11:20 مساءً السبت 20 أكتوبر، 2018

النهود عند الرجال علاج ترهل الثدى عند الرجال بسهولة



النهود عند الرجال علاج ترهل الثدى عند الرجال بسهوله

صوره النهود عند الرجال علاج ترهل الثدى عند الرجال بسهولة

بصراحه قولت لازم اعمل التوبيك ده بسبب المتاهات على النت والكلام الكتير مره تلاقى علاج معين للمشكلة دى او وصفة معينة وبعدين تلاقى في مكان تانى ان العلاج اللى انت شوفته ده مضر جدا وبيسبب كذا وكذا وكذا ومتاهات كتير ومحدش عارف ايه الصح من الغلط مع ان الموضوع ابسط من كدا ومش محتاج كل الخرافات دى
طبعا نسبة كبيرة من الرجال بتعانى من المشكلة دى وخاصا في سن المراهقه وده بيتسبب في انك مبتعرفش تلبس اللى انت عاوزه مبتعرفش تمارس بعض الرياضات زى السباحه بسبب الاحراج من شكل الصدر وبتاثر على الحالة النفسيه لصاحب المشكلة .

.

بس اوعدك لو حطيت الموضوع في دماغك شويه ها تتخلص من المشكلة دى باذن الله مع شويه صبر واصرار بس مش اكتر .

.

وطبعا بالنسبة للناس اللى بتفكر في الجراحه فده بيكون كحل اخير اعمل انت كل اللى عليك وفى حالة لو ملقتش نتيجة مع ان ده شبه مستحيل والجمله دى غلط جدا يبقى ساعتها فكر في الجراحه

صوره النهود عند الرجال علاج ترهل الثدى عند الرجال بسهولة

ها نتفق على شويه حاجات بسيطة كدا مع بعض نمشي عليها وان شاء الله النتيجة تبان في زمن قياسى
اول حاجا اللى قالك ان لعب الحديد لعضله الصدر ها يخلى شكلها اكبر لان العضله بتزيح الدهون ومبتتصلش اتصال مباشر بيها فا انت لازم تخس وتنزل الدهون اللى في جسمك في الاول بعدين تلعب حديد فالكلام ده نصه صح ونصه غلط

علشان تخسر الدهون الزايده او الترهل الموجود في الصدر سواء كنت ثمين او جسمك متناسق معادا الصدر ها نمشي على نفس الحاجات اللى هنتفق عليها
ابدء بقى علشان شكلكم اتخنقتم منى .

.

مش حقولك امشي على نظام معين واليوم الاول تاكل كذا والتانى كذا والكلام ده لانى عارف ان محدش بيقدر يستمر عليه ويشترى اكل معين لكل يوم ومحدش بيكمل فيه في الاخر وبنزهق

بس كل اللى هقوله شويه ملاحظات كدا صغيرة وبسيطه
1 – لازم تقول في نفسك انك يا انا يا المشكلة دى  بمعنى اصح لازم تكون واثق في نفسك وواثق انك كل يوم بتتحسن وها توصل للشكل المثالى اللى في دماغك
2 – ابعد عن اكل الفراخ نهائى مسلوقه مشويه محمره اي حاجاااا فراخ لا لانها اصلا سبب المشكلة دى عند معظم الناس اللى بيعانوا من الترهل في الصدر خصوصا جلد الفراخ
3 – اول ما تصحة من النوم على الريق وقبل ما تنام اشرب كوب قرفه بالجنزبيل – يفضل ميكنش فتله – معلقه عسل ابيض وتدوبها فيه .

.

طيب ليه العسل الابيض

؟
اولا بيحلى المشروب
ثانيا ليه دور كبير في اذابه الدهون
ثالثا مش هيخليك تحس بدوخه اثناء الدايت


4 – قطع فص توم على جزئين او تلاته على حسب ما تقدر تبلعه بكوب مايه على الريق – ده مفيد عاما للتخسيس وليها فوائد كتيره جدا –
5 – احنا قولنا اول ما نصحة وقبل ما ننام كوب قرفه بالجنزبيل مع معلقه عسل ابيض طيب قبل الغدا



كوب شاى اخضر بدون اضافه سكر او نصف معلقه او معلقه بالكتير
6 – نظام الاكل واللى احتمال يكون عليه شويه جدل بس انا هقولكم على تجارب شخصيه
لو قولنا مثلا

:

