3:24 مساءً السبت 16 فبراير، 2019






بدفن حبي وراسي عالي

بدفن حبى و راسى عالي

بالصور بدفن حبي وراسي عالي 75e81f074ae997d7f49cf5fcb2c9e015

اهم شخصيات القصه #8230;
**عائله ابو عبدالعزيز الراشد/
الجد و الجدة
عبد العزيز الولد الاكبر و متزوج ثلاث و من ضمن عياله(فرح/البنت الكبري متزوجه و عندها بنت
دلال/اجمل بنت في عائله الراشد عمرها 22سنه تدرس بالجامعه اول ما يلفت النظر فيها ان عيونها بلون البحر و شعرها اشقر لدرجه رهيبة(كانها امريكيه عندها اسلوب جميل في الكلام طبعا هذولى من ام …ومن الام الثانيةعادل/الابن الاكبر همه يقهر خواته من ابوه
عبير متزوجه و لدخالها و عندها و لدين
حنان/انور /سارة
الزوجه الثالثه سوريه بعمر فرح و عندها و لد)
**ابو خالد و عنده خالد و مشاعل و منارخالد/الابن الكبيرمن عمر كمال و سيم جدا اسمرانى بحلاوه عنده شركةصغيره في التجاره و مكتب للعقارات يموت على الاطفال و يحب اخت صاحبه و متفقين على الزواج
مشاعل/(بالنسبه لى احبها موت)من عمر دلال و معاها بنفس الجامعه سمره و عيونها عسل و شعرها بنى طويل لاخر ظهرها و اهم ما يميزها صوتها الملائكي(اللى يبى يسمع موال عراقى يسمعه منها)
**ابو كمال(وعنده شذي و ريم و لوجين و احمد و كمال كمال/عمره 28 درس بفرنسا و رجع دكتور عيون اشقر و ابيض و عيونه زرقة(كانه امريكى مو جداوي)يحب مشاعل بنت عمه
**وعنده ثلاث بنات ام متعبوعيالها متعب و ساره و سهىوسناء و مهند//متعب/مهندس متخرج من كندا عذاب في الغرور(يحق له طبعا)
ام نايف/وعندها ناهد و نايف و نوره نايف/او بالاصح الدكتورنايف مثل ما يحب يسمعها من حبيبته دلال
/////////////////////
ام محمد الجاسر:الاخت الثالثه لعبال الراشد لكنهم افترقوا من عشرين سنه و ما يعر فوا عنها اي شي
راوية/البنت الكبيرةعمرها25 تشبه و الدتها الى حد كبير مطلقه و عندها ولد و بنت
شمس/عمرها23 جمالها غريب بشره خمريه و عيون رصاصيه على شعر ناعم اهم ميميزهاحده الطبع و العصبية
ميس و لميس/تؤام في العشرين نفس الطبايع و نفس الجامعه و التخصص و نفس الاصحاب
محمد/***/نور/عمرها 7
وسام و سامر/تؤام عمرهم 13 سنة
توابع عائله الجاسر/رياض:طليق راوية
هالة/(روح شمس)صديقتها موت و اخت رياض
//لؤلؤه اخت رياض بعد و صاحبه البنات//////معليش طولت لكم في الشخصيات بس ابيكم تتحملونى شوى و مع الاحداث بتعتادون و بتحفظونهم ياحلوين…وخلونا ندخل في البداية..
/////////////////البارت الاول////////////////
يوم الخميس في بيت الراشد(كانوا كلهم ساكنين مع بعض ما عدا عبدالعزيز و زوجاتاه ام عادل و السوريه ابو خالد كان يتناقش مع ابو كمال عن الاراضى اللى اشتراهم خالد و مشاعل كانت سرحانه في صوره كمال اللى معلقه بالصالة(يا الله مرت سنتين على رجعتك ياولد عمى و قلبى ما هو راضى يسامحك مع انه يموت فيك معقوله انه حبك كان مجرد تسليه

كان مجرد كلام

لا مستحيل حبك دنيتى كلها



و ما حست على دموعها اللى نزلت على خدهالين نادها ابوها
ابو خالد/علامك يابنيتى ليه تبكين؟
مشاعل/لا يبي ما فينى شي-
ابو كمال/فيك / و لا ليه بتنزل هاالدموع.
مشاعل/انتوا ما تدرون انى حساسةبزياده عسي ما شوف احد قبالى قعدت ابكى …….
وانتهي النقاش بدخول محمد البيت
محمد/
وعليكم السلام و الرحمة
ابو كمال/انت اليوم مو اجازة
محمد/بلي عمى اجازة
ابو خالد/اجل وينك طالع من الصبح
محمد/والله كنت مع منال بالمستشفى
ابو كمال/عسي ما شر شفيها
محمد/الشر ما يجيك ياعمى بس منال حامل
الف الف الف مبروك
ابو خالد/بس عاد يا محمد و انا عمك نبيها هاالمره بنت
محمد و هو يضحك/اهم شى سلامتها ياعمي
مشاعل/وابوى صادق ملينا عاد نبى بنت انت بس خلى منال تقابلنى طول ما هى حامل و ابشر بالنتيجه بنت مزيونه على الاخر
ابو كمال/والله ما ظنى بتجى و حده في زينك بعد
مشاعل/اى و الله
وضحكوا القاعدين عليها

(فى بيت الجاسر)
شمس كانت مندمجه في رسم لوحه غروب
لميس/شمسوا تتوقعين راويوه ليه تطلقت؟
شمس/وانا شدراني
لميس/حلفى ما قالت لك
شمس/الحرمه و زوجهامايبون احد يعرف يعنى لو يبون تكلموا من زمان
لميس/بس رياض يموت على شى اسمه راويه و هى بعد نفس الشى و الغريب انه للحين يبى يردها
شمس/الاغرب انه رضي يطلقها و هى حامل؟؟؟
ورجعت بهم الذكري الى ذاك اليوم اللى رجعت في راويه البيت و معاها ديمه و كانت حامل في الشهر الثامن و مبين عليها التعب و عيونها متورمه من كثر البكى و ظلت في غرفتها طول اليوم و ما تكلمت معهم و لاكلمه لحد الليل لما جا رياض
ميس/راويه رياض في المجلس
راوية/طيب باقوم الحين**(بدون نفس و لبست عبايتها و شيلتها و وقفت عند باب المجلس و اول ما دخلت و قف رياضواشرت له بيدها ان يسكت و ما يتكلم
راوية/ابيك تطلقني
فتح رياض عيونه على و سعها
رياض/بس ياراويه قاطعته راوية
راوية/من غير بس احنا ما بنقدر نعيش مع بعض اكثر
رياض/راويه خلينى اشرح لك
راويه بكل هدوء و انكسار/مافى داعى تشرح لى لانك لو شتقول ما راح اصدقك انا ما بى غير الطلاق
رياض/مستحيل ياراويه انا احبك و مستحيل اطلقك خلينى بس اشرح لك
راويه بكل انفعال/اى حب؟اى حب اللى تتكلم عنه يارياض؟؟؟شوف يارياض ياتطلقنى بالطيب ياوحياتك باموت نفسى انا و اللى في بطني

بالصور بدفن حبي وراسي عالي 20160705 323

****شمس/لميسوا وين رحتى

صار لى ساعه اكلمك
لميس/كنت اتذكر ذاك اليوم تصدقين مرت سنةوشهرين من تطلقت راويوه
شمس/زين قومى طلعى بره باكلم هلهول(اسم دلع هاله
لميس/تونى اقول اخلاق اختى اليوم ما تقدرين تصيرين خمس دقايق على بعض خوش بنية
(فى بيت الراشد)
خالد/
وعليكم السلام
ام خالد/احط لك عشي يمه
خالد/تسلمين يالغاليه تعشيت مع الربع
ابو كمال/اجل وينه كمال ما رجع معك
خالد/شويات و بيجي
ابوخالد/شويات يعنى مطول و راكم دوامات ليه تسهرون انا مستغرب
خالد/نغير جو بدل ما نجى من الدوام و نقابل ها لوجيه السمحة
دلال/سمحه و غصبا عنك
خالد قعد جنبها و حب يغايظها/هى سمحه عند نايف بس مو عندي
نزلت دلال راسها في الارض
مشاعل/الحمد لله ما عندى احد تغايظونى فيه
خالد/لاوالله و حبيب قصدى وجع القلب
دلال/لا و انت الصادقهى بالنسبه له وجع و مو بس وجع الا هم و غم
مشاعل/انتى هى شفيك على شمسويه لك انا علشان تقومين الحرب على اقول اخوى عندك اياها علمها منو عيال زايد
خالد/تصدقين دلال على بالى انك خرستى من طرينا ولد العمة
دلال/خلاص نايف عاد ما صارت بتجنني
خالد و مشاعل طالعوا في بعض و اضحكوا
دلال/جنوا عيال عمى و اقعدوا بالله شيضحكم انت و اختك
خالد/ان حبيب القلب علطول في البال انا خالد مو نايف خ؛ا؛ل؛د
سكتت دلال و نزلت راسها بالارض مستحيه لانها عارفه انه بيو صل لنايف و هالمره ضحكوا عليها بصوت عالي
ابو خالدانتبه لدلال/اشفيها دلوعتى ساكتة
مشاعل/اقول شفيك(بلهجه تهديد)

بالصور بدفن حبي وراسي عالي 20160705 324
ابو خالد/يالله عاد كل شى ولادلالى ما حب احد يزعلها
وبعد نص ساعه كان الكل في غرفته ما عدا خالد و مشاعل اللى كانت ما سكه لاب توب خالدوهى تغنى لاتبكين ياعينى ياعينى ياعينى و تبكينى مثل ما فارقوك تفارقينى لو بالبكى يرجعون لاعمى ثنين العيون ورفعت راسها بتكلم خالد لقته يناظر و راها دارت و لقت كمال و اقف يتاملها بدون ما تحس انه وصل .

