8:33 مساءً الجمعة 22 فبراير، 2019






حب رجل وكبرياء امراءه

حب رجل و كبرياء امراءه

بالصور حب رجل وكبرياء امراءه 20160713 1264
الفصل الاول -

وضحه و التوتر بدا يظهر عليها الجازى ما تدرين عمى متى بيجى
الجازى و الله يختس مدرى بس ما هو باطى ،اله انت و شعندس اليوم على ابوى اخبرس ما تحبين مقعاد معاه
وضحه و هى تحاول السيطره على توترها سلامتس بس بغيت اسلم عليه قبل ما يجى حمد و نروح البيت ، قدلى كم مره اجى و لا القاه عد مهب عدله من زمان ما وجهته .
الجازى و هى تغمز عينها ما وجهتى ابوى و لا تنطرين ناس
علي طول صار وجه و ضحه احمر مثل الطماطم ، و الجازى اعتبرت انه خجل و تمت تضحك على و ضحه ما تدرى ان سبب احمرار و ضحه هو القهر و جرح الكرامه الى تحس به من بدت تلمح عن راشد و تقول في نفسها ما تدرين يالجازى ان اتمنه العمي و لا اشوفه ، و في هذه اللحظه انزلت عليهم ام راشد مرت عم و ضحه جايه من غرفتها و في ايدها كيسه كبيره و مدته على و ضحه و هى تقول و ضحه يمس هذى صوغتن لكم من عند راشد عطيها امس خلها توزعه كلن تعطيه حقه .
ايبست ايد و ضحه على الكيس و هى تسمع اسم راشد و حست انه ما سكه قطعت جمر في ايدها ، لكن سيطرت على نفسه بصعوبه و ردت على مرت عمها و هى تحط الكيس جنبها الله يغنيكم يايمه و الله مكلف على نفسه ما له داعى حن اهل و ما بينا صوايغ .

بالصور حب رجل وكبرياء امراءه 20160713 1265
ام راشد يابنتى عد راشد اذا ما جب لكم من هوله بيجيب و ما به اغلي منكم عمه و عمته و مرت
وسكتت فجاه و كنه تذكرت شئ و تغير وجه ام راشد و على طول نزلت راسها تقطع النظره المتصله بين عينها و عين و ضحه و بالحركه ذى و ضحه تاكدت ان مرت عمها تعرف شئ عن الموضوع الى يحاول كل من يعرفه ان يخفيه كما لو كان سر عسكرى . و الجازى الى كانت تفرفر في التلفزيون ادور المسلسل اليومى الى تتابعه تخاف انه يفوتها انعرض قدامها فلم السنه و هى خبر خير و لا انتبهت حق شئ ، و ضل الكل في صمت كلن يفكر في بهدوء .
ويقطع هذا الصمت صوت جوال الجازى .
الجازى الو
حمد مسس بالخير .
الجازى بنبره حاده مسك بالنور ، وين انت
حمد تونى جاى من الدوحه امر عليكم و الا بجون مع الدريول
الجازى بدرجه صوت احد اقول و ليه مكلف على نفسك كان بت الليله في الدوحه ، تو الناس من متى و حن ننطرك
يقطع حمد كلامها و هو معصب اقطعى يامره الظاهر انس ما تنعطين وجه ، انا الحين بجى اخذكم
وسكر الخط في و جها . تمت تشوف الجوال اشوى و تكسره على راس الى قاعدين من الحره ، (الجازى حبوبه وايد و دمها خفيف لكن كل شئ يوقف عند حمد تغار عليه بصوره غريبه بالرغم من جمالها و رشاقتها ما تشوفها الا طالعه من رجيم و داخله في رجيم دايم مهتمه في نفسها ما شاء الله عليها الى يشوفها ما يقول ام عيال كله عشن حمد ، و هو يحبها و اجد و يحاول انه يستحمل غيرتها بس بعض الاحيان تزودها) .

