6:53 صباحًا السبت 23 فبراير، 2019






روايات قطريه بدويه كامله

روايات قطريه بدويه كامله

بالصور روايات قطريه بدويه كامله 6bb7121ceb5d712a3cdc2b32eee09694

فى تمام الساعه السابعه صباحا انطلق صوت منبه جوال ساره ….ليعلن عن بدايه يوم جديد في دوام الجامعه الى ما ينتهى الا بعد طلعه الروح …سكرت ساره المنبه بتافف و تسب و تلعن الدراسه في خاطرهاوتسب السهر في ايام الدراسه.وبعد دقايق من التقلب في الفراش بطول و العرض قامت تغسل و جههاوتبدل ملابسها..وبعد مخلصت شلت عباتها و نقابها و حطت الشيله على راسها و طلعت من غرفتها عاساس تقوم بنات عمها حصه و هند .. و اول ما دخلت الغرفه حصلت حصه قايمه و قاعده تمشط شعرها و هند بعدها تسدح على سريرها..
ساره:يلا هندووه قومى تري بنتاخر…
هند و بعد عيونها مسكره من النوم:اففففف لازم اليوم دوام…
ساره:نعم ..نعم.. الشيخه شقلتى قومى يلا..ولاتري بنادى خالتى تصحيج عدل.
هندعلي طول قامت:لا و الى يرحم و الديج كله لا ام عبد الله ناقصين نسمع محاضرات و حن لين الحين ما رحنا الجامعه.
حصه و ساره ما توا من الضحك عليها ..ساره: دواج ما ينفع معاج الا جذى .
وبعد ربع ساعه نزلوا البنات تحت عشان يتريقون و يرحون دوامتهم ,اول منزلو حصلو ابوعبد الله و ام عبد الله و جدهم ابوخالد و اختهم نور و عيالها حمد و عبد الله نور ارمله و عايشه مع اهلها من توفي زوجها من اربع سنوات و لان زوجها ما له احد ,ابوها ما رضي انها تعيش في بيت بروحها و قال لها عيالج احنا بنربيهم, و اهى ساكنه مع البنات في الدور الثانى و لها قسم خاص كامل يعنى صاله و غرفه لها و غرفه لعيالها)..
ساره:جدى صباح.. الخير شلونك؟
الجد(ابوخالد)ومن غير نفس و بطريقه بارده:الحمد الله…
ساره الى تعودت على اسلوب جدها و برود تعامله معها قامت حبته على راسه و صبحت على عمها و مرت عمها الى عكس جدها ردوا عليها بكل حب و حنان و هي اصلا و اجد متعلقه فيهم لانها تحس انهم اهلها الى فقدتهم من ست سنوات في حادث سياره و من يوم الحادث هى عايشه مع عمها و بناته الى ما قصروا معها و طلعوها من محنتها يوم وفاه اهلها و كانوا مثل الاخوات الى ربى ما رزق اهلها فيهم و اهى الحين ما تقدر تستغنى عنهم في اي شى خاص او غير خاص فيها تقريبا حزب خاص فيه الثلاث .واما سبب برود جدها معاها لانه ما كان راضى من زواج منصور ابوساره)من دانه ام ساره)ولان منصور تزوج من غيررضاه و رضا اخوانه و اخته نوريه التى ما زالت تكره دانه و بنتها ساره و تحملها افتراق اخوانها الى اقنسموا نصفين بين الى معارض الزواج منصور و الى ما يده و سبب رفضهم الدانه لانها مو من العيله و لانها كانت عايشه طول عمرها في باريس مع اخوها الى كان يدرس هناك