.

مشاعل كانت حاطه الشيله على كتفها و اول ما شافت كمال حطتها على راسها
كمال/مشاعل شلونك
مشاعل حطت الاب توب على الطاوله و مشت
مشاعل/تصبح على خير ياخالد
كمال/وانا ما لى شى و لاتعودتى تنيمينى على هم و تصحينى على هم اكبر منه
مشاعل ركبت بدون ما ترد عليه التفت لخالد اللى كان يناظرهم بدون ما يعلق
كمال/عاجبك اللى قاعده اختك تسوى فيني
خالد/وش تبينى اسوى لها انت تعرفها عنيدة
كمال/صارلى سنتين من رجعت و للحين تتجنبنى ياخالد يعنى اللى سويته غلط



انا كنت ابى الزين لها
خالد/بس هى ما هى قاعده تفكر بذى الطريقه هى اللى فهمته انك ما تبيها ياكمال
كمال/زين لمتي عاد بتظل كذا انا تعبت ياخالد حط نفسك بمكانى اختك تعاملنى كانى مرتكب جريمه و هى عارفه انى احبها و اموت فيها
شمس دخلت غرفتها و قفلت الباب و وقفت قبال الدولاب و هى متردده تفتحه و لالا و بعد محاولات عديده في انها ما تفتحه فتحته و طلعت صندوق مخبا بين ثيابها و راحت لعند سريرها و قعدت و طلعت من الصندوق صوره و حضنتها بقوه و بدت تبكى بهدوء اه يامتعب ياحب ما نكتب له يعيش و قعدت تتكلم مع نفسها(اى حب ما نكتب له يعيش ياشمس انت تحبينه و هو ما يدرى عن هوي دارك

لامو صحيح متعب يحبنى

بس انا اللى ما عطيته مجال ما كنت ابى علاقتنا تستمر و هو من عيال الراشد دمه مخلوط بدمهم ما قدر احبه ما قدر ياربى ساعدنى كل ما حسيت ان اللى بينى و بينك يامتعب انتهي يرجع من جديد يبتدى شلون انساك يامتعب و انت صرت قطعه منى

صرت تاخذ كل تفكيرى حرام عليك يامتعب حرام ارحمنى الله يخليك انا ما بى غير حبك في هاالدنيا قول انك بتبيع كل عيال الراشد و بتشترينى و بتجى نكمل دربنا مع بعض و قعدت تبكى و هى ضامه صوره متعب لصدرها و دموعها مغرقتها .


وفى نفس الوقت كان متعب جالس في مكتبه في شركه …..

و هو يبتسم بهدوء لانه تذكر او ل مكالمه بينه و بين شمس طبعا عيال الراشد ما يدرون ان عندهم خاله او عمه غير ام متعب و ام نايف لان الخلاف اللى بينهم كان من زمان
شمس/الو.
متعب/نعم بدون نفس)
شمس/كيف الحال
متعب/بخير وهو بعده متضايق)
شمس/ممكن اكلم لؤلؤة
متعب/لاوالله تري ها الحركات قديمة
شمس/بسم الله الرحمان الرحيم انت منو(كانت تبى تبين له انها غلطانه
متعب/انا متعب يمشى و لا يحتاج بعض التغيرات
شمس باستغراب/اى متعب من وين طلعت انت.
متعب/اللحين انت اللى داقه و تسالين منو.
شمس/عفوا اخوى الظاهر انى غلطانة
متعب بعد ما انشد لصوت شمس و حس انها صدق بتسكر الخط في و جهه /اقول مو اللحين عفوا و بعد خمس دقايق تعودين تتصلين تري خابرها ها الحركات انازين.
شمس بعصبية/لاوالله قلنا لك اسفين يبي ما صارت ما حد يغلط يعني.
متعب اللى حسها فعلا غلطانه /اقول ما عليش اختى بس تري بناتنا كذا حركاتهم.
شمس/…….(ساكته
متعب /خلاص اسفين مو قصدنا .


شمس/لاعادى ما صار شى باى .


متعب/لحظه زين متى بتغلطين مره ثانيه
شمس و البسمه مبينه على و جها بس ما حبت تبينها بصوتها/انت صدق واحد سخيف و ما تنعطي و جه…وسكرت السماعه #8230;ومتعب قعد يلوم بنفسه انا شسويت معقول اللحين الا طول عمرك ثقيل و ما ترد السلام على بنات عمك اللى ساكنين معك في نفس البيت الا باالموت تقوم تاخذ و تعطى مع و حده قاعده تغازل بالتلفون

؟لالالا حرام البنت كانت غلطانه

؟وبعد قاعد تدافع عنها حضرتك.
ورجع متعب لارض الواقع على صوت التلفون اللى كان مقطع نفسه و متعب قاعد يتنهد من قلب و رجع يسال نفسه الاسئله اللى كل يوم تدور في باله(وينها؟شصاير فيها ش
تقصد بكلامها ان احنا مستحيل نكون لبعض في يوم من الايام؟ليش رحتى من تسعه شهور و ما تركتيلى حتى اسمك اذكرك فيه***********************
فى بيت الراجحي
ام رياض/انا باروح احط العشي مو اللحين واحد فوق و واحد تحت
لؤلؤة/وين هالوه ما شفتها اليوم.
فرات/الخاينه الليله نومتها في بيت الجاسر .


(رياض من جابوا طارى بيت الجاسر طار عقله)
لؤلؤه بصوت عالي/لا ما لى شغل قوموا و دونى الحين لاوالله اطلع امشى بها الليل.

بالصور بدفن حبي وراسي عالي 20160705 325
فرات(بنحاسه /هم ما يبونك يعنى لو كانوا يبونك دقوا عليك.
رياض مسك يد لؤلؤه و جلسها جنبه
رياض بانكسار/احنا ما يبونا عيال الجاسر.
لؤلؤه حست ان اخوها متضايق فحبت تفرفش الجو شوي/اقول رياض انا مفلسة.
تنهد رياض/شلونها.
لؤلؤة/منهي.
رياض/منو غيرها ام دانيال.
لؤلؤة/بخير.
رياض/متي اخر مره شفتيها.
لؤلؤة/الاسبوع اللى فات.
رياض/انا صار لى شهرين ما شفتها حتى لما اروح للعيال ما تطلع لي.
لؤلؤة/خلاص ياخوى انتوا صار لكم سنه و شهرين من تباعدتوا(قالتها متعمده لان رياض ما يحب احد يقول تطلقتوا)ولاانت راضى تتكلم شلى صار و لاهى راضيه ترد لك فالاحسن ياخوى انك تنساها.
رياض/انساها هذا المستحيل يالؤلؤه هاذى زوجتى و حبيبتى و ام عيالى شلون انساها شلون.
وقطع كلامهم صوت ام رياض تناديهم للعشى.
*********************************************

