3:33 صباحًا الثلاثاء 19 مارس، 2019






اسماك الزينه و انواعها و طرق تربيتها

اسماك الزينه و انواعها و طرق تربيتها

بالصور اسماك الزينه و انواعها و طرق تربيتها 20160614 2575

التفاصيل
اولا: الاحواض
*********
انواع الاحواض في السوق
*****************
احواض صناعه يدويه(التفصيل): يتم تركيبها اما بمعرفتك و لزقها بالسيليكون او محل الزجاج – محلات المتخصصه في الاسماك و بيتوقف سعره على مقاسه و سمك الزجاج 3-4-6-10 ملى و بيركب له في الغالب غطاء خشبى و لكن هذا لا يمنع انك تقدر تصنع حوض في منتهى الجمال و ارخص من الجاهز
احواض جاهزه احواض بتشترى كامله تمتاز بجمال شكلها و ارتفاع سعرها معظم المنتشر في السوق صينى و يتوقف سعره على المقاس و المكونات المجهز بها غطاء بلاستيك – لمبه مخصصه للمياه – فلتر – موتور هواء)
ويكون مميز باشكاله المتنوعه
اختيار مكان الحوض -
مكان الحوض من المهم ان يتم اختياره حسب بعض القواعد و هى ان يكون في مكان سهل الوصول اليه و تنظيفه ,مكان قريب من مصدر ماء حتى يسهل ملؤه , مكان لا تصل اليه اشعه الشمس بشكل مباشر او تصل اليه لفتره ليست طويله ساعه في اليوم مثلا لان اغلب انواع الاسماك لا تفضل ضوء الشمس المباشر ,مكان غير معرض لتيارات هوائيه عالية
ويوضع الحوض على سطح مستوى و يفضل وضع طبقه من الفلين تحت الحوض حتى يستطيع تحمل الضغط

اختيار الحوض المناسب -
يعتقد الكثير ان اقتناء حوض صغير اسهل من اقتناء حوض كبير فيستطيع السيطره عليه و لكن هذا اعتقاد خاطيء لانه كلما صغر الحوض كلما كان عرضه لسرعه الاتساخ و كثره امراض الاسماك فيه و لكن في النهايه هذه الامور تعتمد على ذوق الشخص نفسه و يعتمد حجم الحوض ايضا على نوع السمك الذى ستربيه فهناك انواع تحتاج احواض كبيره كالسمكه الذهبيه و هناك انواع لا تحتاج مساحات كبيره كسمك الجوبي و المولى مثلا
ولكن على حسب حجم الحوض يتم اختيار سمك الزجاج الذى يصنع منه كما يلي
مقاس 30*20*10 يصنع من زجاج 3 مم
40*30*20 4 مم
100*60*30 6 مم
150*50*30 8 مم
200*60*40 10 مم
و بعدها يتم لصقه بماده السيليكون

ملحوظه هامه جدا
يتم غسل الحوض بماء و ملح او باى محلول مطهر مع ملاحظه شطفه بالماء فقط جيدا بعد غسله و من الافضل تجنب الصابون او مسحوق الغسيل
فهو ضار بالسمك و قد يقتلها لان بيتبقى رواسب منه مهما غسلت الحوض

مكونات الحوض
**********
اولا: ادوات الفلتره و التهويه
***********
1 الفلتر لتنقيه المياه من بواقى الاكل و فضلات السمك و للحفاظ على منظر الحوض الداخلى جميل و شفاف يفضل للمتخصصين اختيار الفلتر حسب نوع السمك و حجمه

فهناك اسماك تحتاج لفلتر قوى لانها توسخ الماء سريعا و هناك اسماك تحتاج الى فلتر ضعيف و لكن دائما فان الفلتر الافضل هو الفلتر البيلوجى و لكنه غالى الثمن جدا و غير متوفر بكثره في الاسواق المصريه و يليه فلتر الكهرباء ثم الفلتر الهوائى و منهم الداخلى و الخارجي

الخارجي
*******
فكرته ببساطه انه بيسحب مياه الحوض عن طريق انبوبه لفلتر خارج الحوض و يتم معالجتها حسب مواد الفلتره الموجوده بداخل و حده التنقيه و اعاده المياه مره اخرى للحوض

الداخلي

*******
الباور هيد الاكثر استخداما و متوفر بكثره في السوق)

بيبقى جوه الحوض و بيسحب المياه من اسفل لتمر عبر اسفنجه و تعلق بها الشوائب و تخرج من الطرف الاخر المياه نظيفه