بالصور روايات قطريه بدويه كامله 20160618 400

واشتغل مع واحد من ربعه فرنسى في مشروع خاص فيهم ,وكبر هالمشروع و سارعندهم راس ما ل كبير و توسعوا في هالشركه لين صاروا من اكبر الشركات الاوروبيه,ومنصور كان يتعامل مع هالشركه الى شركه سالم اخو دانه و صار بينهم صداقه و في يوم من الايام منصور شاف دانه صدفه مع اخوها في شوارع باريس و سلم عليهم و تعرف على دانه ,وبعد اكثر من لقاء صار بينهم قرر منصور انه يتقدم لها,وبعد ما رجع البلد خبر ابوه بالسالفه كلها لاكن ابوه رفض رفض قاطع انه يتزوج و حده مش منهم و لامن العيله و بعد عايشه بري و قال اكيد بتكون مضيعه مذهبها,وعلي هذا المنوال حاول منصور يقنع ابوه و عيلته بزواجه.
وكان منهم الى رضى و الى منهم زعل بس منصور ما عبر حد سوا الى في باله و تزوج دانه رغم غضب ابوه عليه. و عاش مع دانه احلي سنتين من عمرهم في فرنسا.وبعد هالسنتين ردوا البلاد و كان عمر ساره ثمان شهور.وبعد ما رجع منصور حاول يرجع المياه لمجاريها و يحاول يصالح ابوه,ولكن ابوه رفض انه يشوفه لين يطلق مرته .وقعد يحاول اكثر من مره ان يخلى ابوه يرفض هالمبدء لين صار عمر ساره 15 سنه و الجد متقبل الوضع البارد بينه و بين و لده و لكن عياله ابوعبد الله و ابوراشد قعدوا يقنعون فيه عشان يردون شمل الاسره مثل اول ,وبعد فتره تنازل ابوخالد عن كبريائه و افق على انه يصالح و لده .واول ما عرف ابوساره بالخبر ان ابوه رضي عليه بسرعه خذ بنته و مرته و راح بيت ابوه و لكن الله ما قدر انهم يفرحون بعوده الاسره لبعضهم سار لمنصور حادث الى توفي فيه اهوا مرته في نفس اللحظه معدا ساره اللى كانت في السياره من و را و لاصار فيها شىء غير كسر في ايدها و خدوش في و جهها, و من هذه اللحظه الجد ما زال يحملها مسئوليه فراقه لولده ,وطبعا العمه نوريه من نفس الموقف الى ما تحب ساره و لا سيرتها او سيره امها.