وبعيد عن هالاجواء كانوا هاله و سوزان عند شمس لان النومه عندها سوزان مسكت جوالها/خلاص انقلعوا انتى معها راحت حزتكم.(سوزان الصديقه الصدوق الثانيه لشمس بعد هاله
هالة/وجت حزه الحبيب.
شمس/انتى ما تملين منه الصبح تكلمينه الظهر تكلمينه الليل تكلمينه.
سوزان/مابرد عليك لانك غيرانه مني(بمرح)
هالة/هى شمس قصدها تقول ان ولد الناس مل منك و كلمها و قال لها عقلوا البنت تراها مجننتني.
سوزان/مالت عليك اصلا حبيبى ما يستغنى عنى و قبل لاادق عليه هو يتصل فينى يموت على ما يقدر ما يسمع صوتي.
ودق جوال سوزان كتاكيد على كلامها على نغمه اندماج الارواح و رفعت سوزان الجوال.
سوزان/الو بدلع)
طلال/هلا باحلي الو تسمعها اذنى وينك اليوم.
سوزان/موجودة.
طلال/ادرى موجوده متغليه و لا زعلانة.
سوزان/لاهاذى و لا هاذى بس اليوم النومه عند شمس و راحت علينا سوالف و ما صار في وقت ادق.
طلال/ اشوف القعده و يه شمس و هاله صارت تنسيك شى اسمه طلال.
سوزان/والله ياعمرى ما في شى يقدر ينسينى طلال بس جد راحت على سوالف.
طلال/زين لان لو هم السبب ما راح تصاحبيهم على طول.
سوزان/لاعاد الا شمس و هاله مستحيل انى اتركهم في يوم من الايام.
شمس تكلم هالة/والله يسويها طلال افندى و يخليك تنسينا و ضحكت سوزان.
طلال/عسي ما شر.
سوزان/لابس شمسوا قاعده تحش فيك.
طلال/بعد مو ناقص ا لا ها المعقده تتكلم فيني.
سوزان/لاعاد انا ما رضي تقول عنها معقدة.شهقت شمس و ضحكت هاله و اخذت شمس التلفون من سوزان.
طلال/وانا الصادق معقده و نص هاذى ما تواطن اي رجال في العالم.
تكلمت شمس بهدوء/والله لو الرجال يتواطنون كان ما عندى مشكله بس المشتكي لله منكم.
طلال/اهلين شمس كيف الحال.
شمس/والله صدق قوى عين.
طلال/اللحين يوم اناقوى عين ليه تكلمينى قلبى و جهك و عطينى حبيبتي
شمس/اكيد بعطيك اياها دكتور طلال لانى ما يوجع راسى مع واحد مثلك.
وعطت شمس السماعه لسوزان اللى اخذتها و هى تضحك/ها من غلب فيكم؟
طلال/انتى عندك شك فيني.**************
فى ساعه متاخره من الليل و على هدوء البحر جلسوا شلةالشباب نايف؛خالد؛متعب؛كمال؛

فارس؛طلال)كل واحد قاعد على صخرةوهو يتنهد.
طلال/متعب شفيك؟
متعب/مافينى شي.
فارس/شلون ما فيك شى و شكلك تعبان حيل و مو نايم.
متعب/افكر فيها.
نايف/انت من صدقك تفكر فيها و حده ما تعرف حتى اسمها؛وداقه مره بالغلط و استمريتوا تكلمون بعض ثمانيه شهور على التلفون و ما شفتها غير خمس لو ست مرات ما تقولى شلى معلقك فيها؟
متعب/انا احبها ليه ما نت راضى تفهمنى يا نايف.
فارس/هذا مو حب انت انشديت للبنت يامتعب يمكن لانها اول بنت دخلت حياتك.
متعب/انتوا موعارفين شى و لا فاهمين شى انا من يوم ما تركتنى هاالبنت و اناحاس انى ضايع؛حاير؛فى بالى الف سؤال هى ليه علقتنى فيها؛ليه تركتنى بعد ما عرفت عنى كل شي.
خالد/بس انت ما تقدر تحكم انها تركتك انت ما تعرف ظروفها يامتعب يمكن اهلها عرفوا انها تكلمك او يمكن زوجوها غصب و يمكن و يمكن و يمكن لاتلوم في البنت و انت ما تدرى شلى صار لها .


فارس طالع بالجهه اللى كان قاعد فيها كمال و هو سرحان.
فارس/والحبيب يفكر بشنو.
كمال ما تكلم بس تنهد.
طلال/اكيد في المجنونة.
كمال ناظر طلال بنظره غضب /يالله عاد تري ما رضي عليها.
متعب/الا شخبارها صحيح.
كمال/بعدها معنده و مو راضيه تلين.
نايف/هاذى صحيح مشكلتها مشكله الله يعينك عليها.
وقطع عليهم الكلام صوت جوال خالد و كانت الامبراطوره هى المتصلة.(كان مسجل حبيبته باسم الامبراطوره
خالد/سم طال عمرك.
ضحكت جيهان/سم الله عدوك مشغول و لامعاك احد .


خالد/لاكذا و لاكذا.
جيهان/خالد ابى ….
خالد/تدللى ياروح و تفكير خالد.
طلال/هذا و الله اللى ما عنده هموم.
فارس/عينك عليه باردة.
نايف/ها علشان اختك.
متعب/اصلا هذا اكثر واحد مبتلش اخته الكبيره مشاعل حشي ما هى صاحيه مجنونه و قاطعه كمال بس متعب ما هتم و كمل كلامه و باقى اخوانه الحمد لله و الشكر بلوه من بلاوى السماء ناهيك عن جنونه الاكبر(جيهان)وادمانها لشى اسمه بيبسى هذا غير الشركه و العمال و المكتب شيبى بعد اكثر ضحكوا الشله عليه الااثنين كمال اللى بعده حاط على خاطره لانهم قالو عن مشاعل مجنونه و خالد اللى ما كان معهم من الاساس.
الساعه سبع الصباح فتحت دلال عيونها بثقل على نغمه مسج الجوال اللى خلي مشاعل تتافف(لانهم مع بعض في نفس الغرفه .


مشاعل/يالله صباح خيرمنو هالمزعج.
دلال/وانا شدرانى و بعدين انا ما قلت لاحد يرسل علشان تصارخين .


مشاعل/ماقلنا شى بس الواحد ما ياخذ راحته في النوم الايوم الخميس فيكون افضل لو تخليه صامت.
سكتت دلال عنها و فتحت جوالهاتشوف الرساله و ابتسمت لانها كانت من(انت الروح و القلب)(حلو انك تسمع كلمه اعزك و الاحلي تسمع مستحيل انساك يوم ضاق صدرى تنفست بذكري غلاك حضنت الملامح في خيالى و تمنيت اجلس معاك سالت البريد الوارد ما جانى اليوم مرسال رد بصوت بارد يمكن ما نى على البال احتاست دلال تدور رسالةحلوه للحبيب من صبح الله و ما لقت قامت و اتصلت فيه.
دلال/الو.
نايف/انااحب الو الناس النعسانة.
دلال بثقل/بس انا للحين مواصله ما نمت.
نايف/علي منو يابابا ها الصوت الدايخ كله و مواصله ما نمتي.
دلال/نايف انت في السياره .


نايف/اخاف اقولك انى في السياره و تسكرين.
دلال/فى الحالاتين انابسكر منو قال لك انى بظل على الخط.
وتاففت مشاعل بصوت مسموع.
دلال/خلاص يالله
نايف/زين قبل لاتسكرين عطينى شويه طاقه يعنى كلام حلو).
دلال/باي.
نايف بزعل/اول مره ا سمع ان باى تعطى طاقة.
دلال/لاتحاول ما في غيرها و بعدين انا و حده نعسانه و انت توه النهار توه.**************
(فى بيت الجاسر)
سوزان/شمسوا انتى لما تلتقين بمتعب في عرسى شبتقولين له.
شمس/ان شاء الله يطلع طلال ولد حلال و ما يتزوجك علشان افتك.
هاله اضحكت من قلب على شكل سوزان اللى كانت معصبه ورمت المجله اللى في يدها على شمس اللى ابتسمت .


سوزان/اللحين يالبايخه تفاولين على علشان ما تشوفين ولد خالتك.
هالة/قلنا لك ياشمسوا منتى قد هااللعبه بس انتى اصريتى انك تكملي.
شمس/اه لاياهاله اناقدها بس لو زمانى نصفنى و ما خلانى احب متعب حلفت اجننه في البدايه حسيت بالياس لانه ما كان يعطينى وجه بس بعدين تنازل شوى عن ثقله و صار يميل لى انا اللى تورطت لانى تعلقت فيه و ما عرفت شاسوى اللحين ابى اورطه و اخليه يحبنى اقوم انا احبه صدق جنون فقلت علشان لايتازم الموقف اكثر لازم اتركه و امشى و خذى النتيجه موقادره ابعده عن تفكيرى لحظه و حدة.
وانتهي كلامهم عن متعب بدخول راويه تحمل دانيال و ديمه تمشى و راها.
فزت هاله من شافت دانيال لانه كان يشبه رياض لدرجه كبيرة.
هالة/هلاهلا بروحى و عمرى و بعد طوايف بيت الراجحى كلهم و اخذت دانيال في حضنها مما اثار زعل ديمة.
ديمة/اصلا انا ما حبكم احب خالاتى بس.
راوية/عيب هالكلام .