بالصور حب رجل وكبرياء امراءه 20160713 1266
وقامت تنادى بنه و محمد الى مسمينهم على ام و ابو حمد عيالها بصوت عالى و تصرخ على خدامتها بدون سبب ، و تلبس عبايتها بعصبيه و هى تلتفت لوضحه و تقول اخوس جاى في الطريق خلس جاهزه تعرفينه ما يحب ينطر و اجد ، و ضحه زاد توترها و صار و جها يعطى كل الالوان و هى تقول في نفسها يعنى الى جايه عشانه ما راح اقدر اسويه ياربى انا ما راح تجينى الشجاعه و لا الفرصه مره ثانيه عشان اسوى هذا الشئ و صارت تنقل نظرها من ام راشد الى الجازى و فكره توديها و تجيبها
اروح البيت بدون ما اشوف عمى عجل ليه انا جايه بس اذا قلت بننطره راح يشك حمد و الجازى فينى و يمكن بعد عمى يتاخر في الجيه و يمكن ما يرجع الا مع عياله من المجلس وفجاءه صار الدم حار في عروقها لما فكرت ان راشد يجى مع ابوه في نفس الوقت و هى على ذى الحال ما انتبهت للجازى و هى تقول له تقوم عشان حمد جه.
الجازي: و ضوح و صمخ كلاب قومى اخوس جه .
قامت و ضحه و هى شبه مخدره و حاسه ان الدنيا اتدور فيها عدلت نقابها و طلعت بسرعه و هى بتركب السياره شافت سياره عبد الله ولد عمها الصغير داخله البيت ابتسمت و حست بشعور غريب مثل الغرقان الى لقي ستره النجاه و حست ان قلبها فز من مكانه معرفه سبب هذا الشعور و الى قطع عليها تفكيرها صوت خدامه الجازى تينا ما ما هذا كيس ما ما شيخه كلام انتى في نسيتى .
بعد ما تذكرت و ضحه الكيس قالت حق نيتا بعصبيه هذا كيس حق ما ما بنه حطيه الحين و ره و بعدين عطيه ما ما بنه .
نيتا اوكى ما ما .
اركبو السياره كلهم لكن حمد و قف عشان شاف عبد الله جاى يسلم عليهم ، فتح حمد الباب و نزل يسلم على عبد الله حى الله عبد الله .
عبد الله الله يحيك ، بس كم مره انا قيلن لك لاتقول لى حى الله عبدالله و الا بس تبى تقايض
حمد ياخى اسمك عبدالله و حى الله جايه على الوزن و بعدين تعال يعنى و ش اقول حى الله نانسى عجرم
وقبل لايكمل كلامه قطعهم صوت الجازى جاى من داخل السياره و ليه يعنى نانسى عجرم لايكون بس الاخ معجب و لهان ما يبات الليل يعد النجوم انا اشوف الرجال ما يرقد كله يقول فينى ارق اثره نانسى ما تشوف شر يابومحمد و هى ترص على كلمه بو محمد .