بالصور روايات قطريه بدويه كامله 20160622 92
وبعد الوقت الطويل من الذكريات ابتسمت ساره بحزن و هى اتطالع جدها لانها ما تقدر تلوم جدها على مشاعره اللى لين الحين ما ندفنت رغم مرالسنين .
حصه اللى اتطالع ساره مستغربه ابتسامتها هاه .. خلصتى احلام اليقضه .يله قومى تاخرنا تري و رانا خلود انمر عليها(خلود بنت عمهم ابوراشد)الحين تلاقينها مزهبه لسته سب و هواش عشان الدقيقتين اللى تاخرناهم.
ساره:اى و الله ما لى بارض على لسانها الطويل من صبح.
البنات و هم قايمين يلبسون عباياتهم و نقاباتهم: يالله مع السلامه ..
ام عبد الله الله يحفضكم من كل شر .
وبعد ما راحوا البنات طلع ابوعبد الله لشركه الى هى بالاساس شركه العيله و هى شركه مقاولات معماريه و كانت من اكبر الشركات المعروفه في البلد ,وابو عبد الله اصلا باقى له كم اسبوع و يتقاعد و يسلم اعمال العيله كلها لولده عبد الله الى يدرس في امريكا اداره اعمال و باقى له اسوبعين و يستلم شهاده الدكتوراه و يرجع للبلد بعد فراق سبع سنوات, بس انه كان يزورهم في الاجازات و لكن اخرثلاث سنوات رفض كل الاجازات بسب اخر موقف صار له خلاه يكره الرجعه و سبب كان بينه و بين بنت عمته نوريه نوف)اللى كان بينهم قصه حب اسطوريه و كان الكل يعرفون عنها و اهلها كانوا موافقين على عبد الله و كانوا معطينه كلمه انه اول ما يخلص دراسته يتزوجون و لكن ما كنوا عند كلمتهم اول معرس تقدم لها و افقوا عليه بسب مركزه الاجتماعى و رصيده في البنك الى يعيش بنتهم عيشه الملوك و البنت طبعا كانت من راى الاهل لانها فكرت عدل فيها مع عبد الله صح بتكون مع الى تحبه بس بتكون عايشه مع اهله و تكون ملتزمه فيهم و اهى اكره شيء عندها ان تكون ملزومه باحد,بس مع ناصر المعرس الجديد بتعيش بحريه و راحه ما ديه اكثر مماتصوروهذا الشيء خلاها توافق على ناصر ضاربه في عرض الحائط اي مشاعر من صوب عبد الله و حاولت انها تشله من بالها لانه بنسبه لها قضيه خاسره ما يحتاج ان اي احد يفكر فيها.وبعد زواج نوف بفتره ..تقريبا اسبوع و طبعا الكل كان ما خذ موقف من نوف خصوصا بيت ابوعبد الله اللى مكانوا يتصورون ان نوف تبيع عبد الله عشان مظاهر,حصه ما قدرت تحمل الوضع ان اخوها مثل المغفل ما يدرى شلى يصير و كان كل ما يتصل اهله يغبون عنه السالفه عشان ما تئثر على مستقبله لان الموضوع كان منتهى سواء كان موجود او غيرموجود.بس حصه اتصلت فيه و قالت له السالفه كامله لان اخوها مكان ايهون عليها,بس عبد الله عصب على هله لانهم ما قالوا له من قبل ليصير شيء لانه متوقع ان اهلها غصبوا عليها و بسرعه سكر من حصه قبل لتكمل له السالفه و على طول اتصل في نوف الى ردت عليه بكل قرف:نعم عبد الله شتبي اظن انك تعرف انى مره معرسه و عندى ريل.
عبد الله بكل ذهول ليش يانوف ليش خليتينى و نسيتينى و نسيتى حبنا ليش يا عمرى
نوف بتافف عبد الله لوسمحت انا الحين في ذمه ريل ..واحبه .والى كان بينى و بينك يمكن كان حركات مراهقين او اعجاب مع انى ما كنت معجبه في طريقه عيشتك اللى عايشها مع هلك لانى احب اللى يكون لى يكون لى بس مو ملك عام ….وبعدين ثانى مره لاتتصل على هالرقم تري تسبب لى احراج مع ريلى ..فهمت؟
عبد الله اللى ما قدر يرد عليها من هول الصدمه سكر في و جهها الجوال ..معقوله اناحبيت انسانه بهالحقاره و الخسه ..ومعقوله انا ضيعت احلي سنين عمرى عليها و هى اللى ما فتكرت فينى و لاعبرت غربتى عشان ابنى مستقبلنا الى طول عمرنا نحلم فيه و نخطط له؟.. و عبد الله و لاشعوريا من غير لايحس نزلت منه دموع القهر و خذ الجوال و فره على الطوفه و تكسر لالف قطعه و قعد يصارخ باعلى صوت: ليششششششششش ..ومن بعد هالازمه عبد الله ما رد للبلد لانه يحس ان الكل خانه خصوصا هله لانهم ما قالوا له من البدايه الموضوع و نوف اللى خانته عشان الفلوس .وطول ها ثلاث سنوات حاول عبد الله انه ينسى جرح نوف و يخليه حافز له عشان يخلص دراسته من غيرما يحس بالغربه ,وبعد هالتجربه عبد الله دفن اي مشاعر للجنس الثانى و كرهم و كل ما يشوف اي بنت يحس بنفور وان صار اي احتكاك معها يتعامل معهم برود كانه جراح يتعامل مع جثه هامده.