راحت ديمه عند سوزان و جلست بحضنها
ديمة/سوزان تحبنى اكثر.
سوزان تبوسها على خدها/اكيد اصلا البنات احلى
راوية/شعلومكم بعد.
هالة/والله كلنا بخير ما عدا ناس في بيتنا تعبانين(تقصدرياض)
تلاحقت سوزان على الموضوع تغيره/الاراويه اختك الشمس المشرقه لمنو طالعةبخيلة.
شمس/عليك.
راوية/لاعاد كلش الاشميسه ما رضي عليها.
شمس/راويوا و طقه ما حب احد يقولى شميسة.
راوية/خلاص يالله تسنعى و صيرى خوش مره و روحى طبخى الغذاء.
شمس/ان شاء الله عمتى في اي اوامربعد.
راوية/خذى و ياك هالشقره علميها(تقصد سوزان)
هالة/الحمد لله ان الدور ما وصلني.
شمس/انامستعده اقابل المطبخ من كناس و طباخ و غسال بس ما يقعدونى مع بزر.
هاله تضم دانيال الى صدرها/حرام عليك شوفى شحليله.
وبعد ما طلعوا من الغرفه راويه خلت ديمه تجيب لها عصير قصدها تطلعها علشان تتكلم براحه
راوية/هالة.
هالة/نعم.
راوية/……
هاله حست ان الموضوع في رياض.
راوية/رياض ما يبى يتزوج.
هالة/لا
راوية/ليش متاكدة.
هالة/بتزعلين اذاقلت لك.
راوية/لاامانه ما راح ازعل.
هالة/صارلنا فتره في البيت نحاول نقنعه انه يتزوج بس ما هو راضي.
راوية/وليش كنتى خايفه ازعل.
هالة/خفت تفكرين انا احنا نسينا عشرتك معنا و ما همنا موضوع طلاقكم.
راوية/هاله ابيك توصلين رساله لرياض.
هالة/ها رجعنا لايام قبل(قبل لايخطب ريلض راويه كانت هاله مرسال بين الاثنين)
راوية/قولى له ان ما في اي امل ان احنا نرد لبعض و اذا ما يبى يتزوج علشان العيال لايشيل همهم تري انامو تاركتهم.
هالة/الله يهداك غير الله
يهداك ما عندي.
)راوية/خلاص هاله غيرى الموضوع بسالك شخبار بيت خالتك(راويه يهمها الموضوع لان جزء من طلاقها)
هالة/تصدقين رياض من تطلقتوا للحين ما مر عليهم مره و اذا كانوا في البيت يطلع خالتى قبل اسبوعين سوت مشكله ما لها اول و لاتالى تقول احنا شمسوين لك يارياض احنا اللى خليناك تطلق مرتك ما تواطنا بعيشه الله.
راويه لما سمعت هذا الكلام تنهدت مما اكد لهاله ان لبيت خالتها يد في طلاق رياض و راويه اكيد لهم يد خالتى كانت تتمني رياض يتزوج بنتها و صال و يوم خطب راويه قاطعونا و يوم ردوا لنا رياض طلق راويه شنو معنى هاالكلام

؟؟؟؟؟؟؟؟؟؟

البارت الثاني…
*************************
يوم الجمعه كان تجمع كل عائله في بيت جدها.
*فى بيت ال خليفة(بيت جد مشاعل)
ابو حمد/والله ما بغينا نشوفك يامشاعل.
مشاعل/اسكت ياخالى ما بغي يجى يوم الجمعه الامن عمري(مشاعل متعلقه في بيت جدها و خصوصا خالها عبد الله تموت فيه)
سا رة/اللحين انتى اشتقتى لنا كلنا و لاناس محددين
مشاعل/شفت ياخالى بدوا بحروبهم علي
ابو حمد/اذا تنتظرين انى ادافع عنك ما انا مدافع اللحين يجى صاحبك و خليه يدافع عنك
/هاهاهاهاها/
رانيا/تعجبنى يابوحمد…استمر في قول الحكم(رانيا تصير بنت خالها)
مشاعل/بتشوفين انتى بعد.
بدر/وهو الصادق مهما قلنا و مهما سوينا و عطينا بنظل ما نساوى ربع عبد الله عندك.
شاهة/لاتتكلمون عن اخوى و هو غايب.
مشاعل/فكرتك بتدافعين عنى ياخالتى لكن ما عليه اوريك اوريك بعيالك.
ام خالد/الاصدق هو وينه.
ام حمد/اللحين جاى دازته ياخذ لى كم غرض من الصيدلية.
مشاعل/اللحين عيالك قاعدين ما تامرين عليهم و خالى الله له المسكين رايح جاى على طلباتك.
ام خالد/عن اللغوه الزايده و قوموا جهزوا في العشاء.
رانيا/ايه احنا نجهز في لعشاء و انتى و خواتك على السوالف .


مشاعل/هاالمره انتى اللى عجبتينى في ام خلوود هذى انا ما قدر عليها.
سارة/اسم الله عليك انتى تقدرين على بلد بحاله ما تقدرين على اختى المسكينة.
ويدخل عبد الله الصالة/.
/وعليكم السلام و الرحمة/
واتجهت الانظار الى مشاعل اللى من شافت عبد الله قامت تركض له تحضنه و تبوسه.
مشاعل/هلاياقلبى شخبارك.
عبد الله/والله ما دريت انك وصلتى يام عبد الله كان رجعت بدون الاغراض.
ام خالد/بس ام عبدالله تستاهل ترجع علشانها و امها ما لها شي.
مشاعل/يا الله على غيرتك ياام خالد تشوفينى مع جدى تتكلمين تشوفينى مع زايد تتكلمين تشوفينى مع عبودى تتكلمين انتى شفيك ليش غيرانه مني؟
محمود/انا اقولك ليش غيرانه لانك اصغر منها و احلي منها و صوتك يجنن اما هى حيا الله امنا.
هاهاهاهاهاها
عبد الله/موكانك ضعفانة.
مشاعل/امى ما تاكلني
عبد الله/ليش عاد ياختى كذا هاذى امانه عندك.
مشاعل/تقول لاتاكلين علشلن تمرضين و نفتك من حنتك و لغوتك.
عبد الله/سمعى اول ما تخلص الدراسه الاقيك هنى في البيت و ما تردين الامع فتحت المدارس من جديد.
محمود/وانا