وهناك الفلتر الارضي
**************
(متوفر في السوق و هو يوضع قبل فرش الحوض و يغطي بالحصي و هو مفيد للزرع الطبيعى مش عملى للسمك بس بينضف قاع الحوض

ثانيا: موتور الهواء
************
وظيفته الاساسيه هى تجديد المياه في الحوض بالاوكسجين و اذابه الاوكسجين في الماء
افضل انواع المزوده ب 2 مخرج صامت

ثالثا خراطيم – مسطره هواء السكره)
*****************
توصل بالموتور عن طريق الخراطيم الشفافه لتوصيل الهواء للحوض

ادوات تزيين الحوض
**************
1 الجرش بطانه قاع الحوض و اللى بتغطى القاع و بتدى المنظر الجميل
انواعه
1 جرش مكرونه عيبه بيسود بعد فتره و محتاج نضافه على طول)
2 جرش كسر صدف ام الخلول افضلهم بيحتاج نضافه جامده في الاول بس بيقعدفتره طويله نضيف الحوض و طبيعي
3 – جرش كسر الرخام لايفضل الانواع الملونه لانها بتتفاعل مع الماء و ممكن يموت السمك تاكد ان النوع مستورده الوان ثابته
4 جرش حصى ملون مستورد زى الصوره الوانه ثابته مفيش منه ضرر
5 جرش صدف بيبقى غالى و طبيعي
6 جرش كريستال و بيبقى في كيس و بيتاع بالكيس الكبير و الوسط و الصغير

2 لعبه ما ئيه متحركه بتتركب مع خرطوم الموتور بدل السكريه بتبقى لعبه متحركه في الميه في منتهى الجمال

3 كهوف و اشكال فخار
عشان السمك يستخبى فيها و ممكن تحط اي حاجه فخار بس تكون الوان ثابته او ما لهاش لون

4 زرع صناعى بيدى منظر جميل للحوض و هو عائم في الميه و افضل من الطبيعى لان السمك مش بياكله و شكله احلي

5 خلفيه بلاستيك منظر طبيعى خلف الحوض الزجاجى لتعكس الحوض مع الاضائه و افضلهم البلاستيك عشان يستحمل الميه
6 قطعه شعب مرجانيه طبيعى و صدف
7 و كسر الزجاج و قلوب زجاج بتلاقيها في محلات الانتيكات
8 خشب متحجر و بيدى منظر جميل للحوض

ادوات مساعده
***********
الشبكة
******
وهى ضروريه في العديد من الاستخدامات منها ازاله الطعام الزائد و نقل السمك عند تنظيف الحوض ازاله السمك الميت لا قدر الله
هوز
*****
لتغيير الماء او تغيير جزء منه
السخان
******
ويوضع في الشتاء اذا قلت درجه الحراره و منه تستطيع تثبيت درجه الحراره التى يفضلها السمك
وفيه نوعين نوع عادى و نوع بترموستات عشان يفصل لوحده

التيرموميتر
********
لمعرفه درجه حراره الماء

الدواده
*****
يوضع فيه دود الصيد بالنسبه للسمك الكبير او المفترس اللى بيتغذى عليه
مغناطيس تنظيف
************
من قطعتين واحد خارج الحوض للتحريك للتنظيف الزجاج من الداخل

حضانه
******
بتحتاجها لتفقيس او توليد السمك في نفس الحوض و حمايه صغاره من الاكل من باقى الاسماك

الفحم
*****
اقراص فحم مخصوصه لاحواض السمك لازاله رائحه الزفر من الحوض و يمكن وضع الفحم في الفلتر
مزيل كلور
*******
حبيبات بيضه بتعمل على ازاله الكلور من ماء الحنفيه عشان السمك ما يتاثرش بيه و بدل من ركن الميه لفتره لحد ما الكلور يطلع
ويوجد السائل مستورد غالى الثمن و متوفر في المحلات الكبيره و يمتاز انه مزيل للكلور و منظف و مطهر للماء

بالصور اسماك الزينه و انواعها و طرق تربيتها 20160716 3183

ثالثا … الاضاءه -
توضع الاضاءه في غطاء الحوض الذى يصنع عاده من الخشب و توجد فيه فتحات للتهويه و يجب ملاحظه عدد الوطاط اللزمه لاضاءه الحوض حسب الاتى لكل لتر ماء اضاءه واحد و اط فلو قلنا ان الحوض سعته 100 لتر فان الاضاءه اللازمه له 100واط و هناك العديد من انواع اللمبات و لكن يفضل الفلوريسنت او اللمبات الموفره او لمبات النيون الموفره