+++البنات كانوا في السياره و معهم طبعا خلود اللى ما خلت كلمه الاوقالتها لهم بسبب التاخير و البنات ناقعين من الضحك عليها و على تعابيروجههاوهى معصبه ضحكتوا من غير ضروس في عروسكم قولوا امين ..
ساره: لا و الى يسلمج كل شى و لا ليله عرسنا نبى ضروسنا.
خلود: شحقه.؟
ساره:لزوم الكشخه..هاهههها..وتمتوا يضحكون كلهم لين اوصلوا الجامعه..واول ما وصلوا كل و حده راحت لمحاضرتها هند و خلود مع بعض لانهم سنه اولي عشان كذا حاشراتهم من الصبح.وساره سنه ثالثه تخصص ادب انجليزى و حصه لغه عربيه لان خطرها اتكون مدرسه..
فى البيت نور و امها قاعدين يخططون لترتيب الملحق اللى جنب الفيلا حق عبد الله لان عبد الله كان مقرر يسكن فيه من قبل ايام كان هو نوف يخططون حق مستقبلهم لكن الحين كل شيء تغير راح يسكن فيه بروحه.
ام عبد الله:يايمه مومتطمنه حق تجهيز الملحق..
نور:انزين ليش..؟
ام عبد الله:يمكن يكون كارهه تعرفين من بعد اللى مسويته نوييف.؟
نور: ما ظن عبد الله يكون بهاالتفكير..بعدين لاتسوينها سالفه بندق عليه و نساله عن رايه؟
ام عبد الله:شبتقولين له يعنى تبين تعورين قلبه بهاالسالفه من جديد و احنا ما صدقنا انه يرد البلاد ..؟
نور و اهي ما سكه جوالها بتصل فيه و لى يصير يصير مونقعد في حوسه ما نعرف شى يبيه و لى ما يبيه .
ام عبد الله برايك انتى لاعصب ما لى دخل اتراضينه بسرعه .ولاتراها اقطتج انتى و عيالج في الملحق بداله و حطه في قسمج
نورطالع امها و تضحك عليهاوطلعت للحديقه عشان تكلم اخوها,نورمسكت الجوال دقت على جوال عبد الله و اول ما رد
نور: حضره الدكتور عبد الله..
عبد الله:وعليكم السلام ..ام حمد ..بعدين بدرى على الدكتور باقى خمس ايام لين اصير.
نور ان شالله بتكون ..عالعموم شلونك و شخبارك؟
عبد الله:نحمد الله.. ما شى الحال عايشين مع هالعالم و انتى شخباركم و شخبار خواتى و اخبار الغاليه و اخبار الشيبان ابوعبد الله و ابوخالد
نور:بببل شوى شوى كلهم بخيروعافيه.. و لو تبى اخبار كل واحد فيهم بنقعد لين بكره و حنا انتكلم.
عبد الله و هوا يضحك عيل ليش متصله موعشان اتقولين لى اخبارهم
نور لا و الله ليكون مراسله و انامادرى بعدين ياشيخ متصله عشان الغاليه حشرتنا وين تبى تقعد لرديت ان شالله
عبد الله:فديتها الغاليه و الله محد حاس فينى غيرها.. بعدين قولى حقها انى بسكن في الملحق مثل ما كنت ناوى و بليسس نوارى بلااش تاخذون الامور بحساسيه تري موضوع نوف خالص انتهي بنسبه لى و ابى ارجع و انا مرتاح ما بى حد يراعينى كانى زجاج خايفين عليه لايكنسر ..انزين..
نور:ان شالله تامر امر يالدكتور و حانا نقدر عليك .. انزين يله فديت عمرك.. اخليك عشان ابشرها بكلام الحلو.. الحين تلقى الوسواس ما كل فيها.. تامر على شيء؟