مشاعل/يعيش خالى عبود.
سارة/لابالله الاعشنا في الاجازة.؟

فى بيت الشامسي
ابو زياد/شدعوه ياكمال صار لنا فوق الشهر ما شفناك؟
كمال/ماعليش ياخالى بس صار عندنا شويه ضغط بالمستشفى.
ابو زياد/الله يوفقكم ياولدى بس احنا عاد نبيكم دايم حوالينا ما نبيكم تغيبون عنا.
ام كمال/وينه طلال ما شفته
ليالي/راح يجيب مرام
ريم/انا قلت لها بمرك قالت اذا خلصت بتخلى طلال يمرها.
ام كمال/وانتى شخبارك في شغلك ياريم.
ريم/الحمدلله خالتى ما شى الحال(ريم دكتوره
شذى/ماتفكرين تروحين مستشفي خاص.
ريم/لامستحيل
ليالي/ليش عاد
ام طلال/اقول كمال انت ما ودك نفرح فيك.
كمال/مو لسه بدرى ياخالتي
ام كمال/لاوالله وان شاءالله لمتي بتقولى بدري
عهودتاشر على ليالى تروح لها المطبخ و تقوم ليالى و تلحقها شاذن و رولا
عهود/بسم الله اناقلت ليالى ما قلت ام خماس و ام سعيد
رولا/هاهاها عجبتنى قولى بسرعه شتبين من لياليوا
عهود/شفته.
ليالي/حلفي؟متى.
عهود/امس العصر كنت رايحه مع هنادى المستشفي و لقيته هناك.
ليالي/طيب شكان لابس؟شن…
.عهود/هو من شافنا دخلنا استاذن و طلع من الغرفة
رولا/لاوالله فهمنا منو هذا
عهود/واحد الاخت حاطه عينها عليه
شاذن/منو؟
ليالي/لقافه صحيح ما راح اتكلم
رولا/تكلمى بسرعه قبل لاانفجر
ليالي/ انا معجبه في واحد بس عمرى ما كلمته و لاهو يدرى عني
شاذن/اى حب هذا اي خرابيط
رولا/ليه عاد؟
ليالي/مابى يعرف ما دري
رولا/طيب منو هذاعهود/بدر الخليفة
شاذن/هذا خال مشاعلوا بنت عمي
ليالي/وصلتى خال مشاعل..
شاذن/طيب شرايك اسال هى علاقتها بخوالها مره حلوه مشاعلوا و يقولون لها كل شى و اخليها تجس نبضه
ليالي/ياى بس ها لاتقول له منو انا
بيت الشهري
ام اياد/ماكان عندهم عمه هالعيال يسالون عنها خلاص من الجمعه للجمعة.
الجد/قولى ما عندهم جد يسالون عنه..
متعب/شدعوه ياجدى مع بعض في بيت واحد و كل يوم نشوف بعض.
الجد/انت اشوفك بس غيرك ما شوفه
هيام/شنسوى ياجدى الشغل ما خذ كل وقتنا.
الجد/لاياهيام اذاتزوجتى ما في شغل و لا عندك راى ثانى يامتعب.
متعب بجفاء/والله اذا اتفقت مع زوجها فذاك الموضوع يخصهم بروحهم.
هيام ما عجبها راى متعب بالمره كانت تتمني لو مره يكلمها او حتى يطالع فيها بس لا متعب دايم مطوفنها.
متعب ما كان يحب قعده بيت الشهرى كثر بيت الراشد بيت الشهرى يعتبر كل الشباب اقل من مستواه و هو ارفع منهم صحيح انه يحب عماته بس في بيت الراشد هناك كمال و خالدونايف.
متعب/انا بروح دارى شوي.
شادية/ليه عاداقعد سولف معانا.
متعب /عندى اوراق لبكره باجهزها و بعدين بنزل.
هيام/لاتطول عاد تري جدى هالاسبوع جايب العشي من المطعم علشان تتعشي معنا مو مثل كل اسبوع.
وانتظر الكل تعليق متعب اللى ما عطي الموضوع اي اهميه و ركب لغرفته و سكر الباب و وقف و راه و هو يتنهد كان يبى يبعد عن الجو باى طريقه كان يبى يرجع لغرفته يبى يكلم حبيبته يبى يسمع صوتها او بالاحري هو للحين عنده امل انها بتدق في اي لحظه و غمض عيونه بعد ما قعد على مكتبه و هو يتذكر المره الثانيه اللى كلمت فيها شمس و اللى كان يستني انها تكلم
شمس/الو
متعب/هلا
شمس/….
متعب/هالمره غلطانه بعد
شمس/……….
متعب/مين تبين لؤلؤه و لامتعب
شمس/انت ما نسيت صوتي
متعب/لاطبعا
شمس/ليش يشبه صوت حبيبتك
متعب/هاهاها حبيبتى عاد؟
شمس/ليش ما عندك حبيبة
متعب/والله سخافه اي حبيبه اي خرابيط
شمس/تبى تقنعنى ان ما عندك حبيبه تكلمها
متعب/ياسلام و من انتى اصلا و من تكونين علشان احاول اقنعك
شمس/………
متعب/وين رحتي؟
شمس/موجوده ما رحت مكان
متعب/انتى ليش متصلة
شمس/انا اسفه انى ازعجتك اواخذت من وقتك
توتوتوتوتوتوتوتوتوتوتوتوتوتو
وندم متعب لانه حس انه تسرع في كلامه معاهاوتمني ترجع تتصل مره ثانيه و فعلا اتصلت بعد اسبوعين
شمس/الو
متعب/هاهاها
شمس/هاالمره مو غلطانه لاتخاف
متعب/اجل تغازلين علني
شمس/لا
متعب/ها…شنو
شمس/جانى احساس انك تبى تسمع صوتي
متعب/ومن وين جالك هاالاحساس
شمس/من كثر ما فكرت فيك يا…..
متعب/يا …شنو
شمس/يامتعب
متعب/…………
شمس/…………..
متعب/شسمك؟
شمس/ماظن انه مهم
متعب/كم عمرك…..او ما بتجاوبيني
شمس/وليه يعني؟
متعب/علشان البنات ما يحبون يقولون عمرهم لاحد.
شمس/بس انا ما تفرق عندى اذا قلت عمرى اولا
متعب/طيب كم عمرك.
شمس/22سنة
متعب/…حلو العمر كله ان شاءالله
شمس/ياى هاذى اول كلمه حلوه اسمعها منك
متعب/وليش تبينى اسمعك كلام حلو بالله؟
شمس/وش يضرك مو الكلام الحلو صدقه #8230;.
متعب/حلوه بس لاتعيديها.
شمس/هى حلوه بس مو كثر حلاتك.
متعب/بالله.
شمس/اكيد
متعب اللى عجبه الجو مع شمس فاجاه سوالها
شمس/متعب تبينى اسكر / و دق قلبه خاف انها تسكر و يظل يفكر فيها
متعب/لا
شمس بدلع/ان شاء الله حبيبي
متعب صدمته الكلمه صدق انها قاعده تسخر بس ما توقع الكلمه ابدا و ظلت ترن في اذنه
متعب/حبيى عاد مره و حدة
شمس/انت تشتغل
متعب/يهمك تعرفي
شمس/موكثير
متعب/انتى ما تهمينى فماراح اقولك
شمس تضايقت منه و من رده السخيف/تصبح على خير توت توتو توت توت
****************************وورجع متعب يتندم من جديد لانه ضايقها …كان يتمني انها تظل تكلمه على طول لكن غروره و تبجحه في كل مره يتدخلون بينه و بينها غصبا عنه …..وشمس ما تنازلت عنه رجعت كلمته بعد اسبوع ……
شمس/الو
متعب اول ما سمع ها ا لالو دق قلبه من الفرح و ابتسم و قال هالمره خلى كل شى يامتعب و لاتفكر الا بالوقت الحلو اللى بتعيشك فيه مع صوتها….
متعب بفرح/هلا و الله
شمس/اوه اوه هلا و الله بعد تطورات صارت في ها الاسبوع ما درينا عنها …..شنو بعد غير هلا و الله
متعب/من قال لك غيبى اسبوع كامل لاتتصلين و لاتسالين راحت عليك تطوراتي.
شمس/والله عاد انت ما تبينى اسمع صوتك و ارتاح.
متعب و هو يحاول يكتم فرحته/ترتاحين لما تسمعين صوتي.
شمس/ولو انك بعد ها الكلام اللى بتسمعنى كلام مثل السم بس مضطره اعترف لك بانى حيل ارتاح لما اسمع صوتك ….
متعب/ شسمك…
شمس/مو مهم الاسم.
متعب/بس انتى تعرفين اسمي.
شمس/انت قلته ما حد جبرك على يدك و بعدين يمكن ما يطلع اسمك صدق بس كذا لتمويه.
متعب/شوفى يابنت الناس انا ما اكذب و لاتعودت انى اتعامل مع احد يكذب فلا تزعلينى منك من بدايتها .


شمس برجاء/لاتزعل الله يخليك.
متعب/خايفه من زعلي.
شمس/اكيد
متعب/ليه؟
شمس/لانك لو زعلت بنحرم من صوتك الدافى اسبوع كامل؟
متعب/انتى غريبة
شمس/ليش يعني؟
متعب/لانك توك تكلمينى مداك تعلقتى بصوتي؟
شمس/اقولك و تصدقنى يامتعب.
متعب/طبعا راح اصدقك./
شمس/انا اول مره كلمتك فيها كنت غلطانه بجد بس اسلوبك و نبره صوتك ظلوا في بالى و تمنيت اسمع صوتك مره ثانيه كنت ناويه ما تكلم بس ما عرف شللى صار و خلانى اكلمك و كل ما كلمتك و زعلتنى اسكر و اقول التوبه بس في شى داخلى رافض انى ما ارجع اتصل فيك
متعب/هذا اعتراف.
شمس/اللى يكون…المهم انه شعوري….
متعب/شسمك
شمس/قلت لك ما هو مهم
متعب/طيب كيف اناديك
شمس/عادى اي اسم يخطر في بالك……متعب فينى اطلب منك طلب
متعب/خير
شمس/ممكن اكلمك بكرة
متعب/بس بكره تبين تكلمين
********************************************

البارت الثالث…
متعب/طيب كيف اناديك
شمس/عادى اي اسم يخطر في بالك……متعب فينى اطلب منك طلب
متعب/خير
شمس/ممكن اكلمك بكرة
متعب/بس بكره تبين تكلمين
شمس/خلينى اضمن بكره و بعدها يصير خير
متعب/طيب بعدين باقولك
شمس/انا الحين بسكر ابى اعرف اللحين
متعب/وليه مستعجله ما قلناشي
شمس/اكلمك بكرة
متعب/كلمينى في مثل ها الوقت لانى ما راح اكون موجود قبل
شمس/طيب احلام سعيدة
وسكرت شمس السماعه و متعب بعده ما سك السماعه يناظرها شسوت فينى ها البنت انا ما يهزونى البنات و لا حراكاتهم بس هاذى عجيبه ما هى راضيه تتنازل الااكلمها و انا ما صدقت على الله ابى اعرف حتى اسمها لا ما يصير كذا لازم اثقل نفسى شوى عليها بس صوتها يشدنى ما قدر احس انى اذا ثقلت عليها ما راح اسمع صوتها و انا ما درى شفينى موقادر اصبر عن صوتها الله يعين لين ما يجى بكره و في اليوم الثانى مر بطى على متعب اللى كان طول الوقت معصب لين ما ظلمت الدنيا ركب داره ينطرها قبل الموعد بثلاث ساعات و يوم ربعه دقوا عليه بيطلعون قال لهم مشغول مع الاهل ما كان يبى يطلع من داره في ذيك الليله و مشي الوقت بسرعه و مر الوقت اللى المفروض تكلم فيه بدون ما تتصل و مرت ساعه و ساعتين و ما تصلت و متعب اوصلت معاه على الاخر(ان شاء الله مفكرتنى صبى عندها و بموت اذا ما تصلت بالناقص ان شاء الله عمرها كله و لااتصلت هى اللى تبى تسمع صوتى مو انا؟)ومامرت عشر دقايق الا و التلفون يرن و متعب ما خلاه يكمل حتى نص رنه علطول شاله.
متعب/الو يحاول يخلى صوته طبيعى و كانه مومشتاق)
شمس/هلا…..