حيث انه يعطى الاضاءه المناسبه و لا يسخن و خصوصا عند وضع نباتات طبيعيه داخل الحوض و يراعي ان لاتقل المسافه بيت الاضاءه و سطح الماء عن 15 سم و لا تزيد مده اضاءه الحوض عن 10 ساعات يوميا حتى لا تكون طحالب كثيره على الزجاج

الاسعار و اماكن البيع
****************
افضل مكان لشراء مستلزمات الاسماك اللى كتبتها بالكامل و بزياده كمان
هو السوق التونس سوق الجمعه

***************************
ودى قائمه اسعار هى قديمه بس الاسعار قريبه منها الزيادات بسيطه

اسعار حديثه
**********
موتور 2 مخرج 3 سرعه …
سخان ترموستات ب…
ولمبه 60 سم ب 18 3 لون
و فلتر 2 كوبايةب … الفلتر يستحسن يكون قوى يعنى 600W و انت طالع
سعر الجرش المكرونه بشيقل للكيلو
وفى كيس ب1.5 للكيس
لكن الكيلو افضل للنوعية
وكسر الرخام قطع متوسطه 2.5 الكيلو
الجرش الصناعى الوان ب4 للكيلو
كسر الزجاج الكيس ب 5
السكريه المستورده ب 6
فلتر باور هيد 1750L/H الواحد ب ….[/

بالصور اسماك الزينه و انواعها و طرق تربيتها 20160716 3184
I] ترمومتر 3
هوز شفاط تغيير الميه)

كده انتهى الجزء الاول من الموضوع عن كيفيه اعداد حوض السمك
وان شاء الله الجزء التانى هيبقى خاص بتشغيل الحوض و انواع الاسماك و اسعارها و ظروف تربيتها
والاسواق و كيفيه الشراء و صور و كتب مختلفه و مهمه

************************************************* ***********
الجزء التاني
**********
اولا: تشغيل الحوض
****************
بعد جمع كل مكونات الحوض اللى قلنا عليها الموضوع مش هيكون حوض ميه سمك و خلصت
كده هتفرح بالسمك يوم و هتصحى تلاقى نصه ميت و الحوض مشبر ابيض زى اللبن
فيه خطوات مهمه لاعداد الحوض لاستقبال السمك
1 غسل الجرش جيدا بالماء و تصفيته اكتر من مره للتاكد من نضافته
2 وضع الالعاب و النباتات بعد غسلها طبعا في الحوض و توصيل الموتور بالسكريه و تركيب الفلتر
3 عدم وضع اي اجزاء معدنيه او ملونه تتفاعل مع الماء و تموت السمك
3 تهيئه الدوره البيولوجيه للحوض عن طريق وضع حبيبات مزيل الكلور للتخلص من الكلور من الماء او ترك الماء في الحوض لمده يوم و تشغيل الفلتر الجديد لمده يوم على الاقل بدون وضع سمك للبدء في تكوين البكتريا النافعه يمكنك وضع اسماك تستحمل هذا الوضع في الحوض و تساعد في الاسراع من اعداد الحوض زى الزبالات الكات فيش – و البليكو ستومس ما سحه الزجاج

4 عند شراء الاسماك يجب التركيز على نشاطها في الحوض و حركتها قبل النظر الى شكلها الجمالى لانها ربما تكون مريضه

بالصور اسماك الزينه و انواعها و طرق تربيتها 20160716 3185

5 عند شرائك لاسماك متنوعه يجب التاكد من ملائمتهم للعيش مع بعض في البدايه اذا كان صاحب المحل حاططهم مع بعض يبقى مفيش مشكله لكن لو محل كبير و هتنقى من كذا حوض يجب معرفه طبيعه كل سمكه و مدى قابليتها للتعايش مع انواع اخرى بسؤال التاجر وماتخدش على كلامه اوى لانه عايز يبيع او من خلال الصوره دى و السوال في الانترنت

 

    انواع الخمارات 2015

    اجمل اسماك الزينة

    اسماك الزينة وانواعها

    اسماك الزينة وانواعها بالصور

    اسماك الزينه وانواعها بصور

    انواع نباتات الزينة

    كتاب اسماك الزينه انواع

    كيف نصنع حوض أسماك صناعي مع السمك

    كيف نصنع طحالب

393 views

اسماك الزينه و انواعها و طرق تربيتها