيت خالى احمد.. و استقر هناك..مع خاله و خالته..خاله اخو امه من الاب ..تزوج خالته اخت امه من الام..مدرى كيف استقبلوه اكيد اكيد قص عليهم و لا هالاشكال و الحثاله محد يامن يعيش معاهم.. و ليش ما يامنون ..لازم يامنون ترا فارس اخو عيالهم بالرضااعه.. ابصراحه انا ما اعرفهم و لا اعرف اساميهم و كيف علاقه فارس فيهم كل الى اعرف انه عايش في بوظبى مع خاله و خالته.. و اخوانه في الرضاعه على رمسه عمر.. و انا ما طريت هالشى لا ل خوله و لا قوم خالى احمد ما فينى على المشاكل خليه يولي…
سمعت صوت باب حجره عمور.. نقزت.. و رحت فتحت باب حجرتي..
جفته يفتح باب حجرته:تو الناس بدرى …؟؟
عمور متروع: انتى شو اتسوين اليوم الجمعه ما شى دواام..
نوره:ما يانى رقااد…ليش راد بها الوقت ..انت ما تحاتى اختك..
عمور: كيف ما احااتيج..ترانى اسهر و يا الشباب في القهوه جريبه من بنايتنا..شوفيج انتى هاليومين ما تنجافين و لا تنشدين حق شو زعلانه..
طالعته بنظرات ..اونك ما اتعرف شو مزعلنى بس خلها على الله..جافنى ما رديت عليه..دش حجرته ..و لحقته..
نوره: موبايلك ليش مغلق…؟؟
عمور داش الحمام يغسل و يهه: كان امفضى اخر الليل بس بعد الفير حطيته بالجرااجه في السياره ليش متصله شى استوا..
نوره: لا مب انا المتصله..وااحد اسمه فاارس
طالعنى عمور يوم نطقت باسم فارس…ظهر من الحمام و انا تميت و اقفه عند باب الحمام..طبعا معلوم ما بيصكر باب الحمام.. صكرته…يلس على الشبريه..
عمور: عيل اتصل بى و جاف الموبايل مغلق ما قالج شو يبا..
عاتبته: عموووووور..
رد على ابسرعه: شو فيج نوره الريال ابشو ضرج..ليش تكرهينه..
نوره: انت مستغرب ليش اكرهه انا المفروض استغرب منك..ليش مرابعنه للحين..
عمور: لا تنسين ها رابى و يانا و ولد خالى احمد..و شرات ما تعزين خوله انا اعز فاارس و اكثر
نوره: ولد خالى احمد مب خالوه مريم يعنى ما يصير لنا شي.. المهم قوله لا يدق مره ثانيه على تلفون الشقه..انا من سمعت صوته و انا مريضه مب رايمه ارقد..
عمور: ههههههههه ان شاء الله اوامر ثانيه..
نوره: لا ما شى تمسي على خير ..
عمورهو يتلحف: و انتى من اهل الخير بندى الليت..
تذكرت و انا اصكر باب الحجرة: صح حميد ولد خالوه عايشه ينشد عنك..
عمور: شو يبا طول ليل مجابلنه في القهوه..
نوره:هههه ما ااااادرى ..نش اليوم من وقت عشان اتروح ل خالوه عايشه البارحه جفتها امبين عليها تعبانه..
عمور: زين زين روحى خلينى ارقد ..
صكرت الباب ..ابتسمت حسيت و انا ارمس عمور جنى و ليه امره و اتحكم فيه ههههههه حلو تتحكمين في رياااال …دشيت حجرتي.. و شليت الروايه الى كانت موجوده على التسريحه.. و انسدحت على شبريتى و يلست اقراا ..اضيع وقتى بداال هالملل..

 

    رواية ابوي ابوي لو صد عني ماترجيته روايتي

    اخوي لي صد عني ما ترجيته

    اريد صور عن حب بنتت ولد خوله

    رواية ابوي ابوي لو صد عني ماترجيته منتدى تعب قلبي الحلقة زواج فارس ونوره

    رواية ابوي لو صد عني ماترجيته

959 views

رواية ابوي لو صد عني ماترجيته