عدالله:مايامر عليج عدو خلى بالج عليها..وبوسى راسها لى و سلمى على الكل و يله في امان الله.
واول ما سكرت من اخوها راحت لامها و قالت لها السالفه كامله ,وامها فرحت بهالخبر يعل عينى ما تبكيك يولدى عبد الله و الله يرزقك بنت الحلال..فى نفس الحظه عبد الله ولد نور(4سنوات)يطالع جدته باستغراب:يديده لبيه تكلمينى
ام عبد الله لبيت حاج ما قعده اكلمك.. اتكلم عن خالك عبد الله.
عبد الله الصغير من هذا خالى عبد الله انا مشفته من قبل؟
نور:حبيبى خالك اخر مره يا هنى من ثلاث سنوات يعنى كان عمرك سنه ما كنت تذكر.نور التفت حق امها الى تغير و جهها كانت تتذكر اللى صار و زعل و لدها عليهم ,وحولت تغير نور الموضوع يمه اقول وين جدي؟
امها:راح المزرعه مع الدرويل يقول يبى يودى حق دبش شعير و يبى يشوف العمال خلصوا بركه السباحه اللى مسويها و را فيلا المزرعه.
نور:زين و لله يرب يخلصونها قبل اجازه الصيف .
امها:ان شالله..
وعبد الله من بعد ما سكر من اخته قعد يطالع نفسه في المرايه.عبد الله كان الله معطيه جمال ربانى كانت عيونه كبار و شوى نعسانه و حواجبه كانت كانها مرسومه بقلم يعنى كانت و اجد رفيعه تدل علا انه صاحب نظره قويه ,وشفايفه كانت مليانه شوى و كان شعره حريرى يوصل لين اخررقبته و كان ابيضانى شوى و كان الله معطيه طول فارع و عرض كتوف و صدر عريض و خصر ضيق لانه كان على طول يمارس رياضه حمل الاثقال عشان يخفف الظغط النفسى اللى يمر فيه.
عبد الله حمد ربه انه قدر يطلع من ازمته.وقرر انه يغير جو فنزل الاسواق ياخذ هدايا حق اهله, دخل اكثرمن محل و هو محتارايش ياخذ حق البنات فاخذ شنط و بديهات و مجموعه عطور و اول مطلع من المحل تذكر ان بنت عمه ساكنه و ياهم و ما عرف شياخذ لها فحاول انه يذكر شكلها اخر مره كان عمرها 17 يعنى الحين صارت حرمه فشرالها غرشه عطر شكلها راقى وايد و كان عطره مركز ,وهوطبعا ما نسى امه و بوه و جده ما قصرفيهم شري لكل واحد شى يناسب ذوقه و بعد حق نور و عيالها فشري لنور ساعه من غوتشى و مجموعه عطور و حمد شراله اكس بوكس و حق السمى عبد الله جيم بوي.واول ما رد الشقه حط الهدايا في شنطه بروحها عشان ما تعتفس مع ملابسه اللى من الحين حاطهم في الشنط لانه وايد متوله للرده و حق اهله و كان مستغرب من نفسه شلون قدر يصبر على فراقهم طول هالسنين و بعدين قرر انه يتسبح و يروح يحط راسه لانه من الصبح قعد يحوط.
البنات اول ما ردوا من الجامعه البيت طلعوا غرفهم وصلو صلاه العصر و نزلوا يتغدون في الصاله الداخليه الصغيره ,والبنات قاعدين يسولفون عن بنات الجامعه و خرابيطهم دخلت عليهم نور و سلمت و قعدت معهم ماقلت لكم شصار اليوم.