فى اليوم الاول 6 ثمره موز 2 فطار 2 غدا 2 عشا
تانى يوم 3 تفاحات برده واحده وواحده وواحده
تالت يوم 2 زبادي على الفطار – بس نشيل الوش لانه بيبقى فيه نسبة دسم كبيرة –
والغدا بطاطسيه مسلوقه بشويه كمون وملح – بدون زيت –
العشا طبق سلطة وسط كدا يعنى انا مش بقول على نظام معين وهو الاكل ده وبس لكن حاول انه يكون بنفس الكميات دى ومحتويات شبيها يعنى غير انواع الفاكهه ماشى بس ابعد عن العنب والتين والمانجا
ممكن قطعتين لحمه مسلوقه في الغدا .

.

بحيث يكون عدد السعرات اللى داخله الجسم اقل من اللى خارج وفى نفس الوقت ندى للجسم العناصر المهمه اللى بيحتاجها علشان منحسش باى نوع من التعب او الضعف يعنى مثلا خصصت يوم للموز فقط لانه فيه نسبة سكريات مش هتخليك تتعب تانى يوم شيلنا الموز خالص وحطينا تفاح بس لانه ليه عناصر تانيه مفيدة جدا في التخسيس وللجسم عاما اتمنى تكون الفكرة واصله بالشكل المطلوب
7 – ها نمارس نوعين من التمارين واحد منهم اول ما نصحة من النوم قبل الفطار والتانى بعد الغدا بساعتين زى ما انت عاوز
اول نوع من التمرين

:

لو انت عايز تخس بشكل عام يبقى تمشي ساعة يوميا انما لو عايز تخسس الصدر تجرى 30 دقيقة مع تحريك الذراعين وانا بفضل الجرى في البيت في المكان مع سماع الاغاني او الموسيقى المفضله
تانى نوع من التمرين

:

بعد اول اسبوع من الدايت ابدء روح جيم وفهم المدرب انك عاوز تخس مش تبنى الصدر او ما تتكلمش معاه خالص وخش واعمل اللى هنقول عليه
ها تلعب 3 تمرينات بس وقبل ما تبدء في اللعب يستحسن يكون معاك بخاخه فيها خل التفاح وترش وتدلك الصدر قبل ما تبدء لانه بيفتت الدهون العنيده وبيخليها اسهل في الذوبان بس لو هتعمل كدا يبقى شرط اساسى تاخد دش بعد التمرين لتجنب اضرار خل التفاح على الجلد
التمرين الاول

:

تمرين البار المستوى لعضله الصدر ها تلعب بوزن خفيف بحيث تكون بتشيله بسهولة وفى نفس الوقت مناسب يعنى مش خفيف اوى ها نلعب 25 تكرار في 4 مجموعات وناخد 30 ثانية راحه بين كل مجموعة والتانيه
التمرين التانى

:

نفس الكلام بالظبط بس المرادى البار العالى
التمرين التالت

:

اسمه تمرين التفتيح او في تمرين تانى اسمه التجميع على حسب المتاح في الجيم واللى اتنين مسئولين عن تحديد شكل الصدر وبرده ها نلعب 25 تكرار بوزن مناسب 4 مجموعات راحه 30 ثانية بين كل مجموعة ومجموعه
اعتقد كدا التمرينات مش كتير ومش ها نتعب اوى اهم حاجا الاستمرار وان شاء الله النتيجة تبان من اول شهر .

.

طبعا شهر مش مدة قليلة بس دهون الصدر بتكون عنيده وبتاخد وقت على ما تذوب على حسب الحالة ممكن النتيجة تبدء تبان خلال شهر ولحد 6 شهور على حسب الحالة والشكل اللى انت عاوز توصله .

بشويه الحاجات دى باذن الله ميبقاش في مشكلة وتقدر تلبس اللى انت عاوزه وتمارس الرياضه اللى انت عاوزها بس اهم حاجا علشان تنجح لازم يبقى عندك صبر وحماس وثقه بالنفس
اتمنى اكون افدتكم

  • النهود التي يحبها الرجل
  • اجمل صدر رجال
  • صور صدور شباب
  • صدور شباب
  • صور صدر رجال
  • صدر رجل
  • تخسيس الصدر عند الرجال
  • بيت النهود
  • كيفيه تخسيس الصدر عند الرجال
  • احلى النهود ؟

898 views

النهود عند الرجال علاج ترهل الثدى عند الرجال بسهولة