بالصور حب رجل وكبرياء امراءه 20160713 1267
عبد الله ميت من الضحك على اخته و يلتفت على حمد الى و اقف يقرص عيونه في الجازى و هى منطلقه في الكلام قصر صوته و هو يقول تصدق سامحتك ، هاذى صدق اختى بس انت بتدخل الجنه على صبرك عليها، و انتبه ان في و حده غير الجازى في السياره و رد يسال حمد انتوا معاكم حد
حمد: امك و ضحه ما عرفتها افا؟
عبد الله قرب من السياره و فتح باب و ضحه و هو يضحك و يسوى حركات و يغنى هلا بالطيب الغالى عزيز و شوفته منوه .
وضحه اول ما فتح عبدالله الباب على طول تغير مودها عبدلله بنسبه حق و ضحه شيء ثانى تقريبا هى الى ربته من يوم كان صغير و هو مطيح في بيت عمه و بحكم ان و ضحه هى البنت الكبيره في البيت فكانت دايمن هى المسؤوله عن كل الى اصغر منها في البيت و طبعا عبدلله بسبب طريقته الحلوه في لفت نظر الناس له و شطانته الغربيه في التعامل خلق له في قلب و ضحه مشاعر حب قويه اقرب ما تكون امومه مبكره تجاه عبدلله خلتها اتدلعه اخر دلع و لا ترضه عليه لدرجه انه كان يناديها يمه و ضحه مع ان الفرق في العمر بينهم ما يتعدي 8 سنوات ،وضحه و هى تضحك على الحركات الى يسويها عبدلله اقطعته و هى تقول: هلا و لله بشيخ العرب كلهم و طيبهم و عودهم و مسكهم .
عبدلله الله يالشيخه و ام الشيخ يازين منطوقس ،الله يلوم من لامنى فيس ، هذا الاستقبال الحلو مهب ذا العوى الى ركبه قدم .
الجازى عبود يمال الجدرى ان العوى
وضحه الجدرى يجدر عدوه اذكرى ربس و ما لس عليه كلم كلامس على رجلس و بعدين هو يكلمنى انا انتى و ش دخلس في الموضوع اشهد بالله انس ملقوفه .
عبدلله وانتى الصادقه ياوضوحى هى ام اللقافه لالا هى اللقافه بكبرها.
الجازى انا ملقوفه ياوضحه الله يسامحس .
حمد ما ت من الضحك على الجازى و يتشمت فيها دواس و على الله شفاس انتى محد يقدر على لسانس غير و ضحه .
وضحه و ش قصدك يعنى و ضحه الوحش الكاسرالى بتاكلكم .
عبدلله افا ياذا العلم ، انتى ما تنافسس في الطيبه و الرقه الا الورده .
حمد و انا اشهد .
بنه بنت الجازى تصارخ من و ره و ضحه لا و حه حلوه ما ما و ش.
عصبت الجازى على بنتها و الباقى انفجرو بالضحك على بنه و امها و فجاءه شافت و ضحه عمها جاى من المجلس رجع لها توترها من جديد بس ما كانت تقدر تسوى شيء لان الوقت غير مناسب تفتح اي موضوع مع عمه في وجود الكل بس هذى كانت فرصه ذهبيه مراح تتكرر مره ثانيه انه يكون بروحه بدون حد من اولاده بس عبدود و حمد و الجازى …. يارب و ش اسوى ذا الحين و شلون بحل موضوع راشد …. راشد اه ياراشد الله لايسامحك على الى انا فيه و لا يجزاك خير ….. ياربى ارحمنى انا و يش سويت في دنياى عشان الله يعاقبنى بهذا العقاب…… ما اقول الا استغفر الله العظيم و كانت اتشوف صوره راشد قدامها و تقرب منها اكثر و اكثر الين ما حست و ضحه انها اختنقت منها و عبرتها بدت تجمع في عينها نزلت و ضحه راسها على طول تحاول تخفى دموعها و في و سط ذى الافكار المتظاربه و ضحه ما كانت منتبها ان الصوره الى تشوفها قدامها لراشد كانت هى راشد نفسه طالع من المجلس و لحق ابوه يوم شافه يسلم على حمد و الجازى عشان يسلم عليهم و لا سمعته يوم سالها و شلونها ، و الى خلي و ضحه ترجع للواقع هو صوت عبدلله و هو يناديها كان يظن ان و ضحه مستحيه من راشد فحب يشجعها على الكلام و ضوحى و ضوحى ابوى يقولس و ش حالس
انتبهت و ضحه و مسحت بسرعه دموعها الى كانت بدت تسيل من عيونها و رفعت راسها و هى تقول بخير جعل ربى يسلمك ، شحالك انت و شحال من يعز عليك ، اربك طيب
ابو راشد: بخير و بسهاله ، شحال ابوس و امس و خوانس و خواتس ، اربكم طيبيبن .
وضحه الحمدلله كلهم بخير و بسهاله ما ينشدون الاعنكم .
ابو راشد: وينس يابنتى ما تجينا و لا تنشدين عن عمس ….. يابنتى ترى القطاعه مهب زينه .
وضحه و الله ياعمى انى انشد عنك و عن علومك ، و كل ما جيت بسلم عليك ما عينتك و عندك عمتى شيخه انشدها .
ابو راشد يبتسم و هو يقول صادقه يابنتى و هى توصلى سلامس غير امزح معاس .
وقطع عليهم صوت الجازى و هى تنادى و لدها حميدان وين كاميرت الفيديو حقت عمك راشد؟
وهنا انتبهت و ضحه لراشد الى كان و اقف عند باب الجازى من الجنب الثانى لسياره حمد و يكلمها بصوت و اطى فضحتينا ليه تصارخين كذا
الجازي: ذا الحين انت ما تبى كاميرتك لاتدخل بينى و بين اولدى . و رجعت تصرخ من جديد على و لدها حمود و وجع وين الكاميرا
ابو راشد جوزى اقطعى الله ياخذ ذا الصوت كنس اصلبيه ، لكن ما هوب منس من ذا الثيران الى متحاولينس ما تخبرين حد منهم لقمتى تناغقبن ادبغس كان ما تحاكتي، و عطى نظره احتقار لحمد و عبدلله و لراشد الى كان له القدر الكبير من هذه النظره و مشي عنهم و دخل البيت و هو معصب عليهم .
حمد و هو معصب على الجازى الله ياخذ روحس زين كذا حمق علينا الشيبة.
الجازي: زين انا و ش سويت يعنى عشان ذا كله غير و دك و راضى لك ابوى يعصب على .
عبدلله و بعد تصارخين ما تبتى يعنى لازم يطلع لنا الشيبه مره ثانيه يدبغنا كلنا معاس .
وخلال هذا النقاش كانت و ضحه في عالم ثانى ، كانت تفكر في الكامير و في حمود الى من الخوف ما تكلم و لا نطق بحرف ينطر عمته تدافع عنه مثل ما و عدته ،وفى الشريط الى كان في الكاميرا اكيد راشد يبيه و بينشد عنه…. انا فكرت في كل شيء الا في ان راشد يرجع يسال عن الكاميرا و الى فيها…. لالالالالالا …..الا هذا الشريط هذا مهب لازم يظهر اويشوفه اي انسان اذا حد شافه كيف بتكون فكرتهم عنى و و يش بيقلون مسكينه ياوضحه ….. لا و الى بيشمتون فينى ….والى بيشفقون علي…. بس انا ما ابى شفقه من حد انا كرامتى فوق كل شئ كرامتي….. ايه كرامتي…… ايه… ايه كرامتى ما نى مخليه حد يدوس عليها بعد هذا العمر…. ها اي عمر ياوضحه العمر الى طاف كله و انتى تنطرين راشد…….. ااه خلاص ضاع كل شيء من ايدي……. بس كرامتى هى الشيء الوحيد الى ما راح اخلى حد يضيعها منى ، ارفعت و ضحه راسها و ستجمعت الى فيها من شجاعه و جهت نظرتها لراشد و اقطعت النقاش الحد الى بين حمد و الجازى و هى تقول الكاميرا عندى ياالجازي.
حل الصمت فجاءه بعدما تكلمت و ضحه و اتجهت كل العيون لوضحه الى كانت عينها في عين راشد الى انصدم من نظره و ضحه الحاده و الجامده في نفس الوقت و هى تكمل كلامها محمد جاهل جاب الكاميرا عند يوم بندت عنده كان خايف انه تكون اختربت ما يعرف ان الجارج خلص ، بس الحق مهب عليه هذا جاهل ما يعرف يتعامل مع اي تقنيه الحق على الى يعطى الجهال اغراضه بدون اي اهتمام و يرجع يدورها