نايم
متعب/لا ما نمت
شمس/ليه ما نمت؟
متعب بينه و بين نفسه(تحلمين اقولك انطرك)/والله عند اوراق للعمل قاعد اشتغل عليهم يا كذاب يابعد عمرى اسمحوا لى بس اموت فيه
شمس/……….
متعب/ليه تاخرتي(الظاهر ما يقدر يدارى اكثر)
شمس/فكرتك ما راح تسالنى و تضايقت
متعب/……….
شمس/كانوا عندنا ضيوف و ما طلعو الاقبل شوي.
متعب/ش هالناس الذويقه احد يقعد لوقت متاخر في و سط الاسبوع مادرى ليش متضايق)
شمس/ماعلينا…..متعب….
متعب/نعم.
شمس/………اشتقت لصوتك موت كنت معاهم بالجسد بس التفكير كان عندك.
متعب/…….كلمينى عن حياتك
شمس/عادى حياتى ما فيها شى مميز يعنى حياه بسيطه و عايشه في بيت كله استقرار و امان.
متعب/……….انتى باى قسم في الجامعة
شمس/وليه؟
متعب/يمكن قسمك يحددشخصيتك؟
شمس/كيف؟
متعب/لانك ما تبين تتكلمين عن نفسك.
شمس/مو بالضبط.
متعب/ ما علينا قولى لى انتى في اي قسم بالجامعة.
شمس/شوف متعب انا ما بى اكذب عليك بس دخيلك لو يكون ما يكون لاتقطع عنى صوتك….انا مو بالجامعة.
سكت متعب لان اجابتها ما عجبته
شمس/متعب وين رحت
متعب/يعنى عندك ثانويه بس؟
شمس/اي.
متعب/ليه ما تعرفين ان الشهاده سلاح في هذا الزمن.
شمس/………
متعب/طيب ممكن اعرف ليه ما دخلتى الجامعه
شمس/دخلت سنه و حده و طلعت.
متعب/ليه عاد؟لاتقولين ما لى خلق ازعل منك بعدين.
شمس/لا….بس ظروفنا في البيت ما كانت حلوة.
متعب/كنتى في اي جامعة.
شمس/……….
متعب/وظروفك في البيت ما نتهت و لاخلاص عجبتك قعدت البيت.
شمس/ليه في احد تعجبه الجلسه في البيت.
متعب/طيب ……
شمس/………
متعب/يضايقك موضوع الجامعة
شمس/نوعا ما ….
متعب/خلاص بنسكر موضوع الجامعه بس المهم ما تظلين ساكتة.
شمس/انت تشتغل و لا تدرس.
متعب/انتى شرايك.
شمس/……تشتغل….
متعب/شاطرة
شمس/وين.
متعب/يالله توقعي.
شمس/شا يفنى عرافه كل شى اتوقعه بيطلع صحيح.
متعب/جربى ما نتى خسرانة.
شمس/طيب انت جامعي.
متعب بانفعال/الا جامعى و نص.
شمس و هى تضحك/طيب و انت ليش زعلان اناماقلت شي.
متعب/لانى جامعى و متخرج من كندا يا انسه ……..شسمك
شمس/اللحين مو تطلع من السالفه الاساسيه و تقعدتسال شسمك….
متعب/ماطلعت ولادخلت ……..انا مهندس…
شمس/حركات بعد …ماقدر على المهندسين انا ….

و ين تشتغل…
متعب/فى شركه ………
شمس/طيب يامهندس متعب انا باقولك تصبح على خير
متعب/ليه.
شمس تضحك /وليه الناس يقولون تصبح على خير يعنى علشان ينامون طبعا.
متعب/لا
شمس/وشو اللى لا
متعب/مابى اسكرومابيك تسكرين.
شمس/اي…بس انت و راك دوام و انا بعد و راى دوام بكرة
متعب بدهشة/ليش انتى تشتغلين
شمس/ليش مفكرنى عطالى بطالى حبيبى انا عندى دوام تصبح على خير.
متعب/طيب بتكلمين بكره
شمس/انت تبى تسمع صوتي.
متعب/مايبيلها تفكير.
شمس/طيب تصبح على خير
يالله يا روح متعب بس لو تعرفين صوتك الدافى كان يريحنى و يروقنى ؛

انا تعبان من دونك؛بس لوتعرفين تفكيرى فيك كيف ذابحني؛

لو…..متعب …متعب…متعب شفيك؟
رفع متعب راسه و لقي هيام و اقفه جنبه بخوف؟
هيام/متعب شفيك؟
متعب بعصبية/انتى كيف تسمحين لنفسك تدخلين غرفتي؟
هيام/جيت اتطمن عليك قلت بتركب شوى و بتنزل صار لك ساعتين و انت هنا.؟
متعب/طيب طلعى و انا بجى و راك.
هيام/بس لاتتاخر.
متعب/انا ما حد يملى على اوامره سمعتى و لااعيد كلامى


وطلعت هيام و هى متضايقه من اسلوب متعب اما متعب فعيونه كانت على التلفون اللى صار شكله كئيب من بعدها….
فى بيت العتيبي……
اصايل/صحيح البارح اتصلت فينى شيماء تعزمكم على زواج اخوها و قالت لى كم بطاقه تبون.
ام راشد/اخوها محمد اللى بياخذ جواهر الناصر…
اصايل/اى هذا هو…
ام نايف/ماشاء الله كبروا العيال….هذا بصغره كان و يانا على طول.
اماني/فهمنا يعنى غصب طيب تعالوا روحوا العرس.
ام محمد/طبعا لازم تروحون كلكم ذولا بحسبه اهل لنا ما يصير ما نوجبهم.
نورة/يصير خير ياعمتي…
ناهد/انا عن نفسى ما درى وين احط نوافي…
نايف اللى كان توه داخل مجلس الحريم…
نايف/نوافى الصغير عند خاله نايف بعد وين بيكون……
/وعليكم السلام و الرحمة/
ام محمد/هلا و الله بشيخ الرجال كلهم.
نايف/عاد عمتى اذا انا شيخ الرجال محمد و ابوه شيطلعون.
اصايل// و هى الصادقةشيخ الرجال و نورهم و ضواهم و كل شى في ها الدنيا كيفك اخ نايف..
نايف/الا اليوم طايحه فينى غزل.؟؟عسي ما شر…
ام راشد/عاد نايف اصايل من تشوفك تطيح فيك غزل يتراولى ما تغازل زوجها كثر ما تغازلك.
نايف سوا حركه في و جهه لاصايل كانه يقول لها ما نى مصدق و ضحكوا عليه الباقي…
ناهد/صدق بتاخذه ليله العرس.
نايف/متي العرس.
ناهد/اسبوع الجاى ليله الاربعاء.
نايف/خلاص مو مشكلة.
ام نايف/احط لك عشي يمه.
نايف/لابروح مجلس الرجال بقعد معهم شوى و بتعشي هناك من زمان ما قعدت معهم.
امانى تقلد صوت ام نايف/روح يمه الله يحفظك .


ضحك عليها نايف/مجنونه ما عليك عتب.
وطلع من باب الصاله بيروح مجلس الرجال و في الحديقه شاف نهي و ساره و من شافوا و قفوا.
نايف/داخل انتى معها ما ترون ان المجلس كله رجال .


نهى/طيب انت سلم اول.
نايف مشي و ما كانه سمعها اللى خلا ساره تنقهر و تلف صوب نايف اللى وصل له مسج قبل لايدخل و وقف يقراه و هو يبتسم كان من***انتى في بالى ***(دلال)
(اراهن بمليون ريال انك قاعد تفكر فينى اللحين)
وقعد نايف على عتبه المجلس و اتصل فيها.
الو..هلا و الله بالغلا كله ….مليون بس

هذا قدرى عندك…انا قلت اللحين الكون كله… هاهاها طبعا انتى عندك شك ….ليش بس و منو اللى قال انى بقدر اصبر لليله الثلاثاء …انا بكره بمر خالد علشان اشوفك …مارحتى بيت خالتك..اجيك؟..حاضرين و الله لاغلي الناس .

.ok اليله ادق عليك باى حبى ….
نهي بغضب/الله يهنيك و ياها.
نايف رفع راسه/انتوا للحين ما دخلتوا الظاهر انكم ما تسمعون الكلام…ودخل عنهم المجلس و ساره كانت تغلى من القهر لانها كانت عارفه انه قاعد يكلم دلال و انه يموت فيها
سارة/الله لايعطيها عافيه
نهى/ماعليك منها خليها تولى زين…
سارة/انتى ما سمعتى كيف يكلمها شوى و يموت عليها ما نى طايقتها
نهي /لاتخافين بيتركها يعنى بيتركها ….اليوم …بكرة..لازم يتركها….وانا بنت امى و ابوي….
سارة/راوينى شطارتك ياحلوة
نهى/بتشوفين شطارتى و بتدعيلي…
فى بيت الراجحى كانو اشمس و سوزان بينامون عند هالة.
وفى غرفه هالة(شمس سوزان هاله لؤلؤه فرات)
لؤلؤة/حرام عليك شمسواكان جبتى معك ميمو و لولو
سوزان/حشي قطاوا ذولا مو بنات
/هاهاهاها/
شمس/شوفى عاداخت لؤلؤه انا اطلع من البيت قصدى ارتاح من و جيهم بعد اروح اجيبهم معى .


