يوم الخميس 8:39 مساءً 19 سبتمبر 2019



اشعار سودانية رائعة 2019

اشعار سودانية رائعة 2019

صور اشعار سودانية رائعة 2019

صور

الجنيات الحزمو الجبة و عرق الشتوي عليهم نايا و صبا
قول ما دلة .

 

.

 

رجالا حصدوا الحبه
عيشون هادو انكال و اتعبا و منو كتير في الواطا انكبا و باقى مصوبر و اقف قبه
الحمد الاف .

 

.
الشكر الاف

العيش الرقد اصناف اصناف
الولد الكان عزام
..

 

حلاف..
.ضياف
الرزق الجانا مدلا
..

 

الحلق الجاف اتبلا
بالحيل ا جنى ايى و الله
********

صور اشعار سودانية رائعة 2019
الوادى الجانا مترقن
مدد جناحو الطايل شرقا و غربا
القبلى بروقو على القلعات اضربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دله..

 

الحلق الجاف اتبلا
بالحيل ا جنى ايى و الله
**********
مرحاتنا شرابهن يوت ما غبن
شبعانات في الشقل اب شوك ما شبن
الحمل و لدن و ربن
حلماتن تقلن..

 

جرن..

 

فوق سيقانن كبن
اللبن العاتم في ضرعاتن جبن
المغصة ان كان ضرعاتن خربن
القرعة ا و ليد .

 

.

 

السعن ا بنيه
القربة كمان… كبوها المية
المغصة ان كان ضرعاتن خربن
شوفو النعمة السالت فوق قيزان الرمله
ناس البندر لبن الشاى بالعمله

سمح الخمج الفوق اسيادو
سمح العز المن اجدادو
الجنيات المشو ما عادو
كان بالرد اكان اتنادو
غرب حامد و شرق بلة
كانوا بحلبو الضرع الدلا
كانوا بحضرو الخير القدحو معلا
الجنيات ما كفرت بنعمة الله
بالحيل ا جنى اي و الله
*****
جات في يوم و الغيمة تهتف مطرا نقع
فوق نوار الطلح الفقع
ريحة البرد ان جاتك
عطرا فايت خمر الفوق اردافا مجدع
شفنا الوادى يقشقش في دمعات الليل
والتعل الشايل بدا يتفقع

تلب حامد فوق مخلوفة اب زور و اتربع
طلق الرسن اب زمة و سوا خبيبا بدع
هود في رقاب الصي
لا قوة ثلاثة زبيدية
خالفين سيقانن فوق السنكيت
ورقاب البل بيناتن مرخيه
محجوبات بالخرز الفصلو السوميت
كل واحد درقة و سيف و طبنجية و باقى جرابن مليان دلميت
الجنيات اتقبلو و ضاقو الحارة و ضاقو المرة و كان حجازن صقر الجو
حامد كان عارفين ضاقوة رجال قبالكن
شوفو ارزاقكم اخير من ضو
حامد عوج الطندب
ا و ليدات
عوج الطندب نار القصب الهبلت ما بتعدلو
شوفو شلوخو مطارق رقدن
وكل تلاتة يمين سياف اتقبلو
حبوب القارح … ما دله
ولدا ما ختالن زلة
شن قولك فيهو عليك الله
بالحيل ا جنى اي و الله
***********

وين مراتع الدرت الباسط دايما ببكى عليهن
وين بنوت الحلة البكر عصرا بدرى يسون في شاهيهن
بعد الليل ما يهود و نحن نهود..

 

عاد اماتن ينادن ليهن
نمشي على القيزان نتقادم..

 

اقيس الخطوة مع التاتاى و مشيهن
والله البعد الحاصل ما نساني
وحاتكن في قمراتنا بشوفو و شيهن
الا النضم اب غنة اللهج السكر وين بلقاهو
بنات الريل الدوب ليهن
الخوف يا ناس كان يبقي الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعينا بتدنقر من و اليهن
الوجنات الشعن بقن
ود العين النايم زرقن
مو زايغ رسيان و ميقن
زولن كان خدران و محقن
من الشوفة عروقو يطقن
كان الدنيا ب صح تتخلا
كان بركنا معاهن في رملاة الحله
الا كمان بنشوفا مذلة
الجنيات الغابت جابت
انت الجيب

 

 

بس قايلو قميص افرنجى

 

 

و كرتونات كرملة

 

!
لا لا و حاتك حاشا و كلا
ديل يوم عادوا اتلافو الجاهل بحقوق الله
ديل كم لحقو البشهق ضايق و داوو العله
الولد الجاى حقايب سفرو تقال
.تقال من جنس كتاب و مجله

الحكمة النضم اياهو الكان..

 

الحكمة الولد اتوضا و صلى
عادة البلد الدخلت فيهم سكنت .

 

 

سكنت ما ب تتخلا

نحن كمان طارين الحلة و درنا الطله
نشيلا معاهم فرح و ميته
حلاة الموت كان في عبدله
حلاة الموت كان في عبدله

  • حنة سودانية ميه الميه
  • اشعار سودانيه جميله جدا
  • اشعار سودانيه فى الشوق
  • اشعار سودانية
  • صور اشعار سودانيه
  • اشعار سودانيه
  • كلام سوداني
  • شعر حب سوداني دارجي
  • تنزيل صور اشعار سودانية
  • شعر سوداني مقنع

1٬292 views

اشعار سودانية رائعة 2019