.

بالصور حب رجل وكبرياء امراءه 20160713 223
عبدلله و هو يضحك ايو ياوضوحى اديلوه على راسه خله يعرف من راجل البيت من الدلواتى .
راشد بعد ما تفاجئ بهذا الهجوم من و ضحه رد على نظرات و ضحه بنظرات ابرد من الثلج نفسه و هو يقول و الله اعتقد ان الكاميرا حقتى و انا حر اعطيها الى ابغيه و بعدين انا اكلم اختى انتى و ش دخلس في الموضوع ياشين اللقافه.
رد راشد صدم كل الموجودين اكثر ما صدمهم كلام و ضحه لان الكل يعرف عن راشد انه انسان حبوب و اجد و ما يحب يحرج حد مهما يصير و اكثر واحد تاثر من هذا الموقف العدائى من راشد كان هو حمد الى كرامته ما سمحت له انه يشوف حد يحرج اخته الكبيره و ضحه بهذه الطريقه و هو و قف ساكت و حتى اذا كان هذا الواحد هو ولد عمها و زوج المستقبل فحاول انه يلم الموضوع قبل ما ترد عليه و ضحه و تكبر السالفه و ساعتها ما يعرف كيف بيكون رد فعله فقال و ضحه سكرى بابس بنمشى ، يلا تصبحون على خير يالشباب . ردو عليه عبدلله و راشد و انت من اهله .
وضحه و هى ما سكه الباب بتسكره ما تدرى ايش الى خلاها تقول حق عبدلله و قدام الكل و بصوت كله رقه حبيبى …. تصبح على خير …. ياشيخ العرب كلهم .

بالصور حب رجل وكبرياء امراءه 20160713 1268

  • رجل يسرق امراءة و يتعدى
270 views

حب رجل وكبرياء امراءه