فرات/لاتتكلمين عن صديقاتى كذا.
هالة/اقول اخوات مؤمنات تري احنا بنات و عندنا اسرار بنتكلم فيها اذاممكن.(تقصد فرات و لؤلؤه
فرات/تكلمى منو ما سكك.
سوزان/هاهاها اقول طلعوا من غير مطرود.
لؤلؤة/لاتستحون عادى ما بينا اسرار.
شمس/تصدقون ضحكتوني.
هالة/اووف اناماشوف اذا جاكم احد الزق فيكم كذا.
فرات/احم..احم…يالله و بدون حيا منى فيكم اللى تحب…
هالة/قومى قلبى و جهك احسن لك.
لؤلؤة/طبعا الاخت شمس بينها و بين الشباب عداوه فما اتوقع و الاخت اوبسميها الاخ هاله ما ينفع فما ظلت اي التفاحه سوزي.
شمس/قوموا طلعوا احسن لكم.
فرات/اووف يالله قومى لؤلؤ.
وبعد ما طلعوا
هالة/عله الله ياخذهم.
شمس/عندنا و عندك خير ما في غير الاخت مفتكة(سوزان ما عندها غير اخت اكبر منها متزوجه و اربعه اخوه
سوزان/عينكم بارده بس صدقونى يونسون.
هالة/صح يؤنسون بس مو في كل الاوقات تجيهم لحظات اعوذ بالله.
شمس اللى كانت نايمه على سرير هاله فزت يوم دق جوالها شافت الرقم و ابتسمت/الو..اهلين..كيفك شخبارك يامغبره .

.تصدقين حتى الغبار طلع من جوالى ……غريبه طاريه على بالك اليوم..ادرى و الله ادري….تعرفين ظروفى ما صايره تسمح ….
هاله تدز سوزان/من تتوقعين؟
سوزان/مادرى اذا سكرت بتقول لنا.
شمس/شخبار امك و اخوانك…….

حركات الاخ بعدوالله طلع ما هو سهل….زين ما عرفتيها…..ليش…امممم…زتعرفين شمس ما يخفي عليها خافى اكيد بعرفها…..ان شاء الله قريب…لالالا في بيتنا احسن علشان تشوفين هاله و سوزان…اكيد يالله مع السلامة.
هالة/منى هاذي؟
شمس ابتسمت لسوزان/حماه المستقبل…
هاله و سوزان/ساره

؟؟
شمس باستغراب/اى ساره
هالة/تقولين حماه المستقبل.
شمس/اى حماه المستقبل بس…
سوزان/بس شنو…
شمس/حماتك انتي.
سوزان شهقت بقوه و نطت عند شمس/ريم؟؟؟حلفي؟؟شتبى منك؟قالت شى عن طلال؟تكلمى بسرعه
هالة/وحدةوحده عاد ما صارت تبينها تجاوبك على كل شي؟
(ريم اخت طلال الكبيره بنت مغروره حيل و ما تكلم اي احدومايعجبها اي احد و هذا اللى كان مخوف سوزان منها لاسيما ان لها تاثير كبير على امها و على طلال نفسه تعرف شمس من الدراسه لما كانت شمس بكليه الطب كانت ريم بالسنه الاخيره و شمس توها في اول سنه و توثقت علاقتها بشمس مره حتى بعد ما طلعت من ا لكليه
شمس/اجاوبك كذا لا .

.لازم مقابل؟
هالة/تعجبينى يالله.
سوزان/الا تبيه خذيه بس تكلمي..
شمس/هالوا شاهده الاابيه اخذه.
هالة/طبعا شاهدة.
سوزان/يالله عاد؟
شمس/والله ياست سوزان سمعى تقول ان كلهم بخير ما غير الاخ طلال قال لها قبل فتره انه يكلم بنت في التلفون و يحبها موت رغم انه ما شافها غير مره و حده على الطاير و هذا اللى معلقه فيها و يبى ريم تتعرف عليها؟
سوزان/…….
هالة/مااشوف فرحتى يعني…
سوزان/وليش افرح و انا و طلال متهاوشين….
شمس/من صدقك انتى عاد اول ما قال لك بعرفك على اختى تقومين و تزعلين منه؟
سوزان/لانه مصر انى اتعرف عليها


هالة/وهاذى شفيها بالله؟
سوزان/ فيها انى ما بى اتعرف عليها.
شمس/تري ريم على الغرور اللى فيها لكن تنحب بسرعه ياسوزان يعنى ما هى شينة.
سوزان/مع ذلك ما هى حلوه تتعرف على بصفتى انى حبيبه اخوها؟شمس/عادي.
سوزان/والله؟
هالة/طبعا عادى طلال قصده الزواج.
سوزان/حتي لو .

.ماحسهاحلوة.
شمس/شوفى ما راح نضغط عليك و قريب هى بتزورنى في بيتنا و بتجين و بتقعدين معها و بتتعرفين عليها و عطينا بعدين النتيجه
سوزان/مستحيل يوم اللى بتجى بيتكم انا ما بطب انتى ناسيه ان طلال يعرف انك شمس صديقه ريم و صديقتي..

يعنى يوم اللى بتجى عندك بيسالها.
شمس/والله حاله .

.انتى ليش مسكرتها بوجه نفسك..
هالة/اناعندى فكره
سوزان/تكلمى يام الافكار الخطيره #8230;
هالة/انتى اللحين تتصالحين مع طلال زين و تقولين له ان انتى قلتى لشمس تكلم ريم و تعزمها في بيتهم و انتى بتروحين علشان تشوفينها هناك يعنى مكان محايد بدون ما تدرى انتى منو و بكذا تكونين ضربتى عصفورين بحجر واحد .

.راضيتى طلال و بينتى له انك ما تقدرين تزعلينه و بتدورين رضاه وين ما كان و بتتعرفين على ريم بدون ما تدرى انتى منو….
سوزان/والله طلعتى خطيره صحيح ياهلهول؟
شمس/والله طلعتى صحيح خطيره ياهلهول….قومى اتصلى فيه شتنطرين ياحظي…
سوزان/طيب .

.واذا اخته قالت ان هى الااتصلت مو شمس.
هالة/والله صحيح بقره اللحين هو بيترك الموضوع كله و بيسال اخته مين اللى اتصلت في الثانية.
شمس/وبعدين هو ما يبيها تعرف انك تعرفينى لو كان يبيها تعرف كان قال لها من زمان….زهو حتى اسمك ما رضي يقول لها.
فى بيت الجاسر.
ام محمد/البيت مظلم من دون شمس….
نور/اكيد بيظلم لانها هى الشمس اللى تعطينا النور و الضياء و الاشراق…
وسكتتبعد ما رمي يامر عليها المخده #8230;
سامر/اللحين احنا مفتكين التلفزيون مطفي تقومين توجعين راسنا بهذره فاضيه #8230;
لميس/ام محمد تري انا زعلانه منك….
ام محمد/وخير ان شاء الله؟
لميس/ليش ناس دون ناس ينامون في بيت الراجحي؟
وسام/اولا انتوا بكره عندكم جامعه فكيف تنامون هناك و ثانيا شمس محتاجه شويه راحه بعيا عن وجوهكم الطيبه ….احم احم شرايك فينى يام محمد.
ام محمد/قمت بالواجب و ما قصرت…
راوية/انتوا ما تعشيتوا …قوموا ناموا بكره الصبح هواش على القومة.
محمد/انا بسهر.
ميس/وليش بالله ….الاخ عاشق و احنا ما ندري؟
محمد/انتى سكرى حلقك قبل لايجيك كف.
ميس/مو على كيفك تري امى قاعده #8230;
محمد/بتسكتين و لا…
ام محمد/انتوا خلاص محيتوا الاحترام من قاموسكم…
ميس/هذا و لدك…حبيبك اللى ما ترضين عليه…
راوية/خلاص كفى الشر انتى بعد…
ديمة/ماما ابى اكلم بابا…
راويه بعصبية/وليش بعد؟
ديمة/ابى اقول له تصبح على خير…
راوية/وشدعوه ما هو نايم غير لما تقولين له تصبح على خير….
ام محمد/راويه علامك خلى البنت تكلم ابوها…
راوية/اووف خلى لميس تدق لك من تلفونها…
ام محمد/وليش بالله….
راوية/مزاج……
وقامت من الصاله و راحت غرفتها
ديمة/خالتى ابى اكلم ابوي….
لميس/امرى لله قومي….
سامر/تصدقين يمه ….امس لما رياض جاب عياله قال لراويه انه الاسبوع الجاى بياخذ عياله معاه دبى و هى عصبت عليه و قامت تصارخ و قالت له ذولا عيالى و بيظلون عندى و انت ما لك شغل فيهم يارياض…..
ام محمد/الله يهديك ياراويه بس الله يهديك…..
محمد/يمه ليش راويه تطلقت؟؟؟؟؟
ام محمد/الله اعلم ياولدي….والله انى مو قادره اشوفها بهذا الوضع بس شسوي….