بالصور روايات قطريه بدويه كامله 20160618 397
حصه لاوالله ما قلتى ..
هند:اكيد يانى معرس .
ساره:ولااكيد ابوخالد بيودينا حفله كاظم …
نور:اى معرس …اى كاظم قولى بيحفر قبرك قبل حفله كاظم .
ساره:لادخيلج اول اشوف الحفله بعدين خليه يؤدني..
حصه اتطالعها مقهوره منها هاذى صدق الى بتجيب لى الجلطه تبى تموت عشان واحد ما دري عن هوا دارها…
ساره اتطالع حصه بنظره عشان تقهرها زياده:ياناس اموت فيه تكفون و دونى عنده و نسونى .
نور:صدق ما حد يعطيكم و يه و هذا انا اللى معنيه نفسى و لا رقدت العصر عشان اقولكم ..برايكم اروح ارقد احسن من مقابلقكم..
هند على طول ربعت و راها و ردتها لانها تموت و لايفوتها اي خبر في البيت خليج من ريا و سكينه و قوليلى شصاير؟
نوروتسوى نفسها معصبه على البنات:خلاص عافت نفسى ما بى اقول..
ساره:لاوالى يرحم و الديج تقولين عشان هند لايحوشها شى حرام سالفه تبات ما تدرى عنها.
حصه:اى و الله..
نور:الله يسلمكم عبد الله اليوم كلمته و بشرنى انه بيرجع بعد اسبوعبن .
حصه هند:قولى و الله….
نور:صدق لاوبعد قالى ما يبى حد يعامله معامله خاصه من بعد سالفته نوف و يبى ينسى الموضوع عشان تشى قالى نرتب الملحق قبل ليرد.عشان تشى ابيكم تساعدونى في الترتيب مثل لون الغرف و الاثاث و المكتب.
حصه:لاماصدق اخوى حبيبى بيرد و يبى يرد مثل اول بعد اكيد انا في حلم .
هند:الله لايوفق اللى كانت السبب .. الله ياخذها..
ساره:هنوود حرام لاتدعين مو زين ..قولى الله يسامحها.
هند:الله لايسامحهالافى دنيا و لااخره..انتى لوشفتيه اخر مره كان عذرتينى كان حطام انسان كان كاره الكل حتى امى و بوى اللى عمره ما قال شينه في وجودهم قعد يصارخ فيهم مع ان ما لهم دخل بلعكس اول من تدخل في الوضوع هم حاولوا يغيرون راى نوف اللى ما عبرت جيتهم و صممت على رايها الجشع و طبعا امها اوقفت مثل الشاهد الصامت ما حاولت تدخل في الموضوع على قولتها بنتها هى ادرى بمستقبلها و لا ابوها سمسار الكبير على بنته قال بنته الوحيده و يبى ايامن مسقبلها تعيش حياه الرفاهيه اللى يعيشتها معاه موعيشه القبور اللى في بيتنا.بس ما قول الاانها بنت فقر اول ما شافت معرس غنى و افقت عليه و نست و عدها حق اخوى و اللى قاهرنى ان زوجها اكبر منها بوايد.
نور:افففف خلونا من هالسيره …من اللى بتساعدنى الحين؟
حصه انا بختار معاج اللاثاث و الاصبغ محب اعور راسى فيه دبرى حالج .
نور ماقصرتى بنت خالد .
حصه:وشدخلنى عاد في الوان ملحقه الالوان اللى اعرف انه يبها كان مختارها مع حماره القايله و انا صراحه ما بيه يتذكرها في شى .
هند:لاحد يطالعنى انا مكنت اعرف ذوقه… و صراحه من بعد نوف اشك في ذ و قه.
ساره انزين لاتسونها قضيه اصبغوا الملحق الوان اهو مومتوقعها الوان تنسيه حالته النفسيه السابقه و غيرو اي ديكور كان موجود من الاول .
نور والله فكره حلوه ليش ما نسويها بس سوير مدام الفكره فكرتج ابيش تساعدينى و لا عندك اعتراض .
ساره:بس هذا اخوك مو اخوى يمكن ما يحب اي تدخل من طرفى .
نور شهالكلام ..ظن ان ما بينا هالكلام احنا صرنا خوان الحين الله يهداج
ساوه:بس..
حصه تقاطعها:لابس و لاغيرها خلاص اهى فكرتج و تنفذينها من غير هالكلام البايخ ..تفهمين؟
ساره اللى ما سكه ضحكتها: ان شالله اخت ريا..
حصه اللى فرت منديل الاكل على راس ساره:ريافى عينج يالهبله ..
ساره و هى ميته من الضحك بس ما لى دخل اذا ما اعجبه مو تقولون هذا ذوقى ..
هند:لاتخافين مدام ما يكل انجلو مراح انقوله بنقول انه اختيار امي… تعرفين ما يقدر على ام عبد الله..
نور:من هذا بعد ما يكل فيه…. بعد غير كاظم
هند: حبيبتى هذا رسام ايطالى قديم يعنى ما ت من زمان من قبل لايولد ابوخالد.
نور اشوى بعد احسب بعد خبل ثانى من خبالها..
ساره:لاوالله الحين فديته كاظم خبل .
