2:21 صباحًا الجمعة 19 أبريل، 2019






افكار هدايا لخطيبك او جوزك

افكار هدايا لخطيبك او جوزك

بالصور افكار هدايا لخطيبك او جوزك 20160712 1115

المناسبات اللى بنحتاج نقدم فيها الهدايا للخطيب او الزوج كتيرة و مختلفة زي عيد الميلاد عيد الحب او عيد الجواز او حتى عشان نحسسة بالشكر و الامتنان لوجودة معانا،

 

لكن كل مرة بنقع في نفس الحيرة حنجيب ايه

 

و يمكن دة لان الاختيار محدود في الهدايا المخصصة للشباب او الرجال،

 

بس حتى لو الافكار مكررة انتي تقدرى تضيفلة لمسة من عندك تخليها مميزة جدا و احنا هنا جمعنالك شوية افكار هدايا لخطيبك او جوزك حتساعدك تخلى المناسبة ما تتنسيش.

قبل ما نتكلم عن الهدايا نفسها،

 

حنتكلم في شوية نقط سريعة حتفيدك جدا عند اختيار الهدية،

 

و هي طريقةاختيار الهدية اللى حتخلى هديتك مميزة و حتخلية يفرح بيها و يقدرها.
طريقة اختيار الهدية
بالصور افكار هدايا لخطيبك او جوزك 20160712 1116
لازم تعرفى كويس اهتماماتة يعني مثلا بيحب الكورة،

 

بيحب الخروج،

 

بيهتم بمظهره،

 

بيهتم بعربيته،

 

و طبعا اكيد انتي عارفة هو رومانسي و لا عملي،

 

بيحب المفاجات و لا لا .

 

.

 

يعني باختصار فكرى شوية في طبيعتة و حتلاقى نفسك بداتى توصلى للحاجة اللى انتي عايزاه.

 

و لو محتاجة مساعدة في موضوع شخصيتة شوفى من هنا افكار هدايا لكل رجل على حسب برجه

الحاجة التانية المهمة هي ميزانيتك يعني لازم تحددى السعر اللى انتي بتتحركى فيه او المبلغ اللى تقدرى تصرفية في مناسبة زي دى عشان تعرفى اختيارك مناسب و لا لا.

طبيعة المنابة اللى حتقدمي فيها الهدية كمان عليها عامل كبير،

 

يعني عيد الميلاد بتبقي الهدية شخصية له هو غير عيد الحب اللى بتبقي الهدية فيه رومانسية اكتر و فيها تقدير لعلاقتكم سوا.

افكار الهدايا
بالصور افكار هدايا لخطيبك او جوزك 20160712 1117
اما بقي الهدية اللى حتتقدم نفسها فدة حيتحكم فيها النقطة الاولي اللى اتكلمنا عنها في البداية اللى هي اهتماماتة و طبيعتة و حنبدا الاول بالهدايا اللى مش مكلفة

لو بيحب البلايستاشين ممكن تجيبى جويستيك و تقوليلة ان دة عشان لما يكون بيلعب مع صحابة و مبسوط يفتكرك و مينساكيش.
لعبة كمبيوتر او بلايستيشن لو كانت دى من اهتماماته.
جمعى صوركم سوا في البوم صور و حطى في اول صفحة من الالبوم ميمورى كارد من بتاعة الموبايل حطى عليها اغانيكم المفضلة.
هاتيلة محفظة جلد و حطى فيها صورتك و ورق صغير مكتوب فيه كلام رومانسي تعبرى فيه عن مشاعرك.
اطبعى صوركم على مج و خدادية و هاتى معاهم منبة عشان تبقي كل حاجة في اوضتة بتفكرة بيكي.
كتاب او رواية جديدة للكاتب اللى هو بيحبه.

اما بالنسبة للهدايا الاغلى شوية و طبعا الهدية قيمتها في معناها مش في تكلفتها،

 

لكن لو كانت ميزانيتك تسمح تقدرى تجيبى حاجات تانية زي مثلا:

ماكينة حلاقة كهربائية.
تى شيرت او بلوفر من الماركة اللى هو بيحبها او كرافتة على ذوقك.
ساعة حلوة تليق مع ستايل اللى بس بتاعة كاجوال او كلاسيك.
جهاز بلايستيشن لو كان دة اهتمامه.
اكسسوارات للعربية زي مثلا فرش كامل للعربية من جوة و في افكار كتير عند محلات كماليات السيارات ممكن تتفرجي و تشوفى اية اللى حيعجبة منه.
اشترى مشغل اغاني و فيديوهات و حطيلة عليه اغانيكم و صوركم سوا.
جهاز رياضى لو هو مهتم بجسمة و وزنة و اختارية على حسب ميزانيتك.
بالصور افكار هدايا لخطيبك او جوزك 20160712 1118

طبعا كل الافكار دى محتاجة طريقة حلوة لتقديمها،

 

و يمكن طريقة التقديم اهم من الهدية نفسها و حتلاقى هنا برضة شوية افكار على حسب ميزانيتك و طبيعة علاقتكم سوا زي مثلا بتحبو الهدوء و الاماكن الهادية او بتحبو الخروج و الدوشة او مثلا لو بتفضلو الاحتفال في البيت.
طريقة تقديم الهدية
احجزى عشاء في مطعمكم المفضل او في مطعم هادى بيقدم اكلاتة المفضلة و بعد العشاء ممكن تقدمي الهدية.
اتقابلو في المكان اللى اتعودتو تتقابلو فيه و ممكن تاكلوا اكل انتي طبختية بنفسك و بعدها قدميلة الهدية.
اعمليلة سلسلة مفاجات و قسمى الهدية تلاتة ابعتى حاجة على الشغل و حاجة على البيت و التالة لما تقابلية تديهالة بس خلى بالك من اسلوب تفكيرة و فكرى لو كان دة حيبسطة و لا حيحرجه.
لو هو متوقع الهدية في يوم معين زي عيد ميلادة استنى يومين كانك ناسية و اعمليلة مفاجاة.
قبل معاد المناسبة بيومين او تلاتة اطلبى منه تروحى مطعم معين و تكوني متفقة مع المطعم لما تخلصو العشاء يطفو الانوار و يقدمو التورتة.
لو هو رومانسي،

 

هاتى صندوق هدايا شكلة حلو و حطى فيه ورق ملون صغير مكتوب فيه كلام رومانسي و حطى معاة الهدية اما لو هو مش حيهت بحاجة زي دى ممكن تخبزى بسكويت في البيت او كب كبيك و تحطية في صندوق حلو و تقوليلة انك عملاة عشانه.

فى النهاية افتكرى انك ممكن تقدمي هدية تذكارية او بسيطة لكن طريقة تقديمها و توقيت التقديم دة حيخليها ذكري ما تتنسيش.

    هدية لخطيبي

    هديه لخطيبي

    أحلا صور محتاجة هدية رجل يقدم زوجته هديه

    افكار هدايا مختلفه لخطيبي

    افكار هدية لخطيبي

    هدايا لخطيبي حسب برجه

1٬862 views

افكار هدايا لخطيبك او جوزك