لاهى تبى تتكلم …ولا هو راضى يقول شي….
سامر/تبين اسالها يمه…..
وسام و محمد و ميس/هاهاهاهاها
سامر/ليش تضحكون….
ميس/اللحين هى ما قالت لامى بتقولك….
سامر/عادى يمكن تستحى من امى بس انا شقيقها اتوقع تصارحني…..
محمد/حلوه هاذى ليش ان شاء الله احنا اولاد الجيران و حنا ما ندري….
ميس/عجزنا انا و شمسوا و لميسوا و حتى بيت الراجحى عجزوا مع رياض بس الطرفين متحفظين على اسباب طلاقهم و ما يبون يتكلمون…
سامر/يمكن بيت الراجحى يكذبون يعرفون بس ما يبون يتكلمون…
ام محمد/عيب ها الكلام و لاتعيده مره ثانيه لاذبحك سمعت ….
سامر/ان شا ء الله يمه…
ام محمد/يالله قوموا خمدوا ناموا….
******************************فى بيت الراجحي(فى الصاله
(رياض و امه و جواهر)
رياض يكلم في الجوال/ان شاء الله حبيبتى بكره العصر نطلع انا و انتى السوق نشتريها بعدين نروح ناخذ ايسكريم و بعدين ارجعك البيت للماما طيب……يالله عمرى تصبحين على خير…
وسكر الجوال و هو يبتسم….
ام رياض/هاذى ديموه…..
رياض/اي….
ام رياض/حليلها بنيتنا كبرت امس تقول لجدتها ام محمد ما بى عشاكم مو مشتهيه سوى لى شوربة
رياض/متعلمه هذا ابيه و هذا ما يعجبني….
جواهر/شخبار امها……
رياض تنهد تنهيده طويلة/مادري…
جواهر/ليش لما تروح لعيالك ما تشوفها…..
رياض/لا
جواهر/انت ليش ما تقول لها انك بتتزوج….
رياض/وليش اقول لها؟
جواهر/علشان اذا في راسها شى يطيح…
رياض/لا ما يحتاج…
جواهر/وبعدين من قال ان انت ما راح تتزوج احنا قاعدين ندور لك على و حده ثانيه #8230;.
رياض/جواهر هالموضوع خلصنا منه زواج ما رح اتزوج و غير راويه ما بى فهمتى و لا اعيد….
ام رياض/الله يهديك بس ياولدى ليش معصب اختك بس خايفه عليك و تدور مصلحتك..
رياض/تدور مصلحتى تقولى تزوج شبلاها بنتك ما تعرف غلاه بنت الجاسر عندي؟…
ام رياض/ولايهمك اذا على راويه انا مستعده اترجي فيها ليل نهار علشان ترجع لك و لايصير خاطرك الا طيب ….الا على فكره يمه خالتك تسلم عليك تقول من زمان ما شافتك…..
رياض من جابت امه طارى خالته انقلب حاله على الاخر و قام بيطلع….
رياض/اذا فضيت بمرها …تصبحون على خير…وطلع…
ام رياض/الله يهديك ياراويه شوفى حالته شلون صايرة.
جواهر/لا و يقولى ما تعرفين غلاه بنت الجاسر عندى ما يدرى انها مو حاسبه له حساب و لا طاقه له خبر اصلا؟؟؟؟
وفى غرفه هالة(سوزان تكلم طلال و هاله على الاب توب و شمس تقراروايه الرسائل السوداء لاجاثا كرستي)
هالة/شمسوا…
شمس بدون ما ترفع عينها من على الرواية/ها
هالة/ماوحشك؟
دق قلب شمس لانها عارفه انها تقصد متعب…
شمس ببرود/منو…
هالة/ليش في غيره و احنا ما ندري؟؟؟
شمس/تقصدين متعب…
هالة/لا اقصد المهندس متعب…
شمس/لا ما وحشنى و بعدين انانسيته و ما عدت افكر فيه.
هالة/صدقتك.
شمس/يوم الاربعاء بيجون عندى عروس و اربع مرافقات امكيجهم.
هالة/نعرفهم..
شمس/انا ما اعرفها…اختها مع لميس بالجامعه و شافت مكياجى و عجبها و بتجى مع اختها و عمتهم و صديقتهم.
هالة/بنت منو..
شمس/اللى مع لميسوا اسمها روان الهاجرى .


هالة/انا اعرف بيت الهاجرى بس روان ما ظن اعرفها.
شمس/اذاجيتى يوم الاربعاء بتشوفينهاواللحين قلبى و جهك و طفى النور لان اذا على الاخت سوزان ما بتسكر اللحين صار لها ثلاثه ايام ما تكلمه يمكن ما تسكر الابكره الصبح…
هالة/وانتى الصادقه يمديها الشمس تطلع و هى خبر خير و طفت النور تصبحين على خير
شمس ما بغي النور ينطفى بالنسبه لها… من انذكر متعب و هى في و ادى ثاني…الله لايع…..لا ما بى ادعى عليك يامتعب …انا محتاجه اشوفك محتاجه اشوفه مثل ما شفته اول مره #8230;.اى اول مره شفته فيها كان يعذب………..
(متعب/صار لنا شهرين نكلم بعض…
شمس/ان شاء الله العمر كله ليه مضيق خلقك.
متعب/بصراحه انا ما حب اكلم احد ما عرف شلون شكله….
شمس/والمطلوب…..
متعب/ابى اشوفك؟؟؟؟
شمس/………………متى…
متعب/غريبه تصدقين توقعتك تقولين لى ما قدر؟
شمس/وليش غريبه و انا ميته ابى اشوفك…
متعب/صحيح….
شمس/ابى اشوف يسوي غرورك اللى متعبنى و لا لا…
متعب/طيب متى باشوفك؟
شمس/الاثنين يناسبك…
متعب/طبعا يناسبنى انتى بس تامرين و احنا علينا التنفيذ…
شمس/لا انا كذا ما قدر وين التواضع يامهندس…
متعب/شسوى مجبور اسايرك علشان اشوفك….
شمس/طيب متعب ابى اسالك اذا طلعت مو حلوه بتكمل معى و لا بتوقف تكلمني……….
متعب/والله ما فكرت فيها كل اللى اعرفه انى متعلق حيل في صوتك و ما اقدر تمر ليله من غير ما سمعه و في نفس الوقت ابى اعرف صاحبه هالصوت اللى قدرت ….
شمس/كمل ليش سكت..
متعب/خليها لوقت ثانى .

.المهم وين بشوفك…
شمس/وين ما تبي…
متعب/لا وين ما بتقدرين انتى تكونين موجوده #8230;.
شمس/علي البحر ينفع..
متعب/اكيد ينفع ….تصدقين انى بقعد اعد الساعات علشان يجى يوم الاثنين .

……………………………………….
ويوم الاثنين
جت شمس مع هاله و سوزان مع سايق بيت سوزان و اتفقوا انهم يخلوا السايق يوقف بعيد علشان ما يشوفها متعب و هى نازله و لاراكبه و تقدمت شمس جنب الكاديلاك الكحلى اللى قال لها متعب ان بيوقف جنبها و اذاوصلتتدق عليه لو ما شافتها .


تقربت منه و هى خايفه حيل من المواجهه صحيح انها جميله وان الكل يمدح جمالها بس متعب غير يعنى كانت تبى تعجبه باى طريقه و لما تقربت من السياره و قفت تناظر متعب باعجاب ….صحيح كانت تشوف صورته اللى جابتها لها …….كل ليله بس في الواقع كان خيالى ما هو طبيعى كان متسند علىباب السياره و ذاك القميص الكحلى و البنطلون الابيض مكشخينه على الاخروالجزمه الرسميه عطته هيبه اكثر…..كانت عيونه على البحر لين و قفت شمس جنب الباب …..قريبه منه..
شمس و عيونها على الارض/كيف الحال؟؟؟؟
متعب اللى من سمع هالصوت جنبه و قف على طوله مره و حده و شال النظاره عن و جهه/اهلين و الله………..
شمس/…………….
متعب/…………………
شمس/……………………..
متعب/رفعى راسك ما شوفك عدل؟؟؟
**************************************

 

  • اذ كنت مضيق اش تعمل عشان تفرفش
  • ليش تعاملني بجفاء
  • صور مكتوب عليها كﻻم تفاول وثقه في الله بمناسبة عام 2018
  • صور مكتوب عليها طلعو من راسي
  • صور تهديد حبيبي بحبي
  • صور اخت ماسكه اختها الميته وتصخر
  • رواية بدفن حبي وراسي عالي الارشيف
  • رنتك بسم حدرتك ودحمد
  • اغلي شمياء شاله
  • هل الحب اهم من فرح البنت بلصاله
475 views

بدفن حبي وراسي عالي