7:21 صباحًا الخميس 21 مارس، 2019






اماكن الصيد في الخبر

اماكن الصيد في الخبر

بالصور اماكن الصيد في الخبر deb5a5703afb320f1b7320c161be1a8e

 

الصراحه صار لى مده طويله و انا اجرب اماكن الصيد و هذا خلانى اكتسب خبره كبيره بالاماكن و افضل الاوقات للصيد فيها.

تقريرى هذا رح يكون مفصل علشان توضح الصوره بشكل كامل و بعدين رح اعطيكم افضل الاماكن للصيد في الدمام و الخبر من و جهه نظرى و اللى صدت فيها صيد طيب و يمكن تكون في اماكن افضل فالله اعلم.

انا ما ادعى انى اعلم واحد و لكن حبيت انكم تستمتعون بالصيد مثل ما استمتع فيه. يعنى لما تروح مكان و خيطك ما يوقف من التسحيب تكون افضل ايام تصيد فيها و احيانا تروح لمكان مره و حده و تصيد و ما تلاقى شيء كانك قاط خيطك ببركه سباحه لا نقد و لا حتى منجوس ههه. و للاسف كلنا ناخذ فكره سيئه عن المكان و يكون هذا المكان عكس ما تصورناه. يكون فيه صيد و لكن اختيارك للوقت كان غلط.

بالصور اماكن الصيد في الخبر 20160709 1653

اولا لازم كل واحد يمارس هوايه الصيد الحداق يعلق رزقه على رب العالمين يمكن اثنين ربع جالسين جنب بعض خويك كل رميه بسمكه و انت ما تصيد شيء فكل شيء يتعلق بالخالق عز و جل.

ثانيا اوقات الصيد بالتاريخ الهجرى فهو اهم شيء للصياد معرفته متى افضل اوقات الصيد في الشهر الهجرى لانه يتعلق باوقات السقى المد و الثبر الجزر).

بالصور اماكن الصيد في الخبر 20160709 1654

ثالثا احوال الطقس و التقلبات التى تحدث للبحر من التيارات القويه و ارتفاع الامواج و الغبار و يسمي عندنا بالشرقيه البحر انه مدلخ يعنى تلاقيه هايج و الموج عالى و هذه الاحوال ما يصلح فيها الصيد.

رابعا نوع الييم الطعم فهو ضرورى جدا جدا. فانا جربت كل انواع الطعوم من خثاق و ربيان و منجوس و ميد و غيره لقيت ان مو كل انواع الطعوم تنفع. كل بحر يصلح معاه طعم معين.

خامسا نوع الخيط اللى تستخدمه بالصيد هل هو سناره او خيط عادى وايضا طريقه تركيب المد و غيره.

افضل الاماكن في الدمام و الخبر بحسب تجربتى هي:

اولا حى الشاطئ عند قهوه دربى سابقا اللى تجى بعد انتهاء سور المزروعية. اسفط الموتر بالمواقف و توكل على الله انزل و صيد و نوع الطعم روبيان ثم العجين اي عجين). كنت اشترى عجين تميس من الخباز اللى بالشاطئ و اخليه مده بالهوا علشان يجمد و اروح اصيد فيه بس الروبيان هو ابو الطعوم عندى و عليكم بالربيان الصغير الاخضر الزفر فهو ممتاز جدا. اوقات الصيد باول الشهر و نص الشهر و اخر الشهر لما تسقى المايه و تختم سقيتها يعنى يوصل المد الى الاخير يبدا الصيد الى نهايه الثبر يعنى الجزر. و انا العاده اروح بعد صلاه الفجر و بعد صلاه العصر و مده الصيد من ساعتين الى ثلاث ساعات و اصيد بمعدل 10 الى 15 كلهم شعوم من اللى تحبها قلوبكم و الخيط لا ترميه بعيد على بعد ثلاثه او اربع امتار بس يعنى قريب مررره و بدون بلد ثقاله يعنى صيد سمارى و في كره صغيره تنباع بمحلات الصيد رخيصه تركب عليها الخيط و المد اللى فيه الميداروالكره رح تخلى الخيط طافح و يفضل يكون الخيط ناعم و اللون ابيض مقاس 50.

بالصور اماكن الصيد في الخبر 20160709 1655

ثانياالعزيزيه هو شاطئ تالا و افضل الاوقات لما يكون المد بالليل و الصيد بالروبيان بس و بس و يمكن الميد ينفع. و لكن هذا المكان مشكلته التيارات المائيه قويه يعنى دايما هوا لانه مكان مفتوح لكن في ايام يكون البحر راكد و الصيد افضل ما يكون و الصيد بالسناره ورمى بعيد شوي.

ثالثا هناك مكان في اخر الهاف مون عند الدوار الجديد اللى يودى على سلوي و الزبنه لما توصل عند الدوار تلف و ترجع على طريق الهاف مون مره ثانيه يصير المكان على يدكم اليمين بعد الدوار مباشره بيجيلكم شارع فرعى دخلوا معاه يوصلكم الى البحر روحوا الجهه اللى على اليمين بس لا تقربون على الشاليهات علشان يجيكم سلاح الحدود.وافضل الاوقات لما يكون المد بالليل و افضل طعم الربيان لا يعلي عليه طعم لكن هذا المكان فيه مشكلتين المشكله الاولي وجود تيارات بحريه قويه و هوا يعنى زى تالا و المشكله الثانيه ان كله حصي يعنى خيوطك بتتقطع فالحل في بمحلات الصيد يبيعون كره كبيره زى كره البيسبول تركبها بدل الثقاله لانه تجر الخيط معاها و ثقيله و تطفح و الصيد بالسناره ورمى بعيد شوي.

رابعا في مكان اخير لكن و الله ما نى عارف كيف اوصفه لانه معقد شوى و لكن هو بالعزيزيه بين الشاليهات جنب شاليه مهجور و هذا المكان عجيب غريب احيانا ما اصيد شى و احيانا اصيد بالثنتين حلالي و نكون احنا ثلاث صيادين نصيد بين 30 الى 40 سمكه من قرقفان و شعوم و احيانا شعرى و فسكر و لحلاح و مشوه و افضل الاوقات لما يكون المد بالليل و الصيد بالربيان و احيانا بصلاخه الميد و الصيد بالسناره ورمى بعيد شوي.

هذا ما عندى من تقرير و ارجو انى افدتكم و استفدتوا منى و سامحونى على التقصير.

 

    افضل اماكن الزيارة بعد صلاة الظهر في الخبر

    قصة الصياد في البحر رمي السنارة جاتو بنت

    مناطق الصيد في الخبر

755 views

اماكن الصيد في الخبر