هند:ايوي و الله خبل..شفيه و ائل كفورى مزيون و يهبل و صوته جنان..
حصه جنى يطير راسج انتى و ياهاهذا اللى هامكم بس ..
ساره:عيل مثل بعض الناس ما همهم غير سيفوه و اخر اخباره..
(سيف هذا ولد خالت حصه و عمره 27 مثل عمر عبد الله و اهواصلا رفيجه و سيف خاطب حصه من ست اشهر وينطر تخرجها اللى بعد سنه يعنى لين الحين ما ملجوا بس خطبه و هو يحبها عشان جذى تقدم لها اول متوظف في شركه البترول و هى نفس الشعور تحبه بس تستحى حتى من طاريه)حصه:سيفوه في عينج ..سوير.قصدج الشيخ سيف.
ساره:احين انا سوير و اهو الشيخ..صج معاد فيه حيا.
حصه ليش الحيا ما بقى شى و يصير ما ى هزبند.
ساره عداال و الهزبند تقوليين بياع غاز اوهو هالينوفورم..
حصه:بياع غاز ريلج ان شالله قولى امين ..انتى محتره منه لانه اكبر مهندس في الشركة.
هند والله متفرغين انتو ثنتين انابروح انام ..يله بخاطركم..وطلعت تغسل ايدنها و تروح لغرفتهم.
حصه:لحظه اخذينى معاج ابى احط راسى شوي..
نور هاه مدام الساهر مراح تحطين راسج مثل هالدبب .
ساره تعرفينى ما حب رقده العصر بروح ادور عبادى العب معاه شوى قبل المغرب ..
نور تحصلينه في الحديقه مع حمد يلعبون كره.
وطلعت ساره تغسل ايدينها و راحت الحديقه دور على العيال و حصلت عبد الله قاعد يصيح و حمد و قف بعيد عنه و الكوره في ايده.
ساره: حبيبى عبادى شفيك ليش تصيح
عبادي:حماده خذ الكوره و لايخلينى العب معاه..
حمد:حماده في عينك الحين انا صارعمري10 سنوات و تقولى حماده .
ساره:انزين مدامك ريال و شطولك ليش ما تخليه يلعب معاك..
حمد:لان الشيخ ياخذ الكوره و يشرد فيها و لايخلينى العب معاه فيها..ماصارت عيل كره قدم.
سارة:انزين خل عقلك اكبرمنه و جاريه في لعبه..مايصير اخوكبير ما يهتم في اخوه الوحيد تري لكبرتوا باكر ما لكم الا بعض ..
حمد اللى لانت ملامح و يهه من بعد كلام ساره و نزل الكوره الارض عشان يلعب فيها مع اخوه اللى مسكته ساره و مسحت و يهه بالفاين و باسته على خده و هو بعد حط ايدينه و راراسها و باسها على خدها بقو ,وقعدت على احدي كراسى الحديقه و طالعهم بفرح لانهم ردوا يلعبون مع بعض.ساره كانت متعلقه في عيال نور من اول ما سكنت معاهم في بيت عمها و كانت تحب تلعب مع حمد في البلاى ستيشن و تلعب معاه بعض المرات كره اما عبد الله فهذا كان مثل نسمتها مكانت تستغنى عنه طول الوقت معاها وين ما تروح مثل الجمعيه اوالمكتبه عشان اوراق الجامعه و كان بعض المرات ينام معاها و كان ديايما يقول لها انها اخته العوده لان ما عندها خوان و هوماعنده خوات.وهى كانت تحب تضيع وقتها معهم و مع بنات عمها او مرت عمها اوتدخل مع نور المطبخ يقعدون يخبصون اي شى حق العصارى و كانت دايما تشغل نفسها باى شى عشان ما تقعد تفكر في خسارتها لاهلها و تحطم نفسها من الحزن و ساره كانت مثل شخصيه ابوها متخلى الظروف تحكم فيها و كانت وايد طموحه و ذكيه و كانت نسبتها في الثانويه97%وكان اهم شى عندها دراستها لانها تخطط تكون مثل ابوها انسان متفوق في دراسته.وهى كانت فيها من ملامح ابوها وايد مثل الغمزات اللى تبين عند اي شبه ابتسامه و مثل لون الشعر الاسود و كان شعرها وايد طويل و كثيف يعنى يوصل لين تحت ردوفهاوكانت دايما تنزل خصل على يبهتها توصل عند حواجبهاالرفيعه و عيونها كبيره لونها دخانى مثل خالها سالم و كان طولها عادى يعنى طول مناسب لجسمها الى كان شوى مليان خصوصا عند الارداف و خصرها كان وايد ضعيف و كان لون بشرتها ابيض و خدودها و شفايفها و رديه كانها حاطه غلوس يعنى غلوس رباني.

 

 

  • روايات قطريه
  • روايات قطرية
  • روايات قطرية بدوية
  • رواية بدوية
  • روايه قطريه
  • روايات بدويه قطريه
  • روايات قطرية كامله
  • رواية قطرية
  • روايات بدويه
  • رواية قطرية بدوية
13٬738 views

روايات قطريه بدويه كامله